लक्ष्मी कृपा प्राप्ति के सरल प्रयोग

lakshmi kripa prapti ke saral prayog  

Ank ke aur Lekh | Sambandhit Lekh | Views : 24220 |  

is lekh men lakshmi prapti ke totke diye gaye hain. shastron men vibhinn prakar ke upay ullikhit hain, jinse aishvarya v sthir lakshmi ki prapti hoti hai. in upayon men lakshmi prapti ke totke sarvadhik saral upay mane jate hain, jinhen koi bhi vyakti bari sahjta se kar sakta hai. nimnankit lakshmi prapti ke totkon men dhan lakshmi prapti mantron ke jap ko yathochit sthan prapt hai.

yah dharna logon ke man men sthayi rup se ghar kar gai hai ki lakshmi chanchla hai, ek jagah sthayi rup se rukti nahin par satyata iske viprit hai. aisa akarmanya, shram se bachne vale, uttaradayitvon se vimukh rahne valon ne- sthapit karne ki koshish ki hai, lakshmi ka apne ghar men sadaiv vas rakhne ke lie apko imandari se kathor shram karna hoga, tabhi pratyek upay ya prayog safal honge.

prayog 1

vyapar-dukan men hone vali haniyon ke lie, ap manglvar ke din ghar se vayavya disha (uttara-pashchim kona) men parne vale ya dakshinamukhi hanuman-pratima par sindur ka chola charhayen. katore men bache shesh sindur se tulsi ke 11 patton par ek-ek bindi ankit kar, hanuman ji ke mastak par charhayen. agarabatti jalakar sankat mukti ki prarthana karen aur nimn mantra ka 108 bar jap karen. aisa prayog lagatar 16 manglvar karen-

‘‘un anjni sutay vidmahe vayu putray dhimhi, tanno maruti prachodyat’’

prayog - 2

yah upay dhan-agaman ke nae marg kholta hai, sath hi akasmik badhaon se mukti dilata hai. shukla paksh ke somvar ko pratah snan se nivritt hokar ghar ki purva disha men parne vale pipal vriksh ki jar men mitti se shivling nirmit karen. is ling ki puja-kachcha dudh, dahi se snan karakar, dhatura ke fal, ak-pushp, bilva-patra adi se karen. rudraksh ki mala se ‘‘un pashuptye namah’’ mantra se 108 bar jap karke daridrata/abhav se mukti ki prarthana karen. tatpashchat shivling ko nadi ya talab men visarjit kar den. shesh puja-samagri pipal ki jar men hi rahne den, yah prayog lagatar 21 somvar karen. yadi labh hota spasht dikhai de to lagatar yah puja karte rahen.

prayog 3

yah dhan-sanpannata prapti ka prabhavshali upay hai. is upay ko kisi bhi somvar se praranbh kar sakte hain parantu navratri men prabhav adhik rahega. ravivar ko char chote kalash (matki/handi) kharid kar rakh len, somvar ko pratah snanadi se nivritt hokar kisi mandir men jal se bharakar, dhankakar rakh den. inhen koi chere nahin ya ap apne puja sthal ya ekant kamre men bhi rakh sakte hain. agle din pratahkal punah kalash kholakar dekhen ki kis kalash men jal adhik hai. jin kalshon (tin men) men jal kam ho, unka jal pipal par charha den. khali kalash alag rakh den. pani vale kalash men thore-se chaval, 11 gomti chakra, 11 kauri evan ashok ke patte dalakar iska munh dhakkan se band kar den. munh par lal kapra bandh den. kalash par sindur se ‘‘un shri shriye namah’’ likh den, dhup-dip-pushp se puja kar 108 bar lakshmi mantra ka jap kamal gatte ki mala se karen. iske pashchat kalash ko puja sthan ya ishan disha (uttara-purva kon) men rakh den. nitya dhup-dip se puja kar mantra jap karen. lakshmi ane ke nae-nae sadhan evan avasar banne lagenge.

prayog 4

kabhi-kabhi arthik hani uthani par jati hai. aisi sthiti men ham kisi parichit se arthik sahyog mangne hetu jate hain. hamen nishchit dhan prapt ho, uske lie yah prayog karen. shukravar ki sayan apamarg (aunga) vriksh par jal charhayen. hath jorakar agle din pratah kal thori si jar prapti ki prarthana karen. agle din punah jal charhakar thori si jar khod layen. ghar lakar, dhokar, dhup-dip se pujan karen. jar ko safed kapre men lapet kar dayin bhuja men bandhakar sahayta hetu jayen. dhan labh hone ke bad jar ko nadi ya talab men visarjit kar den.

prayog 5

samast grahon dvara pradatt anekon sankton se ham prayah dukhi ho jate hain. dhan-parivar-ashanti adi ka ghor samna karna hota hai. yah upay shanivar se praranbh karke 16 shanivar tak karen. shanivar ko mitti ki choti si handi len. ismen ak ki jar, apamarg ki jar, dub ki jar, pipl-baragad ki jar, shami (shishm) ki pattiyan, am evan gular ki pattiyan rakh len. is kalash men thora sa ghi aur gay ka dudh dalen. thore chaval, mung, gehun, til, pili sarson, chandan, shahad, kush ghas evan thora sa gomutra milakar kalash par dhakkan rakh den. ghi ka dipak jalakar purva ki or munh karke baithen. lal chandan ki mala lekar nimn mantra ka 108 bar jap karen-

‘‘un namo bhaskaray mam sarvagrahanan piranashnan kuru-kuru svaha.’’

mantra ke pashchat is kalash ko sayankal pipal vriksh ki jar ke pas khodakar daba den. vapas ate samay hanuman mandir men prasad charhakar bant den. apki arthik sthiti sudhrne ka marg taiyar ho jayega.

prayog 6

dhan sanpatti men vriddhi hetu yah upay avashya karen, yadi apko bhagya se baragad ke vriksh ke niche uga hua baragad ka paudha mil jaye to shukravar ke din mitti khodakar is paudhe ko ghar le ayen. panchamrit se is paudhe ko snan karakar, dhup-dip den tatha ‘un namo narayn’ ka 108 bar lal chandan ki mala se jap karen. bad men paudhe ko lal kapre men lapetakar, sath men 11 gomti chakra bhi apni tijori ya almari men rakh den. pratyek shukravar ko ukt mantra dvara dhup-dip se puja karen. aisa karne se ghar men lakshmi ka sthayi vas ho jata hai.

bataye gae sabhi prayog anubhut hain. sath hi apko apne kam ke prati parishram aur imandari par avashya dhyan dena hoga, anyatha puri mehanat bekar chali jayegi...

Kya aapko lekh pasand aaya? Subscribe
Kya aapko lekh pasand aaya? Subscribe


dipavli visheshank  October 2014

fyuchar samachar ke dipavli visheshank men sarvopyogi lakshmi pujan vidhi evan dipavli par lakshmi prapti ke saral upay, dipavli evan panch parva, shubh karm se banaen dipavli ko mangalamay, ashtalakshmi, dipavli svaman men hai ek upay v prayog adi lekh sammalit hain. shubhesh sharman ji ka tantra rahasya aur sadhna men saflta asflta ke karan lekh bhi drashtavya hain. masik sthayi stambh men grah sthiti evan vyapar, sheyar bajar, grah spasht, rahukal, pachang, muhutrt grah gochar, rashifal, gyansrita adi sabhi hain. samvatsara-sukshm vivechan jyotish peramiyon ke lie vishesh gyanavardhak sampadkiya hai. samyik charcha men grahan aur uske prabhav par charcha ki gai hai. jyotishiya lekhon men ajivika vichar, falit vichar, lalkitab v makan sukh tatha satyaktha hai. iske atirikt annaprashan sanskar, vastu prashnottari, adarak ke gun aur purva disha ke band hone ke dushparinamon ka varnan kiya gaya hai.

Subscribe

Apne vichar vyakt karein

blog comments powered by Disqus
.