शादी में मंगल की भूमिका

shadi men mangal ki bhumika  

Ank ke aur Lekh | Sambandhit Lekh | Views : 1212 |  
kanya ki kundli se pati ka vichar karte samay surya evan mangal in do grahon se vichar karna chahiye. surya ki sthiti se pati ka bal, ayu, shiksha, disha aur prem ka vichar karna chahie. mangal ki sthiti se pati ki ayu, utsah, samathrya, ijjat, vyavsay, unnati adi ka vichar karna chahie. surya hamare desh men vivah (shadi) ke samay var-vadhu ki kundli men manglik-dosh ka bahut vichar kiya jata hai. amtaur par mangal ke var ke lie mangal ki vadhu thik samjhi jati hai athva guru aur shani ka bal dekha jata hai. manglik doshanusar pati ya patni ki mrityu ka hona mana jata hai. is yojna ke apvad bhi hain- lagn men mesh, chaturth men vrishchik, saptam men makar, ashtam men kark tatha vyay bhav men dhanu rashi men mangal ho to yah mangal vaidhavya yog athva dvibharya yog nahin karta. shani dvara dushit ho to pati adhik ayu ka, durbal, rogi, nirdayi, dushta milta hai aisa pashchatya jyotishiyon ka mat hai. aisi sthiti men anekon jagah yatna karne ke bad vivah deri se hota hai. vivah ke samay pita daridra hota hai athva uski mrityu ke bad vivah hota hai. kintu pati tarun hota hai aur premi bhi. vivah ke pashchat pita ki pragti hoti hai. mangal shani dvara dushit ho-inmen yuti, kendra, dvidrvadsh athva pratiyog ho ya mangal se chaturth ya ashtam bhav men shani ho to ashubh fal milte hain. vidhva hona, vibhakt hona, santan ka n hona adi fal milte hain. santati n hone par hi sanpatti milti hai. putra hote hi divala niklna, naukri chutna, saspend hona, rishvat ke apradh men fansna adi prakar hote hain aur atm hatya athva desh-tyag ka vichar karne lagte hain. jab janmastha mangal se gochar shani ka bhramn hota hai tab ye fal milte hain, pati buddhiman, kalakushal, utsahi hokr bhi kuch nahin kar pata, 50ven varsha tak sthirta prapt nahin hoti. aise men pati dusra vivah bhi kar sakta hai. saut ane par bhagyoday hota hai. lagnadi panch sthanon se anya sthanon men mangal ho to badhak nahin samjha jata. kintu shani dvara dushit ho to un sthanon se bhi ye hi ashubh fal milte hain. ab age kundliyon dvara udaharan spashtikaran karte hain- vivah hua parantu pati se kabhi sanbandh nahin hua. pati ne ise hamesha ke lie tyag diya. is kundli men patikarak donon grah surya tatha mangal, shani se saptam men hanai aur chandra shani ke sath ashtam men hai. is vyakti (pati) ne patni ka parityag kar asamajik stri se punarvivah kiya. patni ki kundli men mangal ke piche shani hai. donon ki kundli men lagnasth shani hai. atah mrityu yog nahin hua. kanya vivah ke 6 varsh bad vidhva hui. yahan mangal ke piche shani hai. patni - ashvin, shak - 1847, ishta-58.46 munbai pati - asharh krishna-3, shak-1836, ishta-58.45ah ratnagiri vivah hote hi pati pagal ho gaya. donon ke lagn men su., sh., bu. tatha man. hai. patni ki kundli men man. sh. se piche hai. stri ko vivah ka sukh nahin mila. san 1939 men vivah hote hi pati bimar hua aur 1941 men uski mrityu hui, donon hi mangli hain. stri ka lagn dushit hone se vaidhavya yog hua. vashishth ne kaha hai- ‘‘murto rahark bhaumeshu randa bhavti kamini’’ arthat lagn men rahu, surya ya mangl ho to vah stri vidhva hoti hai. pati shravan badi- 9, shak-1815, ishta-37, ta. 4-9-1893 patni margashirsh krishna-9 shak-1829, ishta-36.54 ghati in donon ne vivah ke bad garibi men hi din bitae kintu donon men bahut prem tha aur santan bhi achchi hui. patni ki kundli men ashtam men mangal ke piche shani hai. kintu pati ki kundli men lagn men surya, mangal tatha dhan bhav men shani, shukra hai. atah dushparinam nahin ho saka. shrimti harigangabaishha-basai, bhadrapradvdi, chaturthi, shak-1811 suryoday, surt (gujrat). iske janm ke tisre mahine men pita ki mrityu tatha 13 ven varsh men vivah hua. vivah ke tisre mahine men pati ki mrityu hui. santan nahin hui, lagn men surya, mangal tatha shani ka prabhav raha hai. nishkarsha: kanya ki kundli men shani-mangal ka ashubh yog ho, chaturth ya saptam men papagrah ho to uska vivah nahin hota, hua to use vaivahik sukh nahin milta athva vaidhavya prapt hota hai. aisi kanya ke var ki kundli men shukra aur shani ka ashubh yog hona chahie. yuti, pratiyog athva dvidrvadash yog hona chahie. un donon ka jivn garibi men kintu sukh-purvak bitega. kanya ki kundli men mangal dushit ho, to pati par anisht prabhav hota hai. usi tarah pati ki kundli men shukra dushit ho, to patni par anishta prabhav hota hai. islie in donon ashubh yogon ke donon ki kundliyon men ikatthe ane par sukhamay jivn bitta hai. atah donon ki kundliya men keval mangli-mangli ka dosh dekhakar hi vivah nahin kar dena chahie. surya aur shani ke sanbandh bhi dekhne chahie.
Kya aapko lekh pasand aaya? Subscribe
Kya aapko lekh pasand aaya? Subscribe


mangal dosh visheshank  July 2015

fyuchar samachar ke is visheshank men mangal dosh ki vistrit charcha ki gai hai. kundali men yadi lagn, chaturth, saptam, ashtam bhav evan dvadash bhav men yadi mangal ho to aise jatak ko manglik kaha jata hai. vivah ek aisi pavitra sanstha jiske dvara purush evan stri ko ek sath rahne ki samajik manyata prapt hoti hai taki srishti ki nirantarata bani rahe tatha donon milakar parivarik evan samajik dayitva ka nirvahan kar saken. vivah sukhi evan safal ho iske lie hamare desh men var evan kanya ke kundali milan ki pratha rahi hai. kundali milan men var athva kanya men se kisi ek ko mangal dosh nahin hona chahie. yadi donon ko dosh hain to adhikansh paristhitiyon men vivah ko manyata pradan ki gai hai. is visheshank men mangal dosh se juri har sambhav pahlu par charcha ki gai hai. iske atirikt sthayi stambh men bhi vibhinn vishyon ko samavisht kar achchi samagri dene ki koshish ki gai hai.

Subscribe

Apne vichar vyakt karein

blog comments powered by Disqus
.