दीपावली एवं पंचपर्व

dipavli evan panchaparva  

Ank ke aur Lekh | Sambandhit Lekh | Views : 1074 |  
dipavli mahaparva ko jyotiparva ke rup men bhi jana jata hai jo ki dashhra ke 20 din ke bad amavas arthat, kartik mas ki kali andheri rat ko aktubar ya navanbar men ata hai. hindu dharmagranthon ke anusar is din ki vishesh mahatta hai kyonki isi din bhagvan shriram apne rajya ayodhya 14 sal ke bad banvas pura karke vapas aye the. 14 varsh ke banvas ke dauran shriram ne lankadhipti ravan ka ant kiya joki bahut bara vidvan pandit tha, bahut parha likha lekin fir bhi man ka dusht tha. burai par achchai ki is vijay ke bad shriram ayodhya vapas aye. ayodhya ki janta ne unke svagat men puri ayodhya ko jalte diyon se jagmga diya tha. isilie yah parva shriram ke samman men unki lanka vijay ke upalakshya men manaya jata hai. dipavli ke is tyauhar ko dipotsav ke nam se bhi jana jata hai. dipavali andhere se roshni men jane ka tyauhar hai is vishvas ke sath ki satya ki sada jit hoti hai aur jhuth ka nash hota hai. dipavli mahaparva bhi isi manyata ko charitarth karta hai jo ki upnishdon ki bhi agya hai - asto ma sadgamay, tamso ma jyotirgamay. dipavli prakashaparva ke sath svachchata ka bhi parva hai aur is avasar par ghar v vyaparik sansthanon men is bat ko vishesh mahatva diya jata hai. brahmapuran ke anusar kartik amavasya ki kali ardharatri men man lakshmi svayan bhulok men pratyek sadgrihasth ke dvar ati hain tatha jo ghar svachch, shuddh, sanudar v prakashyukt hota hai us ghar men ansh rup men thahar jati hain. dipavli ke is pavitra tyauhar ko hindu dharmavalambiyon ke atirakti sikkh, bauddh tatha jain dharm ke log bhi vishesh utsah se manate hain . dipavli mahaparva par vishesh yantra tatha mantron ka mahatva dipavli paramparik pujaon tatha utsavon donon ka hi parva hai. paramparagat rup men dipavli ki puja ghar men sandhya ke bad ki jati hai. dipavli ki mukhya ratri ko mahalakshmi ji ki pratima ke sath ganesh ji ki puja bhi ki jati hai. shrignesh ji ko kisi bhi karya ke shubharanbh tatha kisi bhi tarah ki rukavat ko dur karne vale vighnaharta ke rup men puja jata hai. jab ye donon sath-sath puje jate hain to mahalakshmi tatha shri ganesh ji sabhi ichchaon ko purn karne vale tatha kisi bhi tarah ki rukavton ka nash karne vale hote hain. adhikatar log riti-rivaj ke sath paramparagat dhang se is din puja archana karte hain. jo puja ka paramparagat dhang nahin jante hain vo pandit ke dvara puja karvate hain. anya kuch log shrignesh tatha mahalakshmi ji ke mantron ke jap bhi karte hain. is din shrignesh ji tatha lakshmi ji ke mantron ka jap vishesh shubh mana jata hai. mahalakshmi ji jo ki sabhi sansarik sukhon, dhan tatha samriddhi ki data hanai is din avashya sabhi manorthon ko pura karti hain aisa mana jata hai. isilie purn vidhi vidhan ke sath unki puja archana vishesh faldayi mani jati hai. vah puja jo mantron tatha vishesh yantron ke sath ki jati hai bahut prabhavi parinam deti hain. pauranik dharm granthon ke anusar, bhagvan shiv ne man parvati ji ko yantron ke rahasyamyi arth ki vyakhya ki thi. bhagvan shiv ne yantron ke mahatva ki vyakhya karte samay bataya ki yantra bhagvan ke lie utne hi mahatvapurn hote hain jaise ki diya ke lie tel ka hona ya kisi jivit prani ke lie sharir ka hona avashyak hota hai. yantra bhagvan ki pratima se jyada shaktishali hote hain. ek yantra hamesha ek vishesh mantra se sanbandhit hota hai. jaise ki man sharir se sanbandhit hota hai fir bhi sharir se alag hota hai usi tarah mantra aur tantra ka sanbandh hota hai. mantra jagrit man hai jabki yantra sambandhit devi ya devta ka akar hota hai. atah is din vishesh yantra ki mantron ke sath puja vishesh faldayi hoti hai . panchaparviya dipavli -- dipavli ke panch din jaisa ki ham sabhi jante hain ki dipavli jyotiparva hai jisko ki asim utsah ke sath manaya jata hai. dipavli ka tyauhar sirf ek tyauhar n hokar tyauharon ki ek shrinkhla hai kyonki is mahaparva ki visheshta iske panch vividh parvon ke sangam men hai tatha pratyek din ka apna ek vishesh mahatva hota hai. panchaparviya dipavli ka yah tyauhar panch dinon tak vishesh utsah se manaya jata hai. dipavli ka pratham din dhanavantari trayodshi kaha jata hai jise dhanteras ke nam se bhi jana jata hai. dipavli ka dvitiya din narak chartudshi ke nam se jana jata hai. yah kartik krishn paksh mane chaturdashi ko manaya jata hai. ise dipavli ki purva sandhya ke rup men choti dipavli ke nam se jana jata hai. dipavli ke tisre din ko vastavik dipavli ke tyauhar ke rup men jana jata hai. is din man lakshmi ji tatha shri ganesh ji ki puja archana ki jati hai. dipavli ke chaithai din govardhan puja ki jati hai. dipavli ke panchven din ko bhai duj ke rup men manaya jata hai. agar sabhi log in sabhi panch dinon ko purn shraddha v samajh ke sath manayen to yah panchdivsiya jyotiparva ham sabhi ke jivan men samriddhi v sampurnata la sakta hai. is varsh dipavli ka yah tyauhar 23 aktubar 2014, brihaspativar ko manaya jayega . is din chitra nakshatra hai. vishkunbh yog ke sath chandrama kanya rashi men bhraman karenge. lekin is mahaparva ka prarambh 21 aktubar 2014, manglvar ko dhanteras ke sath hi ho jayega. dipavli men amavas tithi, pradoshkal, shubh lagn v chaighriya muhurton ka vishesh mahatva hai . dipavli ka pratham din--dhan ters panchaparviya dipavali ka arambh dhan trayodshi ke shubh din se ho jata hai. dipavli se do din pahle dhan teras ka tyauhar manaya jata hai. yah parva krishn paksh men kartik mas ke 13ven din manaya jata hai. isi din bhagvan dhanavantari apne ayurvedik gyan ke sath janmanas ke kalyan hetu samudra se bahar aye the. isi karan se is din ko dhanvantri jayanti ke rup men bhi manaya jata hai. isi din man lakshmi ji bhi samudramanthan ke dauran samudra se prakat huyi thin. isilie dhanavantari dev ke sath is din man lakshmi tatha kuber ji ke pujan ki parampara hai. iske sath hi is din yamdev ki bhi vishesh puja ki jati hai. is din sandhya ke samay hindujan snan adi karke yamraj ko prasad ke sath jalta diya charhate hain aur akasmik mrityu se raksha ki kamna karte hain. dhanteras ka parva vyavsayik varg, kray-vikray karne valon ke lie vishesh mahatva rakhta hai. sandhya samay men ghar ke mukhya dvar par ek bara diya jalaya jata hai. is din nae bartan kharidne ki paranpra hai. is din svarn athva rajat abhushan kharidne ka bhi rivaj hai. is varsh dhanteras ka yah parva manglvar, kartik krishn paksh men 21 aktubar, 2014 ko manaya jaega. is din kuber yantra ki sthapna kar ghi ka dipak jalakar mantrajap ka vishesh fal milta hai. mithai ka prasad bhi arpit kiya jata hai . dipavli ka dusra din--choti dipavli bari dipavli se ek din pahle choti dipavli ka tyauhar manaya jata hai. is din ko narak chaturdashi athva narak chaidas bhi kahte hain. is din bhagvan krishn ne rakshasaraj narkasur ka vadh kiya tha tatha is sansar ko bhay se mukt kiya tha. is din sandhya samay men puja ki jati hai aur apni-apni paranpra ke anusar diye jalae jate hain. is din ek purane dipak men sarson ka tel tatha 5 ann ke dane dalakar ghar ki nali ki or rakha jata hai. ise yam ka dipak kaha jata hai. is varsh choti dipavli budhvar, kartik krishn paksh 22 aktubar, 2014 ko manaya jaega. is din ghar se nakaratmak urja ka nash karne ke lie vishesh yantra ka mantron ke sath prayog kiya ja sakta hai . dipavli ka tisra din--bari dipavli yah panchaparviya dipavli ka mukhya din hota hai. is din man lakshmi ji, jo ki dhan v samriiddhadayak devi hain, unki puja-archana ki jati hai taki ghar men dhan v samriddhi ka agaman ho, achchai ki burai par vijay ho tatha sansar men vyapt andhkar ko jyotiparva ke sath khatm kiya ja sake. shri lakshmi ji ka pujan v dipavli ka mukhya parva kartik mas ke krishn paksh ki amavasya tithi men pradosh kal, sthir lagn ke samay manaya jata hai. sandhya samay men ganesh ji tatha lakshmi ji ka pujan pure vidhi-vidhan se kiya jata hai. pujan ke bad mithai khane ka rivaj hai. bachche aur bare milakar atishbaji chalate hain. bam-patakhe forte hain. andhkar par prakash ki vijay ka yah pavan parva samaj men ullas, bhaichare v prem ka sandesh failata hai. yah tyauhar 23 aktubar 2014, brihaspativar ko manaya jaega. is din ganesh yantra v shri yantra ki sthapna ke sath mantra jap vishesh faldayi hote hain. isse ghar ki nakaratmak urja ka nash hota hai tatha ghar men sukh, dhan tatha samriddhi ka agaman hota hai. dipavli ka chaitha din govardhanapuja/annakut dipavli se agle din govardhan puja ki jati hai. is din shrikrishn ne govardhan parvat uthakar brijvasiyon ka uddhar kiya tha tatha brijvasiyon ko govardhan puja karne ke lie protsahit kiya tha. is din ko annakut ke nam se bhi jana jata hai. hindujan mandiron v gharon men bhagvan shrikrishn ke prasad hetu vibhinn prakar ki sabjiyon ko milakar ek sabji banate hain, jise annakut kaha jata hai. annakut ke sath puri bhi banai jati hai. kahin kahin sath men karhi-chaval bhi banae jate hain. ratri samay men govardhan puja bhi ki jati hai . is varsh govardhanapuja/ annakut ka parva shukravar ko kartik mas, shukla paksh ki pratipda ko 24 aktubar, 2014 ko manaya jaega. is din avashyaktanusar rudraksh dharan kar ap sukh, samriddhi, dhan, man, sampada adi prapt kar sakte hain . dipavli ka panchvan din--bhaiya duj dipavli ka panchvan din bhaiya duj ke nam se jana jata hai joki govardhan puja ke bad manaya jata hai tatha samanyatah dipavli ke do din bad is tyauhar ko manate hain. dipavli ka yah parva bhai-bahnon ko samarpit hai . hindu dharmagranthon ke anusar is din mutyu ke devta yam apni bahan yamuna ke ghar jate hain. yamraj ne apni bahan yamuna ko ek vardan diya tha jiske anusar is din jo bhi yamuna men snanadi karega vah sabhi prakar ke papon se mukt ho jayega tatha apne ant samay men baikunthdham ko prapt karega. isi karan se is din bhai apni bahan ke ghar apne kalyan hetu jate hain. yah tyauhar kartik shukla paksh ki dvitiya ko manaya jata hai. is din bahnen apne bhaiyon ko tilak karti hain aur mithai khilati hain. bhai badle men bahan ko uphar dete hain. is varsh bhaiya duj ka yah tyauhar shanivar, kartik mas, shukla paksh ki dvitiya tithi ko 25 aktubar 2014 ko manaya jaega.
Kya aapko lekh pasand aaya? Subscribe
Kya aapko lekh pasand aaya? Subscribe


dipavli visheshank  October 2014

fyuchar samachar ke dipavli visheshank men sarvopyogi lakshmi pujan vidhi evan dipavli par lakshmi prapti ke saral upay, dipavli evan panch parva, shubh karm se banaen dipavli ko mangalamay, ashtalakshmi, dipavli svaman men hai ek upay v prayog adi lekh sammalit hain. shubhesh sharman ji ka tantra rahasya aur sadhna men saflta asflta ke karan lekh bhi drashtavya hain. masik sthayi stambh men grah sthiti evan vyapar, sheyar bajar, grah spasht, rahukal, pachang, muhutrt grah gochar, rashifal, gyansrita adi sabhi hain. samvatsara-sukshm vivechan jyotish peramiyon ke lie vishesh gyanavardhak sampadkiya hai. samyik charcha men grahan aur uske prabhav par charcha ki gai hai. jyotishiya lekhon men ajivika vichar, falit vichar, lalkitab v makan sukh tatha satyaktha hai. iske atirikt annaprashan sanskar, vastu prashnottari, adarak ke gun aur purva disha ke band hone ke dushparinamon ka varnan kiya gaya hai.

Subscribe

Apne vichar vyakt karein

blog comments powered by Disqus
.