जड़ी-बूटी के सम्मोहन कारक प्रयोग

jari-buti ke sammohan karak prayog  

Ank ke aur Lekh | Sambandhit Lekh | Views : 75870 |  

vyaktitva-vyavhar ko sammohan ka satvik adhar mana jata hai. dusra adhar arthat tantra vidya sarvatra prashansniya nahin hai. prayogbhed se yah ninandniya bhi hota hai. tantra-vidya men aise kitne hi prayogon ka varnan hai jo prabal sammohan shakti se sanpann mane jate hain. dhyan rahe ki durbhavna athva matra kautuhal ke lie koi sadhna nahin ki jani chahiye. tantra-mantra ke prayogon men nijhit ki apeksha lokhit ko variyata dena shreyaskar hota hai.

sammohan ke prabhav:

sammohan ke prabhav men marij ko kyahota hai? sabse pahle uska sachetan man kam karne se hat jata hai aur uske achetan man ki duniya sakar ho uthti hai. daktar ke puchne par marij apne achetan man men chipi baton ko batane lagta hai. is prakar daktar marij ki bimari ke un manovaigyanik karnon ko jan pata hai jo uske achetan man men chipe hue hote hain. manovaigyanik daektar bimariyon ke ilaj men sammohan ka prayog karte hain. apreshan se pahle marij ke bhaybhit hone par sammohan dvara uske man ko shanti di jati hai. prasuti ke samay hone vali pira ko bhi sammohan dvara kam kiya ja sakta hai.

bina kisi sharirik nuks ke haklana, lagatar hichki ana, ulti hona, ghabrahat ke karan bhukh n lagna adi aisi bimariyan hain, jinhen dur karne men sammohan ne bahut sahayta ki hai. mansik tanav kam karne men bhi yah sahayak siddh hua hai.

atah daktar jitne arse ke lie chahe, marij men sammohan paida kar sakta hai fir jagane ka sujhav dekar nidra tor bhi sakta hai. ek ya do ghante ke bad sammohan ka asar jata rahta hai aur marij khud hi jag jata hai. manviya vidyut ka yahi pravah ya prabhav paraspar ke akarshan men apna sahyog deta hai. ubhrti hui avastha men yahi pravah v prabhav sharir ke akarshan ki bhumika banakar samne ata hai. us samay uska sadupyog hone se manushya men ojasvita, tejasvita, varchasvata adi gunon ka samuchit vikas hone lagta hai. yadi vah vikas niyamit rup se barhta rahe to manushya anek mahatvapurn karya kar sakta hai.

parantu us vikas ki aniyamitta uske gunon men vriddhi ya hani ka karan bhi ban sakti hai. yadi vriddhi hoti hai to koi n koi asamanyata parilakshit hone lagti hai. bhim, arjun, bhishm, hanuman, man kali adi ke mahabli hone ka rahasya vidyut urja ki vriddhi samjhni chahiye. iske viprit is urja athva pravah ki hani manushya ko nirbal aur hin banane ka karan banti hai. is karan hi manushya apne andar hin bhavna anubhav karne lagta hai jisse sahas aur utsah men kami ho jati hai.

is prakar vidyut shakti ki nyunadhikta manushya ko hin aur shreshth banane men karan hoti hai. sharir ke ang-pratyang men vidyut urja ki utpatti men sahayak anek upkrnon ke sath hi rasaynik padarthon ki bhi kami nahin hai. rakt sanchar ki vah kriya in sabhi ko sanchrnshil rakhti hai aur bijli utpadan ka karya bhi anavarat chalta rahta hai.

tantrik prayog

sammohan ka tantrik prayog har kisi ko karne ki anumti nahin hai. sammohan ke prayog koi chamatkar nahin hai. koi bhi vyakti ise sikh- samajh sakta hai parantu usi ko sikhne ki anumti milni chahie jo dvij-dev-guru bhakt ho aur jan kalyan karya karne ki bhavnaon se yukt ho.

sammohan lep - safed dhundhli ki patti aur brahmadandi ki jar pisakar lep banayen. nimnalikhit mantra ki ek mala jap kar is lep ko shuddh aur jagrit kar len.

an an in un un rin rin fat svaha.’’

is lep ko ubatan ki bhanti sharir par malne se, darshakon ke man men sadhak ke prati sahaj hi sammohan ka prabhav utpann ho jata hai. dhundhchi ki patti late samay bhi ukt mantra ka uchcharan karna chahiye.

sammohan gutika: tulsi ki pattiyan chaya men sukhakar unhen bhang ke bij aur asgandh milakar gay ke dudh men pis len. bhali-bhanti pis jane par mitti ki goliyan bana len. goli bahut choti-ek -ek ratti ki honi chahiye. goliyon par uprokt mantra ki ekmala ferakar unhen siddh kar len aur sevan karen. niyamit rup se pratahkal ek goli khai ja sakti hai. is goli ke prayog se sammohan ka prabhav utpann hota hai.

sammohan karak tika

  • sindur, safed dub, nagrbel ka patta milakar pisen. is lep ko mantra dvara shuddh karke tike ki bhanti lagane se sammohan prabhav utpann hota hai.
  • hartal aur asgandh ko kele ke ras men pis kar lep banaen aur mantra dvara shuddh kar len. is lep ka tilak lagane se sammohan ka chamatkar pratyaksh anubhav hota hai.
  • ghi, kua v medhasingi aur jalbhangra pisakar mantra dvara siddh kar len. yah sammohan ke lie shreshth tilak hai.
  • madar ki jar sindur aur kele ka ras ek sath pisakar lep banaya jaye, uprokt mantra dvara prabhavit karne ke bad iska prayog sammohan ka adbhut chamatkar dikhata hai.

sammohan shakti ka anjan - makkhan, ajaras, shvetark mul ek sath pis len tatha mantra dvara shuddha-siddh kar len.

yah mantra siddh lep anjan ki bhanti ankhon men lagane se sammohak drishti utpann karta hai.

sammohan shakti ke anya prayog:

  • lal apamarg ki tahni se 6 mas tak datun karne par vani men sammohan aur vachan siddhi ka prabhav utpann hota hai.
  • isi paudhe ki jar le ayen, uski bhasm banakar dudh ke sath pine se santanotpatti ki sthiti banti hai. stri purush donon ko pina chahiye.
  • iske bijon ka chaval nikale. un chavlon ki khir khane se bhukh mar jati hai.
  • safed latjire ki jar kisi shubh-muhurt men lakar pas rakhen. yah kalyankari hoti hai.
  • iski jar kisi shubh-muhurt men lakar pisen aur tilak karen is tilak men vashikaran ki shakti hoti hai.
  • bahera aur apamarg (shvet) ki jarane lekar shatru ke ghar men dalne se uska parivar uchchatan grast ho jata hai.
  • vichchu ke dank marne par iski patti pisakar laga den vish uttar jayega. iski lakri bhi bichchu ka vish dur kar deti hai.
  • iski jar ka lep shastra prahar se raksha karta hai.
  • sonth ki mala pahnne se jvar utar jata hai.
  • shvet kaner ki jar ko dayen hath men bandhne se jvar shant ho jata hai.
  • safed madar ki jar dharan karne se najar aur pret badha dur ho jati hai.
  • sahdevi paudhe ki jar ke sat tukre karke kamar men bandhne se atisar rog mit jata hai.
  • safed dhundhchi ki jar ghisakar sunghne aur use kan par bandhne se adha shishi ka dard mit jata hai.
  • sehund ki jar danton tale dabane se dantkit nasht ho jate hain.
  • loban ki jar gale men bandhne se khansi dur ho jati hai.
  • safed dhundhuchi ki jar sir ke niche rakhne se anidra rog mit jata hai.
  • tilli ka rog dur karne ke lie gale men pyaj ki mala pahnna labhdayak hai.
  • kamal ke bij aur chaval bakri ke dudh men pisakar khir banayen. yah khir khane valon ko char din tak bhukh nahin lagti.
  • satyanashi ki jar pan men khilane se bichchu ka jahar utar jata hai.
  • shirish vriksh ke fulon ki mala pahanakar bhojan karne se khurak barh jati hai.
Kya aapko lekh pasand aaya? Subscribe
Kya aapko lekh pasand aaya? Subscribe


vashikaran v sammohn  August 2010

sammohan parichay, sammohan v vashikaran labh kaise len ? jari buti ke sammohan karak prayog, shatakarm sadhan, dattatrey tantra men vashikaran, tantrik abhikarm se pratirakshan adi vishyon ki jankari ke lie aj hi parhen vashikaran v sammohan visheshank.falit vichar kolam men parhen acharya kishor dvara likhit rajbhang yog namak gyanavardhak lekh. is visheshank ki satyaktha vishesh rochak hai.

Subscribe

Apne vichar vyakt karein

blog comments powered by Disqus
.