मीरा की भक्ति भावना

mira ki bhakti bhavna  

Ank ke aur Lekh | Sambandhit Lekh | Views : 9901 |  
mira ki bhakti bhavna- krishn prem do. bhagvan sahay shrivastav krishn bhakton men mira bhi ek pramukh nam hai. unki bhaktimay jivan ki dhara kin-kin moron se nikalakar apne aradhya men vilin ho gai uska ek sanpurn chitra is lekh men prastut kiya gaya hai. krishn bhakti ki ananya prem bhavnaon men apne giradhar ke prem men rang rati mira ka dard bhara svar apni alag pahchan rakhta hai. samast bharat us dard divani ki madhurya bhakti se ot-prot rassikt vani se aplavit hai. apne nari vyaktitva ki svatantra pahchan nirmit karne vali tatha yug ki vibhishikaon ke viruddh sangharshashil vidrohini mira ka janm rajasthan men merta kasbe ke kurki gram men hua tha. mira krishn ki ananya upasika thi. bhakti bhavna ke avesh men unhonne jin padon ka gan kiya hai ve is tarah se hain - git govid ki tika, rag govind, nrisinh ji ko mayro. mira ki bhakti-bhavna madhurya bhav ki rahi hai. adhyatmik drishti se vo krishn ko apna pati manti hai. mira apne krishn prem ki divani hain. unhonne apni is prem beli ki ansuon ke jal se sinchai ki hai. jaise ''mhan-giradhar rangrati'' panchrang chola paherya, sakhi mhan jharamat khelan jati. krishn ke prati bhakti-bhavna ka bijaropan mira men bachapan men hi ho gaya tha. kisi sadhu se mira ne krishn ki murti prapt kar li thi. vivah hone ke bad vah us murti ko bhi apne sath chittaur le gai thi. jayamal vansh prakash ke anusar mira apne shikshak pandit gajadhar ko bhi apne sath chittaur le gai thi aur durg men murlidhar ka mandir banvakar seva aur puja adi ka samast karya gajadhar ko saunp diya. is prakar vivah ke bad bhi mira krishn ki puja tatha archana karti rahi, parantu mira ke vidhva hote hi us par jo vipattiyon ke pahar tute, usse uska man vairagya ki or unmukh ho gaya. jyon jyon mira ko kasht diye gaye, mira ka laukik jivan se moh samapt hota gaya aur krishn bhakti men unki nishtha barhti gai. vah krishn ko apne pati ke rup men svikar kar amar suhagin ban gai. mira ki adhyatmik yatra tin sopanon se gujrti hai. pratham sopan, praranbh men uska krishn ke lie lalayit rahne ka hai. is avastha men vah vyagrata se gati hain. 'main virhni baithi jangu, jag soveri ali' aur krishn milan ki tarap se bol uthti hain ''daras bin dukhan lage nain''. dvitiya sopan yah hai ki jab krishn bhakti se upalabdhiyon ki prapti ho jati hai aur vah kahti hai, ''payo ji, mainne ram ratan dhan payo.'' mira ke ye udgar unki prasannata ke suchak hain aur isi tarang men vah kah uthti hai ''sajan mhare ghari aya ho, juga jugari jivta, virhni piya paya ho''. tritiya evan antim sopan vah hai, jab unhen atm bodh ho jata hai jo sayujya bhakti ki charam sirhi hain. vah apni bhakti men sakhay bhav se ot-prot hokar kahti hain ''mhare to giradhar gopal, dujo n koi''. mira apne priyatam krishn se milakar uske sath ekakar ho jati hai. 16vin sadi men bhakti ki jis dhara ka udgam mira ne kiya tha, aj bhi vahi bhakti dhara usi pratha se pravahit ho rahi hai. vastav men mira nari santo men ishvar prapti hetu lagi rahne vali sadhikaon men pramukh thi aur shayad hai. unki bhakti se ot-prot sahitya anya bhakton ke lie marga-nirdeshan karta raha hai. mira ke kavya men sansarik bandhno ka tyag aur ishvar ke prati samarpan ka bhav drishtigat hota hai. unki drishti men sukh, vaibhav, man-samman, pad-pratishtha adi sabhi mithya hai. yadi koi satya hai to vah hai- ''giradhar gopal''. mira ke vichar atit aur vartaman se sanbaddh hokar bhi maulik the. paranpra-samarpit hokar bhi purnatah svatantra the, vyapak hokar bhi sarvatha vyaktinishth the. pag ghunghru bandh mira nachi re ! balyakal se hi mira men bhagavat bhakti ke sanskar jagrit hone lage the. ve apni saheliyon ke sath khel khilvar men bhi thakur ji ki puja, byah, barat aur nitya navin utsav ka khel khelti thin. unke hriday mandir men bachapan se hi aise alaukik premanurag ki chata chitkne lagi thi, jise dekhakar logon ko ashcharya hota tha. krishn murti ke lie hath : jab mira keval das varsh ki thi, unke ghar abhyagat ban kar aye sant ke pas shrikrishn ki ek murti thi. jab ve uski puja karne lage, mirabai bhi us samay unke pas ja baithi. bal-sulabh mira ka man murti ke saundarya par akrisht ho gaya. unhonne sadhu se pucha, 'maharaj, ap jinki puja kar rahe hain, inka kya nam hai?' sadhu ne uttar diya 'vah giradhar lal ji hain.' mira ne kaha 'ap, inhen mujhe de dijie.' isse vah sadhu bara rusht hua aur vahan se chala gaya. mira ne murti prapt karne ke lie hath kiya aur vah ann jal sab chor baithi. ghar ke log pareshan ho gaye. jab mira ne lagatar sat din kuch nahin khaya, tab us sadhu ko bhagvan ne svapn men murti mira ko dene ka adesh diya. sadhu ne vaisa hi kiya. girdhrlal ji ki murti pakar mira atyant prasann hui aur nitnem ke sath athon yam uski puja archana karne lagin. ek din mira ne ek barat dekhi. anek prakar ke baje baj rahe the, dulha palki men baitha tha. mira ne ghar valon se pucha ki mera dulha kaun hai? uttar mila - giradhar lal ji hi tumhare pati hain. usi din se mira ne bhagvan krishn ko hi apna pati man liya. ve usi din se magn hokar gane lagin. ''mere to giradhar gopal dusro n koi. jake sir mor mukat mero pati soi॥ mira apne priyatam krishn se milakar uske sath ekakar ho jati hain, 16vin sadi men bhakti ki jis dhara ka udgam mira ne kiya tha, aj bhi vahi bhakti dhara usi pratha se pravahit ho rahi hai. vastav men mira ishvar bhakti ki lagan vali sadhikaon men unka nam sarva pramukh hai.
Kya aapko lekh pasand aaya? Subscribe
Kya aapko lekh pasand aaya? Subscribe


bhagavat prapti  February 2011

bhagavat prapti ke anek sadhan hain. yah marg kathin hote hue bhi jis ek matra sadhan ananyata ke dvara prapt kiya ja sakta hai, aie ,janen sahaj shabdon men nirupit sadhna ka yah svarup.

Subscribe

Apne vichar vyakt karein

blog comments powered by Disqus
.