हर प्रकार के शत्रु से छुटकारा दिलाए बगलामुखी यन्त्र

har prakar ke shatru se chutkara dilae baglamukhi yantra  

Ank ke aur Lekh | Sambandhit Lekh | Views : 1800 |  
har prakar ke shatru se chutkara dilae baglamukhi yantra ! dae. bhagvan sahay shrivastav shastron men nau prakar ke shatru mane gae hain, jinki vajah se hamari pragti sahi prakar se nahin ho pati. ye nau shatru is prakar hain- pratyaksh shatru: jinse ham shatruta ka bhav rakhte hain. apratyaksh shatru: jo spasht rup se hamare samne tanakar to nahin khare hote parantu unki sari pravrittiyan shatruvat hoti hain. vishvasghati shatru: jo hamare mitra hain, hamare vyapar men partanar hain, jin par ham bharosa karte hain, samay parne par ve hi hamen dhokha dete hain. aise shatru atyant ghatak hote hain. rin shatru: karj apne ap men purn shatru hai, kyonki jab paise mangne vala vyakti kisi samay darvaje par a dhamkta hai to jo vedna hoti hai, vah bhuktabhogi hi samajh sakta hai. islie yah shatru bhi hamari unnati men purn rup se badhak hai. daridrata shatru: daridrata ya nirdhanata hamare jivan ka prabal shatru hai. daridrata jivan ka abhishap hai, kyonki jab ghar men garibi hoti hai, to ham apne jivan men jo unnati chahte hain, vah nahin kar pate aur pag-pag par hamen apmanit hona parta hai. islie daridrata rupi shatru bhi jivan ki pragti men purn rup se badhak hai. rog shatru: jivan men sab kuch hote hue bhi vyakti bimar, ashakt aur kamjor yo ya bimariyon se grast ho, to vah pragti nahin kar sakta. aise men jine ki jo umang hoti hai, vah umang hi samapt ho jati hai. kubharya shatru: ham vivah islie karte hain ki hamara jivan sucharu rup se chal sake. yadi jivnsathi kumarg par ho, bimar ho, kadm-kadam par apmanit karne vala ho, sukh n dene vala ho, to nishchay hi vah shatru ke saman hota hai. ham samaj ke bhay se use kuch kah bhi nahin sakte aur hamen barabar apman, nirasha, hatasha ka ghunt pi kar rahna parta hai. santan aur parivar ke prati apna dayitva n nibhane vala jivnsathi bhi shatruvat hota hai. kuputra shatru: yadi putra pareshani paida karne vala ho, ashikshit ho murkh ho, bhrasht ho, kumarg par chalne vala ho, agyakari aur age barhne vala n ho, rogi aur alsi ho, to vah shatru tulya hota hai. bhagyahinta shatru: yadi hamara bhagya kamjor ho, ham achche ke lie prayatn karen aur saflta n mile, yadi ham parishram karen aur uska parinam prapt n ho, yadi ham vyapar ke lie mehanat karane aur labh n mile, to yah bhagya ka dosh hi hai aur aisa bhagya bhi shatrutulya hi hota hai. upar varnit in nau prakar ke shatruon men se yadi vyakti ka ek bhi shatru ho, to uski pragti ruk jati hai. uski akankshaen, ichchaen sab kuch samapt ho jati hain aur vah jo kuch karna chahta hai, nahin kar pata aur uska jivan kathinaiyon se bhara rahta hai. upnishdon men spasht rup se kaha gaya hai ki apne shatruon ko har halat men samapt karna hi chahie. shatruon par vijay prapt karna hi jivan ki purnata hai. yon to tantra granthon men shatruon par vijay prapti ke kai vidhan batae gae hain, parantu shatruon ko apne anukul banakar shatruta samapt karne ke lie anya upayon ki apeksha baglamukhi yantra ki sthapna kar uski puja upasna karni chahie. mukdme men saflta ke lie, vyapar men ane vali kisi bhi prakar ki badha aur satta se milne vale kasht se bachav ke lie, hamesha vijyi rahne ke lie, ghrinit tantra prayog ke prabhav ko samul nasht karne ke lie, puja-path, anushthan aur samast aradhnaon men turant saflta pane ke lie bag baglamukhi mahayantra ka upyog shukravar ko snanadi se nivriÿa hokar svachch vastra dharan karke apne puja ghar men siddh muhurt men pila kapra bichakar us par baglamukhi yantra ko sthapit karen. yantra par haldi ka tilak lagaen, dip jalakar apni manokamnaon ki purti hetu prarthana karen. yah kriya keval pratham din yantra sthapit karte samay hi karen, shatru badha dur hogi. yadi bhishan mrityu tulya shatru badha ho, to pratidin pile asan par baithakar pauranik stotra ka ek path karen. jis ghar men yah mahayantra sthapit hota hai use kisi prakar ke shatru aur vipÿiayan nahin gherti hain.
Kya aapko lekh pasand aaya? Subscribe
Kya aapko lekh pasand aaya? Subscribe


baglmukhi visheshank  March 2009

bagulamukhi visheshank men ap jan sakte hai, shatru badha nivaran aur baglamukhi sadhna, shri baglamukhi mantra upasna vidhi, aishvaryadayak shri baglamukhi ka rahasya tatha baglamukhi yantra ka mahatva vistrit rup men parha ja sakta hai.

Subscribe

Apne vichar vyakt karein

blog comments powered by Disqus
.