दीपक से जुड़े कल्याणकारी रहस्य

dipak se jude kalyankari rahasya  

Ank ke aur Lekh | Sambandhit Lekh | Views : 51041 |  

arti ki sahi vidhi

hindu sanskriti men puja path, anushthan, havan, yagya adi karmon men dipak dvara arti karne ka vidhan hai. puja ki thali men kapur dalakar bhi arti ki jati hai. arti ke lie dipak athva thali ko kis prakar pakdna chahie v kis prakar sanbandhit devi-devta ke samaksh ghumaya jana chahie iski bhi vidhi hai. yadi yah karm vidhi anusar n kiya jae to sanpurn puja ka fal nishfal ho jata hai.

dipmalika pujan ki vidhi

bhartiya utsav shrinkhlaon men dipavli ka tyauhar atyant mahattvapurn hai. is din mahalakshmi ka pujan dipmalaon se kiya jata hai. dipmala se tatparya hai ki kisi patra athva sthan vishesh par gyarah, ikkis ya adhik dipkon ko prajjvalit kar mahalakshmi ke samip rakhakar us dip-jyoti ka un dipavalyai namah mantra se gandhadi upcharon dvara pujan kar is prakar prarthana ki jati hai.

tvan jyotistvan ravishchandrau vidyudagnishch tarkaah.
sarveshan jyotishan jyotirrdopavalyai namo namah..

is prakar dipmalaon ka pujan karke apne achar ke anusar santra, ikh arthat ganna, dhan ka lava (khil) ityadi padarth chadhaen. ganesh, mahalakshmi tatha anya sabhi devtaon ko bhi arpit karen v ant men anya sabhi dipkon ko prajjvalit kar sanpurn ghar ko alankrit v prakashman karen.

vishesh: pratham apne isht devta ke charnon ki tin bar arti utaren aur do bar mukharvind se charnon tak utaren jismen sanpurn chakra banaen tadnusar tin bar un ki akriti banaen. is prakar arti sanpurn hoti hai.

keval prakash hi nahin deta dipak

un dipo jyotiah paran brahma dipo jyotirjanardanah.
dipo hartu men papan sandhya dip namostu te..

vyakhya: dipak ki jyoti ko jyotirmay kar prajjvalit karne vale parabrahm parmeshvar janardan kahte hain ki sandhya ke samay dip prajjvalit kar namaskar karne se papon ka nash hota hai.

shubhan bhavtu kalyanbharogyan pushti vardhanam.
atmatatva prabodhay dip jyoti namostute..

vyakhya: shubhta pradan karne vali kalyankari, arogya dur kar svasthya labh pradan karne vali v atm tatva ko prakashman karne vali dipak ki jyoti ko hriday se namaskar karta hun.

dipak se judi manyataen

dipkon ke akar, prakar v prajjvalit karne ki vidhiyan unke prayojan uddeshyon ki bhinnataon ke adhar par nirdharit ki gai hain. atah sarvapratham dipak prajjvalit karne ke bhinn uddeshyon ki charcha avashyanbhavi pratit hoti hai: -

  • manyata hai ki tulsi ke paudhe par sandhya ko dipak prajjvalit karne se us sthan vishesh par buri shaktiyon ka dushprabhav nahin padta aur prajjvalit karne valon ke papon ka nash hota hai.
  • pipal ke vriksh ke niche prajjvalit kie jane vale dipak anek manyataon se jude hain. kaha jata hai ki pipal par brahma ji ka nivas hai islie pipal ko katne vala brahm hatya ka doshi kahlata hai. shanidev ko iska devta mana gaya hai aur pitron ka nivas bhi isi men hai aisi manyata hai kahte hain ki:
  • 1. pratyek amavasya ko ratri men pipal ke niche shuddh ghi ka dipak jalane se pitar prasann hote hain.

    2. pipal ke niche sarson tel ka dipak lagatar 41 din tak prajjvalit karne se manovanchit falon ki prapti hoti hai.

    3. til ke tel ka dipak 41 din lagatar pipal ke niche prajjvalit karne se asadhya rogon men abhutpurva labh milta hai aur rogi svasth ho jata hai.

    4. bhinna-bhinn sadhnaon v siddhiyon ko prapt karne ke lie bhi pipal ke niche dipak prajjvalit kie jane ka vidhan hai.

    5. kisi rogi ko shanivar ke shanivar pipal ke vriksh ke niche litane se uska rog dhire-dhire dur hota jata hai. isi prakar desh kal anusar bhinna-bhinn manyataen pipal se judi hain.

  • kele ke ped ke niche brihaspativar ko ghi ka dipak prajjvalit karne se kanya ka vivah shighra ho jata hai aisi bhi manyata hai. is prakar bad, gular, imli, kikar anvla aur anekanek paudhon v vrikshon ke niche bhinna-bhinn prayojnon se bhinna-bhinn prakar se dipak prajjvalit kie jane ka vidhan hai.
  • manyata hai ki asadhya v dirgh bimariyon se pidit vyakti ke pahne hue kapdon men se kuch dhage nikalakar uski jot shuddh ghi men apne isht ke samaksh prajjvalit ki jae to rog dur ho jata hai.
  • aisi bhi manyata hai ki chairahe par ate ka chaimukha ghi ka dipak prajjvalit karne se chahunumukhi labhon ki prapti hoti hai. najar v totkon ityadi ke nivaran hetu bhi tirahe, chairahe, sunsan athva sthan vishesh par dipak prajjvalit kie jate hain.
  • purva aur pashchim mukhi bhavnon men mukhya dvar par sandhya ke samay sarson tel ke dipak prajjvalit kie jane ka vidhan atyant prachin hai. iske piche manyata yah hai ki kisi bhi prakar ki duratma athva buri shaktiyan ghar men pravesh nahin kar saktin.
  • ek manyata yah bhi hai ki sarson tel ka dipak prajjvalit kar uski kalima ko kisi patra men ikattha kar liya jata hai aur use bachche ki ankhon men kajal ke rup men prayog kiya jata hai sath hi yah bhi mana jata hai ki iska tika bachche ko lagane se use najar nahin lagti. ganv dehat men iska kafi prachalan hai.
  • dipavli ke thik 11 din pashchat ekadshi ati hai jise dev uthni ekadshi kaha jata hai. manyata hai ki is din apne devon ko uthaya jata hai arthat avahn-pujan kiya jata hai taki jivan ke sabhi shubhkarya jaise vivah ityadi nirvighn purn ho jaen. is din pratyek ghar men purva ki divar par geru se ek putla svarup akar banaya jata hai jise apne dev svarup mana jata hai jo ki parivar, kunba athva gram sthan vishesh adi ka kul devta hota hai jise jagrit athva avahit karne ke lie ganna, gajar, nae mausam ki sabjiyan, mishtann ke rup men gud athva chini ke jave (sevaiyan) ityadi unke samaksh rakhakar ghar v as-pados ki striyan ekatrit hokar mangal gan gati hain jiska bhavarth yahi hota hai ki he hamare kul devta hamne apke samaksh ghi ka dipak prajjvalit kiya hai sath hi bhog hetu upalabdh sabhi khadyann bhent kie hain. ap inka bhog lagao aur hamen apna ashirvad do ki hamare parivar men shubh karyon ka shubharanbh ho. is prarthana ke sath chali se dipak samet sabhi bhog yogya padarth dhank die jate hain taki dev aen aur nirvighn bhog lagaen v ashirvad den.
  • bihar, uttarapradesh v anya purvanchal rajyon men chath pujan atyant dhumdham se manaya jata hai. dipavli ke chathe din surya shashthi mani jati hai jiske tisre din arthat navmi ko jise akshay navmi ke nam se jana jata hai avanle ke vriksh ke niche shuddh deshi ghi ke 108 dipak prajjvalit karne ki manyata hai. is manyata ke anusar yadi kartik mas ki akshay navmi ko anvle ke vriksh ke niche mitti ke 108 dipak shuddh deshi ghi men prajjvalit karke brahman ko usi vriksh ke niche bithakar bhojan karaya jae to aisa karne vale ko har prakar ki riddhi-siddhi ki prapti hoti hai.
Kya aapko lekh pasand aaya? Subscribe
Kya aapko lekh pasand aaya? Subscribe


mahalakshmi visheshank  November 2013

fyuchar samachar patrika ke mahalakshmi visheshank dhanagaman ke shakun, dipavli pujan evan shubh muhurt, man lakshmi ko apne ghar kaise bulaen, lakshmi kripa ke jyotishiya adhar, divali ai lakshmi ai dipak se jure kalyankari rahasya, lakshmi ki atipriya vishishtataen, shriyantra ki utpati evan mahatva, kuber yantra, dipavli aur svapn, dipavli par lakshmi prapti ke saral upay, lakshmi prapti ke chamatkari upay adi vishyon par vibhinn alekhon men vistrit rup se charcha ki gai hai. iske atirikt navanbar mah ke vrat tyauhar, gomukhi kamdhenu shankh se manokamna purti, kya narendra modi banenge pradhanmantri, sankalp, viniyog, nyas, dhyanadi ka mahatva, ank jyotish ke rahasya tatha jagdguru shankracharya svami svarupanand sarasvati ki jivnktha adi atyant rochak v gyanavardhak alekh bhi sammilit kie gae hain.

Subscribe

Apne vichar vyakt karein

blog comments powered by Disqus
.