स्वप्नेश्वरी देवी साधना

svapneshvari devi sadhna  

Ank ke aur Lekh | Sambandhit Lekh | Views : 16905 |  
svapneshvari devi sadhna navin rahuja svapn men prashn ka uttar prapt karne ke uddeshya se shastron men svapneshvari devi sadhna ka vidhan varnit hai. jivan men kai bar akasmik v thos nirnay lene parte hain. kabhi aufis se sanbandhit, nirnay lene hote hain, kabhi vyavsay se, kabhi ghar parivar se, to kabhi rishtedaron se sanbandhit. ek asmanjas ki sthiti hoti hai. ek man kahta hai ki hamen yah karya kar lena chahiye to ek man kahta hai nahin. kisi karya ko karen ya nahin karen, aj karen ya kal karen, yah kam labhdayak hoga ya hanikarak, kuch samajh men nahin ata. aise samay men svapn hamare liye samadhan ka madhyam ban sakte hain. ji han, svapnon ke madhyam se hamen sanket mil sakta hai ki amuk karya hamen karna chahiye ya nahin, yadi vah karya hamare liye labhdayak hoga to karya karne ke sanket mil jayenge. yadi aisi sthiti utpann ho jae to us sanbandh men svapn dvara nishchit uttar prapt kiya ja sakta hai. svapn men prashn ka uttar prapt karne ke uddeshya se shastron men svapneshvari devi sadhna ka vidhan varnit hai. svapneshvari devi sadhna ki vidhi is prakar hai- jis samay nirnay lene ki samasya ki sthiti utpann ho, us samay snan karke shuddh dhule hue vastra pahan len. yadi ap snan n kar pane ki sthiti men hain to hath-munh dho kar, safed dhule vastra pahan kar ek svachch safed kagaj par apne prashn ko spasht aksharon men likh kar rakh len. fir sany kal punah shuddh jal se snan kar, shuddh dhule vastra dharan kar, shreshth kusha ya un ke asan par baithakar svapneshvari devi ka dhyan karte hue nimn mantra ko tab tak japte rahen jab tak ki nind n a jae- mantran- svapneshvari namastubhyan falay varday ch. mam siddhimsiddhin va svapne sarvan pradarshaya॥ arthat- he fal aur vardan ko dene vali svapneshvari devi ! apko namaskar hai. meri siddhi athva asiddhi ke vishay men sab bat dikhaie. is prakar jap karte-karte jab sone ki ichcha ho, tab prashn likhe hue kagaj ko sirhane rakhakar so jayen to svapn men uska sahi uttar prapt ho jayega. yadi sanykal ke samay hi samasya utpann ho to snan karna avashyak hoga, kapre badlna bhi avashyak hoga. sanykal snan ke bad dhule vastra pahan kar asan par baithakar kagaj par likhakar age rakh len tatha svapneshvari devi ka dhyan karke jap karen. mantran- shukle mahashukle hrin shrin shrin avatar svaha. vidhi : is mantra ko 1008 bar jap kar ke, fir sote samay 108 bar jap kar ke sone par svapn men shubhashubh gyat hota hai. uparyukt yantra ko bhoj patra par likh kar sirhane rakh kar soain, to svapn nahin ate hain. vishesh : ashabhua svapn ane par, turant kya-kya karya karne se unki ashubhta dhumil athva nasht ho jati hai, iska sankshep men varnan kiya hai par iske sath yadi shubh svapn a jae aur shubh svapn dekhne ke bad turant ankhen khul jayen, to us vyakti ko chahie ki vah punah shayan n kare, apitu shesh ratri jag kar vyatit kar deni chahie tatha jagte hue bhagvan ka dhyan karna chahie.
Kya aapko lekh pasand aaya? Subscribe
Kya aapko lekh pasand aaya? Subscribe


svapn evan shakun visheshank  June 2010

is visheshank se svapn ke vaigyanik adhar, svapn ki prakriya, sapnon ka sach, svapneshvari devi sadhna, svapnon ke arth ke atirikt shakun-apshkun adi vishyon ki jankari prapt ki ja sakti hai.is visheshank men shri arun bansal ka sapnon ka sach namak sanpadkiya atyant lokapriya hua.aj hi le aen lokapriya svapn evan shakun visheshank tatha iske falit vichar namak stanbh men parhe svatantra vyavsay ke grah yogon ki vivechna.

Subscribe

Apne vichar vyakt karein

blog comments powered by Disqus
.