अंकों का रहस्यमय संसार

ankon ka rahasyamay sansar  

Ank ke aur Lekh | Sambandhit Lekh | Views : 6863 |  
ankon ka sansar bahut hi vichitra evan rahasyamay hai. ham apne janm se lekar mrityu tak in ankon ke mayajal men uljhe rahte hain. jaise-jaise jivan gujrta hai in ankon ka sanbandh hamse aur bhi adhik gahra hota chala jata hai. ankon ke bina ham jivan ki kalpana bhi nahin kar sakte. kal ganna men bhi hamare rishiyon ne ankon ka sahara liya. bhagavat gita men 18 adhyay, mahabharat men 18 parva, puranon ki sankhya 18 hi kyon? aie janen ankshastra ke piche chipe vaigyanik adhar ko is lekh dvara .... ank vidya jyotishshastra ka ek mahatvapurn ang hai. jyon to sanpurn jyotish shastra hi ankon par adharit hai tatha prachin bhartiya rishi-muniyon ne ise sarvangpurn banane men koi kor kasar nahin chori hai fir bhi prachlit ank vidya ko adhunik yug ke pashchatya jyotishiyon ki adbhut den ke rup men svikar kiya jata hai. ank vidya manushya ke charitragat lakshan tatha jivan men hone vali shubh ashubh ghatnaon ki jankari ka sabse saralatam sadhan hai. jyotishshastra agam athah sagar hai. usmen samanya gyan vale vyakti ki gati nahin ho pati. parantu ank vidya itni sugam hai ki sadharan parha likha vyakti bhi iske niyamon ko sarltapurvak samajh sakta hai tatha iske dvara labh utha sakta hai. ankon ke mahatva ko atyant prachin kal se svikar kiya jata raha hai. bhartiya rishi muniyon ne apni adhyatmik tatha yaugik shaktiyon ke bal par is rahasya ko bhali-bhanti gyat kar liya tha ki jivan ke kis kshetra men, kis prani athva padarth par kis ank ka kya-kya prabhav parta hai. ankon ki chamatkari shakti ka ganbhir adhyayan tatha vishleshan karne ke uprant hi unhonne vibhinn prakar ke yantron ka nirman kiya tha, jo vibhinn paristhitiyon ke vibhinn karyon ka sanpadan karne ke lie upyogi siddh hote hain. ankon ki sankhyaon par gahan manan chintan, anusandhan tatha anubhav prapt karne ke uprant bhartiya rishi muniyon ne pratyek vishay se sanbandhit ankon ki vibhinn sankhyaon ko nishchit karne ka mahatvapurn karya sanpadit kiya. jap ki mala men 108 danon ka hi hona athva kisi anushthan athva karya ko kinhin nishchit tithiyon men hi karne ka siddhant adi baten unhin ke dvara manav kalyan ke hetu ki gai khojon ka suprinam hai. sanpurn vishva brahmand ki utpatti panch tatvon se mani jati hai. 1. akash, 2. agni, 3. jal, 4. vayu aur 5. prithvi. inmen akash tatva sabse pramukh, sabka muladhar evan sabka janak hai. akash ‘shunya’ rup men sarvatra vyapt hai. is prakar ham jo kuch bhi dekhte sunte athva kahte hain. sansar men jahan, kahin jo kuch bhi hai, us sabki utpatti akash se hi hui hai. shunya akash ka hi pratirup tatha anya sabhi ankon ko janm dene vala hai. atah shunya sarvavyapt hai. ank jyotish men shunya ka sthan: sankhya aur kriya ka ghanishth sanbandh hai. shunya sankhya (0), nishkriya, nirakar, nirvikar, ‘brahma’ ka dyotak hai aur ‘1’ purn brahma ki us sthiti ka dyotak hai, jab vah advait rup se rahta hai. kahne ka tatparya yah ki ‘shabda’ aur ‘sankhya’ men sanbandh hone ke karan samast padarthon ke mul men jaise ‘shabda’ hain vaise hi ‘ank’ bhi hai. shabd ke mul akash ko ‘shunya’ kahte hain aur ank ke mul ke bhi ‘shunya’. ‘shunya’ se hi shabd aur ank ka pradurbhav hota hai. yadi ‘ank’ ka kisi vastu ya kriya se sanbandh nahin hota to hamare shastra 108 maniyon ki mala banane ka vidhan nahin karte. pratyek sankhya ka ek mahatva hai. 25 maniyon ki mala par jap karne se moksh, 30 ki mala se dhan siddhi, 27 ki mala se sarvarth siddhi, 54 se sarvakamavapti aur 108 se sarva prakar ki siddhiyan prapt ho sakti hai. kintu abhichar karm men 15 maniyon ki mala prashast hai. ankon ka mahatva: yah adbhut ank sadaiv hamara picha karte rahte hain. ham apne pure jivan men inse picha nahin chura pate. apko apne janmadin ki tarikh to yad hogi. jab ap bachche the to apke mata-pita us din khushiyan manate the, davat dete the. ap jab sarvapratham skul gaye tab bhi apko pucha gaya ki apki janm tarikh kya hai, ap kitne varsh ke hain. jab shiksha puri kar ap jab ae tab bhi apke praman patra par vah din ankit kiya gaya. apko naukri mili to apki janm tithi na jane kin-kin kagjon par likhi gai, apne koi vyavsay praranbh kiya to vah dinank bhi apne yad rakhi. jab apka vivah hua tab bhi pucha gaya ki apki janm tarikh kya hai. shadi ke bad apki patni ne bhi apke janm ki tarikh par khushiyan manai. jab apki shadi ki salgirah ai tab bhi apne khushiyan manai, us tithi ko bhi apne aur apki patni ne yad rakha. apke bachche hue, us din kya tithi thi, apne use bhi apni dayri men darj kiya. unhen parhne bheja to bhi janm dinank batani pari. kul milakar jivan ke pratyek kadam par ham in ankon ke prabhav men hai. ap hi sochie jab ap videsh gae, kisi se jhagra hua, naukri lagi, vyavsay praranbh kiya, vivah hua, koi maut hui, koi mukdma larna para, peshi par jana para, koi khushi mili, laetri lagi aisi anekon ghatnaen jivan men ghatti hain jinhen ham keval aur keval ankon ke adhar par, dinank ke adhar par yad rakh pate hain. tabhi to kaha gaya hai ki hamara jivan in ankon ka karjadar hai, ham apne jivan men in ankon ko ek kshan ke lie bhi nahin bhul pate. inka hamare jivan men atyadhik mahatva hai. nishchit rup se ham in ankon se prabhavit hote hain aur hote rahenge. ankon se hamara sanbandh kaise: in ankon ka hamare jivan men pratyaksh prabhav parta hai. jis prakar ek khas sankhya par sui sthir karne se rediyo men se avaj ane lagti hai, jabki sui aur avaj ka sanbandh dikhai nahin deta. udaharan ke taur par jugnu ko hi lijie. mada jugnu ke par (pankh) nahin hote kintu mada jugnu ke sharir se adhik tej roshni niklti hai aur is chamak se akrisht hokar nar jugnu uske pas khincha chala ata hai. bhinna-bhinn vyaktiyon men paraspar kyon akarshan ya ghrina ka pradurbhav hota hai. yah sthul drishti se nahin jana ja sakta. jangal men dana dal dijie, chiriya aur kabutar a jaenge. chini faila dijie, chitiyan ikatthi ho jaenge. kahin ratri men bakra bandh dijie to sher shikar karne ke lie a jaega. kintu dekhie chini ke lie sher nahin ata, bandhe hue bakre ki sugandh se chitiyan nahin ati. isi prakar ‘1’ dyotak sankhya ya vastu ya vyakti ki or ‘9’ ke sahadharmi akrisht honge, anya varg ke nahin. ek bachcha yah nahin samjhta ki bhinna-bhinn rituon ka bhinna-bhinn vastuon aur vyaktiyon se kya sanbandh hai, parantu janne vale jante hi hain ki am garmi men pakte hai aur santre jare men. kahne ka tatparya yah hai ki jaise ek bachche ki drishti men dakiye ke hath ki sabhi chitthiyan ek si malum hoti hai parantu dakiya unhen makan ke nanbar aur nam ke kram se bant deta hai. usi prakar hamara jivan, bhinna-bhinn ‘ankon’ ke kram se chalta hai aur jab vah sankhya yani sankhya ka dyotak varsh ya din ata hai to hamare jivan men mahatvapurn ghatna ghatti hai. is ank vidya ka puri tarah varnan karna to sanbhav nahin. bhagavat gita men 18 adhyay hi kyo? mahabharat men 18 parva hi kyo ? 18 puranon ka vaigyanik adhar kya hai? is 18 ki yog sankhya 1$8=9 hai. yah kyon? surya ki upasna ke lie 7 hajar jap ka vidhan hai to chandra ke lie 11 hajar, mangal ke lie 10 hajar, budh ke lie 9 hajar, guru ke lie 19 hajar, shukra ke lie 16 hajar v shani ke lie 23 hajar. isi tarah rahu v ketu ke lie kramshah 18 v 17 hajar jap ka vidhan maharshiyon ne nirdharit kiya hai. aisa kyon ? kis adhar par ye sankhyaen nirdharit ki gai hai, ham nahin jante. kal ganna men bhi hamare rishiyon ne ankon ka sahara liya. surya jivan ka adhar hai atah use pradhan pad diya v shasak mana. man mastishk par chandra ka niyantran akshunn hai. mangal jahan yuddh ka devta hai vahin budh tark ka, guru shiksha santan to shukra bhogapriya v shani ko yam mana. surya 1 mahine men apna ek vrit pura kar leta hai. sanpurn khagol vritt 360 digri par adharbhut hai aur uski kalaen 360 g 60$21600 spasht hoti hai. surya 6 mah tak uttarayan v 6 mah dakshinayan rahta hai. is prakar ek varsh men 2 ayan aur ek ayan man 21600/2 = 10800 hi to siddh hota hai. tantra mantra yantra men ankon ka mahatva: bhartiya jyotish tatha tantra mantra yantra aur hastarekha vigyan men bhi ankon ka mahatva kisi se chipa nahin hai. ankon ke yogdan ke bina inmen se kisi ka bhi kam nahin chal sakta. jyotish ka adhar ganit hai tatha hastarekhaon men bhi ghatnaon ka samay aur tarikh nishchit karne ke lie ankon ki hi sahayta li jati hai. ank kis prakar hamare jivan par prabhav dalte hain, is bat ka vivechan vibhinn pashchatya vidvanon ne kiya hai, kyonki vahan vibhinn vyakti vibhinn vishyon ke visheshagya banne ka yatn karte hain. bharat men abhi yah paripati bahut navin hai. yadi koi vyakti apne jivan ki vishisht ghatnaon ka vivaran taiyar kare to use unmen ek taratamya milega. ya to ve ghatnaen kisi vishesh tarikh ko hui hogi ya un tarikhon ka mul/sanyukt ank milta hoga athva ve ghatnaen kisi nishchit antral athva samay ke vyavdhan ke bad ghatit hui hongi. ghatna ek kriya hai aur sankhya ka ankon ya kriya se ghanishth sanbandh hai. isi prakar shabdon aur ankon ka bhi apas men sanbandh hai. shabdon ko bhi ankon men parivartit kiya ja sakta hai. vyakti ke nam ko ankon men parivartit karke unke yog se jo mul ank prapt hota hai, vah uski gyat-agyat shaktiyon, rahasyon aur uske gun-avgunon ka bhed ujagar kar sakta hai. ankon ki maya: vastutah dekha jae to ankon ki maya bahut hi vichitra hai. inka aranbh shunya se hota hai aur ye shunya men hi vilin ho jate hain. unka pratinidhi ank 10 hai. yadi ham unhen unke kram men likhen aur adi ko ant se joren to 10 ka ank hi prapt hota hai. 1 2 3 4 5 6 7 8 9 1 aur 9 ko jor = 10 2 aur 8 ko jor = 10 3 aur 7 ko jor = 10 4 aur 6 ko jor = 10 ab baki rah jata hai 5 ka ank. yah ek bahut hi mahatvapurn ank hai. yah panch tatvon ka pratinidhitva karta hai. prachin jatiyan is ank ko bahut hi adar se dekhti thi. bhartiya sanskriti men bhi panch ke ank ko bahut samman ki drishti se dekha jata hai aur ise panch parmeshvar ke rup men mana gaya hai. ishvar ne bhi panch ke ank ko bahut mahatta pradan ki hai tabhi to usne hamare hathon men panch anguliyan, hamare panv men panch anguliyan di hai. acharan ke siddhant bhi panch hi hai. panch hi prakar ke dand hain. jivan men panch hi tatva hain-prithvi, jal, agni, vayu aur akash. sansar men panch hi mukhya dravya hain - mitti, lakri, dhatu, agni aur jal. panch ka ank bahut hi mahatvapurn ank hai. uprokt tathyon se yah spasht ho jata hai ki vastav men in ankon ka sansar bahut hi vichitra aur rahasyamay hai. ham apne janm se lekar mrityu tak in ankon ke maya jal men uljhe rahte hain, jaise - jaise jivan gujrta hai in ankon ka sanbandh hamse aur bhi adhik gahra hota chala jata hai. ankon ke bina ham jivan ki kalpana bhi nahin kar sakte. apka ank aur panch tatvon ka prabhav prakriti ka manav jivan se gahra sanbandh hai. manushya sharir ko vastutah do bhagon men vibhakt kiya ja sakta hai, ek vah sharir jo hamen dikhta hai yani drishya ‘bhautik sharir’ v dusra adrishya ‘ ithrik tantra’ jo prakriti se urja grahan karta hai v sharir ke bahar urja visarjan karta hai. bhautik sharir v vatavaran ke bich yah ithrik tantra karya karta hai. manav sharir panch tatvon - prithvi, jal, agni, vayu tatha akash se milakar bana hai. jab tak manushya jivit rahta hai, jab tak panch tatva usmen samahit hote hain. lekin jab uski mrityu ho jati hai to manushya inmen sama jata hai arthat mrityu ke pashchat bhi manushya ka sanbandh panch tatvon se bana rahta hai. shastron ke anusar, bhagvan ne sanpurn srishti ki rachna in panch tatvon se ki hai. tatparya yah hai ki srishti nirman ka adhar panch tatva hi hai. in panch tatvon ka sidha asar hamare jivan par parta hai. yah panch tatva hamari rashiyon par jahan sidha prabhav dalte hain vahin hamare ank bhi inse sidhe rup men prabhavit hote hain. aie dekhte hain panch tatvon ka ank jyotish se kya sanbandh hai. sharir ke samast kathor hisse jaise haddi ‘prithvi’ ka bhag hai. sharir ke samast taral padarth jaise rakt v anya drav ‘jal’ ka hissa hai. sharir ke samast garbh bhag jaise pet adi ‘agni’ ke hisse hai. sharir ka failna, sikurna, sans lena ‘vayu’ ka hissa hai. krodh, bhavnaen, sparsh adi sanvednaen ‘akash’ ke bhag hai. vastav men akash tatva sfurti hai, vayu tatva sanveg hai, agni tatva path pradarshak hai, jal tatva shram hai v prithvi tatva prasannata grahan karne vala tatva hai. in panch tatvon ke alg-alag prabhav evan gun hain jo is prakar hai- akash tatva ka gun ‘shabda’ vayu tatva ka gun ‘sparsha’ agni tatva ka gun ‘oj ya tej’ jal tatva ka gun ‘ras’ aur prithvi tatva ka gun ‘gandh’ hai. akash tatva ki pradhanta ke anusar yahi kaha ja sakta hai ki sanpurn jivon v padarthon ki utpatti akash se hui hai. akash tatva ka gun shabd hai atah yah kaha ja sakta hai ki shabd hi padarthon tatha jivon ke janm ka mul hai. shabd mahatta ke karan use shabd brahm ki upadhi di gai hai ya ‘shabda’ ko parmeshvar ka pratik mana gaya hai. nam ank ka uchcharan bhi shabd dvara hi hota hai. varn tatha shabd arthat param parmatma parmeshvar ke svarup hai. yahi karan hai ki pratyek prani ke jivan par shabdotpann varn v ankon ka pradhan prabhutva hai. ank shastra men isi ‘shabda’ mahatta ko angikar karte hue ank vidya ka avishkar kiya gaya hai. bhinna-bhinn tatvon ke ank nirdharit kie gae hain. kin ankon par kin tatvon ka vishesh prabhav parta hai ise ap nimn talika se samajh sakte hain. tatva agni prithvi vayu jal akash ank 1, 3, 9 5, 6, 8 4, 5, 6 2, 7, 9 sabhi saman yahan rashinusar bhi pramukh tattvon ko samjha jana ati avashyak hai. kra. san. rashi tattva pradhanta 1. mesh agni tattva - jal tattva 2. vrish prithvi tattva - vayu tattva 3. mithun prithvi tattva - vayu tattva 4. karka jal tattva 5. sinh agni tattva 6. kanya prithvi tattva- vayu tattva 7. tula prithvi tattva - vayu tattva 8. vrishchik agni tattva- jal tattva 9. dhanu agni tattva 10. makr prithvi tattva 11. kunbh vayu tattva 12. min jal tattva tatva aur unka prabhav prithvi tattva: aisa prani jo prithvi tattva ke antargat hai athva vrish, kanya, tula, mithun, makar rashi ke jiv hain, aise jatak apne jivan men achche, vyavharkushal evan aishvarya dhan, bhog sukh, naukr-chakar, bhumi-bhavan, sukh-sanpda aur svasth manoranjan ki lalsa sadaiv rakhte hain. vyaktigat sukh ki akanksha aise jatkon men pradhantah hoti hai. naukri ki apeksha yadi vyavsay ki or unmukh ho to sarvadhik unnatikar yashoparjan kar sakte hain. manmana labh uparjit kar sabhi sukh prapt karte hain. jivan men aishvarya sanpann v samaj men dhani gine jate hain. apne jivan men bhul kar bhi svarth se pare nahin ja sakte. kisi vyakti se isi karan sthayi sanbandh nahin bante. sanbandh tabhi tak hai tab tak svarthapurti n ho jaye. jal tattva: kark, mesh, min, vrishchik rashi ke prani jal pradhan hone ke karan bhavuk hote hain. sanvednshil hokar bhi sadaiv apni bhavnaon par niyantran rakhne men kushal v daksh hote hain. hriday pradhan vyakti hone ke karan mastishk tak ka sanchalan hriday karta hai. ya kahen hriday niyamak hai apke jivan kshetra ka. tyagi, paropkari, dayalu, janhitaishi, samaj sudharak v vinamra, danvir, niahsvarth vyaktitva ke dhani apko kaha ja sakta hai. svayan hani, kasht vipatti uthakar sharnagat ki raksha karte hain ya apnon ka hit chahte hain. prem karna v prem ko nibhana ap bhali prakar jante hain, ap par, apki bat par pura-pura vishvas kiya ja sakta hai. vayu tattva: mithun, kanya, vrish, tula v kunbh rashi men utpann vyaktiyon par vayu tattva ki pradhanta rahti hai aur is tatva se prabhavi vyakti buddhi sagar, gyan garima yukt, vidvan v vidushi, parishrami, adhyavsayi, lekhan karya men daksh, sangit paksh men chatur, chitrakar, kalakar, ganitagya, svakarya daksh tatha achche planar, vicharak, sahridyi tatha siddhanton aur adarshon par mar mitne vale, nishthavan hote hain. samaj desh jati men apna ek vishesh sthan banye rakhte hain. bhashan dene, updesh dene, jan samuday ko anukul banane, likhne, vichar prakat karne ki adbhut kshamata ap men hai. bauddhik khel khelne men khub daksh rahte hain. yatha, tash shatranj tatha nirnay shakti ki pramukhta ke karan ganbhiratam samasyaon ka hal sahaj men dhundh lete hain. agni tatva: mesh, sinh aur dhanu rashi agni tatva pradhan hai. is tatva se prabhavit vyakti vir, utsahi, himmat ke dhani, nidar, nirbhik, netritva daksh, sharir saushthav sablta yukt aur shaktiyukt hote hen. shasan vibhag men sadaiv pradhan pad pane ki ichcha rahti hai aur safal bhi hote hain. uttaradayitva ka palan shandar dhang se karte hain. akash tatva: akash tatva ke lie sabhi ek saman hain. vah sabhi rashiyon evan sabhi ankon ko saman rup se prabhavit karta hai. ank jyotish ke anusar kaisa ho apka romans aur jivnsathi jyotish ke kshetra men jitna mahatva falit jyotish aur hastarekha shastra ka hai, utna hi mahatva ank jyotish shastra ka bhi hai. ankon ke bina ham apne jivan ki kalpana bhi nahin kar sakte, karan ki ham paida hone se lekar mrityu ko prapt karne tak lagabhag ankon par hi nirbhar rahte hain. hamen svayan ko nahin malum ki din bhar men na jane kitni bar ham in ankon ka prayog karte hain. ankon se hamara bahut gahra nata hai. in ankon par hamara jivan purnatah nirbhar karta hai. yahan tak ki hamara vivah, hamara prem aur bhi bahut kuch hamare ankon par nirbhar karta hai. hamen apne mul ank ka upyog karte hue hi jivan ke sabhi karya sanpann karne chahie, isse hamen jahan saflta ki prapti hogi vahin hamara jivan sukhamay ban rahega. is lekh men apko yahi bataya ja raha hai ki ap apne ankon ke adhar par apne lie uchit jivan sathi ki talash kis prakar kar sakte hain. aie dalen ek najar ham apne ankon par ........! mulank 1 (janm ki tarikh 1, 10, 19, 28) jinka mulank 1, 4, 7 hai vah apke lie achche jivan sathi ya mitra siddh ho sakte hain. in mulank valon ke sath ap sahaj rup se prem, vivah, romans sthapit kar sakte hain. mulank 2 (janm ki tarikh 2, 11, 20, 29) jin purushon/striyon ka janm 20 jun se 20 julai ke madhya hua hai, ve apke rahasya ke rajdar hote hain, prem, romans, vivah, mitrata ke bhagidar ho sakte hain. inse apko jivan men labh milta hai aur sada prem bana rahta hai. mulank 3 (janm ki tarikh 3, 12, 21, 30) jinka janm 19 farvri se 21 march evan 21 navanbar se 21 disanbar ke bich hua hai tatha jinka mulank 3 ho, aise purush, striyan apke bhagyoday men sahayak ho sakte hain. aise logon ke sath apka romans bhi lanbe samay tak chal sakta hai. yadi vivah karen to bhi dampatya jivan safal rahega. mulank 4 (janm ki tarikh 4, 13, 22, 31) jinka janm 21 march se 28 aprail tatha 10 julai se 20 agast ke bich hua hai tatha jinka mulank 4 hain, aise stri, purush apke lie vardan siddh honge. vivah, prem, mitrata, vishesh saflta uparyukt mulankon dvara mil sakti hai. atah apne ank anurup hi jivan sathi ka chunav karen. mulank 5 (janm ki tarikh 5, 14, 23) prem, vivah adi ke mamle men ap, jinka janm 5, 14, 23 tarikh ko hua ho tatha 21 mai se 20 jun tatha 21 agast se 20 sitanbar ke bich ho, yadi aisa sahyog apko mile to apko apne jivan men sarvasva ki prapti hogi. arthat yash, samriddhi, lakshmi, bhumi bhavan apko sab kuch prapt ho sakta hai. mulank 6 (janm ki tarikh 6, 15, 24) ve sabhi stri, purush apke achche mitra sabit honge jinka mulank 8, 17, 26 ho tatha jinka janm var budh, shani tatha 26 march se 26 aprail ke madhya hua ho, aise shakhs romans, vivah adi karyon ke lie nishchit hi sahayak aur maddgar siddh honge. mulank 7 (janm ki tarikh 7, 16, 25) jin striyon/purushon ka mulank 1 tatha 7 ho tatha 25 farvri se 25 aprail ke bich janm hua ho ve apke lie niahsandeh manokamna siddhi men sadhak honge. mulank 8 (janm ki tarikh 8, 17, 26) ve sabhi stri, purush apke achche mitra sabit honge, jinka mulank 8, 17, 26 ho tatha jinka janm var budh, shani tatha 26 march se 26 aprail ke madhya hua ho, aise shakhs romans aur vivah adi karyon ke lie nishchiya hi sahayak aur maddgar siddh honge. mulank 9 (janm ki tarikh 9, 18, 27) apko apnon ne hi dhokha diya hai. samay parne par mitra shatru ban jate hain. islie savdhani barten. aise stri-purush jinka janm 6, 8, 27 tarikh ko hua ho tatha 21 march se 27 aprail ke madhya kal men janmen hon, ke sath mitrata, romans tatha vivah adi ka karya karen. ta
Kya aapko lekh pasand aaya? Subscribe
Kya aapko lekh pasand aaya? Subscribe


  July 2011

Apne vichar vyakt karein

blog comments powered by Disqus
.