लियो पाम में लाल किताब

liyo pam men lal kitab  

Ank ke aur Lekh | Sambandhit Lekh | Views : 7179 |  
liyo pam men lal kitab vinay garg pichle ank men apne liyo pam me muhurt ke bare men parha hoga. jaisa ki pahle bhi bataya ja chuka hai ki liyo pam kanpyutar jyotish softaveyar ab un sabhi mobail fon paran chalaya ja sakega jinmen aupreting sistam vindoz mobail ho. yah batane ki avashyakta nahin ki lal kitab evan uske upay samanya jan men kitne adhik lokapriya evan upyogi hain. lekin lal kitab ki mul prati ki upalabdhi evan us pustak ki bhasha samajh pana atyant kathin hi nahin balki durlabh bhi hai. jiske abhav men am vyakti lal kitab ke falon evan uske upayon se vanchit rah jata hai. yah bhi sarvavidit hai ki lal kitab ke upay behad saral evan arthik drishti se bhi atyant upyogi hai. in upayon ko koi bhi sadharan vyakti asani se kar sakta hai. jismen adhik dhan evan prayas ki avashyakta nahin hoti jabki ratn dharan evan tantrik upay sabhi logon ke lie sanbhav nahin ho pate hain. isi avashyakta ko samjhte hue fyuchar point ne lal kitab jaise gurh vishay ko liyo pam men dalakar atyant saral evan janopyogi bana diya hai. iske dvara sadharan vyakti ke sath-sath jyotishigan bhi iski sahayta se lal kitab kundli ka nirman tatha lal kitab ke upayon ko jan sakte hain. jiske dvara ve jatak ko adhik asani se evan adhik satik upay bata sakte hain. liyo pam men lal kitab kundli nirman ke lie liyo pam ke sabse nichle bhag men jyotish ke sthan par lal kitab ka chayan karna hota hai. iske pashchat jatak ka janm vivaran diya jata hai tatha skrin ke nichle bhag men bani kundli par klik karte hi lal kitab kundli skrin par pradarshit ho jati hai. iske upar menyu men dekhen to hamen dikhai dega janmang, rin, falit, varshafal, upayvidhi evan avkhra. janmang janmang ke antargat uska up-menyu dekhne par hamko milta hai lal kitab kundli, janm kundli, lal kitab chandra, chandra kundli, grah spasht, grah sthiti, bhav vivaran evan bhav sthiti. janmang ke antargat ham lal kitab kundli aur samanya janm kundli ek batan dabane se badal kar dekh sakte hain. isi prakar lal kitab chandra evan chandra kundli bhi sirf ek batan dabane se parivartit karke dekhi ja sakti hai. yadi janm kundli men grahon ki sthiti rashi v ansh sahit dekhni ho to 'grah spashta' par batan dabakar dekha ja sakta hai. 'grah sthiti' ke antargat batan dabane par hamko ek hi skrin par grahon ka andha hona, soya hona, dharmi hona, nek/manda hona adi ki jankari prapt hoti hai. 'bhav vivrn' ke antargat dvadash bhavon ke malik, pakka ghar evan un bhavon ki kismat jagane vale grahon ki jankari prapt hoti hai. 'bhav sthiti' shirshak men 12 khanon ki sthiti ki jankari hoti hai. ismen yah pata chalta hai ki amuk bhav ke lie kauna sa grah uchch ka hai aur kaun sa grah nich ka hai sath hi vah khana soya hai ya nahin. isi prakar maitri chakra ke antargat navagrahon ka paraspar sanbandh kya hai arthat shatru, mitra aur sam grahon ki jankari hoti hai. 'grah rashifl' ke antargat nav grahon ke fal aur un grahon se sanbandhit fal lal kitab ke vakyon dvara dikhae gae hain jaise - 'dusron ke lie jor jorakar mare' ya 'parmatma ki madad ka malik' adi. iske bad 'teva vivrn' ke antargat ap jan sakenge ki jatak ka teva 'ratandh teva' hai ya nahin 'dharmi teva' hai ya nahin ya 'nabalig teva' hai ya nahin. ant men ap dekhenge grahon ki lal kitab ki dashaen. ismen mahadsha aur antardasha di gai hai tatha inko kramanusar 5 star tak niche star dekha ja sakta hai. rin yun to jyotish men purva janm ke karmon ke falon ko pura-pura mahatva diya jata hai parantu lal kitab men purva janm men kie gae karya evan purva janm ke rinon ko atyant mahatva diya gaya hai. lal kitab ke anusar is jivan men milne vale sukh aur duahkh purva janm ke rinon ka hi fal hai. yadi vyakti ko purva janm ke rinon ki jankari nahin hogi to vah apne is janm ke falon ko nahin sudhar paega. iske lie liyo pam men purva janmon ke rinon ki jankari di gai hai. kaun sa rin kundli men kis grah ke kis bhav men hone ke karan hai yah bhi 'grah chal' ke dvara bataya gaya hai. iske atirikt un rinon ki 'nishaniyan' bhi di gai hain. jiske dvara ap yah nishchit sakenge ki jatak ke jivan men purva janm ka amuk rin hai. 'ghatnaon' ke antargat bataya gaya hai ki amuk rin hone ke karan jatak ke jivan men kya fal ghatit hota hai. ant men us nakaratmak ghatna ko rokne ke lie 'upay' ke antargat amuk grah ke lal kitab par adharit saral upay bhi batae gae hain. iske antargat sva rin, matri rin, parivarik rin, kanya/bahan ka rin, pitri rin, stri rin, nirdayi ka rin, ajanmakrit rin, ishvar rin adi ki jankari uparyukt rup men di gai hai. falit lal kitab kundli men grahon ki sthiti ke adhar par grahon ke kya fal honge iski vistrit jankari falit shirshak ke antargat di gai hai. falit par batan dabane ke bad ek up menyu pradarshit hoga iske antargat nav grahon ke fal ke lie alg-alag sthan die gae hain. jis grah ka fal apko dekhna ho us grah ke batan par dabakar dekha ja sakta hai. vishisht grah ka fal kundli men khane men sthiti ke adhar par diya gaya hai. iska shubhashubh fal kya hoga tatha ashubh falon ko rokne ke lie hamen kya-kya parhej ya upay kie jane chahie inki vistrit jankari di gai hai. aisa ap surya se lekar ketu tak sabhi nav grahon ke bare men jan sakte hain. jaisa ki apko pahle bhi bataya gaya hai ki lal kitab ke upay saral evan satik hai unhin upayon ko yahan varnit kiya gaya hai. varshafal lal kitab men janm tithi par upay kie jane ka atyant mahatva hai aisa mana jata hai ki ane vale varsh ko shubh banane ke lie yadi janm divas par kuch upay kie jaen to ane vale varsh men shubh falon ki prapti hoti hai evan ashubh falon ka hras hota hai jisse jivan adhik sukhamay evan samriddhishali banta hai. iske lie sarvapratham lal kitab par adharit varsh kundli ka nirman karna hota hai tatha uske vishleshan ke adhar par kie jane vale upayon ka nishchay kiya jata hai. jis prakar lal kitab kundli ka nirman kiya jata hai usi prakar varsh kundli ka nirman bhi pratyek varsh kiya jata hai tatha janmang ke saman hi varsh grah sthiti, varsh bhav sthiti, varsh kundli, varsh chandra kundli, varsh lal kitab dasha, varsh grah spasht, varsh lal kitab kundli, varsh chandra sthiti adi ganna karni hoti hai jo ki liyo pam men di gai hai.iske atirikt varsh bhar kie jane vale upay tatha varsh paryant nav grahon arthat surya se lekar ketu tak ke sabhi grahon ka varshakundli men kya prabhav rahega iske fal, parhej, adi ki vistrit jankari di gai hai. jis grah ka varshafal falit upay evan parhej janna ho us grah ke batan ko dabakar dekha ja sakta hai. iske antargat die gae upay janm din se ya janm din se 40 din ke antargat shuru kie jane chahie aisa ismen hidayat ke rup men diya gaya hai. janmang ki janm kundli ke saman hi ismen varsh grah sthiti ke antargat grahon ka andha hona, soya hona, dharmi hona, nek/manda hona adi ki jankari di gai hai. varsh bhav sthiti men 12 khanon ki sthiti 'soya' hai ya nahin iski jankari di gai hai. varshakundli ke antargat lal kitab varsh kundli di gai hai. isi prakar varsh chandra kundli di gai hai tatha janm kundli ke dasha ke saman lal kitab ki varsh bhar ki dashaen di gai hain. varsh kundli men grahon ki rashi, ansh evan sthiti di gai hai. varsh par adharit lal kitab kundli ka nirman ismen kiya gaya hai aur 'janm grah sthiti' ke antargat varsh bhar grahon ke andha hone, soya hone, dharmi hone, nek/manda hone ki jankari di gai hai. upay vidhi kai bar jatak upay to karna chahta hai parantu uski vidhi aur niyam adi ki jankari ke abhav men jatak ko apne upay ka pura fal nahin mil pata hai isi tathya ko dhyan men rakhte hue liyo pam men lal kitab ke upayon ke vidhi ka varnan vistrit rup se kiya gaya hai. iske antargat yah bataya gaya hai ki yadi jatak upay karne men asamarth ho to uske sthan par kaun upay kar sakte hain ek din men kitne upay kie ja sakte hain. parhej ka dhyan kaise rakhen koi upay kab tak kiya jana chahie, yadi koi upay bich men band karna par jay to kya karen. kis grah ka upay karen, kab upay kiya jana chahie ya kab nahin kiya jana chahie adi ki jankari vistrit rup se di gai hai. avkhra janm kundli se sanbandhit jatak ke bare men jankari jaise lagn, rashi, nakshatra, karan, gan, yoni, vashya, janm namakshar, paya aur surya rashi adi ke bare men is shirshak ke antargat di gai hai. isi ke antargat up menyu men nimn shirshak hain jaise ghat chakra, surya sthiti, tara chakra, janm vivaran, rahu kal evan panchang adi. 'ghat chakra' men jatak se sanbandhit ashubh mas, tithi, din, nakshatra, yog, karan, prahar, lagn, navagrahon ki ashubh rashiyan adi ki jankari di gai hai. 'surya sthiti' ke antargat suryoday, suryast, dinman, surya sthiti, ritu, aynansh evan velantar ki jankari di gai hai. 'tara chakra' men jatak se sanbandhit shubh aur ashubh nakshatron ki jankari di gai hai jaise - vipat, pratyari aur vadh se sanbandhit kaun se ashubh nakshatra hain vah ismen bataye gae hain. 'janm vivrn' ke antargat jatak ka nam, ling, janm tithi, din, janm samay, janm sthan, samay sanskar adi ki jankari di gai hai. 'rahu kal' ke antargat jatak ke janm din ke samay hora, chaughriya, rahukal, gulik kal aur yamghantak kal ki jankari di gai hai. 'panchang' ke antargat di gayi tithi par divas par vikrami sanvat, mas, paksh, tithi, tithi ka samapti kal, din, nakshatra evan samapti kal, janm nakshatra, janm yog, janm karan evan inke samapti kal bhi pradarshit hain. nishkarshatah ham kah sakte hain ki liyo pam men lal kitab se sanbandhit sabhi gannaen, falit, upay, evan parhej adi ki jankari vistrit evan saral rup men di gai hai tatha iske pashchat lal kitab se sanbandhit anya ganna, fal evan upay ki jankari ki avashyakta nahin rah jati hai. vistrit jankari ke lie ap fyuchar point ke karyalay se imel, fon, faiks ya patra vyavhar dvara sanpark kar sakte hain.
Kya aapko lekh pasand aaya? Subscribe
Kya aapko lekh pasand aaya? Subscribe


svapn evan shakun visheshank  June 2010

is visheshank se svapn ke vaigyanik adhar, svapn ki prakriya, sapnon ka sach, svapneshvari devi sadhna, svapnon ke arth ke atirikt shakun-apshkun adi vishyon ki jankari prapt ki ja sakti hai.is visheshank men shri arun bansal ka sapnon ka sach namak sanpadkiya atyant lokapriya hua.aj hi le aen lokapriya svapn evan shakun visheshank tatha iske falit vichar namak stanbh men parhe svatantra vyavsay ke grah yogon ki vivechna.

Subscribe

Apne vichar vyakt karein

blog comments powered by Disqus
.