वृक्षों का वैदिक महत्व

vrikshon ka vaidik mahatva  

Ank ke aur Lekh | Sambandhit Lekh | Views : 7286 |  

pashchim ke log tatha naye parhe-likhe bhartiya bharat desh men prachlit vriksh puja ka bara majak urate hain, jabki svayan pure vishva ko krisamas ke din krisamas tri ki aradhna karne ke lie prerit karte hanai. bhartiyon ko per-patte ka pujari kaha jata hai. parantu vriksh ki puja hansi ki chij nahin hai. tulsi pujan har hindu ghar men hota hai. is paudhe ka svasthya evan man par kitna prabhav parta hai, is sanbandh men abhi tak nayi-nayi baten malum ho rahi hai. lok palak vishnu hain. ayurved ke acharya vishnu hain. dhanvantri ko vishnu ka avtar kahte hain. saikron rogon ki dava tatha ghar ki gandgi bhari hava ko dur karne vala paudha tulsi hai. tulsi ka vishnu se vivah ek pratik matra hai. isi tarah se pipal ke per men vasudev ka pujan karte hain. vasudev ajar evan amar hain. sansar men pipal hi ek matra aisa vriksh hai, jismen koi rog nahin lag sakta. kire pratyek per tatha patton men lag sakte hain, parantu pipal men nahin. vat vriksh ki darshanik mahima hai. yah udhrva mul hai, yani, iski jar upar, shakha niche ko ati hai. brahm upar baitha hai. yah srishti uski shakha hai, vat vriksh ka pratik hai. uske pujan ka bara mahatva hai. jyeshth ke mahine men ”vat savitri“ ka bara parva hota hai, jise ”bargdai“ bhi kahte hain. anvle ke sevan se sharir ka kayakalp ho jata hai. iske vriksh ke niche baithne se fefre ka rog nahin hota hai, charm rog nahin hota hai. kartik ke mahine men kachche anvle tatha anvle ke vriksh ka svasthya ke lie vishesh mahatva hai. islie kartik men anvle ke vriksh ka pujan, anvle ke vriksh ke niche bhojan karne ki bari purani pratha is desh men hai. kartik shukla paksh men ”dhatri pujn“ ka vidhan hai. is pujan men anvle ke vriksh ke niche vishnu ka pujan hota hai.

shankar bhagvan ko bilva patra charhate hain. shankar ne halahal vish ka pan samudra manthan ke samay kiya tha. ataev uski garmi se vah tript hain. har ek nasha vish hota hai. kisi ke lie sankhiya vish ka kam karta hai, kisi ke liye nashe ka kam karta hai. bahut gahra nasha karne vale jan kuchla, sankhiya sab kuch hajam kar jate hain, to ve nagin palte hain aur apni jibh par usse roj katva/dsva lete hain. tab kuch nasha jamta hai. nashe ko utarne ke lie sabse achchi dava bilva (bel) ka patta hai. kitni bhi bhang charhi ho, jara sa bilva patra kuchal kar, uska ark pila dene se nasha khatm ho jata hai. halahal vish ka pan karne vale shankar ke mastak par, ya shiv ling par bilva patra charhane ka niyam hai. jo log bilva patra ka gun nahin jante hain, ve uska mahatva nahin samjhte hain.

bilva patra tatha bilva vriksh ka aur bhi mahatva hai. nav ratra men saptami ke din bilva patra se devi ko abhimantrit karna chahie. ravan ke vadh tatha ram ki sahayta ke lie brahma ne bilva vriksh men devi ka avahan kiya tha. bilva vriksh bhagvti ka pratik mana jata hai.

vijya dashmi ki sham ko shami vriksh ke pujan ka vidhan hai. shastra ka vachan hai ki ”shami pap ki shamak hai.“ arjun ko mahabharat men astra-shastra shami ne dharan karaye the. ram ko priya bat shami ne sunayi thi. yatra ko nirvighn banane vali shami hai, atah pujya hai. yatra ke samay yatri ke hath men shami ki patti dene ki purani pratha is desh men hai. ganesh pujan men ganesh ji ko durva (dub) ke sath shami bhi charhate hain. kush bhi puja ke kam ata hai. vidhan hai ki bhadrapad mah ke mahine ki amavas ki kali ratri men kush ukharna chahie. shastra ka vachan hai ki darbh taje hone ke karan shraddh ke yogya hote hain.

chaitra mas, shukla paksh, ashtami ko punarvasu nakshatra men jo log ashok vriksh ki 8 kali ko (uske ark ko) pite hain, unko koi shok nahin hota. avashya hi is ashok kali ka koi ayurvedik mahatva hoga, jisse rog dosh nasht hota hoga.

ashokklikashchashtau ye pibanti punarvasau.
chaitramase site'shtamyan n te shokmvapnuyuah..

dauna (damnk) ki pattiyan mithi sugandh deti hain. chaitra mas men apne isht devta ko daune ki patti charhayi jati hai. daune ki mahak se bal-virya bhi barhta hai. isi lie yah rishi, gandharva adi ko mohit karne vala tatha kamdev ki patni rati ke mukh se nikle hue bhap ki sugandhi se yukt kaha jata hai. kahte hain ki ismen kamdev ka vas hai:

kamabhasmasamudbhutrtivashpapariplutah.
shigandharvadevadi-vimohak namo'stu te..

am ke vriksh tatha am ke ful, jise manjri kahte hain, ke pujan ki anek vidhiyan hai. vasant panchmi ke din iska pujan hota hai.

chaitra krishn pratipda dhuraddi ke din manjri pan ka vidhan hai. yadi makan men koi dosh ho, ya admi ki tisri shadi ho, ya kanya ko vidhva hone ka dosh (bhay) ho, to madar (arka) ke sath vivah karne ka vidhan hai.

astu kis samay, kis ritu men, kis nakshatra men, kaun si jar, kaun sa kand, paudha, vriksh lagaven, ya khoden, iska bara bhari shastra hai, vigyan hai, jo kapol kalpit nahin hai.

Kya aapko lekh pasand aaya? Subscribe
Kya aapko lekh pasand aaya? Subscribe


  April 2004

research journal is mainly astrological magazine in which you shall find research oriented articles on astrology.

Subscribe

Apne vichar vyakt karein

blog comments powered by Disqus
.