मंत्रों की उपयोगिता

mantron ki upyogita  

Ank ke aur Lekh | Sambandhit Lekh | Views : 1841 |  
janmakundli men adhyayan ke pashchat usmen se nishkarshit vyavdhanon, ya samasyaon ke upchar ke lie 2 prakar ke upay kiye jate hain. nirbal grah ko bali kar ke, usse adhik shubh fal prapt kiye jate hain aur dusra bali papi grah ko shant kar ke usse hone vale anisht fal ki prapti se bacha ja sakta hai. jin nirbal grahon ko bali karna hota hai, unke lie ratn aur nag pahnna uchit mana jata hai aur jo grah papi hote hain, unke lie puja, vrat, dan, havan adi karna uchit hota hai. in papi grahon ke ashubh falon se bachne ke lie mantron ka upyog sarvadhik upyogi mana jata hai. is mantra ke upyog se kal ke gras men jate hue vyakti ko bhi bachaya ja sakta hai, jaise koi vyakti yadi marnasann avastha men hai, to mahamrityunjay ke nimn mantra ka jap param labhdayak siddh ho sakta hai. un tryanbkan yajamhe sugandhinpushti vardhanam, urvarukmiv bandhanan mrityormukshiya mamritat. is mantra ki mahima ka bakhan karna suraj ki roshni ko dipak dikhane ke saman hai. kisi bhi mantra ke karya karne ki pranali thik usi tarah ki hai, jaise jab koi vyakti sankat men par jata hai, to vah apne sabse priya jan ko yad karta hai aur sankat se ubrne ke lie sachchi fariyad karta hai. yah sach hai ki agar koi vyakti kisi ko sachche man se yad kare aur apni sahayta ke lie use bulaye, to telipaithi ke dvara us bulaye gaye vyakti ko ahsas ho jata hai ki koi use pukar raha hai aur koi priya vyakti musibat men hai. kabhi-kabhi vah vyakti us bulaye gaye vyakti ki sahayta ke liye chal bhi parta hai aur sahayta karta hai. thik isi prakar kisi mantra vishesh ka uchcharan puri nishtha, vishvas aur shuddhata ke sath karte hain, to us mantra men nihit devi-devta tatha shakti ka avahan hota hai evan vah shakti mantra uchcharan se anunadit hoti hai, jiske karan us shakti ko jatak ki samasya ka ahsas hota hai tatha vah shakti, jatak ke nivedan ko svikarte hue, uski sahayta ke lie agrasar hoti hai. is mantra shakti ki pranali ko is prakar bhi samajh sakte hain ki jab koi dusht vyakti kisi sajjan prani ko pratarit karta hai, to vah sajjan vyakti yadi apne ap, nat mastak ho kar, usse daya ki bhikh mangta hai, to vah dusht vyakti bhi yah soch kar ki ‘‘ek mare hue ko kya marna’’ chor deta hai. isi prakar papi grah ke mantron ka jap karne se vah papi grah, apne papi falon ko chor kar, sam fal dena aranbh kar deta hai aur jatak, papi grah ki dasha men milne vale anisht falon se bach kar, sam falon ki prapti karta hai. har mantra ke jap karne ki sankhya nishchit ki gayi hai. lekin kisi bhi mantra ka jap karne ke lie kam se kam 108 sankhya nirdharit ki gayi hai. yah mantron ki sankhya nakshatron ki sankhya 27 par nirdharit ki gayi hai. pratyek nakshatra ke 4 charan hote hain. is prakar kul 108 charan hote hain. nakshatron ke inhin charnon ki sankhya ke adhar par mantron ki sankhya nirdharit ki gayi hai; arthat jatak jab kisi grah ke mantron ka jap karta hai, to vah grah, kisi bhi nakshatra ke kisi bhi charan men sthit ho, us nakshatra vishesh ke charan vishesh men ja kar andolit karta hai aur grah ko apni or sahayta ke lie akarshit karta hai. is prakar jap karte samay kam se kam 108 jap avashya karne chahien. mantron ke jap ke vishay men dhyan dene yogya bat yah hai ki mantron ka jap yadi svayan kiya jae, to vishesh labhkari hota hai. kyonki jo vyakti jap karta hai, vah svayan atmik rup se us grah se pirit hota hai. islie jitni nishtha, vishvas aur lagan us pirit vyakti ke man men hoti hai, utni nishtha, vishvas aur lagan kisi anya vyakti ke man men ho hi nahin sakti. kyonki koi vyakti jab kisi anya madhyam vyakti ki sahayta n le kar svayan kisi shakti ko apni sahayta ke lie pukarta hai, to vah shakti sidhe hi us vyakti ki sahayta ke lie prerit ho jati hai aur sidha labh us jatak ko prapt hota hai. islie mantron ke lie vishesh bat hai ki unka jap jitni nishtha aur vishvas se kiya jaega, fal utna hi adhik aur shighra prapt hoga. paristhitivash yadi jap svayan n kiya ja sake, to kisi vidvan pandit dvara hi mantron ka jap karaya jana chahie. shastron ka mat hai ki jab bhi kisi mantra ka jap kiya jae, to uske dashansh sankhyaon ka havan us mantra ke uchcharan ke sath kiya jae, to vishesh faldayi hota hai. iska ashay yah hai ki jab kisi shakti, ya devi-devta ko apni sahayta ke lie amantrit karte hain, to us shakti ko bhojan karana bhi avashyak hota hai. us shakti ko bhukhe pet vapis nahin bheja ja sakta. in mantron ki jap sankhya ko yad rakhne ke lie mala ka vidhan kiya gaya hai. ismen 108 dane hote hain, jisse ek mala jap karne se 108 sankhya men mantron ka jap ho jata hai. samanya rup se to mantron ka jap rudraksh ki mala par kiya ja sakta hai, parantu vishesh fal prapti ke lie mala vishesh ka bhi vidhan kiya gaya hai, jaise lakshmi puja aur mantra jap ke lie kamal gatte ki mala, guru ke mantron ka jap karne ke liye haldi ki mala, chandra ke mantron ke jap ke lie moti ki mala, vishnu bhagvan ke mantron ke jap ke lie tulsi ki mala evan un namah shivay ke mantron ke jap ke lie rudraksh ki mala abhisht fal dene men vishesh faldayi hoti hain. aisi bhi dharna hai ki kisi grah ke mantra usi grah ke yantra ke samaksh kiye jaen, to fal kai guna adhik prapt hote hain tatha is prakar yantra bhi siddh ho jate hain. mantron ke jap ke dauran jatak ko apne achar-vichar tatha vyavhar men sanyam bartne se mantron ka labhkari fal shighra hi prapt hota hai. anya upyogi mantra sarasvati mantra un ain shriah namah gayatri mantra un bhurbhuvah svah tatsaviturvarenyan. bhargo devasya dhimhi dhiyo yo nah prachodyat nav grah mantra brahma muraristripurantakari bhanuah shashiah bhumisuto budhashch. gurushch shukrah shani rahu ketvah sarve grahaah shantikra bhavantu namokar mahamantra namo arihantanan, namo siddhanan, namo airiyanan, namo uvajjhayanan namo loe sabvasahunan artha: arihanton ko namaskar, siddhon ko namaskar, acharyon ko namaskar, upadhyayon ko namaskar aur is lok ke sabhi sadhuon ko namaskar hai.
Kya aapko lekh pasand aaya? Subscribe
Kya aapko lekh pasand aaya? Subscribe


  January 2004

research journal is mainly astrological magazine in which you shall find research oriented articles on astrology.

Subscribe

Apne vichar vyakt karein

blog comments powered by Disqus
.