महात्मा गांधी

mahatma gandhi  

Ank ke aur Lekh | Sambandhit Lekh | Views : 7489 |  
mahatma gandhi yadgakaran sharma gandhi ji ko shraddhanjli karte hue mahan vaigyanik ainstain ne kaha tha ''ane vali pirhiyan shayad hi is bat par vishvas kar sakengi ki had-mans ka bana hua aisa putla bhi kabhi is dharti par vicharan karta tha.'' -alabart ainstain. mahatma gandhi ek aise yugpurush the jinhonne n keval bharat ko svatantrata dilane men sarvadhik yogdan diya apitu samast vidgav men shanti aur bandhutva ki bhavna utpann karte hue satya aur ahinsa ka prachar prasar bhi kiya. satya aur ahinsa ke pujari rashtrapita mahatma gandhi ka janm aktubar 1869 ko porbandar, gujrat men hua. inka vivah 13 varsh ki ayu men ho gaya tha. bare hokar inhonne bal vivah ka virodh kiya. 1885 i. men gandhi ji ke pita ji ki mrityu ke pashchat parivar ke ek karibi mitra ne kaha tha ki yadi gandhi ko porbandar men apne pitaji ki jagah leni hai to inglaind men tin sal bitakar kanun ki parhai karni chahie. gandhi ji ne is sujhav ka svagat kiya lekin inki man ke virodh karne par inhonne apni man ko bachan diya ki inglaind me nrhte hue yah sharab, mans aur mahila ko saparsh nahin karenge tatha satya ka palan karenge. 04 sitanbar 1988 ko gandhi ji inglaind ke lie ravana ho gae aur 1891 men kanun ki parhai puri karke svadesh laut ae. 1893 men inhen ek mukaddamen ki pairvi karne ke uddeshya se sauth afrika jana para. yahan par rahte hue inhonne bhartiyon ke adhikaron ki bat ko uthaya aur anttah san 1914 men gandhi aur sauth afrika ki sarkar ke bich men bhartiyon ki suraksha ke lie samjhauta ho gaya. san 1915 men gandhi ji svadesh laut ae aur us samay ke rajnaitik guru gopal krishn gorvle ke nirdesh par bharat bhraman par nikal pare. ek varsh ke pashchat inhonne sabrmti ke tat par satyagrah nam ka ashram sthapit kiya. 1917 men champaran ke kisanon par british sarkar dvara kie jane vale atyacharon se chutkara dilane par bharat men inka man-samman teji se barhne laga. san 1921 men gandhi ji ne ashyog andolan chalaya. gandhi ji ke is andolan ne sote rashtra ko jaga diya aur purush v mahila tatha sabhi vargon ke logon ne ismen barh charhakar bhag liya. san 1922 men inhen chah varsh ki saja sunai gai lekin 1924 men bigrte svasthya ke karan riha kar diya gaya. san 1930 men inhonne aitihasik namak andolan aranbh kiya. namak andolan men british sarkar ne hajaron logon ko giraftar kar liya. is andolan ne british samrajya ki ninv ko hila diya. majburan us samay ke vaysray ne gandhi ko batchit ke lie bulaya. 05 march ko 1931 ko gandhi irvin samjhauta hua. samjhaute par hastakshar karne ke uprant gandhi ji raund tebal kanfrains men bhag lene ke lie inglaind chale gae. inglaind se lautne par unhen giraftar kar liya gaya. 1939 men vishva yuddh ke aranbh hone par british sarkar ne bharat ka sahyog manga aur kangres ne badle men svatantrata mang li. lekin british sarkar ke dhulmul javab ke karan 08 agast 1942 men gandhi ji ne bharat choro andolan shuru kiya. angrejon ne shighra hi gandhi ji ko giraftar kar liya. gandhi ji ke giraftar hote hi bharat men avyavastha aur arajkta ka vatavaran fail gaya. jab gandhi ji jel men the to kasturba gandhi ka nidhan ho gaya aur gandhi ji ko bhi maleriya ho gaya. gandhi ji ke kharab svasthya ke chalte british sarkar ne inhen mai 1944 men riha kar diya. 1945 men dusre vishva yuddh men inglaind ki vijay ke pashchat am chunav ke bad lebar parti ke neta etli briten pradhanmantri bane. unhonne bharat ko svatantra karne ka vachan diya parantu kangres aur muslamanon men ekta sthapit karne men vifal rahe. bharat ko anttah 15 agast 1947 ko svatantrata prapt ho gai lekin bharat ka bantvara ho gaya. bantvare ke pashchat hinduon aur muslamanon men sampradayik dange bharak uthe. gandhi ji hindu muslim ekta ke lie kam karte rahe. isse kuch kattar hindu krodhit ho gae aur 30 janvri 1948 ko ek manchle hindu naujvan nathu ram godse ne inki hatya kar di. gandhi ram kahte hue chal base. mahatma gandhi ki kundli ka jyotishiya vishleshn- gandhi ji ka janm tula lagn kark rashi men hone karan yah santulit v vyavasthit mastishk ke vyakti the. inki kundli men balvan mangal ke lagn men baithakar shubh grahon se yukt aur drisht hone se gandhi ji parakrami aur prabhavshali vyakti bane. inhen samast bharat ki janta ka samarthan prapt hua, falasvarup british sarkar apar jan samarthan vale lokapriya gandhi se ghabrane lagi. mangal kal purush ka bal hai aur apne pakke ghar men balvan hai. bal ke antargat prabhav v prarakram bhi a jata hai faltah bali mangal vyakti ke vyaktigat, samajik v rajnaitik prabhav ko barhata hai. inka mangal yogkarak shani v guru adhishthit rashi ka svami hokar lagnesh v bhagyesh se yukt tatha parakramesh guru se drisht hai. inki kundli men kai raj yog hain jaise shri yog, chatra yog, malavya yog, gajkesri yog adi. shri yog-yadi dvitiyesh v bhagyesh kendron men ho tatha in kendron ke svamiyon par brihaspati ki drishti ho to aisa vyakti suyogya mantri, raja se se pratishthit shatruon par vijay pane vala tatha anek deshon ka malik hota hai. gandhi ji ka chatra yog purnataya falibhut hua aur rashtrapita ban gae. sabhi kendron men grah hone karan tatha dashmesh chandra ke dashamasth hone se tatha bali gajkesri yog, balie guru, shukra v budh ke karan inhen akshay kirti ki prapti hui. lagn v lagnesh ke papakartari men hone se tatha chandrama ke rahu se yukt hone ke karan inki kundli men jel yog ban raha hai faltah inhen bar-bar jel jana para. saptam bhav men guru ki sthiti tatha saptamesh par guru v budh adi sabhi shubh grahon ka prabhav hone ke parinamasvarup inki patni uchch vicharon vali, susanskrit, mahila thin. dvitiyesh mangal ka shubh grahon se yukt aur drisht hona inke satyavadi hone ki aur sanket karta hai. mangal par keval shubh grahon ka prabhav hona inhen parakrami to banata hai lekin inhonne apni larai men apna sabse bara shastra ahinsa ko banaya. mangal larai ka karak hai aur iske bali hone se larai men vijay prapt hoti hai. yahi karan hai ki inka ahinsa ka updesh prabhavshali shastra siddh hua. gandhi ji ka bharat men rajnaitik jivan aranbh hote hi isi mangal ki dasha aranbh ho gai thi. gandhi ji ki mangal ki dasha 1915 se 1922 tak chalti rahi. san 1921 men janmakundli ke surya par gochriya guru v shani ka sanyukt prabhav hone par gandhi ji bhartiya rashtriya kangres ke adhyaksh ban gae. 1922 se 1940 tak rahu ki mahadsha men gandhi ji ka varchasva rajnaitik galiyaron men krantikari rup lene laga tatha gandhi ji vishva vikhyat ho gae aur vishva ke itihas men yah samay gandhi yug ke nam se jana jane laga. rahu rajniti ka karak grah mana jata hai. jis kundli men uttam grah yog hon jaise shriyog, chatra yog, malavya yog, chatuah sagar yog, gajkesri yog tatha shukra budh lagn men hon, guru kendra men hon to aisi sthiti men dasham bhav men sthit shreshth rahu ki mahadsha rajnaitik kshetra men saflta ke lie kyon shreshth nahin hogi. dashmbhav se raj yog v kirti ka vichar kiya jata hai. yadi kundli men shreshth yog hon to raj yogkarak grah ki dasha ane par uttam parinam prapt hote hain. yadi kundli kamjor ho to kharab dasha aur kharab gochar ke chalte vinash ki sthiti utpann ho jati hai. lekin gandhi ji ki kundli men lagnesh kendra men hain, shubh grah kendra men tatha shreshth yog hain is karan uttam grah ki dasha ne gandhi ko us yug men vishva ka mahanatam vyakti bana diya. 1942 men bharat choro andolan ke samay gandhi ji ki kundli men parakramesh guru ki mahadsha chal rahi thi jiske karan british sarkar gandhi ji ki lokapriyata aur janasamarthan ke karan kamjor par gai aur anttah san 1947 men rashtra ko ajadi mil gai.
Kya aapko lekh pasand aaya? Subscribe
Kya aapko lekh pasand aaya? Subscribe


svapn evan shakun visheshank  June 2010

is visheshank se svapn ke vaigyanik adhar, svapn ki prakriya, sapnon ka sach, svapneshvari devi sadhna, svapnon ke arth ke atirikt shakun-apshkun adi vishyon ki jankari prapt ki ja sakti hai.is visheshank men shri arun bansal ka sapnon ka sach namak sanpadkiya atyant lokapriya hua.aj hi le aen lokapriya svapn evan shakun visheshank tatha iske falit vichar namak stanbh men parhe svatantra vyavsay ke grah yogon ki vivechna.

Subscribe

Apne vichar vyakt karein

blog comments powered by Disqus
.