अमृता प्रीतम
Ank ke aur Lekh | Sambandhit Lekh | Views : 3883 |  
amrita pritam yadgakaran sharma sitaron ki kahani sitaron ki jubani stanbh men ham janmapatriyon ke vishleshan ke adhar par yah batane ka prayas karte hain ki kaun se grah yog kisi vyakti ko saflta ke shikhar tak le jane men sahayak hote hain. yah stanbh jahan ek or jyotirvidon ko grah yogon ka vyavharik anubhav karaega, vahin dusri or adhyetaon ko shreshth path pradan karega tatha pathkon ko jyotish ki prasangikta, uski arthavatta tatha satyata ka bodh karane men mil ka patthar sabit hoga. amrita pritam ke charitra ka mulyankan unki jivan katha par karna uchit n hoga apitu iske lie hamen unki bemisal v lokaprasiddh kavitaon ka adhyayan karna hoga jisse hamen unki srijnatmak yogyata aur jindadili ka anuman hoga. is alekh men prastut hai is mahan sahityakar ki jivan katha, upalabdhiyon aur sahityik yogyataon ka sankshipt vrittant v jyotishiya vishleshan amrita pritam kavyitri, upanyaskar aur nibandhkar thin jinhen 20vin sadi ki panjabi bhasha ki sarvashreshth kavyitri mana jata hai. inki lokapriyata sima par pakistan men bhi barabar hai. inhonne panjabi sahitya jagat men chah dashkon tak raj kiya aur kavya, upanyas, atm kathaen, upanyas, nibandh aur panjabi lok giton par 100 se adhik pustaken likhin. inhonne apni atm katha bhi likhi jiska bahut si bhartiya aur videshi bhashaon men anuvad bhi hua. inhen inki vikhyat kavita ''aj akhan varis shah nun'' ke lie vishesh rup se yad kiya jata hai. ek upanyaskar ke rup men inki shreshthatam kriti 1950 men prakashit ''pinjr'' upanyas mani jati hai jis par 2003 men avard jitne vali film 'pinjr' bani. san 1947 men bharat pakistan ke vibhajan ke samay amrita pritam lahaur chorakar bharat a gain. parantu iske bavjud bhi pakistan men inki lokapriyata jyon ki tyon barkrar rahi. 1956 men sahitya akadmi puraskar prapt karne vali pahli mahila bani. bad men varsh 1982 men inhen bhartiya gyanpith namak shreshth sahityik puraskar prapt hua. inhen 1969 men padmashri aur varsh 2004 men padmavibhushan aur sahitya akadmi failoship (jise bhartiya sahitya jagat ka sarvashreshth samman mana) prapt hui. amrita pritam ka janm 1919 men gujranvala panjab (pakistan) men hua. inhonne bahut choti avastha men hi likhna praranbh kar diya tha. san 1936 men matra 16 varsh ki avastha men inka 'amrit lahren' nam se kuch kavitaon ka sangrah prakashit hua. 1944 men 'lok pir' nam se kuch anya kavitaon ka sangrah prakashit hua. 1947 men desh ke vibhajan se pahle kuch samay tak inhonne lahaur rediyo steshan men bhi karya kiya. 1948 men unhonne apni sarvadhik prasiddh kavita ''aj akhan varis shah nun'' likhi. inka vaivahik jivan sukhamay nahin tha. 1960 men unki shadi tut gai. 1961 tak inhonne aul indiya rediyo ki panjabi seva men karya kiya. 1965 men unki pustak 'dharti sagar te sipaiyan' par 'kadanbr' namak film bani. 1976 men 'una di kahani' par 'daku' namak film bani. 1970 men unke 'pinjr' namak upanyas par bani film ko puraskar prapt hua. unhonne 'nagmni' namak panjabi patrika ka varshon tak sanpadan kiya. vibhajan ke bad yah hindi men bhi likhti rahin. jivan ke uttararddh men inhonne osho ka rukh kiya aur adhyatmik sahitya ka srijan kiya. 1968 men jivan gathaon ke sangrah 'kala gulab' tatha 1976 men 'rasidi tikt' aur 'aksharon ke sae' nam se prakashit hue. 'panjab ratna' puraskar prapt karne valon men amrita pritam pratham hain. inhen bahut se vishvavidyalyon se di. lit ki upadhi prapt hui. jaise 1973 men dilli vishvavidyalay v jablpur vishvavidyalay se tatha 1987 men vishva bharti se. unhen antarrashtriya puraskar jaise 1979 men bulgariya ripablik se vaptasarove aur 1987 men kransisi sarkar se 'digri auf afsirj den' namak puraskar prapt hua. 1986 se 1992 tak yah rajya sabha sadasya rahin. jivan ke antim samay ke lagabhag unhen pakistan dvara puraskar die jane par inhonne kaha tha ''bare dinon bad mere mayke ko meri yad ai''. unka vivah lahaur ke anarkli bajar ke safal vyapari ke putra se hua. jisse 1960 men yah alag ho gai thin. tatpashchat yah sahir ludhyanvi ke sath rahne lagin. yah sanbandh bhi tut gaya aur fir imroz ke sath inka prem sanbandh shuru hua jo ek safal kalakar aur kavi bhi the. inhonn aujivan ke antim 40 varsh imroj ke sath hi bitae. prastut hai inki kundli ka jyotishiya vishleshn- amrita pritam ki janmakundli men lagnesh mangal bhagya bhav men sthit hokar uchch ke guru aur budh se yukt hai. guru aur budh ki yuti shreshth vidya aur sarasvati kripa ka yog mana jata hai. guru ka uchch rashisth hokar budh aur lagnesh se yukt hona is vidya ke yog ko aur adhik bali bana raha hai. dvitiya bhav vani aur sarasvati, pancham bhav vidya, buddhi tatha navam bhav uchch shiksha ka bhav hai. dvitiyesh v panchmesh brihaspati uchcharashisth hokar navamasth hai isi karan inki sahitya ke kshetra men upalabdhiyan ashcharyajanak rahin. tritiya bhav tritiyesh v budh ko lekhan kala ka karak mana jata hai tatha guru uchchastariya gyan, adhikar v lekhan ka devta hai. inki kundli men tritiyesh dashmesh se sanyukt hokar karm ke dasham bhav men sthit hai. tritiya bhav par guru, budh aur lagnesh tinon ki drishti hai. pancham bhav par drishti dalne vala shukra chandralagnesh hai tatha budh ki rashi men sthit hai. pancham bhav par drishti dalne vala guru lagnesh aur budh se sanyukt hai. budh ke shukra adhishthit rashi ka svami hone v lagan, lagnesh, tritiya, pancham v navam bhav ko prabhavit karne vale guru se sanyukt hone ke karan inhen lekhan kala men rashtriya v antarrashtriya star par vishesh samman prapt hua jismen tritiyesh v dashmesh ki dasham bhav men sthiti ne atirikt bhumika ada ki. lekhan kala ka karak budh atmakarak hokar navam bhav men sthit hai tatha dashamasth surya vargottami hai sath hi adhikatam grah navam, dasham v ekadash bhavon men sthit hain. isi karan inhen apar yash v kirti ki prapti hui. saptamesh ke nichrashisth hone tatha saptam bhav par kal sarp yog ke prabhav se inke vivahit jivan men sthirta n rah saki. lekhan ke tritiya bhav, tritiyesh aur karak budh ki shreshthatam sthiti ke karan hi inhonne choti avastha men hi likhna aranbh kar diya tha. yadi kundli men lagnesh, bhagya bhav, dasham tatha dvitiya v ekadash bhav ki sthiti shreshth n ho to jivan men shighrata se unnati nahin hoti. amrita pritam ki janmapatri men lagnesh shubh grahon se sanyukt hokar shubh bhav men sthit hai. bhagya bhav v dasham bhav ki sthiti atyant shreshth hai. dhanesh guru uchch ka hokar, lagnesh v labhesh se yukt hokar shreshthatam lakshmi yog bana raha hai. jyotish men niyam hai ki yadi lagnesh, dhanesh v labhesh ki yuti kisi shubh bhav men ho tatha inmen se koi grah uchch ka ho to ise shreshthatam lakshmi yog mana jata he. is yog ke vidyaman rahne tatha dasham bhav v dashamasth dashmesh surya ke vargottami hone ke karan hi inki us samay bhi teji se kirti barhi jab desh vibhajan ki vikat paristhitiyon se gujar raha tha. dasham bhav ki shreshth sthiti ke karan n keval khayati prapt hui apitu rajyasbha sadasya ka shreshth pad bhi prapt hua. amrita pritam ka kairiyar chah dashkon tak anavarat chalta raha. san 1936 men matra 16 varsh ki avastha men inki pratham pustak ke prakashan ke samay inko tritiyesh shani ki mahadsha aranbh hui thi. shani karm bhav men dashmesh ke sath hi sthit hai islie dasha ke aranbh men hi lekhan karya men samman prapt ho gaya. is samay shani aur guru ka gochriya prabhav bhi tritiyesh v dashmesh par ho raha tha. 1944 men 'lokpir' ke prakashan ke samay gochar men guru uchcharashisth the. 1948 men guru ka lagan aur shani ka tritiyesh aur dashmesh ke upar dasham bhav men gochar hone se inhen inki kavita 'aj arvan varis shah nun'' ke lie atyadhik prasiddhi prapt hui. inhen 1936 se tritiyesh shani ki mahadsha aranbh hui aur tatpashchat budh ki mahadsha. yah donon dashaen inke vyaktigat jivan ke lie to itni shubh nahin rahin. parantu lekhan kala ko parishkrit karne men atyant shubh siddh hui. 1956 men budh men budh ki antardasha tatha dasham bhav men sthit vargottami surya v shani ke upar se guru v shani ka gochriya prabhav hone par inhen sahitya akadmi puraskar prapt hua. vidya ke pancham bhav par drishti dalne vale shukra ke nich bhang rajyog ke karan shiksha ke kshetra men uchchastariya samman (1973 men dilit ki upadhi dilli v jablpur vishvavidyalay se) prapt hua lekin 54 varsh ki avastha men arthat bahut deri se jab ketu men shukra ki antardasha chal rahi thi. ketu v shukra ek dusre pancham navam bhav men sthit hain. nich bhang raj yog banane vale shukra ki mahadsha men shukra ki hi antardasha men, san 1979 men bulgariya ripablik se puraskar mila. gochar men guru uchcharashisth tatha shani dasham bhav men chal rahe the. 1987 men shukra men rahu ki antardasha men fransisi sarkar se puraskar v vishesh samman prapt hua. is samay bhi gochriya shani ka prabhav dasham bhav par tatha shani v guru ka sanyukt gochriya prabhav janmakalin rahu par par raha tha. rahu ko videsh se prapt hone vale samman ka karak mana jata hai. 1986 men guru v shani ke dasham bhav par gochriya prabhav ke samay yah rajyasbha sadasya bani.
Kya aapko lekh pasand aaya? Subscribe
Kya aapko lekh pasand aaya? Subscribe


grah shanti evan upay visheshank  September 2010

jyotish men vibhinn upayon ka fal, lal kitab ke upay, vyavharik upay, upayon ka uddeshya, aushdhi snan v ratnon ka prayog ityadi sabhi vishyon ki sangopang jankari dene vala yah visheshank pratyek ghar ki avashyakta hai. upayon men mantra v upasna ke mahatva ke atirikt yantra dharn/pujan dvara grah dosh nivaran ki vidhi bhi spasht ki gai hai.jyotish dvara bhavishyakathan men sahayta milti hai parantu iska mul uddeshya samasyaon ke satik samadhan jutana hai. is uddeshya ki pratipurti karne ke uddeshya ko pura karne ke lie yah ank vishesh upyogi hai.

Subscribe

Apne vichar vyakt karein

blog comments powered by Disqus
.