सोनिया गाँधी

soniya gandhi  

Ank ke aur Lekh | Sambandhit Lekh | Views : 4088 |  
soniya gandhi yadgakaran sharma sitaron ki kahani sitaron ki jubani stanbh men ham janmapatriyon ke vishleshan ke adhar par yah batane ka prayas karte hain ki kaun se grah yog kisi vyakti ko saflta ke shikhar tak le jane men sahayak hote hain. yah stanbh jahan ek or jyotirvidon ko grah yogon ka vyavharik anubhav karaega, vahin dusri or adhyetaon ko shreshth path pradan karega tatha pathkon ko jyotish ki prasangikta, uski arthavatta tatha satyata ka bodh karane men mil ka patthar sabit hoga. forbs maigjin dvara jari sansar ke sarvadhik shaktishali vyaktiyon ki suchi men shrimti soniya gandhi naunven (navm) sthan par hain. inhen bharat ke sarvadhik pratishthit nehru gandhi parivar ki bahu banne ka gaurav prapt hua. pichle 11 varshon se kangres ke adhyaksh pad par asin hain aur king mekar hain. itli ke ek chote se ganv men janmi soniya gandhi bharat ki bhagya nirdharak ban gai. kya rahi sitaron ki bhumika? aie janen... shrimti soniya gandhi itli men janmi bhartiya rajnitigya hain. vartaman men ve bhartiya rashtriya kangres ki adhyaksha, loksbha men yu. pi. e. ki cheyaraparsan tatha kangres sansdiya dal ki neta hain. ve kangres parti ki adhyaksh ke rup men sarvadhik lanbi avdhi puri kar chuki hain. inka janm 9/12/1946 ko itli ke veneto kshetra men parne vale vikainja namak sthan se 30 kimi. ki duri par sthit ek chote se ganv lusiyana men hua tha. inhonne apni kishoravastha ke samay tyurin ke samip or basano namak sthan par roman kaitholik skul men parhai ki. inke pita ek vilding kontrektar the jinki varsh 1983 men mrityu ho gai. inki man aur do bahnen orvasano ke as pas hi rahti hain. varsh 1964 men ve inglish parhne ke lie kainbrij gai jahan san 1965 men inki mulakat rajiv gandhi se ek grik restorent men hui. soniya aur rajiv ne varsh 1968 men vivah kar liya aur is prakar inka padarpan inki sas v tatkalin pradhanmantri shramti indira gandhi ke ghar hua. varsh 1970 men inhonne bete rahul gandhi tatha 1972 men putri priyanka gandhi ko janm diya. prabhavshali nehru parivar ke sadasya hone ke bavjud bhi soniya v rajiv gandhi ne apne apko rajniti se purnataya dur rakha. rajiv gandhi eyrlain payalat ka karyabhar sanbhala v soniya gandhi ne ghar ki dekh rekh ka jimma sanbhala. 23 jun 1980 ko ek havai hadse men sanjay gandhi ki mrityu ho jane par san 1982 men rajiv gandhi ne rajniti men pravesh kiya. soniya ne parivar ki dekhbhal karna jari rakha aur janta se kisi bhi prakar ka sanpark n rakha. soniya gandhi ka bhartiya janta se sanpark shuru hua unki sas shrimti indira gandhi ki hatya tatha pati ke pradhanmantri chune jane ke bad. 1984 men soniya gandhi ne apne pati ke amethi se chunav larne ke samay rajiv gandhi ka jordar chunav prachar kiya. us samay rajiv ke viruddh unke svargiya bhai ki patni menka gandhi chunav men utri thi. rajiv gandhi ki hatya hone ke pashchat soniya ne pradhanmantri pad ko svikar karne ki peshakash ko thukra diya aur parinamasvarup pi. vinrisamha rav ko kangres ka neta bana diya gaya jo kalantar men pradhanmantri bane. ane vale kuch varshon men kangres ka bhagya tutne laga aur bahut se varishth netaon jaise madhvrav sindhiya, rajesh payalat, narayan datt tivari, arjun sinh, mamta bainarji, ji. kemuthnar, pi. chidanbaram v jayanti natrajan adi ne sitaram kesri ke viruddh jang cher di aur kangres ko chorakar iske kai tukre bana die. kangres parti ka punruddhar karne ke uddeshya se inhonne 1997 men kangres parti men pravesh kiya aur 1998 men kangres ki neta ban gai. kangres parti men ek praimri menbar ke rup men pravesh ke matra 62 din pashchat inhen kangres adhyaksh ke pad ki peshakash ki gai jise inhonne svikar kar liya. inhonne bellari karnatak v amethi uttar pradesh se 1999 men chunav lara. bellari men inhonne bi. je.pi. ki sushma svaraj ko parajit kiya. san 2004 v 2009 men inka raybreli uttarapradesh se loksbha ke lie punnirvachan hua. 1999 men inhen 13vin loksbha men virodhi dal ka neta chuna gaya. inhonne varsh 2003 men vajpei ki en di e sarkar ke viruddh no kanfidens moshan bulaya. inke khate men lagatar das varshon tak kangres ki adhyaksha bane rahne ka rikard hai. varsh 2004 ke am chunavon men en di e ki apratyashit har ke bad soniya ji ka pradhanmantri banna lagabhag tay ho gaya. 16 mai ko soniya ji ko bina kisi virodh ke 15 daliya koelishan gavarnament ka netritva karne ke lie chun liya gaya aur is koelishan gavarnament ko yunaited progresiv elanyas (yu. pi. e.) ka nam diya gaya. chunav ke pashchat en di e ne inke videshi mul ke hone ka mudda uthaya tatha varishth bi. je. pi. neta sushma svaraj ne soniya ji ke pradhanmantri banne ki sthiti men apna sir mundvane v jamin par sone ki dhamki de dali. en di. e. ne dava kiya ki soniya ko satta se alag rakhne ke lie kanuni karan bhi hai. en. di. e. ne indiyan sitijnship ekt 1955 ke anuchched 5 ka vishesh rup se havala diya. parantu suprim kort ne ise kharij kar diya aur soniya ka pradhanmantri banne ka rasta saf ho gaya. chunav ke kuch din pashchat soniya ji ne manmohan sinh ko pradhanmantri ke pad ke lie chuna. soniya ke samarthakon ne inke is faisle ki tulna kangres ki tyag ki purani paranpra se ki jabki virodhiyon ne ise rajnaitik kalabaji bataya. neshanal edvaijri kameti aur yu. pi. e. ke cheyaraparsan ke rup men unhonne neshanal rural empalayment garanti skim aur d rait tu infomeshan ekt banane ka mahatvapurn karya kiya. 2 aktubar 2007 ko mahatma gandhi ki jayanti par inhonne yunaited neshanz ko sanbodhit kiya. mahatma gandhi jayanti ko yunaited neshanz ne 15 julai 2007 ko parit prastav ke anusar ahinsa ke antarrashtriya divas ke rup men manaya jata hai. unke netritva men yu. pi. e. ne 2009 ke am chunav punah jit lie aur manmohan sinh fir se pradhanmantri bana die gae. akeli kangres ko 206 siten prapt hui jo 1991 ke bad ab tak ki avdhi men kisi bhi parti dvara jiti gai siton men sarvadhik hai. prastut hai soniya gandhi ki janmakundli ka sankshipt jyotishiya vishleshan soniya gandhi ki kundli men kark lagn hai jise kushal rajnitigyaon ka lagn mana jata hai. lagn men baitha hua shani bhi jatak ko kutnitigya tatha kushal prashasak banata hai. chandra kundli se pancham bhav men virajman guru v shukra ne bhi inhen rajniti ka pandit banaya. yadi char lagn ho aur guru, shukra tatha shani kendron men hon to anshavtar yog hota hai. aisa jatak bahut bari shakhisayat hota hai aur use yug purush mana jata hai. such a person is competent to shape the character of the age inwhiche/she lives.is yog ke atirikt ekadashasth rahu tatha lagnasth shani ne inhen rashtra ki sarvadhik sammanit shakhisayat banaya. rashtra ke bhagya ki bagdor inhin ke hath men hai aur forbs maigjin ke anusar shrimti soniya gandhi sansar ke sarvadhik shaktishali vyaktiyon ki suchi men naunven (navm) sthan par hain. inki janmapatri men lagnasth shani, kendrasth guru, shukra v ekadashasth rahu ne inhen itne unche mukam par pahunchaya. malavya yog banane vala shukra navansh men bhi svarashisth hai v guru adhishthit rashi ka svami hokar bhagyesh se sanyukt hai. rahu ketu uchcharashisth hain. chathe bhav men baitha mangal bhi rajniti ke kshetra men vijyi banata hai. karkansh kundli men su. bu. dashamasth hain tatha shani chathe bhav men sthit hain. lagnachandrika ke anusar yadi surya budh dashamasth hon tatha pap grah chathe bhav men ho to shreshth rajyog hota hai. inki karkansh kundli men yah rajyog karak v atmakarak surya saptamesh hokar dashamasth hai jis karan inka vivah itne shahi parivar men hua tatha usi shahi parivar ke karan yah bharat ki rajniti v prashasan men gat 10 varshon se sarvopri hain. dhanesh surya panchamasth hai, dhan ka karak guru kendrasth hai, chaturthesh (sanpatti) v labhesh shukra malavya yog bana raha hai. chaturth bhav shubh grahon se yukt hai jo chaturthesh, labhesh v bhagyesh hain. chandrakundli men dhanesh v labhesh ka paraspar drishti yog hai. is prakar inki kundli men lakshmi kripa prapti ke sabhi shubh yog vidyaman hain. rajneta ke rup men inki pratishtha men nirantar vriddhi hoti rahegi. 1965 men prem ke karak shukra se sanyukt guru ki mahadsha men saptamesh shani ki antardasha men shani v guru ke prem ke pancham bhav par sanyukt gochriya prabhav ke samay inka shri rajiv gandhi se prem sanbandh hua aur inke bhagya ke dvar khul gae kyonki pancham bhav navam se navam bhav bhi hota hai tatha sath hi bhagyesh ki mahadsha chal rahi thi. 28 janvri 1968 ko chandrama se saptam bhav par guru v shani ka sanyukt gochriya prabhav hone par inka shrirajiv gandhi se vivah hua. santan ke karak guru ki mahadsha men santan ke karak grah v bhav par gochriya guru v shani ka prabhav hone par inhen varsh 1970 v 1972 men yogya santan ki prapti hui. san 1998 men pancham bhav men virajman chandra lagnesh budh ki mahadsha ane par chandrama se navam bhav men guru ka gochar tatha dasham men shani ka gochar hone ke samay soniya ji kangres ke adhyaksh pad par asin hui. 1999 men inko virodhi dal ka neta chune jane par guru v shani ka lagn se dasham bhav par gochriya prabhav hone par inka rajnitik varchasva barhne laga. 16 mai 2004 ko janmakundli ke chathe bhav men sthit rajyog karak dashmesh mangal par guru aur shani ka sanyukt gochriya prabhav hone par inhen 15 daliya koelishan gavarnament ke netritva ke lie nirviroddh chuna gaya. 2009 ke am chunavon men kangres aur yu.pi. e. ki punah jit hone par manmohan sinh ko inhonne fir se pradhanmantri ke pad par niyukt kiya. is samay panchamasth budh men bhagyesh guru ki antardasha chal rahi thi tatha gochar men chaturth bhav, chaturthesh, labhesh v bhagyesh par shani v guru ka sanyukt gochriya prabhav ho raha tha. shani chandrama se tritiya v guru chandrama se navam men hone par gochar men atyant shubh chal rahe the. kundli men chaturth bhav janta ka bhav bhi mana jata hai aur is prakar ham dekh sakte hain ki inhen janta ka samarthan mila. chunav men kangres parti ki sabse jyada siten ai. vartaman samay men disanbar 2012 tak budh men shani ki antardasha ke chalte shrimti soniya gandhi prashasan tatha rashtriya aur antarrashtriya rajniti ko niyantrit karne ke lie shaktishali yojnaon ka nirman karengi aur inke aise kadam se ve desh ke bhavishya ko ek nai disha dene men safal hongi. vartaman samay men guru v shani ke gochriya prabhav se inke parakram tatha vyaktigat, samajik v rajnitik prabhav men nirantar abhivriddhi hogi aur bhagya bhi inka sath deta rahega. agle varsh ke aprail mahine se inke man samman men aur adhik vriddhi hogi tatha navanbar 2011 v 2012 men inhen apar pratishtha v yash prapti ke grah yog ban rahe hain aur sath hi antarrashtriya rajniti men bhi inki pakar aur majbut hongi. 2014 ke uttararddh men inki pratishtha teji se barhegi kyonki us samay inki kundli men panchamasth ketu ki dasha chal rahi hogi aur gochar men inke janm lagn men uchcharashisth guru honge tatha shani uchch ke hokar bhagyesh v sukhesh par gochar kar rahe honge. grah yog ke anusar us samay shrimti soniya gandhi bhartiya rajniti men aur adhik adrniya v prabhavshali vyaktitva ke rup men ubhrengi. jyotish shiksha char lagn men janm ho aur guru, shukra, shani kendrasth hon to anshavtar yog hota hai tatha aisa jatak yug pravarttak hota hai. lagnasth shani safal kutnitigya, prashasak aur rajnitigya banata hai. chaturth bhav v chaturthesh ki shreshthasthiti apar janasamarthan jutati hai. ekadashasth rahu achanak bhagya ke dvar kholta hai aur rajnitigya ka karak hone se rajnitik galiyaron men anayas hi prabhavshali bana deta hai. anshavtar yog, lagnasth shani v ekadashasth rahu jivan men kisi bhi unchai tak pahunchane men saksham hota hai. jaimini jyotish ke anusar pancham bhav rajyog karak hota hai. soniya ki kundli men pancham bhav men atmakarak surya chandra lagnesh budh v ketu ke sath sthit hai tatha rahu se drisht hai. pancham bhav par char grahon ka prabhav hone se pancham bhav bali ho gaya hai. karkansh kundli men shreshth rajyog safltadayak siddh hoga.
Kya aapko lekh pasand aaya? Subscribe
Kya aapko lekh pasand aaya? Subscribe


navavarsh visheshank  January 2011

varsh 2011 ke navavarsh visheshank men rajnitik dalon v netaon ke bhavishya ke sath-sath bharatavarsh ka navavarsh kaisa rahega adi vishyon par vistrit charcha ki gai hai. soniya gandhi ki janmapatri ka jyotishiya vishleshan kiya gaya hai sath hi 12 mahinon ka vistrit rashifal bhi diya gaya hai.

Subscribe

Apne vichar vyakt karein

blog comments powered by Disqus
.