नकसीर नाक का रक्तस्राव

naksir nak ka raktasrav  

Ank ke aur Lekh | Sambandhit Lekh | Views : 8481 |  
naksir : nak ka raktasrav jab nak se khun bahne lagta hai, to isi avastha ko naksir kahte hain. naksir vishesh kar garmiyon ke mausam men hoti hai. garmiyon ke dinon men garmi ke karan dhamniyon par adhik dabav parne se nak se khun bahne lagta hai. kai bar bahne vale rakt ki matra se am admi ghabra jata hai aur sochta hai ki aise men kya karen? naksir futne ke kai karan hain, jinmen pramukh hai bahut se logon ki nak ke bhitar anguli se kuredne ki adat. ve nak men jame srav ko anguli ghuma kar nikalna chahte hain. aise men nakhun se nak ki bhitri komal parat par chot lag kar khun bahne lagta hai. uchch raktachap ke rogiyon men bhi naksir futne ka bhay hota hai. nak ke bhitar sankraman ho jane ki dasha men jvar, nak se pani bahna aur munh se badbu ane ke sath-sath khun bhi nikal sakta hai. nak ki tvacha men kisi prakar ki elarji ho jae, to uska srav sukh jata hai aur vahan papri jam jati hai, jo alag hote samay raktasrav kar sakti hai. nak men kisi prakar ka tyumar, ya ganth bhi raktasrav kar sakte hain. aise men sans lene men taklif, nak se pani ana aur nak dard jaise lakshan prayah rahte hain. nak men kisi tarah ki chot lag jae, to bhi raktasrav ho sakta hai. samudri satah se bahut unchai vale sthan par jane se bhi naksir fut sakti hai. aisa dhamniyon par adhik dabav parne se hota hai. riyumaitik fivar, jismen bukhar ke sath-sath joron men dard aur sharir par lal dane ubhar ate hain, usmen bhi nak se raktasrav ho sakta hai. kuch vyaktiyon men rakt koshika vikrit hone par khun jamne ki kriya deri se hoti hai, ya bilkul nahin hoti. unhen bhi kai bar, is bimari se do-char hona par sakta hai. vitamin ki kami, masik dharm ki aniyamitta, atyadhik sharirik shram, dhup men jyada der rahna jaise karan bhi raktasrav ko janm de sakte hain. upchar : jabbhi naksir fute, chahe alp matra men hi kyon n ho, avhelna n karen aur turant uchit paramarsh len. raktasrav ka karan jan kar uske anusar upchar karen. yadi achanak naksir fute, to ghabraen nahin. rogi ko shant aur thande sthan par le ja kar dhiraj bandhaen, taki uska raktachap aur barh kar raktasrav n ban jae. nak ko anguthe aur tarjani se jor se lagatar dabae rakhen. marij ko munh se sans lene den aur gale tak khun ris raha ho, to thukne ko kahen. rogi ki nak aur uske mathe par barf ke pani ki patityan den aur sidha baithaen. is par bhi khun bahna n ruke, to ek rui ka gola bana kar kisi bhi krim, ya glisrin men dubo kar, nak ke bhitar achchi tarah thuns den; ya fir anguli par krim, ya vaislin laga kar nathunon men dal nak ke bich ki haddi ko jor se daba kar rakhen. aise panch minat tak rakhen. yadi khun bahna band ho jata hai, to marij ko lita den aur use thanda pey pine ko den. use munh se sans lene ke lie prerit karen aur dhyan rakhen ki vah nak men anguli n dalne pae, ya nak se bar-bar sans le. vah khankhare bhi nahin, varna raktasrav punah shuru ho sakta hai. yadi uparyukt sabhi tarike apnane ke bad bhi raktasrav band n ho, to rogi ko turant visheshagya ke pas le jaen, kyonki aisi sthiti men khun dene ki jarurat bhi par sakti hai. gharelu upchar : majufal ko pis kar nak men sunghane se naksir band ho jati hai. multani mitti ko pani men bhigo kar rakhen aur pratah pani nithar kar chan len. is saf pani ko pilane se do-tin din men hi varshon purani naksir sada ke lie thik ho jati hai. suhage ko thore se pani men ghol kar donon nathunon par lep karen. naksir tatkal band ho jaegi. anar ke ras ki nasvir dene se khun girna band ho jata hai. mithe angur ka ras nak se dhire-dhire khinchen. naksir thik ho jaegi. ajvayan aur nim ke patton ko barik pis kar kanpti par lagaven. isse nak se khun ana band ho jata hai. taje ninbu ka ras nikal kar nak men pichkari dene se naksir thik ho jati hai. ber ke patton ko bina pani ke pis kar sir par lagane se naksir thik ho jati hai. sukhe anvle ko pani men bhigo kar rakh den. pratah chan kar pani pien. menhdi ki taji pattiyan pani men pis kar talvon men lagane se naksir band ho jati hai. jyotishiya drishtikon : jyotishiya drishti se kal purush ki kundli ka tritiya bhav nak ki antrik prakriya ka netritva karta hai. nak ke antrik rogon ka karak budh hota hai. mangal hriday bhav aur rakt ka karak hai. chandra raktachap ka karak hai. isi lie 'naksir' ka sanbandh tritiya bhav, budh, chandra aur mangal se hua. kisi bhi janmakundli men lagnesh, lagn, tritiyesh, tritiya bhav, budh, chandra aur mangal dushprabhavon men rahen, to naksir jaisa rog hota hai. vibhinn lagnon men naksir rog : mesh lagn : lagnesh mangal shashth bhav men, shashthesh tritiya bhav men chandra se yukt, ya drisht ho aur tritiya bhav par rah,u ya ketu ki drishti ho, to jatak ko naksir hoti hai. vrish lagn : lagnesh trik bhavon men mangal se yukt, ya drisht ho, tritiyesh chandra rahu, ya ketu se drisht ho, tritiya bhav men guru apne uchch anshon par budh se yukt ho, to naksir hoti hai. mithun lagn : lagnesh aur tritiyesh shashth, ya ashtam bhavon men hon, mangal tritiya bhav men, ya tritiya bhav par drishti rakhe, chandra tritiya bhav men rahu se drisht ho aur guru-ketu drisht, ya yukt ho kar lagn par drishti rakhen, to naksir hoti hai. kark lagn : lagnesh aur tritiyesh tritiya bhav men yukt ho kar mangal se drisht hon aur mangal rahu se drisht ho, lagn par shani ki drishti ho, to naksir hoti hai. sinh lagn : lagnesh surya shashth bhav men ho aur shashthesh shani tritiya bhav men ho tatha mangal se drisht, ya yukt ho, tritiyesh budh se yukt ho kar rahu se drisht ho, chandra lagn, ya chaturth bhav men ho, to naksir hoti hai. kanya lagn : lagnesh trik bhavon men ho, chandra tritiya bhav men mangal se yukt, ya drisht ho, guru tritiya bhav men ho, ya tritiyesh par drishti rakhe aur rahu, ketu tritiya bhav par, ya lagn par drishti rakhe, to naksir hoti hai. tula lagn : lagnesh ashtam bhav men, mangal tritiya bhav men guru se yukt, ya drisht ho, budh shashth men chandra se yukt ho aur rahu-ketu se drisht ho, to naksir hoti hai. vrishchik lagn : lagnesh aur shashthesh mangl-shani se drisht ho kar shashth bhav men hon, tritiya bhav men chandra aur budh rahu s e dashri t han e to naksir hate i h.ai dhanu lagn : shukra aur budh tritiya bhav men, surya dvitiya bhav men rahu se yukt, ya drisht ho, chandra tritiyesh shani se yukt ho aur lagnesh trik bhavon men ho, to naksir hoti hai. makar lagn : guru tritiya bhav men ho aur lagnesh trik bhavon men ho, tritiya bhav par mangal ki drishti ho, chandra mangal se yukt ho, budh surya se ast ho, to naksir hoti hai. kunbh lagn : lagnesh shashth bhav men, ya ashtam bhav men ho, mangal tritiya bhav men budh se yukt ho aur guru se drisht ho, chandra rahu ke dushprabhav men ho, to naksir hoti hai. uparyukt sabhi yog chalit par adharit hain. rog ki utpatti sanbandhit grah ki dashantardasha aur gochar ke pratikul rahne se hoti hai. jab tak dashantardasha aur gochar pratikul rahenge, sharir men rog rahega. uske pashchat rog se bhukti prapt hogi.
Kya aapko lekh pasand aaya? Subscribe
Kya aapko lekh pasand aaya? Subscribe


navavarsh visheshank  January 2011

varsh 2011 ke navavarsh visheshank men rajnitik dalon v netaon ke bhavishya ke sath-sath bharatavarsh ka navavarsh kaisa rahega adi vishyon par vistrit charcha ki gai hai. soniya gandhi ki janmapatri ka jyotishiya vishleshan kiya gaya hai sath hi 12 mahinon ka vistrit rashifal bhi diya gaya hai.

Subscribe

Apne vichar vyakt karein

blog comments powered by Disqus
.