lahsun ki utpatti madhya eshiya se mani jati hai. aj lahsun bharat, chin, filipins, brajil, maiksiko adi sabhi deshon men bahut bare paimane par paida hota hai.

lahsun men khanij evan vitaminon ki kafi adhik matra hoti hai. ismen ayodin, gandhak, klorin, kailshiyam, faesforas, loha, vitamin ‘si’ ‘bi’ kafi matra men pae jate hain.

rog nivarak gunon men lahsun ka prayog dama, bahrapan, korh, chati men balagam, bukhar, pet ke kire, yakrit ke rog, hriday rog, rakta-vikar, virya-vikar, kshay adi rogon men labhkari hai.

ayurved ke acharyon ka manna hai ki lahsun ke prayog se kai prakar ke rogon se bacha ja sakta hai. sharirik shakti aur viryavarddhan men labhkari hai. yah paushtik, viryavarddhak, garm, pachak, mal-nishkasak tikshn tatha madhur hai.

lahsun ke gunon ki adhunik khoj bhi prachin vicharon ki pushti karti hai. lahsun ko hriday rogon men ‘amrit’ ki sangya di gai hai.

vibhinn rogon men lahsun ka upyog
kshay rog

10, 12 turriyon ko pav bhar dudh men achchi tarah ubal len. turriyon ko khakar dudh pine se tapedik v kshay rog men aram milta hai.

fefre ke rog

yadi fefre ke parde par adhik taral jama hone se sans lene men kathinai ho aur jvar ho to lahsun pisakar ate men iski pultis banakar dard vale sthan par bandhne se aram milta hai.

dama rog

lahsun ka ras gun-gune pani men milakar pine se sans ka dard dur hota hai. lahsun ki do turriyane ko deshi ghi men bhunakar din mane do bar khane se shvans ke kasht dur hote hain. shahad men lahsun ka ras milakar chatne se bhi rogi ko aram milta hai. dame ke daure men bhi lahsun ka ras v shahad milakar chatne se daure ka kasht dur hota hai.

  • lahsun dudh men ubalakar rat ko pine se dama men labh hota hai.
  • lahsun ko sirke men ubalakar thanda kar shahad milakar pine se dame ke rogi ko labh hota hai.
  • lahsun chati ke sabhi rogon men labhdayak hai, yah sans v dame par nakel dalta hai.

pachan tantra

pet ke rog ke lie lahsun bahut labhdayak hai. yah gais aur amlata ki shikayat dur karta hai. lahsun ke prayog se anton men pachak ras utpann hote hain tatha pet ke rogon ko samapt karne men sahayta milti hai. iska prabhav sharir men vidyaman vish ko dur karta hai. anton aur pet men kisi bhi prakar se sankraman se utpann sujan samapt ho jati hai. lahsun men paya jane vala entiseptik tatva sankramak rogon se roktham karta hai.

pet ka kainsr

pet men kainsar hone ki sthiti men pani men lahsun ko pisakar kuch samay rogi ko pilate rahne se pet se kainsar dur ho jata hai.amashay ka fora

amashay men yadi koi fora ho jae to aisi sthiti men bhi lahsun ka prayog karne se rogi ko labh hota hai. aise men lahsun ki do tin turriyan chabakar khani chahie.

pet ke kire

pet dard, pechish, daston men bhi lahsun ka prayog labhdayak hai. pet ke rogon men lahsun ke kaipsul bhi ulapabdh hain. lahsun se anton ke vishanu nasht hote hain.

hriday rog

hriday rog ke lie lahsun ko ‘amrit’ ki sangya di gai hai. hriday rog ka mukhya karan rakt vahiniyon, dhamniyon ka sikur jana hai aur inse kolestrael jam jata hai jiske karan sharir men rakta-pravah thik prakar se nahin ho pata. lahsun ke prayog se sikuri hui athva ruki hui dhamniyan saf ho jati hain aur vyakti hriday rog se mukti pa leta hai.

lahsun ki do tin turriyan chaba lene se hart fel hone ki naubat nahin ati, aise men niyamit lahsun dudh ke sath prayog karna chahie. lahsun ke sevan se hriday par parne vala gais ka dabav kam hota hai. yah kolestrael ko samapt karta hai tatha hriday rogi ko naya jivan deta hai.

rakt chap

lahsun ka prayog rakt ko patla karta hai islie uchch raktachap se bachata hai. uchch raktachap ka pramukh karan bhi dhamniyon ka sankuchit hona hai. lahsun ke prayog se dhamniyon ki sikuran samapt ho jati hai. lahsun, pudina, jira, dhaniya, kali mirch, sendha namak ki chatni khane se raktachap kam hota hai.

joron ke darda

lahsun ke prayog se joron ke dard mane kami ati hai,isse joron ki sujan kam hoti hai, dard v sujan vale sthan par lahsun ka ras lagane se dard kam ho jata hai sujan dur hoti hai. jinhen lahsun ki gandh se parhej hai ve rat ko lahsun ko gholakar pani men bhigokar subah dhokar khaen. ajakal lahsun ke kaipsul bhi bajar men upalabdh hain, unka prayog kiya ja sakta hai.

kainsr

lahsun ka ras kainsar men labhdayak hota hai. pani men lahsun ka ras milakar pine se kainsar men fayda hota hai, kainsar ki rasauli bhi lahsun ke ras ke sevan se nasht ho jati hai.

napunskta

kisi bhi tarah se prayog kiya gaya lahsun napanuskta dur karta hai. napanusak logon ko 15-20 lahsun ki turriyon ko ghi men talakar khana chahie.

  • lahsun ke ras ko shahad ke sath sevan karne se bhi napunskta dur hoti hai.
  • nanpusak vyakti lahsun ki turriyon ko dudh se ubalakar bhi sevan kar labh utha sakte hain.

tvacha vikar

lahsun ka prayog tvacha ke vikaron ko bhi dur karta hai. lahsun ko chehre par din men kai bar malne se kil muhanse dur hote hain, ankhon ke niche ke kale dhabbe lahsun ragrne se dhire-dhire dur ho jate hain. kisi bhi prakar ke dag-dhabbe dur karne men lahsun labhdayak hai. saundaryavardhak ke rup men lahsun ka prayog ‘amrit’ hai.

ghav ke sarne ya kire parne par

sharir par kahin ghav hone par lahsun ka ras lagane par ghav jaldi thik ho jata hai, ghav men kire nahin parte hain.

gum chot

gum chot men bhi lahsun labhkari hai. lahsun ki turriyon ko namak ke sath pisakar gum chot vale sthan par bandhne se labh hota hai.

not

tin varsh se kam ayu ke shishu ko lahsun nahin dena chahie, kisi bhi rog ke lie lahsun ka prayog karne ke lie kisi chikitsa visheshagya ki salah lena hitakar hoga.

lahsun ke anya prayog

  • jahrile kire ke katne par bhi lahsun ka ras lagane se vish ka prabhav dur ho jata hai.
  • gale ki granthiyane ki sujan men lahsun chabakar khane se sujan dur ho jati hai.
  • kukur khansi, kali khansi, fefron se khun ane par lahsun ki kaliyan chusne se labh hota hai.
  • lahsun khane se nimoniya men bhi aram hota hai.
  • piliya men bhi lahsun ka prayog labhkari hai.
  • lahsun ko tel men pakakar us tel ko thandakar malish karne se tvacha ki khujli mit jati hai aur tvacha thik ho jati hai.
  • mirgi ki behoshi dur karne ke lie lahsun ke ras ko nak men tapkana chahie.
  • lahsun ka niyamit sevan burhape ko dur rakhta hai.
  • lahsun medhashakti ko barhata hai aur netron ke lie bhi hitakar hai.
  • lahsun men vidyaman elaisin, aijon tatha gandhak tatva sharir men rog pratirodhak kshamata utpann karta hai.
Kya aapko lekh pasand aaya? Subscribe
Kya aapko lekh pasand aaya? Subscribe


pitri rin evan santan visheshank  September 2014

fyuchar samachar ke pitri rin evan santan visheshank men atyadhik gyanavardhak v janhitkari lekh jaise- pitri dosh athva pitri rin parichay, shraddh karmah kab, kyon aur kaise?, pitridosh sambandhi ashubh yog evan unke nivaran ke upay, santan hintaah karan aur nivaran, test tyub bebiah ek jyotishiya adhyayan tatha jyotish evan mahilaen adi sammalit kiye gaye hain. iske atirikt pathkon v karmakand ke vidvanon ke lie sankshipt tarpan tatha shraddh vidhi ki satik vyakhya ki gai hai. falakathan ke antargat kundali v santan sankhya, infartiliti, kariyar paricharcha, satya katha, panchapakshi ke rahasya, adi lekh patrika ki shobha barha rahe hain. santan prapti ke achuk upay, himalay ki santanotpadak jaributiyan, shabar mantra, bhagavat katha, nakshatra evan sambandhit dan, piramid ke svasthya upchar, hailth kaipsul, vastu paramarsh, vastu prashnottari, karmakand, piramid vastu v anya masik stambh bhi vishesh rochak hain.

Subscribe

Apne vichar vyakt karein

blog comments powered by Disqus
.