पितृ दोष
Ank ke aur Lekh | Sambandhit Lekh | Views : 2549 |  
hamare purvaj ya parivarik sadasya jinki mrityu ho chuki hai unhen pitri kahte hain. pitri hamare v ishvar ke bich ki ek mahatvapurn kari hain. inki kshamataen v takat ishvariya shakti jaisi hoti hai. pitri manav aur ishvar ke bich ek yoni hai jismen marnoprant manushya ki atma kuch samay ke lie vas karti hai. kaha jata hai ki jab bhi vyakti kisi durghatana ya bimari se akaran mrityu ko prapt hota hai ya mrityu ke samay yadi koi ichcha adhuri rah jati hai to jatak pitri yoni ko prapt hota hai aur vah is yoni men bhatkta rahta hai jab tak uski ichcha purn nahin kar di jati ya ichcha shant nahin kar di jati. vah atript atma parivar valon ka dhyan apni or akarshit karne ke lie anek prakar se pareshan karna shuru kar deti hai. pitri dosh nivaran ke pashchat jab yah atma shant ho jati hai to vah punarjanm le leti hai ya ishvar men lin ho jati hai. yadi pitri apke karmon se santusht v sukhi hain to apko iska vishesh labh bhi milta hai. ap jis karya ko shuru karte hain usi men labh hota hai. apka shaurya din pratidin barhta jata hai. rog aur kalah pas bhi nahin fatkte. aisa mana jata hai ki jis parivar men adhikatar log satvik pravritti vale, dharmacharan karne vale v ishvar ki niyamit rup se prarthana karne vale hote hain aise sadguni v sanskari logon ke jivan men anhoni ghatnaen jaise alpamrityu adi ki sanbhavnaen kam rahti hain tatha pitridosh adi nahin hote. guru grah hamare purvajon ka karak hai. iske achcha hone ki sthiti men hamen pita, pitamah v unke bhi bujurgon ki achchi atmaon ka sneh v shakti prapt hoti rahti hai. yadi parivar ke adhikatar sadasyon ke hath men guru parvat ubhra hua ho to adhikatar log satvaguni honge tatha santan sukh bhi achcha rahega. aise parivaron men pitri dosh nahin hota tatha kul ki unnati nirantar hoti rahti hai evam santan khub falti fulti hai. kundli men pitri dosh: 1. lagn men guru nichrashisth ho tatha usapar pap grahon ka prabhav rahne se pitridosh hota hai. 2. pancham, navam bhav men surya ya chandrama ke sath rahu hone se pitridosh hota hai. 3. panchmesh ya navmesh nichrashisth hon ya ashubh bhavon men hon athva rahu/ketu adi se sanyukt hon to bhi pitridosh hota hai. 4. yadi rahu ya ketu surya ke sath das anshon se kam ki duri par sthit ho to pitri dosh barh jata hai aur yadi rahu-ketu ke nakshatra men surya, chandra hon to bhi pitri dosh aur adhik ho jata hai. 5. lal kitab ke anusar yadi shukra, budh athva rahu men se koi ek, do ya tinon grah dusre, panchven, naven ya 12ven bhav men hon to pitridosh hota hai. pitri dosh lakshana: - yadi parivar men kisi bujurg ke bal safed hone ke pashchat pile hone lagen ya kali khansi ho jae to yah pitri dosh ke lakshan hain. - mathe par duniya ki gandi kartuton ka kalank lag jae to yah pitri dosh ka lakshan hai. - parivar men aksar kalah rahti hai. - parivar men koi n koi bimari bani rahti hai. - parivar men sada arthik tangi rahti hai aur kam bante-bante bar-bar bigar jate hain. - santan nahin hoti hai ya santan mansik v sharirik rup se kamjor hoti hai. - vivah men ati vilamb hote hain. pitri puja ke lie avashyak nirdesh: 1. pitron ko mans vala bhojan n arpit karen. 2. puja ke din svayan bhi mans bhakshan n karen. 3. pitri puja men stil, loha, plastik, shishe ke bartan ka prayog n karen. mitti ya paÿaon ke bartanon ka hi prayog karen. 4. ghanti n bajaen. 5. pitri puja karne vale vyakti ki puja men vyavdhan n dalen. 6. bujurgon ka samman karen. pitri ki pahchan: 1.shrimad bhagavad gita ke gyarhven adhyay ka path karen to apko kuch dinon men hi svapn men pitri darshan honge. 2.rat ko sone se pahle hath pair dhokar apne man men apne pitri se prarthana karen ki jo bhi mere pitri hain ve mujhe darshan den. 3.yadi apka koi karya atak raha hai to apne pitri ko yad kijie aur unhen kahen ki yadi ap hain to mera amuk karya ho jae. main apke lie shanti path karaunga. apki aisi prarthana se karya siddhi ho jone par yah pramanit ho jaega ki apko pitri shanti karvani chahie. pitri dosh upay: - shraddh paksh men mrityu tithi ke din tarpan v pinddan karen. brahman ko bhojan karaen v vastra/dakshina adi den. - yadi mrityutithi n malum ho to shraddh paksh ki amavasya ke din tarpan v pinddanadi karm karen. - pratyek amavasya visheshtah somvti amavasya ko pitribhog den. is din gobar ke kande jalakar usapar khir ki ahuti den. jal ke chinte dekar hath joren v pitri ko namaskar karen. - suryoday ke samay surya ko jal den v gayatri mantra ka jap karen. - pipal ke per par jal, pushp, dudh, gangajal v kale til charhakar pitri ko yad karen, mafi aur ashish mangen. - ravivar ke din gay ko gur ya gehun khilaen. - lal kitab ke anusar parivar men jahan tak khun ka rishta hai jaise dada, dadi, mata, pita, chacha, taya, bahan, beti, bua, bhai sabse barabr-barabar dhan, 1, 5 ya das rupae lekar mandir men dan karne se pitri rin se mukti milti hai. - harivansh puran ka shravan aur gayatri jap pitri shanti ke lie lokaprasiddh hai. - gaya ya tryanbkeshvar men tripindi shraddh ya nandi shraddh karen. - naraynbli puja karvaen. - pitri gayatri ka anushthan karvaen. - pitri dosh nivaran upayon men gaya men pinddan, gaya shraddh tatha pitri bhog arpan adi kriyaen karte hue uprokt pitri gayatri mantra ka uchcharan karna chahie. - pitri karm hetu sal men 12 mrityu tithi, 12 amavasya, 12 purnima, 12 sankranti, 12 vaidhriti yog, 24 ekadshi v shraddh ke 15 din milakar kul 99 din hote hain.
Kya aapko lekh pasand aaya? Subscribe
Kya aapko lekh pasand aaya? Subscribe


pitri rin evan santan visheshank  September 2014

fyuchar samachar ke pitri rin evan santan visheshank men atyadhik gyanavardhak v janhitkari lekh jaise- pitri dosh athva pitri rin parichay, shraddh karmah kab, kyon aur kaise?, pitridosh sambandhi ashubh yog evan unke nivaran ke upay, santan hintaah karan aur nivaran, test tyub bebiah ek jyotishiya adhyayan tatha jyotish evan mahilaen adi sammalit kiye gaye hain. iske atirikt pathkon v karmakand ke vidvanon ke lie sankshipt tarpan tatha shraddh vidhi ki satik vyakhya ki gai hai. falakathan ke antargat kundali v santan sankhya, infartiliti, kariyar paricharcha, satya katha, panchapakshi ke rahasya, adi lekh patrika ki shobha barha rahe hain. santan prapti ke achuk upay, himalay ki santanotpadak jaributiyan, shabar mantra, bhagavat katha, nakshatra evan sambandhit dan, piramid ke svasthya upchar, hailth kaipsul, vastu paramarsh, vastu prashnottari, karmakand, piramid vastu v anya masik stambh bhi vishesh rochak hain.

Subscribe

Apne vichar vyakt karein

blog comments powered by Disqus
.