इन्फर्टिलिटी
Ank ke aur Lekh | Sambandhit Lekh | Views : 1280 |  
‘‘fartiliti arthat prajanan kshamata se juri samasyayen stri aur purush donon men hi payi jati hain. hamari kundli jivan ke pratyek paksh ko spasht rup se darshati hai. purush ki kundli men shukra aur surya tatha stri ki kundli men mangal aur chandrama prajanan kshamata ko niyantrit karte hain. iske atirikt kundli ka saptam bhav bhi fartiliti men mahatvapurn bhumika rakhta hai. purushon ke lie shukra, shukranu ko niyantrit karta hai aur surya ki sahayak bhumika hoti hai tatha striyon ke lie mangal aur chandrama raj ko niyantrit karte hain. iske atirikt kundli ka saptam bhav bhi purushon ki shukra kshamata ko prabhavit karta hai aur striyon men garbhashay aur andashay ki sthiti ko darshata hai. arthat purush ki kundli men shukra aur saptam bhav yadi bahut pirit ya kamjor sthiti men ho to fartiliti se juri samasyaen a sakti hain. isi prakar striyon ki kundli men yadi mangal, chandrama aur saptam bhav pirit ho to yutaras ya ovri se juri samasyaen samne a sakti hain jisse santan prapti men badhaen utpann hoti hain. 1. purush ki kundli men yadi shukra nich rashi (kanya) men ho to samasyaen ho sakti hain. 2. shukra chathe ya athvane bhav men ho to bhi. 3. shukra ketu ya mangal ke sath ho to. 4. shukra surya ke sath saman ansh par ho to. 5. saptam bhav men pap yog bane hon, saptamesh chathe ya athven bhav men ho, nichasth ho ya shashthesh, ashtamesh saptam bhav men ho to bhi purushon men infartiliti ki samasya ho sakti hai. 1. striyon ki kundli men yadi mangal, chandrama, nich rashi men hon to samasyaen ho sakti hain. 2. mangal, chandrama chathe ya athven bhav men ho to bhi. 3. mangal, chandrama ki rahu ya shani ke sath yuti bhi samasya de sakti hai. 4. yadi saptam bhav pirit ho ya saptamesh pirit ho to bhi striyon men fartiliti ko lekar samasyaen ho sakti hain. uprokt sabhi yogon men mahatvapurn bat yah hai ki yadi fartiliti karak grah kamjor hai parantu balvan brihaspati ki unapar drishti ho to vyakti ko us samasya ka samadhan mil jata hai. jyotishiya upay 1. purush jatak shukra mantra ka jap karen. (un dran drin draun sah shukray namah) 2. stri jatak mangal aur chandrama ka jap karen. (un kran krin kraun sah bhaumay namah) (un shran shrin shraun sah chandramse namah) 3. purush jatak shukravar ko gay ko khir khilayen. 4. stri jatak manglvar ko gay ko gur khilayen. 5. pratidin tulsi ji ko jal den. 6. apni kundli ke saptamesh grah ka bhi nirantar mantra jap karen to yah bhi infartiliti se juri samasyaon men labhdayak hota hai.
Kya aapko lekh pasand aaya? Subscribe
Kya aapko lekh pasand aaya? Subscribe


pitri rin evan santan visheshank  September 2014

fyuchar samachar ke pitri rin evan santan visheshank men atyadhik gyanavardhak v janhitkari lekh jaise- pitri dosh athva pitri rin parichay, shraddh karmah kab, kyon aur kaise?, pitridosh sambandhi ashubh yog evan unke nivaran ke upay, santan hintaah karan aur nivaran, test tyub bebiah ek jyotishiya adhyayan tatha jyotish evan mahilaen adi sammalit kiye gaye hain. iske atirikt pathkon v karmakand ke vidvanon ke lie sankshipt tarpan tatha shraddh vidhi ki satik vyakhya ki gai hai. falakathan ke antargat kundali v santan sankhya, infartiliti, kariyar paricharcha, satya katha, panchapakshi ke rahasya, adi lekh patrika ki shobha barha rahe hain. santan prapti ke achuk upay, himalay ki santanotpadak jaributiyan, shabar mantra, bhagavat katha, nakshatra evan sambandhit dan, piramid ke svasthya upchar, hailth kaipsul, vastu paramarsh, vastu prashnottari, karmakand, piramid vastu v anya masik stambh bhi vishesh rochak hain.

Subscribe

Apne vichar vyakt karein

blog comments powered by Disqus
.