पितृदोष संबंधी अशुभ योग एवं उनके निवारण के उपाय

pitridosh sanbandhi ashubh yog evan unke nivaran ke upay  

Ank ke aur Lekh | Sambandhit Lekh | Views : 2256 |  
pitridosh se tatparya pitron ki asantushti se hai. jab kisi parijan ke dvara apne pitron ke nimitt shraddh ityadi karm nahin kiya jae athva in karmon ko pitron ke dvara nakar diya jae, to pitar asantusht hokar jo hani pahunchate hain, use hi pitridosh kahte hain. pitridosh hone par anukul grahon ki sthiti, gochar aur dashaen hone par bhi shubh fal nahin mil pate. pitridosh adrishya badha ke rup men jatak ko pareshan karta hai aur uske jivan men sabhi kshetron men unnati ko badhit kar deta hai. parijnon ke madhya vaicharik matbhed rahte hain athva prayason se koi shubh fal prapti ka yog bane to vah bhi akaran samapt ho jata hai. janmakundli men lagn, pancham, ashtam aur dvadash bhav pitridosh men vicharniya hote hain. surya, chandrama, guru, shani aur rahu-ketu ki sthitiyan bhi vicharniya hoti hain. inki rashiyan kark, sinh, dhanu, makar, kunbh aur min se sanbandhit bhi vichar karte hain. uparyukt rashi grah tatha bhavon ki vishesh sthitiyon men pitridosh sanbandhi ashubh yogon ka nirman hota hai. parivar men mukhiya athva bare putra ki janmapatrika men yah dosh hone par anya parijnon ki janmapatrika men bhi isse milte-julte dosh dekhe ja sakte hain. kis vyakti ke pitriyoni men jakar asantusht hone ke karan yah dosh utpann ho raha hai? iska vichar bhi in ashubh yogon se kiya ja sakta hai. yadi guru pitridosh sanbandhi ashubh yog nirmit kar raha hai, to koi purush pitar rup mane pirit kar raha hai jabki chandrama ke dvara pitri dosh nirmit hone par kisi stri ke dvara pitridosh manna chahie. isi prakar surya se pita athva pitamah, mangal se bhai athva bahan aur shukra se patni ka vichar karna chahie. prastut lekh men pitridosh se sanbandhit ashubh yogon ka varnan kiya ja raha hai. jinki janmapatrika men aise yog nirmit hote hain, unhen pitridosh ke karan badha hoti hai. 1. janmapatrika men guru nirbal hokar rahu se yuti karta hua lagn, pancham, ashtam athva dvadash bhav men sthit ho to kisi purush pitar ke karan pitri dosh hota hai. 2. pancham bhav men surya tula rashi men kunbh navansh men ho aur yah bhav papakartari yog se pirit ho to pita athva pitamah se sanbandhit pitridosh hota hai. 3. ashtamesh pancham men ho, saptam bhav men shukra aur shani ki yuti banti ho tatha lagn men guru rahu se yut hokar sthit ho to jivnsathi se sanbandhit pitridosh hota hai. 4. surya athva sinh rashi papakartari yog se pirit hokar lagn, pancham athva navam bhav men sthit ho aur shani-rahu se bhi unka sanbandh ho to pita, pitamah athva pitamah ke karan pitri dosh ka nirman hota hai. 5. rahu aur chandrama yut hokar pancham bhav men ho, lagn aur lagnesh pap grahon se pirit hon aur pancham bhav men rahu chandrama ki sthiti vrishabh athva tula rashi men ho to jivnsathi se sanbandhit pitridosh hota hai. 6. chandrama pap kartari yog se pirit hokar ashtam bhav men ho aur ashtam bhav par pap grahon ka prabhav bhi ho to kisi stri se sanbandhit pitridosh hota hai. 7. guru sinh rashi men sthit hokar panchmesh tatha surya se yuti karta ho, lagn aur pancham bhav men pap grah ho to kisi purush pitar ke karan pitridosh hota hai. 8. ashtam athva dvadash bhav men rahu-guru ki yuti ho tatha surya mangal aur shani se unka sanbandh ho evan lagn tatha pancham ka bhi pap grahon se sanbandh ho, to purush sanbandhi pitri dosh hota hai. 9. surya ashtam bhav men sthit ho, panchmesh rahu ke sath sthit ho aur shani pancham bhav men ho to kisi purush ke karan pitri dosh hota hai. 10. shashthesh pancham bhav men ho, dashmesh shashth bhav men ho aur rahu-guru ki yuti ho to purush sanbandhi pitri dosh hota hai. 11. lagn men rahu ho, pancham bhav men shani ho aur ashtam bhav men guru ho to purush sanbandhi pitri dosh hota hai. 12. chaturth bhav men rahu, pancham bhav men nich rashigat chandrama aur ekadash bhav men shani sthit ho to kisi stri pitar se sanbandhit pitridosh hota hai. 13. shashthesh tatha ashtamesh lagn bhav men sthit ho, pancham bhav men guru-chandrama ki yuti pap grahon se yukt ho to, kisi stri pitar ke karan pitri dosh hota hai. 14. lagn papakartari yog se pirit ho, saptam bhav men kshin chandrama ho rahu shani pancham, ashtam athva dvadash bhav men sthit ho to kisi stri pitar se sanbandhit pitri dosh hota hai. 15. kark lagn men shani evan chandrama pancham bhav men sthit hon, mangal aur rahu ki yuti karte hue lagn, ashtam ya dvadash bhav men sthit ho to kisi stri pitar ke karan pitri dosh hota hai. 16. tritiyesh pancham bhav men rahu aur mangal se yuti kare tatha panchmesh ashtam bhav men sthit ho to pitron men shamil bhaiyon se sanbandhit pitridosh hota hai. 17. pancham bhav men shani, ashtam bhav men chandrama tatha mangal ki yuti ho aur tritiya bhav nich rashigat hokar nirbal ho, to pitron men shamil bhaiyon ke karan pitridosh hota hai. 18. pancham bhav men mithun athva kanya rashi ho aur usmen shani rahu sthit ho, dvadash bhav men mangal evan budh ki yuti ho to pitron men shamil bhaiyon se sanbandhit pitridosh hota hai. 19. saptamesh ashtam bhav men ho, shukra pancham bhav men ho tatha guru pap grahon se yut ho to jivnsathi se sanbandhit pitridosh hota hai. ukt pitridosh nirmit hone par vyakti ko inki shanti ke nimitt upay ityadi karne se labh hota hai. jo grah pitridosh ka karak bana hua hai, uski dasha-antardasha men inke fal adhik milte hain. pitri dosh nivaran ke upay pitri dosh nivritti ke lie kie gae upayon se hi inka nivaran ho pata hai. pitridosh nivaran ke upay is prakar hain: 1. yadi ap pitridosh se pirit hain to pratyek amavasya ko pitron ke nimitt shraddhakarm karna chahie aur ek brahman ko bhojan tatha yathashakti dakshina bhi arpit karni chahie. 2. amavasya ko shraddh ke sath hi guggul mishrit dhup apne pitron ko dikhakar pure ghar men ghumani chahie. 3. ghar men pitridosh hone par shubh muhurt se praranbh karte hue pratidin shrimadbhagavadgita ka path karna chahie. 4. ghar men bhojan banne ke bad sarvapratham go gras (gay ki roti) nikalakar gay ko khilana chahie. 5. pitridosh kai prakar ka hota hai, yadi kisi parijan ki mrityu ke ek varsh bad bhi use mukti nahin mil payi ho aur is karan pitridosh jaisi sthiti ban gai ho to uske nimitt gaya tirth men jakar shraddhakarm karna chahie. 6. antyeshtikarm men hui truti ke karan bhi pitridosh ho jata hai. iska nivaran bhi gaya tirth men shraddh karne se kiya ja sakta hai. 7. ghar men jahan pine ka jal rakha jata hai, us sthan par vishesh pavitrrata rakhen. yah sthan pitron ka mana jata hai. 8. kai bar parijnon ke dvara mans bhakshan, sharab sevan athva koi anya anaitik karya karne par bhi pitridosh utpann ho jata hai. aisi sthiti men shighra aise anaitik karyon ko tyag dena chahie aur pitron se kshama prarthana karni chahie, tabhi pitridosh dur hoga. 9. pitridosh nivaran ke lie shraddhapaksh men sabhi parijnon ke nimitt shraddhadi karm avashya karna chahie aur ashvin amavasya ko sarvapitrishraddh men apne sabhi purvajon sahit anya mritak parijnon ka bhi shraddh karna chahie. 10. mritak parijan ki punyatithi par unke nimitt shraddhakarm avashya karna chahie.
Kya aapko lekh pasand aaya? Subscribe
Kya aapko lekh pasand aaya? Subscribe


pitri rin evan santan visheshank  September 2014

fyuchar samachar ke pitri rin evan santan visheshank men atyadhik gyanavardhak v janhitkari lekh jaise- pitri dosh athva pitri rin parichay, shraddh karmah kab, kyon aur kaise?, pitridosh sambandhi ashubh yog evan unke nivaran ke upay, santan hintaah karan aur nivaran, test tyub bebiah ek jyotishiya adhyayan tatha jyotish evan mahilaen adi sammalit kiye gaye hain. iske atirikt pathkon v karmakand ke vidvanon ke lie sankshipt tarpan tatha shraddh vidhi ki satik vyakhya ki gai hai. falakathan ke antargat kundali v santan sankhya, infartiliti, kariyar paricharcha, satya katha, panchapakshi ke rahasya, adi lekh patrika ki shobha barha rahe hain. santan prapti ke achuk upay, himalay ki santanotpadak jaributiyan, shabar mantra, bhagavat katha, nakshatra evan sambandhit dan, piramid ke svasthya upchar, hailth kaipsul, vastu paramarsh, vastu prashnottari, karmakand, piramid vastu v anya masik stambh bhi vishesh rochak hain.

Subscribe

Apne vichar vyakt karein

blog comments powered by Disqus
.