वास्तु सम्मत सीढ़ियां भी देती हैं सफलता

vastu sammat sirhiyan bhi deti hain saflta  

Ank ke aur Lekh | Sambandhit Lekh | Views : 2839 |  
vastu shastra men gahrai se adhyayan karne par pata chalta hai ki ghar ki sirhiyan hamari saflta ya asflta ko prabhavit karti hain. vastushastra ke anusar apki saflta sirhiyon ki banavt par bhi nirbhar karti hai. vastu shastra ke anusar sirhiyan kisi bhi disha men banai ja sakti hain parantu ishan kon men sirhiyan nahin banani chahie, kyonki isse ishan kon kat-sa jata hai, jo apke dhan agaman ko prabhavit karta hai. uttam sirhiyan nairritya kon men hoti hain. sirhiyon ka nirman brahmasthal par bhi nahin hona chahie. brahmasthal vastu purush ka bahut komal evan avashyak sthal hai. usapar vajan apke parivar men pagalapan, vishad, bimari evan nirdhanata la sakta hai. ajakal brahm sthal par lift adi ka nirman kara diya jata hai jo apki asflta ka karan ho sakta hai. sirhiyan hamesha purva ya uttar disha se praranbh honi chahie tatha unka ant dakshin ya pashchim disha men honi chahie. chahe sirhiyon men kitne bhi ghumav hon parantu sirhiyan ghari ki suiyon ke anusar upar charhni chahie. sirhiyon men pauri ki sankhya hamesha visham (5, 7, 9, 11....) rahni chahie. sirhiyon men pauri ki sankhya sam (4, 6, 8, 10 ....) nahin honi chahie. gol sirhiyan bhi ashubh mani jati hain, kai bhavnon men lohe ki gol sirhiyan bhavan se bahar banai jati hain, jo ashubh hai. sirhiyan bhavan ke ek kone men hi honi chahie. bhavan ke charon or se gherti hui sirhiyan nahin banani chahie, ye mrityudayak hoti hai. yadi sirhiyan ghar ke andar bani hain to sirhiyan mukhya dvar ke samne nahin banani chahie. sirhiyan hamesha halki honi chahie. sirhiyon ke niche ka sthan prayog men nahin lana chahie. sirhiyon men tut-fut turant thik karvani chahie. tuti-futi sirhiyan saflta men rukavat utpann karte hain. sirhiyan apki saflta ko chihnit karti hain. sirhiyan bahar ki divar se lagi nahin honi chahie. bahar ki divar se hatakar sirhiyon ka hona uttama mana jata hai. sirhiyan bahri divar se kam se kam tin fut hat kar banani chahie. vastu shastra ke anusar bani hui sirhiyan apki saflta ki sirhiyan ban sakti hain. aj ke vastushastri prayah puja ghar, shayan kaksh, rasoi ghar par hi jyada dhyan dete hain jabki sirhiyon ko najar andaj kar jate hain. parantu sirhiyon ka vichar bhi mahatvapurn hai. is karan bhavan men sirhiyon par dhyan dena bhi avashyak hota hai.
Kya aapko lekh pasand aaya? Subscribe
Kya aapko lekh pasand aaya? Subscribe


Apne vichar vyakt karein

blog comments powered by Disqus
.