शारीरिक हाव-भाव द्वारा पुरूष व्यक्तित्व की पहचान

sharirik hav-bhav dvara purush vyaktitva ki pahchan  

Ank ke aur Lekh | Sambandhit Lekh | Views : 7758 |  
udar (pet) jis vyakti ka pet age ko nikla hua ho, yah shubh lakshan nahin hai. jabki aisa vyakti jiska udar barabar sa ho, vah dhan aishvarya sanpann hota hai. jiska pet ghare ke saman ho, yah nishani daridrata ki hai. jiska pet vyaghra ya sinh ki tarah ho, vah vyakti raja hota hai. jis vyakti ka pet charon or se barabar ho vah dhani hota hai. merhak ki tarah se pet hone se vyakti raja, bail ya mor ki tarah se pet hone se vyakti bhogi hota hai. gol pet hona sukhi hone ki nishani hai. vaksh (chati) jis manushya ki chati samatal ho, vah manushya dhani hota hai. yadi unchi-nichi ho to shastra se mrityu hoti hai. yadi chati pusht aur moti ho to manushya bahadur hota hai. patli chati vala manushya sada rupye paise ke lie lalayit rahta hai. chati par khub roen hon to yah lakshan shubh samjhna chahie. kandhe (skandh) jis vyakti ke kandhe unche, bare aur mansal hon to aisa vyakti bahadur hota hai. yadi hathi, bail, suar ki tarah kandhe hon to vah manushya mahabhogi, mahadhni, uchch padadhikari hota hai. kandhon ka manshin hona ya chota gaddhedar hona achcha lakshan nahin hai. kandhe par rom hona bhi daridrata ka chihn hai. kele ke stanbh ki tarah ya bakre ki tarah jiska kandha ho, ve mahablvan aur dhani hote hain. kankh (kaksha) yadi kankh unnat, bina pasine vali, pusht, mansal aur sugandhit ho to vah vyakti raja saman hota hai. pipal ke patte ke akar ki sugandhit, mridu romyukt kankh, neta, mantriyon aur uchch padon par asin vyaktiyon ki hoti hai. sam kankh bhogi ki hoti hai. nichi, gaddhedar kankh kapti, beiman vyakti ki hoti hai. bhuja (bahu) kandhe se lekar madhyama ungli ke ant tak ke bhag ko bhuja kahte hain. jiski bhuja, hathi ki sunr ki tarah pusht aur gol ho tatha ghutne tak bhuja aye vah apne bhagya ke dhani hote hain. bhujaon ka lanba hona ek achcha gun hai. choti bhuja vala vyakti dusre ki seva karne vala paradhin hota hai. pith (prishtha) jis purush ki pith vyaghra ke saman ho vah sabka nayak hota hai kintu sher ke saman pith ho to bandhan ko prapt hota hai. kachue ke saman pith hona, ek behad shubh lakshan hai. aise vyakti dhani aur saubhagyashali hote hain. rom jis manushya ke romkup se ek hi rom nikle vah manushya uchch pad prapt karta hai. ek romkup se yadi ek hi sir ka bal bhi nikle to use bhi behad shubh lakshan mana jata hai. yadi sharir par ya sir men se ek hi rom kup se do-do rom niklte hon to aisa vyakti mahabuddhiman aur vidvan hota hai. kintu yadi ek-ek romkup se tin-tin rom niklen to manushya daridra aur dukhi hota hai. jis vyakti ke sharir par bhaure ke saman kale, sundar, chikne, atyant patle rom hon to vah vyakti bahut bara shreshth pad prapt karta hai. sharir men rog hone se manushya saubhagyavan hota hai. yadi roen bahut adhik ghane hon to jatak vidvan hota hai. yadi manushya ke sharir men bilkul rom n ho to vah sannyasi hota hai. nabhi jis vyakti ki nabhi vistrit, gol, charon or se unchi uthi hui ho, to vah vyakti sarvadhan sanpann hota hai. yadi nabhi nichi aur choti ho to manushya klesh vala hota hai. yadi nabhi bayin or ghumi hui ho to aisa manushya sadaiv dushtata karta rahta hai. -yadi panv ki anamika dirgh ho to vyakti dhanvan hota hai. - mote khurdre nakhun garibi ke parichayak hain. -jo vyakti kahin ate-jate svabhavik rup se hath hilate hain, ve khuli kitab ke saman imandar evan vishvast hote hain. - jinke ate-jate shaktihin rup se hath hilte hain, aise vyakti lakshyahinta evan laprvahi ke pratik hain. -jo vyakti khule hath karke ate-jate hain, ve kharchile evan ayyash taip ke hote hain. -jinki mutthiyan band rahti hain, ve vyakti kisi nirnay par pahunchne se pahle tark aur chaturai se kam lete hain. - jo vyakti shantipurvak hath hilate hon, ve akrant svabhav ke hote hain. -piche ki or kamar par hath rakhakar chalne vale vyakti shakki, adhik satark, atmadarp hote hain. - jinke hath kuhni par mure hue rahte hon, ve atm garva, pravanchna aur dusron ke prati hey bhavna rakhne vale hote hain. -jinke anguthe ke jor par yav ka chihn ho, aise vyakti buddhiman evan sanpattivan hote hain. -panch se adhik ungliyon vala vyakti daridra evan yachak hota hai. -choti gardan shreshth vyakti ki hoti hai. -chaira munh durbhagya ka suchak hai. -lanbi garadan makkar vyakti ki hoti hai. -striyon ke saman mukh santanhinon sharir ke ang aur unka jyotish fal ka hota hai. -chaikor munh dhokhebaj aur mayavi vyakti ka hota hai. - chote honth bhiru admi ke hote hain. - jiske mastak par tin rekhaen hon, vah vyakti 70 varsh tak jita hai. - jiske mastak (lalt) par panch rekhaen ho, vah vyakti 100 varsh tak jita hai. - jiske mastak par char rekhaen ho vah 80 varsh tak jita hai. -mor aur sher jaisi chal vale vyakti bhagyavan hote hain. - hans, hathi aur bail jaisi chal vale vyakti dharmatma evan dhan kamane vale hote hain. - megh aur mor jaise svar vale vyakti sukh sanpatti ka upbhog karte hain. - bheriya, ullu aur kauve jaise svar vale vyakti dushtata ke pratik hote hain. û nas n dikhne vali bhujaon vala vyakti shreshth hota hai. - bharkili, fuli aur romyukt bhujaen naukron- chakron ki hoti hai. -yadi nason se bhari khurdri chati ho to aisa jatak daridra hota hai. - yadi hatheli ka rang lal ho to vah dhan dhanya ka suchak hai. - yadi hatheli ka rang pila ho to yah kam trishna ki parichayak hai. - kali aur safed hatheli daridrata ki suchak hoti hai.
Kya aapko lekh pasand aaya? Subscribe
Kya aapko lekh pasand aaya? Subscribe


sharirik hav bhav evan lakshan visheshank  August 2014

srishti ke arambh se hi pratyek manushya ki ye utkat abhilasha rahi hai ki vah kisi prakar se apna bhut, vartaman evan bhavishya jan sake. bhavishya kathan vigyan ki anek shakhaen prachlit hain jinmen jyotish, ankshastra, hast rekha shastra, sharirik hav-bhav evan lakshan shastra pramukh hain. hal ke varshon men sharirik hav-bhav evan ang lakshanon se bhavishyavani karne ka prachalan barha hai. vartaman ank men sharirik hav-bhav evan ang lakshanon se bhavishyavani kaise ki jati hai, iska vistrit vivaran vibhinn lekhon ke madhyam se samjhaya gaya hai.

Subscribe

Apne vichar vyakt karein

blog comments powered by Disqus
.