संतानहीनता: कारण और निवारण

santanhinta: karan aur nivarn  

Ank ke aur Lekh | Sambandhit Lekh | Views : 2824 |  
santan ka sukh manushya ke jivan ka sabse bara sukh hai. shastranusar putra-santan ke bina danpatti ki sadgati nahin hoti. vivah ka ek pramukh uddeshya santan prapti bhi hai. santan hi vansh ko age barhati hai tatha samajik v sanskritik chakra ko nirantar banae rakhti hai. santan ka abhav danpatya jivan ke kashtaprad hone ka ek pramukh karan hai. sansar ka pratyek stri-purush santan utpann kar tatha uska paln-poshan kar apne rin se mukt hone ki abhilasha rakhta hai. jyotish shastra ke madhyam se santan se sanbandhit anek prashnon ke uttar die ja sakte hain. jaise santan hogi ya nahin, putra hoga ya putri, pratham santan kya hogi, kitni santanen utpann hongi, santan durguni hogi ya sadguni ityadi. santanhinta ek aisa shrap hai jiske karan manushya ko apne ap men apurnata ki bhavna baranbar grasti rahti hai. vivah yog dekhte samay ya melapak parhte samay santan yog par bhi dhyan dena nitant avashyak hai. janmapatrika ke pancham bhav se santan ke sanbandh men vichar kiya jata hai. santan ka karak grah guru hai. atah guru ki sthiti bhi dekhni chahie. chandra lagn se bhi pancham bhav ke balabal par dhyan dena avashyak hota hai. santan ke sanbandh men stri ki janmapatrika men pancham bhav ke atirikt navam bhav (pancham se pancham hone ke karn) ka bhi vichar karna chahie. iske atirikt saptam v ashtam bhi santanotpatti se sanbandh rakhte hain kyonki andashay, garbhashay, andvahini nalikaen ityadi ashtam bhav se tatha kamang v yaunachar saptam bhav se sanbandh rakhte hain. chandra nami tatha garbhadharan karne ki kshamata ka tatha mangal rakt ka karak hai. atah garbh dharan men evan prasav men chandra, mangal v guru ki bhumika pramukh hai. santanotpatti ke lie pancham bhav v panchmesh, saptam v saptamesh, ashtam v ashtamesh, navam bhav v navmesh tatha chandra, mangal v guru ki sthiti par vichar karna avashyak hai. pati-patni donon ki janmapatrikaon ke adhar par santan-sukh ka nirnay karna chahie. jyotish shastra ke anusar santanhinta ke nimn karan ho sakte hain- stri jatk 1. bandhyatva 2. kak bandhyatva 3. garbh srav 4. mritanvatsatva 5. santanhinta ke yog. 1. bandhyatva jis stri men garbh dharan karne ki kshamata n ho use banjh ya bandhya kaha jata hai. isse sanbandhit yog stri ki janmapatrika men dekhe ja sakte hain. - lagn rashi mesh, vrish, kunbh ho tatha lagn par pap prabhav ho. - lagn men shani v mangal ho athva chandra v shukra ho tatha pancham bhav pap grahon se yut ya drisht ho. - surya v shani shashth bhav men shashthesh ke sath hon tatha saptamasth chandra par budh ki drishti ho. - surya v shani ki yuti ashtam bhav men ho. - chandra aur shani ki drishti ashtam bhav men ho. - panchmesh nich rashi men ho tatha navam bhav men pap grah ho. - chandra v shukra lagn men mesh, vrishchik, makar ya kunbh rashi men ho tatha shashth bhav men pap grah ho. - panchmesh shashth bhav men ho tatha tritiyesh pancham ya dvadash bhav men ho. 2. kak bandhyatva jo stri jivan men keval ek bar hi garbh dharan kare, chahe santan jivit ho athva mrit athva garbhapat ho jae, kak bandhya kahlati hai. nimn yogon men stri kak bandhya hoti hai. - chandra kark rashi men hokar ashtam bhav men sthit ho. - surya sinh rashi men hokar ashtam bhav men sthit ho. - budh mithun ya kanya rashi ka hokar ashtamasth ho. - makar ya kunbh rashi men sthit shani ashtamasth ho. 3. garbhasrav ya garbhapat stri garbh srav ya garbhapat ke karan nimn yogon men santanhin hoti hai. - mangal v shani ki yuti chaturth bhav men ho. - panchmesh papyut ya pap drisht ho. - surya v shani shashth bhav men shashthesh ke sath hon tatha saptamasth chandra par budh ki drishti ho. - surya v shani ki yuti ashtam bhav men ho. - chandra aur shani ki drishti ashtam bhav men ho. - panchmesh nich rashi men ho tatha navam bhav men pap grah ho. - chandra v shukra lagn men mesh, vrishchik, makar ya kunbh rashi men ho tatha shashth bhav men pap grah ho. - panchmesh shashth bhav men ho tatha tritiyesh pancham ya dvadash bhav men ho. 4. mritanvatsatva jis stri ki santan garbh men hi mar jati ho ya santan hote hi mar jati ho use mritavatsa kaha jata hai. yah yog is prakar hai- - saptam bhav men surya v rahu ho tatha unhen shani dekhta ho. - guru v shukra ki yuti ashtam bhav men ho. 5. santanhinta ke yog - jis stri ke lagn men surya aur saptam men shani ho to vah santanhin hoti hai. - saptam bhav men surya aur shani, dasham bhav men chandra aur guru ki drishti ho to bhi santan utpann nahin hoti hai. - shashth bhav men shashthesh, surya evan shani hon aur chandra saptam bhav men ho tatha budh unhen n dekhta ho to santanhin yog hota hai. - mangal aur shani chaturth ya shashth bhav men ho to santan nahin hoti hai. - pancham bhav men shashth, ashtam v dvadash bhavon ke svami hon to santan utpann nahin hoti hai. - panchmesh shashth, ashtam ya dvadash bhavon men sthit ho to santan paida nahin hoti hai. - panchmesh nichrashigat ya ast ho to stri santanhin hoti hai. - pancham bhav men kark, dhanu, makar ya min rashi ho aur chaturth ya pancham bhav men guru sthit ho to santan ka abhav rahta hai. - lagnesh, panchmesh, saptamesh v guru nirbal hon to santan nahin hoti hai. purush jatk santanhinta ke nimn yog purush jatak ki janmapatrika men pae jate hain. - lagn men mangal, ashtam bhav men shani aur pancham bhav men sthit surya vansh vichched karate hain. - tritiyesh v chandra kendra v trikon men ho to santan nahin hoti. - pancham bhav men mangal, shashth bhav men panchmesh aur sinh rashisth shani ho to santan nahin hoti hai. - lagn v budh donon lagn, chaturth, saptam, dasham bhav men hon to santan nahin hoti. - pancham bhav men chandra tatha ashtam, dvadash bhav men samast papagrah ho to bhi santan nahin hoti hai. - pancham bhav men guru, chaturth bhav men pap grah aur saptam bhav men shukra$budh ki yuti hone par santan nahin hoti. - chaturth bhav men koi tin papagrah, saptam bhav men shukra tatha dasham bhav men chandra sthit hon to santanhin yog nirmit hota hai. - pancham, shashth, ashtam evan dvadash bhav men papagrah ka sthit hona vansh-vichched ki nishani hota hai. - panchmesh ya saptamesh nich rashigat ya ast hon to bhi santan nahin hoti hai. santanhinta nivarn 1. ravivar ko ‘‘sugandha ki jar’’ ekavarna gay ke dudh ke sath pisakar ritukal ke samay (masik dharm ke samy) pine se bandhya dosh ka nivaran hota hai. 2. masik dharm ki shuddhi ke pashchat ‘‘kali aprajita ki jar’ ko jis gay ne pratham bachra utpann kiya ho uske dudh ke sath pisakar tin din tak pine ke pashchat pati sahvas karne par bandhya stri bhi avashya garbhavati hoti hai. 3. ninbu ke purane per ki jar ko dudh men pisakar ghi milakar pine se ‘‘patishvas’’ dvara stri ko dirghayu putra prapt hota hai. 4. jis ravivar ko kritika nakshatra ho us din ‘‘pit pushpa’’ ki jar lakar use pani ke sath pisakar sat din tak lagatar sevan karne se us stri ki santan ki mrityu nahin hoti hai jise mritavatsa kahte hain. 5. ‘‘purva falguni’’ nakshatra men baragad ke per ki jar lakar lal dhage men stri baen bhuja men dharan kare to santan hoti hai. 6. nagrmotha, kanguni, ber, lakh ka ras aur shahad sam (barabr) matra men lekar purane chaval ke dhovan (chaval ka dhoya hua pani) ke sath 10 gram ki matra sat din tak sevan karne se ‘‘bandhya stri’’ ya ‘‘kakabandhya stri’’ santan utpann karne men saksham hoti hai. 7. kadanb ka patta, shvet shrikhand chandan, kateri ki jar sab saman matra men lekar bakri ke dudh men pisakar tin ratri ya panch ratri ritukal ke samay pine se stri avashya garbh dharan karti hai tatha sundar aur svasth santan utpann karne men saksham hoti hai. 8. pratham bar bachre ko janm dene vali gay ke dudh ke sath nagkeshar ka churn masik dharm ki shuddhi ke pashchat sat din pine ke pashchat pati ke sath samagam karne se santan avashya utpann hoti hai. garbhapat hetu nivarn 1. satavar, kale til, pipal ki chal in tinon ki barabar matra gay ke dudh ke sath pisakar sat din pine se pratham v dvitiya mas ki garbh pira se mukti hoti hai. 2. chandan, kamal ki jar, keshar, asgandh, kakoli, tagar v kut ko barabar matra men lekar thande pani ke sath pisakar pine se tisre mas ki garbh pira samapt ho jati hai. 3. tagar, nilakamal, gadhpurna, kakoli, gaukhak yah sabhi saman matra men dudh ke sath pisakar pine se panchven mas ki garbh pira shant hoti hai. 4. kainth ka guda thande pani men pisakar dudh ke sath pine se chathe mas ki garbhapira shant hoti hai. 5. nilakamal ki pankhuri, singhora, kaseru v pushkar saman matra men pani men pisakar pine se satven mas ki garbh pira samapt hoti hai. 7. nilakamal ki pankhuri, munakka, chuara, purani khand barabar matra men dudh ke sath pisakar pine se dasven mas ki garbh ki vyatha dur hoti hai. 8. anvla, mulhthi, sam matra men dudh ke sath pisakar pine se garbh stanbhan (garbh ka rukna) purn rup se hota hai, garbh girta nahin hai. 9. siras ke bij, devdaru, mulhthi kali gay ke dudh ke sath pisakar panch din tak pine se garbh raksha hoti hai. 10. bans ke ankur se shivling ka nirman kar pati-patni donon milakar pujan karen. 11. pati-patni ek mah tak bhojan ke pashchat pili vastu ka bhakshan karen, dusre mah men do-char bar pile vastra dharan karen tatha tisre mah men shraddhanusar pili vastu v dhan ka dan karen. 12. uttara falguni nakshatra men nim ki jar lakar pati-patni apne pas rakhen.
Kya aapko lekh pasand aaya? Subscribe
Kya aapko lekh pasand aaya? Subscribe


pitri rin evan santan visheshank  September 2014

fyuchar samachar ke pitri rin evan santan visheshank men atyadhik gyanavardhak v janhitkari lekh jaise- pitri dosh athva pitri rin parichay, shraddh karmah kab, kyon aur kaise?, pitridosh sambandhi ashubh yog evan unke nivaran ke upay, santan hintaah karan aur nivaran, test tyub bebiah ek jyotishiya adhyayan tatha jyotish evan mahilaen adi sammalit kiye gaye hain. iske atirikt pathkon v karmakand ke vidvanon ke lie sankshipt tarpan tatha shraddh vidhi ki satik vyakhya ki gai hai. falakathan ke antargat kundali v santan sankhya, infartiliti, kariyar paricharcha, satya katha, panchapakshi ke rahasya, adi lekh patrika ki shobha barha rahe hain. santan prapti ke achuk upay, himalay ki santanotpadak jaributiyan, shabar mantra, bhagavat katha, nakshatra evan sambandhit dan, piramid ke svasthya upchar, hailth kaipsul, vastu paramarsh, vastu prashnottari, karmakand, piramid vastu v anya masik stambh bhi vishesh rochak hain.

Subscribe

Apne vichar vyakt karein

blog comments powered by Disqus
.