मुख पर चिह्न द्वारा जन्म समय व लग्न का परीक्षण

mukh par chihn dvara janm samay v lagn ka parikshn  

Ank ke aur Lekh | Sambandhit Lekh | Views : 1615 |  
vyakti ki shakla-surat, chal-dhal, rang-rup ityadi ko dekhakar uske svabhav, charitra aur jivan ke sanbandh men thik-thik bahut kuch jan lena, akriti dvara bhut, bhavishya evan vartaman-kathan ki paranpra bharat ki sabse prachin paranpraon evan chamatkari vidyaon men se ek hai. yah anjan chehre ko dekhakar uske bhut, bhavishya evan vartaman ke bare men batane ki vidya hai. vyakti ka jaisa svabhav aur charitra hota hai, uski akriti bhi vaisi hi hoti hai tatha akriti ko dekhakar vyakti ke bare men jan lena ang-vidya-visharad ka karya hai. mastak par chihnon ke dvara janm lagn ka nirdharn kisi jatak ke mathe par yadi spasht ankush ke saman nishan ho to use mesh ka chihn mana jata hai. vrishabh lagn ko char ank ke saman tatha kon se yukt sidhi do rekhaon vala mithun ka chihn mana gaya hai. sat ank ko jora ulte rup se upr-niche dikhta ho to use kark ka chihn bataya jata hai. rikar ki matra se jure hue pairon vala vrittakar nishan ho to use acharyon ne sinh ka chihn prakat kiya hai. svachch v sidha yapi ke saman rupvala kanya ka chihn vidvanon ne kaha hai. jiske nichle bhag men ek terhi rekha ho tatha upar vale bhag men romrhit dhabbakar ka nishan ho to use tula ka chihn kahte hain. yam ke svarup vala vrishchik ka nishan mana gaya hai. jiska rup khajur vriksh ki shakha ke saman ya dhanushakar chihn ho to use dhanu lagn mana hai. makar ke lie vipi ke saman rup vala chihn kaha gaya hai. do jaliya rekhaon vala kunbh ka chihn mana gaya hai. chattis ke ank saman rupvala nishan min lagn ka kaha gaya hai. meshadi rashiyon ke nishan janakar manvgnon ka shubhashubh fal ka vichar karna chahie. bhartiya lakshan shastra utna hi prachin hai, jitni manviya sabhyata prachin hai. angvidya, sharir lakshan shastra, samudrik shastra ityadi isi ke vibhinn nam hain. is shakha ke bhi pravartak maharshi parashar v samudra rishi mane jate hain. kaha jata hai ki samudra v shivputra kartikey ya skand ne is vidya ko prakat kiya tha tatha bad men anyanya maharshiyon ke bauddhik sanrakshan men yah vidya varahmihir, vedavyas, valmiki, manu, garg, parashar, bhojraj, durlabhraj, jinvijay, meghvijay ityadi anek acharyon dvara pal-pos kar nae-nae samyik anusandhanatmak tathyon ka samavesh karte hue pracharit hui. yah shakha bhartiya jyotish, jo vedon jitna hi prachin hai tatha aj tak jiska nirantar pravah manav kalyan ke chirantan lakshya ki siddhi hetu samarpit hai, ka hi ang hai. yah jyotish se bahar ki chij bilkul nahin hai. ankhon ke dvara jatak ke janma-samay ka nirdharn: bhartiya manishiyon ne ankhon ke madhyam se vyakti ke janma-kal ko pakrne ki cheshta ki hai. ‘‘samudrik shastra’’ men iska varnan kuch is prakar kiya gaya hai: jis vyakti ka netra kale varn vala pratit ho, uska janma-samay ratri ke dvitiya prahar ka kahna chahie aur jo uski apeksha thora sa hi kala varn pratit ho to kuch kam ya adhik ek ghari ka janma-samay samjhna chahie. jis vyakti ke netra bhanvre ke saman gahra, kala jamuni varn vala pratit ho v tara samet kala varn dikhai parta ho to us vyakti ka janma-samay ratri ki do ghari ya tin ghari ka samjhna chahie. jis vyakti ke netron ka tara patal charon taraf safed hokar pratit hota ho ya keval nilavarn hokar safed hi dikhta ho to us vyakti ka janma-samay madhyaratri ke char ya panch ghari ka kahna chahie. jis vyakti ke netra billi ki ankhon ke saman dikhte hon to us vyakti ka janm samay ratri men sat ya ath ghari ka samjhna chahie. jis vyakti ke netra ki taramni hi nilavarn ki pratit hoti ho ya keval manibhag ho, mishrit varn vala dikhta ho to us vyakti ka janm samay ratri men ath ya nau ghari ka samjhna chahie. jis vyakti ke netra billi ke saman dikhte hon tatha ankh ka nichla bhag rakt varn (lal) hokar dikhta ho us vyakti ka janm samay nau ya das ghari ka samjhna chahie. jis vyakti ke purn netra kale varn ke pratit hon ya netron ke samip chote-chote chihn dikhte hon to us vyakti ka janma-samay ratri men das ya gyarah ghari ka samjhna chahie. jis vyakti ke netra lal ya kale dikhte hon to us vyakti ka janm samay gyarah barah ghari ka samjhna chahie. jis vyakti ka netra kuch hara sa pratit hota hai to uska janm barah ghari ka samjhna chahie. jiska adha netra hara ya adha kala varn hokar dikhta ho uska janm samay pratah ek ya do ghari ka samjhna chahie. jiske netron men tiki hui putli adhi nilavarn hokar shvet, pili ya halki bhuri pratit ho to uska janm samay pratah chah ya sat ghari samjhna chahie. jiske netron ki taramni nil ya harit varn ki pratit hoti ho to us vyakti ka janma-samay dopahar (aprahna) panch ya chah ka samjhna chahie. vishesh: netron ke madhyam se janm samay ka uprokt parimapan kafi had tak sahi baithta hai. anusandhan se yah tathya samne ata hai ki ankhon ke shvet patal ka bhi chandrama se gahan sanbandh hai jis prakar jatak ke man ka sanbandh chandrama se hota hai. shukla paksh evan shubh-shvet chandni men janme jatak ka ankh shvet patal ekadam dudh ke saman pratit hota hai uski dantavli dhavlit hoti hai jabki krishn paksh men janme vyakti ki ankhon ka shvet patal ekadam shubhra-svachch nahin hota hai. janmapatrika men yadi chandra dushit hai to avashya hi jatak ki ankhon ka shvet patal dushit hoga evan uski dantavli bhi kharab hogi. sharir par prakat chihnon dvara janm lagn ka parikshana bhagvan shriramchandra ji ka sita sahit dhyan karke falakathan uchit hai, kyonki isht kripa ke bina koi bhi kuch kahne layak nahin ho saka hai. vidvajan yadi sukshm riti se vichar karna chahen to bhal se lekar thori-paryant sthal ko tin bhagon men vibhakt karen. pratham bhag das ansh ka, dvitiya bhag bis tatha tis ansh ka tritiya bhag. is bhanti sharir ke anya bhagon ko samajhakar vichar karna chahie. mesh jis jatk-jatika ke lalat-sthal par kahin koi svachch v saf nishan dekha jata hai to us prani ka janm mesh lagnagat das anshon ke madhya arthat pahle dreshkaen men kahna chahie. vishal lalat, mukh, bayan netra, dahine netra ke nichle hisse ya upar ke bhag, hothon ke upri bhag ya chehre ke nichle hisse men kisi sthan par yadi matar ke saman ya ghane logon vala koi nishan dikhai deta ho to us jatak ka janm mesh lagn ke das anshon se lekar bis anshon men samjhna chahie. jis manushya ke mukh ke nichle hisse men, kinva thori ke pas koi nishan pratit hota ho us jatak ka janm bis ansh se tis ansh ke madhya hai. vrishbh yadi kanth bhag men chota ya ber ke saman koi chihn dikhai deta ho to ya lal bilar ke saman akar vala koi nishan ho to vrishabh lagnagat das anshon ke madhya ka janm samjhna chahie. yadi kanth ke ek bhag vishesh men purvokt nishan athva koi anya nishan ho to vrishabh lagnagat dvitiya dreshkaen men arthat das se bis anshon ke madhya janm kahna chahie. yadi kanth ke upri hisse men tika hua jal ke budbude ke saman ya lal fore ke saman dikhta ho, vrishabh lagn ke tritiya dreshkaen yani bis se tis anshon ke madhya us prani ka janm samjhna chahie. mithun jis jatak ke donon kandhe ya dahini bhuja men kisi bhi prakar ka nishan dikhta ho to uska janm das anshon ke bich kahna chahie. yadi vam (bain) bhuja ya kandhon ke pas koi nishan ho to mithun lagn ke dvitiya dreshkaen men us jatak ka janm samjhna chahie arthat das se bis anshon ke madhya uska janm hoga. jis jatak ki dahini bhuja ke madhya saf-suthra chihn dikhta ho to mithun lagnagat bis se pachchis anshon ke madhya us jatak ka janm hoga tatha jiski bain bhuja ke madhya koi bhi vishisht nishan ho to pachchis se tis ansh ke madhya us jatak ka janm samjhna chahie. karka jatak ke vaksh sthal men sine ke as-pas yadi khargosh ke pair ke saman ya ful ke saman safed nishan ho to vidvajan ko us prani ka janm kark lagn ke pratham dreshkaen men samjhna chahie. yadi stanon ke pas vale bhag men ber ke saman ya pushp ke saman koi nishan ho to kark lagn ke dvitiya dreshkaen men das se lekar bis anshon ke madhya uska janm samjhna chahie. jiske stanon ke nichle hisse men pushp ya ber ke saman chihn ho to tritiya dreshkaen bis se tis ansh ke madhya uska janm hoga. sinh yadi baen bhag men evan vaksh sthal ke upar tika hua vishuddh nishan ativ chamkta ho to sinh lagn ke pahle dreshkaen men us prani ka janm kahna chahie. yadi vaksh sthal ke nichle hisse men uprokt nishan ya anya koi nishan ho to sinh lagn ke dusre dreshkaen men us jatak ka janm batana chahie. vaksh sthal ke pashrvabhag men yadi matar ke saman koi chota sa athva bhadda sa chihn ho to tisre dreshkaen arthat bis se tis anshon ke madhya us jatak ka janm hoga. kanya pet ke madhya ya stanon ke nikat, kala, nila ya hara sa bindu sam nishan dikhta ho to us prani ka janm das anshon ke bich pratham dreshkaen men samjhna chahie. stan ya pet ke nichle bhag men, lal, nila ya kale rang ka bindu yukt koi chihn ho to kanya lagn ke dvitiya dreshkaen men us jatak ka janm hoga. pet ya tundi (nabhi ke niche bhag men koi bhi nishan dikhta ho to uska janm kanya lagnagat bis se tis anshon ke madhya hoga. tula tond ya kamar men lomyukt aur komal koi chota sa chihn ho to us jatak ka janm tula lagn ke das anshon ke madhya pratham dreshkaen men janna chahie. yadi uprokt nirmal chihn vam bhag ya nabhi ke nichle hisse men ho to us manushya ka janm tula lagnagat dvitiya dreshkaen men samjhna chahie. udar ke prantbhag men shyamal ya ghane lomonvala koi nishan ho to us vyakti ka janm tulalagn ke tritiya dreshkaen men batana chahie. vrishchik kamar ke baen hisse men koi nirmal sa chihn ho to us jatak ka janm vrishchik lagn ke pratham dreshkaen men kahna chahie. kamar ke dayane bhag men koi chota sa matar ke saman chihn ho to us vyakti ka janm vrishchik lagn ke dvitiya dreshkaen arthat das se bis anshon ke madhya hoga. guda ke nichle bhag men matar ke saman nirmal sa koi nishan pratit ho to us prani ka janm vrishchik lagnagat tritiya dreshkaen men batana chahie. dhanu bain jangh men jal ke budbude ke saman koi nishan ho to us vyakti ka janm dhanu lagn ke pratham dreshkaen men kahna chahie. dayin jangha par uprokt nishan ho to us manushya ka janm dhanu lagn ke dvitiya dreshkaen men hoga. donon janghaon ke upri hisse men koi bhi nishan spasht dikhta ho to dhanu lagnagat bis se tis ansh arthat tritiya dreshkaen men hoga. makr dayane ghutne ke upri hisse men unchai rahit tare ke saman koi chihn ho to us prani ka janm makar lagn ke pratham dreshkaen men samjhna chahie. baen ghutne ke upri bhag men uprokt koi chihn ho to us prani ka janm makar lagn ke dvitiya dreshkaen men batana chahie. yadi januon ke nichle bhag men purvokt koi nishan ho to us vyakti ka janm makar lagnagat tritiya dreshkaen men hoga. kunbh dahini jangha ke upri bhag men faila hua uchchatarhit koi chaira sa nishan ho to us jatak ka janm kunbh lagn ke pratham dreshkaen men samjhna chahie. bain jangh ke upri bhag men purvokt koi nishan ho to jatak ka janm kunbh lagn ke dvitiya dreshkaen men hoga. min baen pair ke upri bhag men unchai rahit chaira mans men laga hua koi chihn ho to janm min lagnagat das anshon ke madhya pratham dreshkaen men batana chahie. daen pair ke upri bhag men uprokt koi nishan ho to min lagn ke dvitiya dreshkaen men us jatak ka janm hoga. donon pairon ke nichle hisse men saf suthra koi chihn ho to us manushya ka janm min lagn ke tritiya dreshkaen men bis se tis ansh ka samjhna chahie.
Kya aapko lekh pasand aaya? Subscribe
Kya aapko lekh pasand aaya? Subscribe


sharirik hav bhav evan lakshan visheshank  August 2014

srishti ke arambh se hi pratyek manushya ki ye utkat abhilasha rahi hai ki vah kisi prakar se apna bhut, vartaman evan bhavishya jan sake. bhavishya kathan vigyan ki anek shakhaen prachlit hain jinmen jyotish, ankshastra, hast rekha shastra, sharirik hav-bhav evan lakshan shastra pramukh hain. hal ke varshon men sharirik hav-bhav evan ang lakshanon se bhavishyavani karne ka prachalan barha hai. vartaman ank men sharirik hav-bhav evan ang lakshanon se bhavishyavani kaise ki jati hai, iska vistrit vivaran vibhinn lekhon ke madhyam se samjhaya gaya hai.

Subscribe

Apne vichar vyakt karein

blog comments powered by Disqus
.