रक्षा बंधन: प्रेम-सौहार्द्र का अटूट संबंध

raksha bandhn: prem-sauhardra ka atut sanbandh  

Ank ke aur Lekh | Sambandhit Lekh | Views : 1678 |  
shravan shukla purnima ke din bhai-bahan, mitra, chote-bade bhai paraspar ek dusre ke hath men rakhi bandh kar mel-milap tatha prem ka parichay dete hain. vrati ko chahie ki is din pratah snanadi kar ke vedokt vidhi se raksha bandhan, pitri tarpan aur rishi pujan kare. raksha ke lie kisi vichitra vastra, ya resham adi ki rakhi banae. usmen sarson, suvarn, kesar, chandan, akshat aur durva rakh kar rangin sut ke dore men bandhen aur apne makan ke shuddh sthan men kalshadi sthapan kar ke usapar uska yathavidhi pujan karen. fir use raja, mantri, vashya ya shishta-shishyadi ke dahine hath men: yen baddho bali raja danvendro mahablah. ten tvamnubadhnami rakshe ma chal ma chal.. mantrochcharan karte hue bandhen. iske bandhne se varsh bhar tak, putra-pautradi sahit, sab sukhi rahte hain. ek bar dev aur danvon men barah varsh tak yuddh hua. devta vijyi nahin hue. tab dev guru brihaspati ji ne indra ko sammati di ki yuddh rok dena chahie. yuddh ke band hote hi indra ki rajya lakshmi par asuron ne adhikar kar liya. indrani is samachar se bahut duahkhi ho gayin. tab indrani ne atmavishvas ke sath kaha ki main kal indra ko raksha sutra bandhanugi. uske prabhav se inki raksha hogi aur yah vijyi hanege tatha rajya lakshmi ko punah prapt karenge. shravan shukla purnima ko unhonne vaisa hi kiya aur indra ke sath sanpurn dev vijyi hue. raksha bandhan bhai-bahan ka pavitra parva hai. bharatavarsh ki paradhinta ke dinon men jab hindu jati evan hindu dharm ghor sankat mane gujar rahe the, jab mugal shaskon ke atyachar, asabhyata, barbarata, hinsa, nirdayata rupi talvar, hamari sabhyata evan sanskriti ka samulochched karne ke lie tatha hamari man-bahnon ki laj evan maryada ko lutne ke lie, aharnish chal rahi thi, tab ‘raksha bandhn’ ne hi hindu jati ko ek nayi prerna di, ek navin marg ka sanket diya. vah rakhi jo vigat samay men pati-patni ke prem ka evan stri ke saubhagya raksha ka pratik thi, vahi bhai-bahan ke pavitra nishchchal prem bandhan ke rup men badal gayi. aitihasik ghatnaen batlati hain ki us kal men rajput ramni apni man-maryada ki raksha ke lie, avashyakta parne par, rajputon ke pas is raksha sutra (rakhi) ko bhej kar sahayta ki yachna kiya karti thi. iske badle men ve vir bhi apni dharm bahnon ki raksha men hanste-hanste apne pranon ki baji laga dete the. rakhi ka yah nikhra hua rup kitna nirmal tha ki jisne nihara-dekha vahi mugdh ho gaya. sut ke in kachche dhagon men vah shakti sannivisht hui ki hathon men bandhte hi nirjiv men bhi pranon ka sanchar ho jata hai. itihas men aise ek bhi kayar rajput ka nam nahin milta, jisne in dhagon ki lajja ki raksha men mar mitne men kinchit matra bhi sankoch ka anubhav kiya ho. hindu to hindu hi the; anya bhai bhi mar mite the. maharani karunavti ki gatha itihas men vikhyat hai. jab gujrat ke shasak bahadur shah ne uske rajya par akraman kiya, to is rajput ramni ne tatkalin shasak humayun ko rakhi bhej kar apni sahayta ke lie pukara tha. yah ek kathin pariksha thi, jab uski senaen afganon par vijay prapti men lagi thin aur karunavti ki sahayta karne par use larna bhi apne hi bhai muslim shasak se tha. parantu humayun ka manav hriday, kachche dhagon (rakhi) ko prapt kar, sajag ho gaya tha. humayun ek hindu bahan dvara bheji gayi rakhi ki maryada ki raksha karne ke lie sena saja kar marvar pahunch kar hi raha. yah ekta ka mul mahamantra evan sangathan shakti ka pratik hai. yah jivan ko sfurti dene vala, rom-rom men navinta ka sanchar karne vala hai. pratyek hindu ko ise bare utsah se manana chahie. yah to manav matra ko navinta ka sandesh deta hai. rakhi ka tyohar prem-sauhardra ka vah atut sanbandh hai, jo kabhi khatm nahin hota. jin kanyaon ki shadiyan hoti hain, ve sanpurn shravan mah mayke men hi rahti hain aur sakhi-saheliyon ke sath sundr-sundar git-bhajan gati hui, jhula-jhulne, nritya krira, vagh krira adi ka bharpur anand leti hain. braj mandal men dev mandiron men nit navin jhule sone-chandi, ful-patti, fal adi se, bhagvan ke lie banaye jate hain. vastav men to bhai-bhai, svajn-kutunbon ki ekta hi rajya lakshmi ko lati hai aur bhratri virodh hi rajya lakshmi ko videshiyon ke hath men dal deta hai. yahi shiksha raksha bandhan parva se prapt hota hai. jis prakar bhakt prahlad, bhakt dhruvadi ke lie bhagvan ne, sab kuch sah kar bhi, unki raksha ki, usi prakar har bhai ko is raksha sutra ke bandhan ko apne jivan men nibhana chahie, uski maryada ka palan karna chahie. tabhi raksha bandhan ka tyohar murtiman ho sakega.
Kya aapko lekh pasand aaya? Subscribe
Kya aapko lekh pasand aaya? Subscribe


sharirik hav bhav evan lakshan visheshank  August 2014

srishti ke arambh se hi pratyek manushya ki ye utkat abhilasha rahi hai ki vah kisi prakar se apna bhut, vartaman evan bhavishya jan sake. bhavishya kathan vigyan ki anek shakhaen prachlit hain jinmen jyotish, ankshastra, hast rekha shastra, sharirik hav-bhav evan lakshan shastra pramukh hain. hal ke varshon men sharirik hav-bhav evan ang lakshanon se bhavishyavani karne ka prachalan barha hai. vartaman ank men sharirik hav-bhav evan ang lakshanon se bhavishyavani kaise ki jati hai, iska vistrit vivaran vibhinn lekhon ke madhyam se samjhaya gaya hai.

Subscribe

Apne vichar vyakt karein

blog comments powered by Disqus
.