पहचानें सिर से

pahchanen sir se  

Ank ke aur Lekh | Sambandhit Lekh | Views : 2973 |  
kisi vyakti ke sir ke sirf bare chote hone se hi uske gunon ka anuman nahin lagana chahie kyonki kisi vastu ka ‘‘pariman’’ hi sab kuch hai aisa samjhna galat hai. pariman se adhik mahatva hai gun ka. kyonki sir bare hone se hi vyakti mahan nahin hota. tin gun ka mahatva is prakar hai: 1. bara pariman - lanbai, chairai, unchai adhik. 2. vishesh vajan - uttam prakar ke mastishk vo kahlate hain jinka vajan samanya vyaktiyon ke mastishk se vishesh hote hain. 3. vishishtata - mahan vyaktiyon ke gyan v pravritti kon sadharan vyaktiyon ki tulna men adhik gunyukt hote hain. pratham gun ke anusar buddhiman v vidvan purushon ke sir ka nap 21’’ (ikkis inch) aur stri ke sir ka nap 20’’ hona chahie. yah nap kan se upar vale bhag ka lena chahie. 21’’ inch se kam nap ke sir vale log chatur, parishrami, dusron ki bat ko samjhne vale kalakar evan sangitagya to ho sakte hain kintu buddhi ki prakhrta shakti, navin avishkar ki kshamata evan prakand panditya aise vyaktiyon men nahin milega. sir ki gaveshna karte samay kuch baton ka vishesh dhyan rakhna chahie- sir ke age ka bhag lalat kahlata hai. yah bhag chaira v uncha nahin hona chahie. sir ke mukhya do bhag hote hain. 1. kanon ke age ka bhag aur 2. kanon ke piche ka bhag. kanon ke age ka bhag visheshakar bara v unnat hona chahie. 3. sir ka nap kanon ke upar se hi lena chahie. 21’’ nap ke bad adha ya paun inch adhik ho to vyakti vyapar kushal evan parishrami hoga. û yadi sir ka nap 23’’ ya adhik ho to vyakti vaigyanik hoga. kan ke upar sir ko do bhagon men banta gaya hai. yadi dusri lanbai pahli se 1’’ adhik ho to aisa vyakti vicharshil to hota hai kintu kriyashil nahin hota. yadi pratham ki apeksha dvitiya lanbai adha inch adhik ho to aise vyakti men bauddhik vikas aur adarshavadita, mahatvakanksha adi vishesh gun hote hain, prabandhan yogyata tatha svarthavritti apekshakrit kam hoti hai. yadi pratham ki apeksha dvitiya bhag 2 inch adhik ho to vyakti men itni adarshavadita a jati hai ki use kisi ke kam se santosh nahin hota. isi prakar sir ka pratham bhag adhik bara ho to vyakti men gupt rakhne ki pravritti, lalach, sangrahshilta, dusron ko nasht karne ki buddhi tatha rajsik, tamsik gun hote hain. atmik ya naitik unnati ki apeksha aise vyakti savdhani tatha chaturai ko vishesh mahatva dete hain. yadi bhitri vikas achcha n ho to upyukt rajsik v tamsik gun chori, anachar adi ki pravritti hoti hai. manushya ke sir ke akar ka bhi utna hi mahatva hai jitna pariman ka. sir ke akar ka buddhi tatha mansik shakti se bahut adhik sanbandh hai. akar se svabhav v charitra donon ka pata chalta hai. yahan chitra men chah sir dikhaye gaye hain. in chah siron men pratham sir vala buddhiman uske bad kram se buddhimatta ghatti jayegi. iske sath-sath lalat ki unchai tatha sir ka upar ki or jo charhav hai uski or vishesh dhyan den. jinka sir mandlakar hota hai ve sanpattivan hote hain. yadi sir terha, uncha-nicha ho to manushya dukhi hota hai. hathi ke kunbh ki tarah sir paraspar achchi tarah jura hua, charane or kramik dhal vale sir dhani v bhogi vyakti ke hote hain. jiska sir chapta ho unhen mata-pita ka purn sukh prapt nahin hota.
Kya aapko lekh pasand aaya? Subscribe
Kya aapko lekh pasand aaya? Subscribe


sharirik hav bhav evan lakshan visheshank  August 2014

srishti ke arambh se hi pratyek manushya ki ye utkat abhilasha rahi hai ki vah kisi prakar se apna bhut, vartaman evan bhavishya jan sake. bhavishya kathan vigyan ki anek shakhaen prachlit hain jinmen jyotish, ankshastra, hast rekha shastra, sharirik hav-bhav evan lakshan shastra pramukh hain. hal ke varshon men sharirik hav-bhav evan ang lakshanon se bhavishyavani karne ka prachalan barha hai. vartaman ank men sharirik hav-bhav evan ang lakshanon se bhavishyavani kaise ki jati hai, iska vistrit vivaran vibhinn lekhon ke madhyam se samjhaya gaya hai.

Subscribe

Apne vichar vyakt karein

blog comments powered by Disqus
.