विष योग
Ank ke aur Lekh | Sambandhit Lekh | Views : 8119 |  
kisi bhi janma-patrika ka vishleshan karte samay chandrama ka adhyayan ati avashyak hai kyonki sansar men sabka par paya ja sakta hai parantu man ka nahin. sansar ke sare kriya-kalap man par hi tike huye hain tatha man ko to ek safal jyotishi hi achchi tarah se parh sakta hai. samanyatah ham sunte ae hai ki hamara man nahin lag raha athva hamara man to bas isi men lagta hai. janma-patrika men yadi chandrama shubh grah se sambandh karta hai to usmen amrit-shakti ka pradurbhav hota hai tatha yadi vah ashubh grah athva pap grah se sambandh karta hai to vibhinn vikar utpann karta hai. yah sambandh kisi bhi rup men ho sakta hai yatha yuti sambandh, drishti sambandh, rashi sambandh ya nakshatra sambandh. vish yani jahar. vish ka jivan men kisi bhi prakar se hona mrityu athva mrityu tulya kasht ka parichayak hai. janma-patrika men chandrama tatha shani ke sambandh se vish yog ka nirman hota hai. dusre shabdon men chandrama par shani ka kisi bhi rup se prabhav ho chahe drishti sambandh ya anya, yah yog jivan men vish yog ke parinam deta hai. vish yog ko punarfu yog bhi kahte hain. kisi bhi janma-patrika men yah yuti sarvadhik rup se bure fal pradan karti hai. ismen chandrama tatha shani donon se sanbandhit shubh falon ka nash hota hai. yuti sambandh keval shani tatha chandrama ke sath-sath baithne se hi nahin hota hai apitu donon ka diptanshon men saman hone par hi yah yuti hoti hai. donon grah jitne adhik anshanusar sath honge utna hi yah yog prabhavshali hoga sath hi usi anupat men nakaratmak bhi. khir banate samay usmen jane-anjane yadi namak par jaye to uske svad se to sabhi bhalibhanti parichit hain hi, thik isi prakar janma-patrika men yah yog vish ka ehsas karata hai. jis bhav men yah yog banta hai usse sanbandhit ashubh fal vyakti ko milte hain. chunki chandrama mata ka bhi karak hota hai atah mata ke vishay men jankari chandrama ki sthiti se hi pata chalti hai. janma-patrika men is yog ke hone se mata ka sharirik-mansik svasthya prabhavit hoga. mata mansik rup se nirasha ka shikar ho sakti hai. aise yog men mata ke sukh men kami, sambandhon men avrodh, vicharon men bhinnata tatha virodh ka hona bhi paya jata hai. “chandrama man so jatah”, janma-patrika men vish yog hone se vyakti ka man dukhi rahta hai, sabke hote huye bhi vah akelapan mahsus karta hai, sachche prem ki kami usko khalti rahti hai, mata ke sneh ka ichchuk hote huye bhi use vah sukh purnatah nahin milta hai ya apni hi kami ke karan vah le nahin pata hai. karan koi bhi ho sakta hai chahe duri ho, bimari ho, vivad ho ya kisi prakar ki majburi. nirasha gahri hoti hai, man kunthit rahta hai. dikhne men vyakti samanya najar ata hai parantu mata ke sukh men kami ke karan vyakti udas rahta hai. chandrama tatha shani se bana purn vish yog mata ko bhi pirit karta hai, vyakti mata ko tang karta hai. shani tatha chandrama ka kisi bhi prakar se sambandh mata ki ayu ko bhi kam karta hai arthat mata ka pirit hona ya mata se pirit hona nishchit hai. jab kabhi chandra-shani ka kisi vishesh ansh par yog hota ha to vyakti men atm hatya ki bhavna utpann hoti hai. yadi is sthiti men chandrama pap-kartari men ho to atm hatya ki bhavna prabal ban jati hai. janma-patrika men chandrama tatha shani ki yuti sabse adhik bura fal pradan karti hai. yah yuti kisi bhi bhav men shubh nahin mani jati hai, jis bhav men bhi yah yuti hoti hai us bhav ka fal puri tarah se nasht ho jata hai. is yuti ke bhavagat fal nimn prakar hain - 1. lagn men yah yuti pranghatak siddh hoti hai, anya prabal yog hi jivn-shakti pradan karte hain. 2. dvitiya bhav men yah yog mata ko mrityu tulya kasht pradan karta hai, kabhi-kabhi dusri stri ka yog bhi banta hai. 3. tritiya bhav men yah yuti putra-santan ke lie ghatak siddh hoti hai. 4. chaturth bhav men yah yuti vyakti ko shurvir hanta banati hai. 5. pancham bhav men is yuti se sulakshan jivan sathi to milta hai parantu vaivahik jivan men adhurapan rahta hai. 6. chathe bhav men is yuti se vyakti rogi tatha alpayu hota hai. 7. saptam bhav men yah yuti vyakti ko vicharon se dharmik banati hai parantu jivan sathi ke lie mrityu tulya yog banta hai, bahu patni/pti yog bhi banta hai. 8. ashtam bhav men yah yog danvir karn jaisi danshilta pradan karta hai. 9. navam bhav men is yog se lambi dharmik yatraen prapt hoti hain. 10. dasham bhav men is yog se vyakti uchch samman ke sath-sath maha kanjus hota hai. 11. ekadash bhav men yah yog sharirik pira pradan karta hai, vyakti dharm se vimukh hokar nastik banta hai. 12. dvadash bhav men yah yog vairagya bhav utpann nahin karta hai parantu vyakti dharm ke nam par paisa leta hai. vaise to is yog ka sabhi bhavon par nakaratmak prabhav parta hai parantu jab yah yog vishesh rup se saptam bhav men ho to vyakti ki mansik asantosh tatha algavvadi sthiti bani rahegi. pahle to vivah men hi hajar archne ati hain, kabhi-kabhi vivah hota bhi nahin hai yadi hota bhi hai to itni der se ki man bhar jata hai - akarshan samapt ho jata hai. vyakti jivan sathi ke sath rahta to hai par alg-alag, vichar dur-dur tak nahin milte, shadi hona bas khana-purti jaisa hi lagta hai. man khush ho to sari duniya achchi lagti hai anyatha sare bhautik sukh hone par bhi sab kuch fika-fika lagta hai. shani chandra ka yog yuti, drishti, ansh adi kisi bhi prakar se banta ho usmen nakshatra ka vishesh mahatva hota hai arthat jab shani chandrama ke nakshatra rohini, hast tatha shravan men ho athva chandrama shani ke nakshatra pushya, anuradha tatha uttara-bhadrapad men ho ya shani tatha chandrama ek hi rashi men hon to vish yog/punarfu yog ka nirman hota hai. yadi nakshatra mitra rashi ya param mitra rashi men hai to samasya kar jaldi hi chali jati hai man ki sthiti kharab nahin hoti hai kintu yadi nich rashi ka chandrama shani ke sath (vrishchik rashi tatha anuradha nakshatra) bahut nimn sthiti ka nirman karta hai - vyakti ka mansik rogi hona nishchit hai. chandrama tatha shani ki anshatmak duri kam ho, chandrama nirbal ho, use koi pap grah dekhta ho visheshakar shani to vyakti bhagyahin tatha pravajya lene vala hota hai. chandrama shani ke dreshkaen men ho ya shani ke navansh men ho ya drisht ho to vyakti pravajya pata hai. chandrama paksh bali ho, shubh sthiti men ho to vyakti svasth tatha utsahit hota hai. kshin chandrama shani se drisht ya yut hone se vyakti avsadpurn tatha nirashagrast hota hai. purn chandrama yadi vairagi grah shani ke sath ho to vyakti uchch koti ka tatva-chintak sant hota hai. chaturth bhav men yah yog vyakti ko purnatah udasin bana deta hai. udasin sadhu-sannyasiyon ki janma-patrika men shani se prabhavit chandrama prayah paya jata hai. is prakar ham dekhte hain ki chandrama ki sthiti vyakti ke achar-vichar, svabhav, prakriti adi ko pratyaksh rup se prabhavit karti hai. shani v chandrama ke viprit svabhav ke karan, karya sampadan men badha bar-bar is yog ke karan hi ati hai. yah yog bhavon ke anusar alg-alag prakar se kashtadayi hota hai jaise - dvitiya bhav men yah yog vani dosh, tutlahat adi paida karta hai. chaturth bhav men man avsad se bhara rahta hai tatha virya vikar utpann hota hai. shani ki dasham bhavasth sthiti bari prabal hoti hai yadi is par chandrama ka prabhav ho to mansik vikritiyon ka pradurbhav hota hai jiske parinam bhayankar hote hain. is prakar shani tatha chandrama ki yuti kabhi bhi shubh nahin hoti hai, vyakti men nirasha jabaradast prabhavi hoti hai. yadi shani-chandrama par rahu ki drishti bhi ho jaye to ag men ghi ka kam hota hai - dhan-nash, svasthya hani, rakta-vikar, netra kasht, chati ke rog tatha mata ko kasht hona nishchit hai. chandrama balvan ho to hani kam hoti hai. yadi chandrama kshin ho to hani ka pratishat barh jata hai. chandrama yadi lagnesh hokar shani ke navansh men ho to vyakti bhogi hota hai aur adhikar bhavna prabal hoti hai. bhumi, bhavan, vahan prapt karne ki vishesh ichcha hoti hai kintu aise vyakti ke jivan men koi n koi kasht ya pareshani rahti rahti hai. is prakar ham kah sakte hain ki vish yog ya punarfu yog kisi bhi prakar se shubh nahin hota hai. vish yog ya punarfu yog se sanbandhit kuch janma-patrikaon ka vishleshan is prakar hai- 1. tula lagn ki is janma-patrika men shani lagn men tatha chandrama saptam bhav men mesh rashi men hai. mahila ki ayu vartaman men 30 varsh ki ho chuki hai parantu abhi tak shadi nahin hui hai. mata-pita dvara anekon rishte dekhne ke bavjud koi n koi vyavdhan ata raha. janma-patrika men vish yog spasht hai, shani tatha chandrama purnatah drisht hain jiske karan mansik chinta tatha nirasha hamesha bani rahti hai. vyaktigat prem men bhi saflta nahin mili hai. yah sab vish yog ka hi parinam hai. 2. min lagn ki janma-patrika men chandrama tatha shani ek hi ansh par saptam bhav men kanya rashi men sthit hain. purush achchi naukri men hai, parha-likha, susanskarit, sampann parivar se hai. shadi ke lagatar prayas karne ke bavjud abhi tak shadi nahin ho payi hai, yahan tak ki prem-vivah tak bhi nahin ho saka hai. janma-patrika men saptam bhav men vish yog banta hai, navansh kundli men bhi vish yog banta hai jiske karan vivah ke sambandh men nirasha hi hath lagi hai jabki chote bhai ka vivah ho chuka hai. sabse bara dushprabhav chandrama tatha shani ek hi ansh (11) par sath-sath baithe hain. yah sab vish yog ka hi karan hai. 3. kanya lagn ki is janma-patrika men chandrama tatha shani tritiya bhav men vrishchik rashi men sthit hain. is vyakti ke jivan men mata ke sukh ki kami rahi hai. chandrama mata ka karak hai tatha nichasth rashi men hai atah bachapan men mata dur rahi tatha chaidhven varsh men hamesha ke lie dur ho gai. vish yog ke karan jivan men hamesha nirasha hi hath lagi. uchch shiksha grahan karne ke pashchat bhi abhi tak naukri nahin mili hai, vivah ki bat to naukri ke bad hi sochega. dhan-sampatti bhi nahin hai. vyakti vicharvan tatha samjhdar hai parantu vish yog ke dushprabhav to jivan men rahenge hi. is prakar ham koi bhi vish yog vali janma-patrika dekh len un sabhi men thore-bahut ashubh parinam avashya drishtigochar honge. yah sab vish yog ki tivrata par nirbhar karta hai. vicharniya vishay yah hai ki vish yog ke is dushprabhav se kis prakar mukti mile ya iska prabhav kam ho. kasi ne thik kaha hai ki “prarabdh ko nahin badla ja sakta hai karmon ke fal to bhogne hi parenge”. fir bhi sachche dil se purn shraddha bhav se yadi upay kiya jaye to uska sukhad fal avashya prapt hota hai. ham jo karm karke ae hain unka bhugtan bhi karna hai tatha unhen katne ke lie shubh karmon ki or hamesha pravritt bhi rahna hai. yah hamari samasyaon ke samadhan men hamesha sahayak ki bhumika nibhate hain. jaisa ki suna hoga ki are ! main to bal-bal bach gaya is vipatti men”, yah sab hamare shubh karmon ka hi parinam hota hai. vish yog nivarak upay 1. ratri men sirhane ek gilas dudh rakhakar subah babul ke vriksh par lagatar chalis din tak charhaen. 2. somvar tatha purnima ko namak ka purn tyag karen. 3. shanivar ko khir ka dan karen. 4. somvar se prarambh kar ek gilas dudh ratri ko sir ke pas rakh kar soen tatha subah kisi kuen men lagatar 40-43 din tak dalen. 5. ratri ko apne palang ke niche parat men jal rakhen tatha subah uthte hi hare paudhon men dalen.
Kya aapko lekh pasand aaya? Subscribe
Kya aapko lekh pasand aaya? Subscribe


  July 2014

Apne vichar vyakt karein

blog comments powered by Disqus
.