दीपदान महादान

dipdan mahadan  

Views : 1816 | October 2017

kisi bhi puja, sadhna ko sanpann karna bina dip prajjvalan ke ham soch bhi nahin sakte. pujan ka mukhya uddeshya man ko shanti pradan karna hota hai, apna dhyan ekagra karna hota hai. vedon men agni ko devta svarup mana gaya hai kyonki yah panch tatvon men ek ‘‘agni’’ mana gaya hai. dipak ka itihas uthakar dekhen to hamen gyat hota hai 5000 varsh purva se mitti ka dip jalaya jata hai. paranprik rup se ise dip, diva, dipak kahte hain. ismen sut ki bati dalakar tel ya ghi dalakar prajjvalit kiya jata raha hai. dip jalane ke pauranik mantra men kaha gaya hai ki iska prayog kalyankari, svasthya evan sanpda dene vala hota hai.

shatru ki durbuddhi ke vinash ke lie prarthana rup men ham dip ka prayog karte hain kyonki dip ka arth charon or prakash karna, yash-samman failana, kul ka chirag aur dip jalana pujan karne ka ek uttam tarika bhi hai. dip kab jalayen samanyatah dipak subah v sayankal jalaya jata hai kintu pujan ke lie kisi bhi samay jalaya ja sakta hai. kisi sadhna men muhurt vishesh men bhi dipak prajjvalit kiya jata hai. devi devtaon ki sadhna karne men akhand dip jalaya jata hai. navratron men bhi akhand dip jalaya jata hai. man durga ki anukanpa prapt karne hetu akhand dip prajjvalit kiya jata hai. dip kisi vishesh mangal karya ke lie bhi jalana chahie.

dip kyon jalate hain?

- dipak jalane ka sarvapratham uddeshya devtaon ko prasann karna hota hai.

- dusra manushya apni manokamnaon ki purti hetu dipak jalata hai.

- vishesh sadhnaon, vishesh avsron v manglkaryon ko sanpann karne ke lie dipak ka prayog kiya jata hai.

dipak kaisa ho?

prachin kal se mukhya rup se mitti v ate ka dipak hi prayog men laya jata raha hai. adhunik yug men sabhi prakar ki dhatuon ke sundr-sundar sajavti dipkon ka prayog hone laga hai. sapt dhanya ko milakar bhi dip jalaye jate hain.

kaun sa dip kab jalayen?

- mukhya rup se ghi ka dipak devi-devtaon ki prasannata ke lie jalaya jata hai. jab kisi bhi devi-devta ke lie shraddhapurvak shuddh ghi ka dip jalaya jata hai to devta prasann hokar ashirvad dete hain.

- ghar ke mandir men desi ghi ka dipak apni bayin or jalaya jata hai. shuddh gay ke ghi ka dipak ati pavitra hota hai. shuddh ghi men hamesha rui ki batti ka hi prayog karen.

- sarson ke tel ka ya til ke tel ka dipak devi-devtaon ke samne apni manokamnaon ki purti ke lie jalaya jata hai. tel ke dipak men hamesha lal batti ka prayog karna chahie aur tel ka dipak hamesha dayin or jalana chahie.

bhartiya sanskriti men pratyek vishesh manglik avasar par dip jalane ki paranpra hai. devi-devta ke pujan ke samay urja ko kendribhut karne ke lie dipak prajjvalit kiya jata hai. prakash gyan ka pratik hai. parmatma prakash aur gyan rup men sab jagah vyapt hai. gyan prapt karne ke lie agyan rupi manovikar dur hote hain aur bhautik kashton se chutkara milta hai. in sabko prapt karne aur manokamnaon ki purti hetu dip jalane ke vibhinn prayog hain jinki jankari ham yahan dene ja rahe hain. sabhi dipak ke prayog bahut upyogi hain. jitni shraddha evan vishvas ke sath kiye jayenge utna hi vishvasniya fal prapt honge.

- yadi kundli men kisi bhi prakar se shani rahu ketu ashubh prabhav de rahe hon to pipal vriksh ke niche shanivar ko pashchim disha men sarson ke tel ka dipak jalana chahie.

- yadi naukri vyapar men kisi bhi prakar ki samasya ho to char batti ka sarson ke tel ka dipak jalayen ya til ke tel ka dipak jalayen. usmen lanbi batti banakar usko kraes karke char batti bana den.

- shani ki sarhesati, dhaiyya ya rahu-ketu grahon ko apne niyantran men liye ho to har shanivar rat ko pashchim ki or mukh karke sarson ya til ke tel ka dipak jalayen sath hi in grahon ke bij mantra ka jap karte hue prarthana karen.

- yadi shatru nuksan pahunchaye to sarson ke tel ka char batti ka dipak bhairav ji ke samne prajjvalit karen.

- yadi arthik pareshaniyon se mukt hona chahte hain to pratidin ghar ke mandir men shuddh ghi ka dipak jalaen.

- kundli men rahu-ketu kharab ho to alsi ke tel ka dipak jalayen.

- pati ki lanbi ayu ke lie mahue ke tel ka dipak jalaen.

- surya dev ki prasannata ke lie sarson ke tel ka ek batti ka dipak jalayen.

- kisi bhi sadhna men akhand jyoti jalane ka vidhan hai jise shuddh gay ke ghi aur til ke tel ke sath jalaya jata hai. yah prayog dev sthanon par hi karna chahie.

û isht siddhi, gyan prapti ke lie gahra aur gol dipak prayog men lena chahie.

- shatrunash, apatti nivaran ke lie madhya se utha hua dipak prayog karna chahie.

- hanuman ji ki prasannata ke lie tikona dipak aur chameli ke tel ka dipak jalana chahie.

- ghar men subah sham dipak jarur jalana chahie. yah saubhagya ka pratik hota hai. agnidev nakaratmakata ko dur karte hain. surya aur chandra grah thik ho jate hain.

- akhand dipak kisi bhi prakar ki tapasya ya hathyog ke lie jalaya jata hai.

- kapur ki arti karne se vatavaran shuddh hota hai. ismen vishanuon aur jivanuon ko nasht karne ki shakti hoti hai.

Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

dipavli visheshank  October 2017

fyuchar samachar ka aktubar ka visheshank purn rup se dipavli v dhan ki devi lakshmi ko samarpit visheshank hai. is visheshank ke madhyam se ap dipavli v lakshmi ji par likhe hue gyanavardhak alekhon ka labh le sakte hain. in lekhon ke madhyam se ap, lakshmi ko kaise prasann karen v dhan prapti ke upay adi ke bare men jan sakte hain. kuch mahatvapurn lekh jo is visheshank men sammilit kie gaye hain, vah is prakar hain- vrat-parva, karva chaith vrat, dipavli ek mahan rashtriya parva, dipavli par ‘shri sukta’ ka vishisht anushthan, dhan prapt karne ke achuk upay, dipavli par karen siddh vishesh dhan samriddhi pradayak mantra evan upay, apka nam, dhan aur divali ke upay, dipavli par kaise karen lakshmi ko prasann, shastriya dhan yog adi.

Subscribe


.