द्वादश ज्योतिर्लिंग के प्रतीक श्री पशुपति नाथ

dvadash jyotirling ke pratik shri pashupti nath  

Ank ke aur Lekh | Sambandhit Lekh | Views : 4124 |  
dvadash jyotirling ke pratik shri pashputi nath pan. tuntun shastri nepal men nagmti ke kinare sthit kantipur men pashuptinath virajman hain. pashupti nath ka mandir dharm, kala, sanskriti ki drishti se advitiya hai. kashi ke kan-kan jaisaise shiv mane jate haiainn,n, vaisaise hi nepepal men pag-pag par mandir haiainn, jahan kala bikhri parii hai.ai. is kala ke piche dharm aurair sansnskriti ki jivantantta chipi hui hai. nepal ki suramya upatyaka kathmandu apne prakritik saundarya ke lie vishva prasiddh hai. yahan ka mausam prakriti ko har mah hara-bhara rakhne ke lie anukul hai. charon taraf bagmti, indumti aur vishnumti anek kal-kal karti nadiyan, jo kabhi varsha ke pani se uchlti-chalti hain, to kabhi paharon se niklne vale barhmasi jal sroton ka nirmal jal le kar mand-mand muskurati, bal khati chalti hain, ve dekhne men atyant mohak aur lubhavni lagti hain. prayah har mausam men yahan fulon ki bahar rahti hai, jo dekhne men atyant mohak hai. is anupam prakritik chata aur bhagvan pashupti ke darshanarth hajaron paryatak vishva ke kone-kone se yahan ke saundarya ki amit chap le kar lautte hain aur kuch din yahan rukne par ek alaukik shanti anubhav karte hain. jo nar-nari yahan tapasya, jap, bhagvan ashutosh ki shraddha-bhaktipurvak puja-archana karte hain, unki sabhi kamnaen puri hoti hain. pashupti ke dedipyaman chaturmukhi ling ko kuch vidvan jyotirling mante hain aur kuch vidvan ise jyotirling nahin mante. sarvasvikrit shiv puran ke anusar to jyotirling barah hi hain, parantu shiv puran ke 351 ven shlok men shri pashupti ling ka ullekh jyotirling ke saman hi kiya gaya hai. bhagvan ashutosh, aisi sundar tapobhumi ke prati akarshit ho kar, ek bar kailash chor kar yahin a kar ram gaye. is kshetra men yah 3 sing vale mrig ban kar, vicharan karne lage. atah is kshetra ko pashupti kshetra, ya mrigasthali kahte hain. shiv ko is prakar anupasthit dekh kar brahnaa, vishnu ko chinta hui aur donon devta shiv ki khoj men nikle. is sundar kshetra men unhonne ek dedipyaman, mohak 3 sing vale mrig ko charte dekha. unhen mrig rup men shiv hone ki ashanka hui. brahnaa ne yog vidya se turant pahchan liya ki yah mrig nahin, balki shiv hi hain. tatkal hi uchal kar unhonne mrig ka sing pakrne ka prayas kiya. isse sing ke 3 tukre ho gaye. usi sing ka ek tukra is pavitra kshetra men gira aur yahan par maharudra utpann hue, jo shri pashupti nath ke nam se prasiddh hue. shiv ki ichchanusar bhagvan vishnu ne nagmti ke unche tile par, shiv ko mukti dila kar, ling ke rup men sthapna ki, jo pashupti ke rup men vikhyat hua. nepal mahatmya men tatha suni jane vali janashruti ke anusar nityanand nam ke kisi brahman ki gay nitya ek unche tile par ja kar svayan dudh baha deti thi. nityanand ko bhagvan ne svapn men darshan diya. tab us sthan ki khudai ki gayi aur yah bhavya ling prapt hua. bhagvan pashupti nepal ke shaskon aur janta-janardan ke param aradhya devta hain. is shiv ling ki unchai lagabhag 1 mitar hai. yah kale rang ka patthar hai, jo avashya hi kuch vishesh dhatuon se yukt hai. iski chamak, abha aur shobha addhitiya hain. nepalvasiyon ka aisa vishvas hai ki is ling men paras patthar ka gun vidyaman hai, jisse lohe ko sparsh karne se vah sona ban jata hai. jo bhi ho, is bhavya panchmukhi ling men chamatkar avashya hai, jo samast nepal ke janta-janardan evan bhartvasiyon ko barabas hi apni or akarshit karta hai. nepalvasi apne har shubh karya ke praranbh men bhagvan pashupti ka ashirvad prapt karna anivarya mante hain. kuch logon ka vishvas hai ki yah mandir pahli shatabdi ka hai. itihaskar ise tisri shatabdi ka batate hain. mandir ati prachin hai. samy-samay par ismen marammat hoti rahti hai evan iska rakhrkhav hota raha hai. nepal shaskon ke adhishthata dev hone ke karan shasan ki or se iski puri dekhbhal sadaiv hoti rahi hai. is mandir men keval hindu hi pravesh kar sakte hain. mukhay dvar par nepal sarkar ka sangindhari pahredar har samay rahta hai. chamre ki vastuen mandir men le jana varjit hai. andar foto lena bhi mana hai. mandir ki shobha mandir ke purva bhag se, bagmti ke purvi tat se bhi dekhi ja sakti hai. videshi paryatkon ke lie yah mandir akarshan ka kendra mana jata hai. har mausam men prayah hajaron videshi paryatak bagmti ke purvi tat se foto lete dekhe jate hain. bagmti ke pavitra jal se bhagvan pashupti ka abhishek kiya jata hai. bagmti ke dahini tat par hi bhagvan pashupti jyotirling ke garbh grih ke samne hi, marnoprant, hinduon ke shav ko agni men prajjvalit kiya jata hai. nepalvasi marne se purva apne parijnon ko, antim sans se kuch samay pahle, yahan le ate hain, jisse pavitra nadi ke snan aur godan ke bad hi mrityu prapt ho, taki moksh prapt ho sake. mrit vyakti ke pair bagmti men latka dete hain. kabhi-kabhi koi mritak is prakriya se punarjivit bhi ho jata hai, jaisa ki logon men vishvas hai. am taur par brahman hi shav ko snan karate hain aur mastak par pashupti ka chandan lagate hain. tatpashchat kafan men lapet kar dah karm sanpadit karate hain. bhart-nepal ke bich sanskritik adan-pradan ki paranpra, jo adi kal se thi, vah aj bhi virajman hai. aj bhi har dharmaparayan nepali nar-nari shri kashi vishvanath ke darshan aur ganga snan tatha charon dham yatra ko jivan ki param sarthakata mante hain, to bharat ke tirth sthalon - badrinath, kedarnath, rameshvaram, dvarikadhish, jagannathpuri, ganga sagar adi yatra karne vale bhartiya bina pashupti darshan ke apne apko purn nahin mante. bharat ke bihar, uttarapradesh adi rajyon se sarak marg, gorkhpur tatha raksol adi se bas dvara nepal ki rajdhani kadmandu pahunch sakte hain. bharat ke dilli, lakhnau, kolkata, patna, munbai adi sthanon se vayu marg se bhi jane ki vyavastha hai. kathmandu men yatriyon ke thahrne ke lie sadharan se mahange hotal upalabdh hain. bhartiya mudra men lagabhag 25 ru. se 1000 ru. tak ke hotal yahan ulabaldh hain. falguni krishn paksh ki chaturdashi ko, shiv-parvati ke vivahotsav ke upalakshya men, shiv ratri ko puja-archana ka vishesh mahatva hai. is avasar par yahan bharat aur anya rashtra ke log darshana-pujan ke lie ate hain. shiv ratri ke upalakshya men yahan virat mela lagta hai. yahan mandir men darshan karne vale darshanarthiyon ka tanta trayodshi ki arddh ratri se hi praranbh ho jata hai. yah samay pashupti darshan ke lie upyukt hai. yahan ke logon ka vishvas hai ki pashupti hi nepal ki raksha karte hain. pashupti nath ke darshan se arogya, sukh, samriddhi, shanti, santosh prapt hote hain tatha manushya ka agla janm pashu yoni men nahin hota, aisa logon ka vishvas hai.
Kya aapko lekh pasand aaya? Subscribe
Kya aapko lekh pasand aaya? Subscribe


vidya badha mukti visheshank  February 2010

is visheshank men jyotish men vidya prapti v uchch shiksha ke yog, vidya prapti men badha, gyan pradayini tara mahavidya sadhna, vidya v gyan prapti ke jyotishiya upay ityadi vishyon ka samavesh kiya gaya hai. is visheshank men vikrami sanvat? 2067 jyotish ke aine men lekh ke antargat bharat ke samajik, arthik v samajik bhavishya par charcha ki gai hai. sanpadkiya lekh men shri arun kumar bansal ji ne vidyarthiyon ke lie vidya badha mukti ke kuch saral v satik upay prastut kie hain.

Subscribe

Apne vichar vyakt karein

blog comments powered by Disqus
.