न्याय, सच्ची मित्रता व रुचिका की जीत

nyay, sachchi mitrata v ruchika ki jit  

Ank ke aur Lekh | Sambandhit Lekh | Views : 878 |  
ruchika girhotra aur anuradha gupta ki dosti ki misal aj har vyakti ki jaban par hai. 19 varsh bad jo nyay ruchika ke pita aur bhai ki maut ke bad mila hai, vah keval anuradha aur uske pita ki lanbi mehanat aur lagan ka hi natija hai. shayad yah intjar itna lanba nahin hota, agar usi vakt uska sath uske skul aur samaj ke anya varishth sadasyon ne diya hota. tab shayad rathaur jaise shaktishali vyakti apne pad aur dabdbe ka itna galat upyog nahin kar pate. midiya ki avaj ke sath sangthit sabhya samaj ki shakti ki yuti nishchit rup se hamare ane vale kal ko sudhar sakti hai aur ruchika jaisi anek larkiyon ko durbhagya ka shikar hone se bacha sakti hai. panchkula, hariyana, ki ubhrti tenis khilari, ruchika ko marnoprant, 19 varsh bad mile nyay ki charcha aj har ghar, samachar patra, chainal, nyayalay, prashasan, rajniti, pulis, vibhinn samajik sangthnon, kendra sarkar aur yahan tak ki antarrashtriya star par hai. 14 varshiya ruchika tatha uski saheli aradhna ke parivaron ko kis had tak anyay sahna para aur ek uchch pulis adhikari ki barbarata ka shikar banna para, yah sarvavidit hai. ruchika choti umra se hi tenis khelne ki bahut shaukin thi aur apni saheli aradhna ke sath vah aksar tenis khelne jati thi. us vakt chandivar ke dijipi es pi es rathaur aur unke ghar ke garaj men esosiesan ka afis tatha hariyana laen tenis esoshieshan ke madhyam se ahate men tenis kort tha. ek din jab ruchika aradhna ke sath vahan tenis khelne gai to rathaur ne aradhna ko vahan koch ko bulane bhej diya aur ruchika ke sath duvryavhar tatha ashlil harkten kin. lekin tabhi vahan aradhna a gai aur ruchika ko bhagne ka avasar mil gaya. unhonne apne parivar valon ko do din bad bataya jab rathaur ne ruchika ko dobara bulaya. aradhna ke pita v ruchika ke pita ne rathaur ke khilaf shikayat ki, to kuch din bad ruchika ka nam skul se kat diya gaya aur uske bhai ko buri tarah se sharirik yatnaen di gain aur anek jhuthe mukdmon men fansakar jel bheja jane laga. us samay ruchika ki umra keval 14 varsh thi. uski man ka dehant bhi pahle hi ho chuka tha. anttah insaf n milne se aur gharvalon ki pareshani se pareshan hokar ruchika ne 29 disanbar, 1993 ko jahar khakar maut ko gale laga liya. aie, dekhen bhagya ki bhumika kya hai is jvalant prakaran men ruchika ki janmakundli men lagnesh kendra ke sath-sath koi bhi shubh grah kendra men nahin hai. ekmatra budh bhi dvadshesh hokar markesh v naisargik pap grah surya se sanyukt hokar papi ho gaya hai. is tarah kendra men keval papagrah hain aur sabhi shubh grah v lagnesh chathe v athven bhav men sthit hain. lagnesh chandra mangal v shani ke paraspar drishti yog se pirit hai. atah kundli ke kamjor ho jane ke karan aur pratikul grah dasha v gochar ke chalte ruchika ko durbhagya ka shikar hona para. ukt grah yog alpayu yog ka nirman bhi kar raha hai. rishi parashar ke anusar yadi bhagyesh ashtam bhav men ho ya nich rashisth ho, to aisi sthiti men rahu ke panchamasth ho jane se jatak bhagyahin hota hai. ruchika ki kundli men prabal bhagyahin yog vidyaman hai, jiske chalte use aise durbhagya ka samna karna para. ruchika ki kundli men lagnesh chandra rog sthan men rahu adhishthit rashi ke svami mangal ke sath hai. ketu adhishthit rashi ke svami shukra aur bhagyesh v shashthesh guru bhi ashtam men sthit hain. ashtamesh v markesh shani dvadash sthan men baithakar saptam drishti se lagnesh chandra v panchmesh mangal ko dekh raha hai. saptam men surya ke sath sthit dvadshesh budh pap kartari yog se pirit hai. lagnesh chandra aur panchmesh mangal bhi papakartari yog men hain. rahu pancham bhav se aur surya saptam bhav se lagn ko purn drishti se dekh rahe hain. arthat lagn v lagnesh donon hi nirbal aur buri tarah se pirit hain. 12 agast 1990 ko jab rathaur ne ruchika ke sath duvryavhar kiya, to us samay us par shukra ki mahadsha men rahu ki antardasha men shukra ki sukshm dasha chal rahi thi. gochar men us vakt shukra kark rashi men gochar ke rahu v janmakalin papi grah rahu surya v mangal se drisht the. kisi bhi shubh grah ki drishti in par nahin thi. gochar men rahu saptam marak bhav men aur janm kundli men rahu pancham bhav men sthit hai jo purva janm ke pap karm ki badha ko bhi darshata hai. ashtam sthan sthit shukra ki mahadsha men rahu ki antardasha ke samay ruchika ashniya mansik vedna ki shikar rahi aur uske parivar valon ko bhi kafi kasht jhelne pare. atmahatya ke samay shukra men guru ki antardasha men rahu ki pratyantar v sukshm dashaen chal rahi thin, gochar men lagnesh chandra dvadash bhav men tatha gochar men rahu janmakalin rahu ke upar tha v lagn ko pap drishti se dekh raha tha, gochar ka mangal aur surya bhi janmakalin chandra v mangal par shashth bhav men chal rahe the, shani ashtam men shukra aur guru ke upar se gochar kar unhen pratikul rup se prabhavit kar raha tha. in sab yogon ke falasvarup mansik rup se tuti hui ruchika ne anttah jahar khakar atmahatya kar li. ruchika ka bhagya v ayu paksh to kamjor the hi, sath hi uski man, bhai v pita ka bhagya bhi atyant kamjor tha. bhai ashu ki kundli men bhagyesh ashtamasth aur guru nich rashisth hai tatha kundli ke mahatvapurn grah kalasarp yog se grast hain. pita ki kundli men santan bhav kalasarp yog se grast hai. pap grah kendra men hai. prabal akarak mangal v surya kendrasth hain, jabki koi bhi shubh grah kendra men nahin hai. udhar ruchika ki saheli ki kundli men guru tritiyasth hokar bhagya bhav ko dekh raha hai, shubh grah shukra v budh kendra men hain aur shatru vijay ke lie mangal tatha shani chathe bhav men ati uttam sthiti men hain. chathe bhav par mangal v shani ka prabhav hone ke falasvarup aradhna ne adamya sahas v vilakshan pratibha dikha kar midiya ko bhi samachar prakashit karne ko prerit kiya aur anyay ke viruddh larai men apne pita anand prakash ji ka pura-pura sath diya. anand prakash gupta ji ki kundli men shubh grah guru kendra men hai. jyotish shastra ke anusar dasham bhav men guru ki sthiti ke falasvarup jatak ko punya ke karyon ke karan kirti ki prapti hoti hai. anand prakash gupta ji ne ruchika ke sath hue anyay ke viruddh jabaradast kanuni larai lar kar punya ka karya kiya. yahi karan hai ki inhen jagh-jagah par sammanit kiya ja raha hai. amanviya aur barbaratapurn vyavhar ke prati inka yah yuddh niahsandeh sarahniya hai, jismen unhen ishvar kripa se anttah vijay prapt hui. mukdme men inki jit ka faisla ane ke samay inki kundli men dashamasth guru par gochar ke shubh shani v gajkesri yog se yukt guru ki drishti par rahi thi.jyotishiya vishleshn ham parashri yogon se ruchika ki kundli ka purn vishleshan dashaon sahit karenge jo bhartiya jyotish ko samjhne men sahayak hoga aur uski satyata tatha prasangikta ko rekhankit karega. gandmul ka pahla charan pita ke lie kashtakarak mana gaya hai, jo hua. ruchika ka janm 6-2-1975 ki sayan 16-50 par chandigarh men, kark lagn, dhanu rashi, mul nakshatra ke pratham charan tatha ketu ki dasha men shri subhashchandra girhotra ke yahan hua jo ek baink adhikari the. kundli men kai aise yog hain, jo jyotishiya niyamon ke anusar uske jivan men alp ayu yog ko lakshit karte hain. kundli men lagnesh chandra, chathe bhav men mangal ke sath, pap kartari yog men virajman hai. 12ven bhav se shani ki bhi purn drishti lagnesh par hai. lagn par shatru rashi shani men baithe krur grah surya ki purn drishti bhi use kamjor kar rahi hai. rahu ka lagn ko navam drishti se dekhna ayu ko achanak kam kar dene ka ek anya duryog hai. lagnesh chandra atyant pirit evan nirbal hai. shani aur chandra ka paraspar drishti yog vishyog ka bhi nirman kar raha hai. parashar ke anusar chathe chandra vale jatak ke shatru kitne bhi prabal kyon n hon, ek n ek din munh ki khakar natamastak hote hain. hariyana ka jo purva pulis mahanideshak shanbhu prasad rathaur, 21 disanbar 2009 ko mile faisle par itra raha tha, 10 din bad hi uski hansi gayab ho gai. han, chathe chandra ke karan jatak ko sarkar se kasht milta hai. yah bat is sandarbh men aksharashah sahi utrti hai. use ek sarkari adhikari se kasht mila, sarkar men kisi ne suni nahin, yahan tak ki satta se jure logon ne bhi akhen mund lin. yah bhi kaha gaya hai ki yadi mangal chathe bhav men ho, to shatruon ka nash karta hai. ruchika ki kundli men chandra aur mangal ki yuti yahan vidyaman hone ke falasvarup rathaur ki saja barhegi hi. iske alava shani mrityu sthan ka svami hokar 12 ven bhav men hai, jise chathe bhav se kamjor chandra aur mangal paraspar dekh rahe hain. yah yog bhi atmaghat par vivash karta hai. isi vish yog ke karan ruchika ne paristhitiyon se tang akar tanav men atmaghat kiya. ashtam shukra ne jatka ko sundar aur prasannachitt to banaya, parantu shukra, rahu ke nakshatra men hone ke karan yah sundrta us par jyadti ka karan ban gai. 12 agast 1990 ko jab hariyana ke tatkalin pulis pramukh shanbhu prasad rathaur ne uska sharirik shoshan karne ka prayas kiya, us samay rahu men shukra ki dasha chal rahi thi aur kuch din pahle hi shani ki dhaiyya bhi aranbh ho gai thi. kul mila kar ruchika ka bura samay aranbh ho gaya tha. isse purva 1988 men 11ven ghar ke svami shukra ne, jo mata ke chaturth bhav se bhi sanbandhit hai, apni dasha men mata se viyog karva diya. rahu pancham bhav men shiksha men avrodh paida karta hi hai. so ruchika ko saikred hart skul se fis n bharne ke jhuthe bahane se bahar nikal diya, jabki tathya yah tha ki rathaur ki putri bhi usi skul men thi aur apni ijjat bachane ke lie skul par dabav dalva kar ruchika ko niklvaya gaya tha. yadi rahu pancham ho aur mangal ki rashi men ho, to viprit ling ke logon se pareshani rahti hai. ruchika is jyotishiya niyam ka apvad kaise ho sakti thi? is niyam se prabhavit jatk-jatka ko sarkar se kasht milta hai. mangal ke karan yahan pure parivar ko pulis se kasht mila. pita subhashchandra girhotra, bhai ashu tatha ruchika ki sahpathi aradhna, aradhna ke pita anand prakash tatha unki patni madhu prakash par dakaiti jaise kes chalae gae. aise jatak ko rahu ki dasha men apman sahna parta hai aur atmasamman ko thes pahunchti hai. tritiyesh budh ne, budh-aditya yog ke karan aradhna jaisi mitra di jisne bari himmat se yah abhiyan chalaya. kundli men chathe bhav ka svami guru 8ven men aur 8ven ka svami shani 12ven men sthit hai. is yog ke falasvarup ruchika ko khyati evan muavja to mila parantu marnoprant. iske alava avyog ke karan jatka apmanajanak sthiti men rahi aur alpayu hui. pamar yog pita ko santap deta hai. ruchika ki kundli men anshik kalasarp yog vidyaman hai. iske falasvarup uski parhai churvai gai, mata ka sath 13 varsh ki ayu men chut gaya, sarkar se visheshakar pulis ke ala adhikari se pratarna mili aur anyay ka shikar hona para. kalasarp dosh ki chaya girhotra tatha anand prakash gupta donon ke parivaron par hai. sabse ashcharyajanak tathya ruchika prakaran men ye rahe ki prastut kes men sanlagn sabhi sadasyon ki kundliyon men purn athva anshik kal sarp yog vidyaman hai. ruchika ke pita shri subhashchandra girhotra (janm 20-6-1943, 14.01 jhang pakistan) ki kundli men bhi purn kal sarp yog hai. unhen jivan men patni, putri tatha naukri se vanchit hona para. 19 sal adalton ke chakkar lagane pare aur kachhriyon ka silsila abhi aur chalega. satven bhav men mangal ke karan unka vaivahik jivan adhura raha. ruchika ki saheli aradhna, (janm 7-6-1976, 01.01, chandigrh) is kes ki sakshya hai. usne sare kes ko age barhaya aur aestreliya se laut kar sanpurn midiya ko jankari deti rahi. uski kundli bhi kalasarp yog se grast hai aur yahi karan hai ki uska bachapan sangharshamay bita aur yuvavastha men kort ke chakkar lagane pare. ruchika ke bhai ashu girhotra, (janm 20.6.1973, 11.20, shimla), ko is kes men 17 sal ki umra men hi pulis ke thard digri taerchar ka shikar hona para. parhai chuti aur use kar chori tatha dakaiti jaise mamlon men uljhaya gaya. kal sarp dosh ke atirikt us par us samay rahu ki dasha aur uske bad guru ki dasha prabhavi thi. guru rog, rin tatha shatru ke bhav men nichasth hain. aradhna ke pita shri anand prakash gupta (janma- 23.4.1943, 19.01, ladva, hariyana) krishi vipanan bord men mukhya abhiyanta the, jinhonne rathaur ke viruddh kanuni larai ko 20 sal bad anjam tak pahunchaya, bhi kal sarp dosh ke shikar hain. in par 13 mukdme chalae gae aur nilanbit kar padachyut kar diya gaya. kintu unhonne har nahin mani aur anyay ke viruddh jang jari rakhi. 1994 se ve 450 bar kort men epiyar hue, 400 bar si. bi. ai. ne unka kes sthagit kiya, hai kort ke bhi 40 sthaganon ke bad rathaur ko is mamle men keval 6 mas ki saja sunai gai, jis nirnay par samucha desh nyay prakriya aur kanun vyavastha ke viruddh ek abhiyan cher baitha. aj anand prakash gupta ko is mamle men ek krusedar mana ja raha hai, jo desh ki nyay vyavastha ko bhavishya men avashya badlega. pure parivar ko unke sahas ke lie samajik sansthaon, manav adhikar sangthnon tatha midiya dvara sammanit kiya ja raha hai. yahan kal sarp yog ke is tathya ko bhi bal milta hai ki jatak ke jivan men kafi sangharsh ke bad hi kamyabi milti hai. is sare kes men yah tathya spasht ho jata hai ki kalasarp yog, chahe vah purn ho ya anshik, jivan men kafi pareshaniyon ke bad saflta bhi deta hai.
Kya aapko lekh pasand aaya? Subscribe
Kya aapko lekh pasand aaya? Subscribe


vidya badha mukti visheshank  February 2010

is visheshank men jyotish men vidya prapti v uchch shiksha ke yog, vidya prapti men badha, gyan pradayini tara mahavidya sadhna, vidya v gyan prapti ke jyotishiya upay ityadi vishyon ka samavesh kiya gaya hai. is visheshank men vikrami sanvat? 2067 jyotish ke aine men lekh ke antargat bharat ke samajik, arthik v samajik bhavishya par charcha ki gai hai. sanpadkiya lekh men shri arun kumar bansal ji ne vidyarthiyon ke lie vidya badha mukti ke kuch saral v satik upay prastut kie hain.

Subscribe

Apne vichar vyakt karein

blog comments powered by Disqus
.