विद्या प्राप्ति में बाधाओं से मुक्ति के लिए वास्तु के उपाय

vidya prapti men badhaon se mukti ke lie vastu ke upay  

Ank ke aur Lekh | Sambandhit Lekh | Views : 1460 |  
har mata-pita ki ichcha hoti hai ki unke bachchon ka jivan sukhamay ho. iske lie ve unhen achchi se achchi shiksha dilane ka harsanbhav prayas karte hain, kintu aksar dekhne men ata hai ki sare prayason ke bavjud bachchon ka man parhai men nahin lagta ya fir kari mehanat ke bavjud vanchit fal prapt nahin hota. ye vidyabhyas men ane vali badhaen hain. in badhaon se mukti men jyotish ki anya vidhaon ki bhanti vastu bhi sahayak hota hai. yahan in badhaon se mukti hetu vastu ke kuch pramukh upayon ka sankshipt vivaran prastut hai. û adhyayan karte samay bachche ka munh uttara-purva athva uttar ya purva ki or hona chahie. purva disha ki or munh karke parhne se surya ki urja prapt hoti hai, jisse gyan evan vichar shakti men unnati hoti hai. uttar ki or munh karke parhne se ekagrata barhti hai aur sakaratmak urja prapt hoti hai. û adhyayan kaksh ishan kon men hona chahie. aisa sanbhav nahin hone ki sthiti men purva men bhi banaya ja sakta hai. û parhai ki mej par piramid, minar, ya urne vale pakshi finiks ka chitra rakhna chahie. isse bachche ki kalpana shakti ka vikas hota hai. uske man men age barhne ki prerna utpann hoti hai. mej par sfatik glob bhi rakha ja sakta hai. glob ko roj ghumana chahie. û vidyarthiyon ko darvaje ki or pith karke adhyayan nahin karna chahie. û adhyayan ki jagah ke upar parachatti, ban ya bim nahin honi chahie. adhyayan kaksh kabhi bhi nairritya ya dakshin-purva men nahin hona chahie. û adhyayan kaksh men telifon, bara aina, akveriyam ya aisi anya vastuen, jinmen kriyashilta ho, nahin honi chahie. in vastuon ke karan ekagrata men kami ati hai. û yadi vidyarthi kanpyutar ka prayog karta hai, to vah dakshin-purva men hona chahie. avashyakta ke anusar dakshin ya pashchim madhya men bhi rakha ja sakta hai. û adhyayan kaksh men darvaja evan khirkiyan purva, uttara-purva ya uttar disha men honi chahie. isse pratah kal surya ki ushnata ka bharpur labh milta hai, jisse bachche ka svasthya achcha rahta hai. û bachche chahen to adhyayan kaksh men so bhi sakte hain. adhyayan kaksh ko adhyayan evan shayan kaksh bhi banaya ja sakta hai. û adhyayan kaksh men palang ka sirhana hamesha dakshin ya pashchim ki or hona chahie. û adhyayan kaksh men pani hamesha ishan kon men hi rakhna chahie. û adhyayan kaksh ki divaron ka rang halka nila, badami ya halka pila hona chahie. û divaron par prernadayak mahapurushon jaise vivekanand adi ke chitra lagane chahie. inke atirikt sartifiket bhi laga sakte hain. û adhyayan kaksh men kitabon evan kapron ki almariyan dakshin ya pashchim madhya men honi chahie. û kitabane khuli nahin rakhni chahie. khuli kitaben nakaratmak urja utpann karti hain. kitaben tartib se rakhi honi chahie taki avashyakta parne par asani se prapt ho saken. û adhyayan kaksh men anavashyak purani kitaben evan kapre arthat kabar n rakhen. kabar se nakaratmak urja niklti hai, jo svasthya evan adhyayan par prabhav dalti hai. û adhyayan kaksh men parde ka rang asmani, halka nila, halka hara ya halka badami uttam hota hai. safed rang ka parda hon par bachche men susti paida hoti hai. adhyayan kaksh men yadi taeylet bhi ho, to uska darvaja hamesha band rahna chahie, kyonki taeylet se nakaratmak urja niklti hai. utare hue kapre adi taeylet men rakhne chahae. û taeylet ko adhik n sajaen, kintu uski safai ka pura dhyan rakhen. û yadi ek kamre men ek se jyada bachche adhyayan karte hon, to divaron par mitrata adi ka samuhik foto lagaen. aisa karne se bachchon ke bich jhagre nahin hote hain, balki unmen apas men mitrata evan miljul kar karya karne ki bhavna utpann hoti hai. û bachchane ki adhyayan tebal par sfatik ki gend ya lakri ka bara piramid latkana chahie. sfatik ki gend nakaratmak urja ko ekatra nahin hone deti hai. piramid sakaratmak urja ka vahak hota hai. iske falasvarup bachchon men ekagrata utpann hoti hai. û adhyayan kaksh men mej ke samne ya pas men aina n rakhen. û adhyayan kaksh men man sarasvati ki tasvir lagaen. iske atirikt ishan kon men aradhya dev ka foto lagaen. û sarasvati bisa yantra ki upasna evan hanuman kavach ka path niyamit rup se karen. û parhai men kamjor chatragan stadi tebal par ejukeshan tavar lagaen, parhai men man lagega. û sat ghantiyon vali pavan ghanti kamre ke pashchim disha men lagaen. isse bachchon men karyakshamata ka vikas hota hai. is prakar vastu ke upar varnit upayon ko apna kar vidyabhyas men ane vali badhaon se mukti prapt ki ja sakti hai.
Kya aapko lekh pasand aaya? Subscribe
Kya aapko lekh pasand aaya? Subscribe


vidya badha mukti visheshank  February 2010

is visheshank men jyotish men vidya prapti v uchch shiksha ke yog, vidya prapti men badha, gyan pradayini tara mahavidya sadhna, vidya v gyan prapti ke jyotishiya upay ityadi vishyon ka samavesh kiya gaya hai. is visheshank men vikrami sanvat? 2067 jyotish ke aine men lekh ke antargat bharat ke samajik, arthik v samajik bhavishya par charcha ki gai hai. sanpadkiya lekh men shri arun kumar bansal ji ne vidyarthiyon ke lie vidya badha mukti ke kuch saral v satik upay prastut kie hain.

Subscribe

Apne vichar vyakt karein

blog comments powered by Disqus
.