निर्माण कार्य का आरंभ

nirman karya ka aranbh  

Ank ke aur Lekh | Sambandhit Lekh | Views : 9009 |  
nirman karya ka aranbh pan. jay prakash sharma (lal dhage vale) nirman karya ka aranbh karne se pahle nimn baton ka dhyan avadgay rakhen : bhumi pujan, ninv khanan, kuan khanan, shilanyas, dvar sthapan v grih pravesh adi karya shubh muhurt men hi karen. kuna, boring v bhumigat tanki uttar, purva ya ishan men bana sakte hain. vastu purush ke atimarm sthanon ko chorakar. marm sthanon par divar, kolam, bim v dvar adi banane se bachna chahie. niche bhukhand ke ati marm sthan v marm sthan dikhae gae hain. brahm sthan men panch ati marm sthan hote hain. char brahm sthan ke charon kone v panchva brahm sthan ka madhya. iske atirikt 32 marm sthan tarankit chote chihnon se dikhae gae hain. bhukhand men mukhay nirman char divari ke sath ka pishach kshetra chorakar karen. bhukhand ko 81 bhagon men bant kar char divari ke 32 bhagon ko khule sthan ke rup men chor diya jata hai. usse andar ke 16 bhag dev kshetra ke rup jane jate hain. bich 9 bhag brahm sthan kahlate hain. avasiya bhukhand men besment nahin banana chahie. yadi besment banana avashyak ho to uttar, purva aur ishan men brahm sthan ko bachate hue banana chahie. besment ki unchai kam se kam 9 fit ho aur 3 fit tal se upar ho taki prakash v hava a ja sake. bhavan ka dakshini bhag hamesha uttari bhag se uncha hona chahie. bhavan ka pashchimi bhag hamesha purvi bhag se uncha hona chahie. bhavan men naitya sabse uncha aur ishan sabse nicha hona chahie. bhumi ka stra mukhay marg se uncha hona chahie. char divari ke andar sabse jyada khula sthan purva men choren. usse kam uttar, usse kam pashchim men, sabse kam dakshin men choren. isse purva v uttar se ane vali shubh urja ki vriddhi hogi. divaron ki motai sabse jyada dakshin men, usse kam pashchim men, usse kam uttar men, sabse kam purva men rakhen. isse dakshin v pashchim bhari ho jaega v uttar aur purva halka ho jaega. is niyam ko char divari par aur antrik nirman men bhi lagu karen. dvar ki chaurai uski unchai se adhi honi chahie. mukhay dvar sab dvaron se bara hona chahie. khirikiyan v roshndan ghar ke uttar v purva men adhik tatha dakshin v pashchim men kam banane chahie. brahm sthan ko khula, saf tatha havadar rakhna chahie. brahm sthan par juthe bartan, chappal, kura-karakat v bhari saman nahin rakhna chahie. ninv ki khudai ke samay saur mas baisakh v falgun hone par vayavya kon se khudai shuru karen. saur mas jyeshth aur shravan hone par naitya kon se, saur mas margashirsh v magh hone par ishan kon se khudai karni chahie. bhumi pujan bhi inhin dishaon men hi karen. arthat saur mas margashirsh v magh men bhumi pujan karna ho to ishan kon men hi karen. shilanyas ke samay ninv men rakhne yogya padarth nae v shuddh hone chahie. ek tanbe ke lote men chaval bharakar rakhen. 5 nai inte, 5 prakar ke ratan, nag-nagin ka jora, 5 kauriyan, 5 sabut supari, shrifal, tirth sthan ki mitti, ganga jal v lal rang ke vastra ki avashyakta parti hai. griharanbh ke samay 81 pad vala vastu chakra banakar 45 devtaon ki puja ki jati hai. shubh samay ka nirdharan karke prabhu kripa pane ke lie puja-path, havan, ganesh puja, bhumi puja v vastu dev puja karni chahie. griharanbh ke samay acharya, brahman, vastukar v mistri adi ko vidhivat santusht karen. aisa karne se ghar men sada sukh-shanti rahti hai. shubh muhurt ke intjar men yadi griharanbh karya ko deri bhi ho rahi hai to intjar kar lena chahie. bhav ke samne koi vastu vedh ho raha ho to uska vichar bhi kar lena chahie. bhavan v mukhay dvar ke samne koi ashubh vriksh, mandir, khanbha, tuta-futa makan, gaddha, shmashan ghat, shila, bhatti v okhli nahin honi chahie. bhavan ke samne se kisi unche bhavan ki chaya parne se chaya vedh kahlata hai. isse ghar men ane vali dhup v hava men badha parti hai. bhavan ke samne vale bhavan ka koi kona bhavan ko tir ki tarah chubh raha ho to imarat vedh kahlata hai. bhavan ke samne koi kuan adi hone se dvar ke samne kichar v jal adi ho sakta hai jo ki shubh nahin hai.
Kya aapko lekh pasand aaya? Subscribe
Kya aapko lekh pasand aaya? Subscribe


najar v bandhan dosh mukti visheshank  March 2010

najrdosh ke lakshan, bachav v utarne ke upay, upri badha ki pahchan, karan v nivaran, najrdosh ka vaigyanik adhar tatha najar dosh nivarak mantra v yantra adi vishyon ki jankari prapt karne hetu yah visheshank atyant upyogi hai.is visheshank men mahan adhyatmik neta acharya rajnish ki janmakundli ka vishleshan bhi kiya gaya hai. iske vividha namak stanbh men ÷hastakshar vigyan dvara rogon ka upchar namak lekh ullekhniya hai.

Subscribe

Apne vichar vyakt karein

blog comments powered by Disqus
.