कुष्ठ रोग
Ank ke aur Lekh | Sambandhit Lekh | Views : 9037 |  
sharir ke angon ko bekar karne vala kushth rog   acharya avinash sinh manav sharir men ek aisi shakti vidyaman hai, jise jivan shakti kahte hain. iska mukhay karya bahri vishaile jivanuon ke akraman ki rok-tham karna hai. jab jivan shakti kam ho jati hai, to hamare sharir par bahri jivanu akraman kar sharir ko asvasth aur durbal bana dete hain aur hamara sharir rupi tantra sucharu rup se kam karne men asamarth ho jata hai. bahri jivanuon ki rok-tham hamari tvacha bhi karti hai, islie tvacha ka svasth hona bhi avashyak hai aur svasth tvacha jivan shakti par nirbhar karti hai. jab jivan shakti kamjor ho jati hai, to tvacha par bhi gahra prabhav parta hai, jisse bahri jivanu ke akraman kai prakar ke rog utpann kar dete hain, jinmen ek kushth rog hai. kushth rog tvacha se hi aranbh hota hai. jab tvacha ki sabhi mukhay parten dushit aur bahri jivanuon ki rok-tham karne men asamarth ho jati hain, to kushth rog hone ki sanbhavna barh jati hai. kushth rog n to vanshanugat rog hai aur n hi sankramak. pahle isko sankramak rogon men gina jata tha. lekin adhunik chikitsa anusandhan se yah siddh ho chuka hai, ki yah sankramak rog nahin hai. kushth rog ke jivanuon ko dandayu kaha jata hai. ye dandayu vikrit angon se niklte rahte hain. prayah dekhne men aya hai, ki yah rog nirdhan logon ko hota hai. isse spasht hai ki rog ka karan safai aur svasthya ke bare men jankari n hona hai. agar safai aur svasthya ke prati manav jagruk rahe aur samay par dekhbhal karta rahe, to jivan shakti bani rahegi aur kisi prakar ka rog hone ki sanbhavna samapt ho jati hai, chahe vah kushth rog hi kyon n ho. rog ke karan : dandayuon ke sharir men pravesh karne ke kai mahinon bad lakshan spasht hote hain. rog ke dandayu tvacha ki granthiyon, rakt nariyon, yakrit adi men rah kar vish failate hain aur ghav ban jate hain. ek bar ghav ban gaya, to fir thik nahin hota. pahle kushth rog ko asadhya rog ki shreni men rakha jata tha. parantu adhunik yug men iski samuchit chikitsa sanbhav hai. rog ke lakshan rog ke praranbh men manspeshiyon men dard rahta hai, ya khujli hoti hai. tvacha chikni lagne lagti hai. dhup aur parishram se tvacha men jalan hone lagti hai. tvacha sunn ho jati hai, lal-lal dhabbe banne lagte hai aur pip bahne lagti hai tatha ang, nak, hath, ungliyon, pairon par ganth ban kar ve galne lagte hain. gharelu upchar kushth rogi agar jimikand ki sabji pratidin niyamit rup se khae, to avashya labh hoga. lahsun ke ras ka upyog bhi rog men labhkari hai. nim ke fulon ka ark pine se korh chala jata hai. nim ke tel ki malish aur nim ki pattiyon ka ras pine se korh men labh milta hai. rogi ko adhik se adhik nim ke per ke pas ya niche baithna chahie. bathue ka sag donon vakt, tin mas tak, khane se korh men avashya labh hota hai. bathue ko pis kar, sharir ke korh prabhavit bhagon par lagaen. sanp ki kenchuli pani men ghis kar lep karne se korh chala jata hai. amltas patton ko kanji men pis kar lep karne se kushth nasht ho jata hai. karele ke ras men ninbu ka ras mila kar, khali pet chuskiyan lete hue, pine se labh hota hai. kam se kam panch mah tak lagatar pina chahie. anvle ka churn aur anvle ke ras ka sevan kushth rogi ke lie labhkari hai. arandi ke patton, athva makai ke patton ko pis kar, athva kaner ke patton ko pis kar malish karne se korh thik hota hai. chane, besan ki roti aur ghi ke alava kushth rogi kuch n khaen, to rogi avashya thik ho jata hai. jyotishiya drishtikon jyotishiya vichar se kushth rog surya ke dushit hone aur dushit prabhav men rahne ke karan hota hai. jaisa ki upar kaha gaya hai, jivan shakti kshin hone ke karan, dandayu ka akraman kushth rog paida karta hai. jivan shakti ka karak grah surya hai. islie jyotish men surya ke dushprabhavon men rahne ke karan kushth rog aur kushth rog jaise anya rog manav sharir men utpann hote hain. jo grah surya ko dushit karte hai, unmen mukhay hain rahu-ketu aur usse nyun shukra aur shani hain. jab kundli men lagn, lagnesh aur surya dushprabhavon men rahte hain, to kushth rog hone ki sanbhavnaen barh jati hain. surya ki tarah mangal bhi urja ka karak hai. islie agar kundli men surya ke sthan par mangal dushprabhavon men rahe, to bhi kushth rog hone ki sanbhavnaen ban jati hain. prachin ganrathon men kushth rog ke jyotish yog is prakar hain : surya, shukra evan shani, tinon ek sath kundli men sthit hon. mangal aur shani ke sath chandra mesh ya vrish rashi men ho. chandra, budh evan lagnesh rahu ya ketu ke sath hon. lagn men mangal, ashtam men surya aur chaturth men shani ho. mithun, kark ya min ke navansh men sthit chakra par mangal aur shani ki drishti ho. vrish, kark, vrishchik ya makar rashigat pap grahon se lagn evan trikon men drisht ya yukt hon. shani, mangal, chandra jab jaliya tatva rashi men hon aur ashubh grah se drisht hon, to charm rog hota hai. mangal lagn men, surya ashtam men aur shani chaturth men ho. chandra lagn men, surya saptam men, shani aur mangal dvitiya ya dvadash men hon. mangal, shani, surya shashthesh ho kar lagn men hon. vibhinn lagnon men kushth rog ke karan : mesh lagn : surya saptam bhav men shukra ke sath ho aur shani lagn men tatha mangal ast ho kar budh ke sath ho, to kushth rog hone ki sanbhavna barh jati hai. vrish lagn : surya lagn men shani ke sath ho aur shani ast ho, shukra, budh dvadash bhav men hon aur rahu pancham ya navam bhav men ho, to kushth rog ka praranbh pair ya ungliyon se hota hai. mithun lagn : lagnesh budh chathe bhav men mangal ke sath ho, surya pancham bhav men rahu ya ketu se yuti banae aur chandra ekadash bhav men rahne se kushth rog hota hai. nak se rog praranbh hone ki sanbhavna rahti hai. kark lagn : surya tritiya bhav men, chandra ekadash bhav men, ketu saptam bhav men guru ke sath ho, to kushth rog ka karan bante hain. sinh lagn : shukra aur rahu lagn men ho aur surya tritiya ya ekadash bhav men ho tatha shani se drisht ya yukt ho, to kushth rog hone ki sanbhavna hoti hai. kanya lagn : lagnesh trikon men ast ho aur lagn par mangal ki drishti ho, surya, shani se drisht ho aur shani ketu ke sath ho, to kushth rog ki sanbhavna paida hoti hai. tula lagn : surya lagn men ho, shukra, mangal dasham bhav men hon, rahu-ketu trikon men, guru saptam men aur shani kendra bhav men ho, to kushth rog deta hai. vrishchik lagn : budh, lagn, shukra ast hon, lagn par rahu-ketu ki drishti ho, shani kendra men mangal se yukt ho, to kushth rog hota hai. dhanu lagn : surya ashtam bhav men, chandra ast ho, shukra saptam bhav men, guru trik sthanon par shani se drisht ya yukt ho, to kushth rog paida karta hai. makar lagn : guru lagn men mangal se yukt ho aur chandra saptam bhav men, rahu-ketu se drisht ho, shani ashtam bhav men surya se ast ho, to kushth rog utpann karta hai. kunbh lagn : rahu, mangal aur guru tinon surya se kendra men ast hon aur chandra lagn men kemdhum yog ho, to kushth rog hota hai. min lagn : shukra aur chandra lagn men rahu-ketu se drisht evan yukt hon aur shani-budh surya se ast hon, to kushth rog hota hai. uparyukt sabhi yog chalit kundli ke adhar par diye gaye hain. grah apni dasha santulit anrtadasha aur gochar ke anusar rog utpann karta hai.
Kya aapko lekh pasand aaya? Subscribe
Kya aapko lekh pasand aaya? Subscribe


navavarsh visheshank  January 2010

varsh 2010 ke navavarsh visheshank men rajnitik dalon v netaon ke bhavishya ke sath-sath bharatavarsh ka navavarsh kaisa rahega adi vishyon par vistrit charcha ki gai hai. ankshastra ke madhyam se bhi varsh 2010 ka bhavishyakathan karne ka prayas kiya gaya hai. sachin tendulakar ki janmapatri ka jyotishiya vishleshan kiya gaya hai sath hi 12 mahinon ka vistrit rashifal bhi diya gaya hai.

Subscribe

Apne vichar vyakt karein

blog comments powered by Disqus
.