उचित व्यवसाय चयन

uchit vyavsay chayn  

Ank ke aur Lekh | Sambandhit Lekh | Views : 6442 |  
pratyek vyakti ki abhilasha hoti hai ki vah jo bhi karya kare vah uski ruchi ke anurup ho tatha usmen use saflta mile. yah bahut hi kathin hai yah janna ki kaun sa karya hamare anukul hoga. jisme hamen saflta mile. pratyek vyakti men alg-alag karya karne ki kshamata hoti hai. lekin koi bhi vyakti yah tay nahin kar sakta ki usmen kaun sa karya karne ki kshamata hai. islie kabhi-kabhi vah galat nirnay le leta hai tatha use asflta ka samna karna parta hai. lekin jyotish ek aisa vishay hai jo hamara sahi disha chunne men marg darshan kar sakta hai. janm patrika ka lagn, lagnesh, dasham bhav tatha dashmesh un par vibhinn grahon ka prabhav hamen uchit vyavsay chunne men sahayta karte hain. vyavsay ko chayan karne ke lie ap pahle yah dekhe ki sab se jyada grah kaun si rashi men hai. char, sthir ya dvisvabhav. grahon ka char, sthir, dvisvabhav rashiyon ke anusar vyavsay ka chayn: char rashiyan 1, 4, 7, 10 sthir rashiyan 2, 5, 8, 11 dvisvabhav rashiyan 3, 6, 9, 12 char rashigat grah: adhik grah yadi char rashi men hon to jatak aise vyavsay ko apnata hai jismen chaturai, yukti nipunta v logon se mel mulakat ka prayog hota hai vah bhramnshil hokar unnati karta hai uske vyavsay men sthirta nahin hoti. parivartan men vishvas rakhta hai. sthir rashigat grah: agar sthir rashi men jyada grah hain to jatak aisa vyavsay chunta hai jismen dhairya ekagrata sahnshilta, drirh nishchay tatha chintan manan ki avashyakta hoti hai. vah ek sthan par karya karna pasand karta hai. sarkari naukri, daektar ya aspatal ki naukri men saflta milti hai. is kundli men sthir rashigat grah adhik hai yah jatak ek sarkari daektar hai jismen dhairya, ekagrata ki avashyakta hoti hai. dvisvabhav rashigat grah: yadi adhik grah dvisvabhav rashi men hon to jatak adhyapak, profesar, arhtiya evan kirana giri ke kam karta hai ve sabhi kam jismen ek sthan par rah kar kam kiya jae kintu kam ke silsile men bahar ana jana bhi avashyak hai. jaimini men dvisvabhav rashi ko sarvottam mana gaya hai. aisa jatak buddhiman hota hai. udahrn: satish kumar, 04.02.1963, 23.15, sunam ismen char v dvisvabhav rashiyon men sabse adhik grah hai tatha barabar sankhya men hai. islie jatak donon rashiyon ke anusar kam kar raha hai. is jatak ne pahle kariyane ka kam kiya fir dray frutas ka. ab chaval ka treding ka kam hai inko kam ke silsile men bahar ana jana parta hai. vyavsay chayan men rashi ka svarup janne ke bad rashi tatva ka vichar karen. ajivika chayan men rashi tatva vichar û sabse pahle sabse prabal grah (shadavarg bali ya atmakarak grah) ko jane, vah kis rashi men hai tatha vo rashi kaun se tatva se sanbandhit hai. û bali grah kis tatva men hai. û lagn men kaun se tatva ki rashi hai. û dasham bhav men kis tatva ki rashi hai. û dasham bhav men kaun se tatva ka grah hai. arthat bali grah, bali grah ki rashi, lagn v dasham bhav ki rashi men kis tatva ki adhikta hai. uske anusar ajivikka ka vichar karen. agni tatva: surya, mangal tatha 1, 5, 9 rashiyan agni tatva ki rashiyan hai aisa jatak mansik shaktiyon par adharit karya karte hain. agni tatva jatak mahatvakankshi tatha pragtishil vicharon ke hote hain. kisi anya ki adhinta svikar nahin karte tatha svavlanbi hote hain. bhumi tatva: budh, grah tatha 2, 6, 10 rashiyan bhumi tatva hain. aise vyakti dhairyavan tatha sharirik parishram dvara sadhya karya se dhan pate hain. vayu tatva: shani grah tatha 3, 7, 11 rashiyan vayu tatva hain. aise vyakti buddhiman, lekhak, vicharak athva vaigyanik shodhakarta hote hain. vayu tatva rashi antriksh sanbandhi karyon men saflta deti hai. jal tatva: chandra tatha shukra grah tatha 4,8,12 rashiyan jal tatva pradhan hain jal tatva pradhan rashi vala vyakti asthir vyavsay ya mausam par adharit asthir vyavsay athva jal sanbandhi karyon se ajivika pate hain. akash tatva: (guru grah, rashi koi bhi nahin) shravan shakti, yagya tatha dharmik anushthan v parlok sanbandhit karyon men saflta deta hai. guru v guru ki rashi paramarsh seva vidya dhan nyapalika ke karya tatha prabandh vyavsay ke karyon se dhan deta hai. naukri ya vyavsay: rashi tatha tatva vichar ke bad yah dekhna chahie ki vyakti naukri karega ya vyavsay. naukri ka yog û yadi shashth bhav saptam se bali ho to naukri ki sanbhavna hoti hai. û lagn, lagnesh, navam bhav navmesh, dasham bhav, dashmesh, ekadash bhav ya ekadshesh kisi bhi papi grah se adhik-adhik prabhavit ho to naukri ki sanbhavna hoti hai. û kendra ya trikon men koi bhi shubh grah n ho. û yadi jatak ki 20 se 40 varsh ki ayu ke dauran nirbal yogkarak grah tritiyesh, shashthesh ya ekadshesh se prabhavit ho to naukri ki sanbhavna hoti hai. û janm kundli men adhik sankhya grah prithvi tatva v jal tatva rashiyon men ho to naukri ki sanbhavna hai. û atmakarak grah ke navansh par (navansh kundli men) agar surya v shukra ki drishti ho to jatak ko sarkari naukri se labh milta hai. û karkansh (atmakarak grah ke navansh) se janm kundli ke dasham bhav par surya aur mangal ki drishti sarkari naukri pradan karti hai. û dasham bhav men surya mangal athva shani men se koi do grah sthit hon v dasham bhav par shubh grah ki drishti yuti ka abhav ho to jatak naukri karta hai pap grah ki drishti yuti raj karmachari banati hai. û navansh kundli men shukra minasth hokar shani se yukt ya drisht ho tatha dvadash bhav men surya ya chandra sthit ho to jatak vetan bhogi karmachari hota hai. û dasham bhav men pap grah ki yuti ya drishti tatha shubh grahon ki drishti-yuti ka abhav nishchay hi adhinasth karmachari banata hai. û lagn ya chaturth bhav men sthit guru rajseva se jivika diya karta hai. û dashmesh v lagnesh ki yuti (kisi bhi bhav men) ho to jivika kshetra men jatak parishram v nij ke prayason se unnati karta hai. vyavsay ke yog û kundli men ek ya do rajyog ho aur jatak ki 20 se 40 varsh ki ayu ke bich us yog se sanbandhit kisi grah ki dasha prabhavi ho to vah uchch stariya vyapar karta hai. û janm kundli men adhik sankhya grah agni tatva v vayu tatva rashiyon men vidyaman ho to vyapar ki prabal sanbhavna hoti hai. û navam aur dasham tatha dvitiya aur ekadash bhavon ke bich sanbandh ho to jatak vyapar men safal hota hai. û dvitiya, pancham, saptam, dasham ya ekadash bhav ko uska svami grah dekhe ya do kendreshon aur do trikoneshon ka sanbandh kendra ya trikon men ho ya grah kahin bhi uchch ya svarashi ke hon athva surya ya guru kendra ya trikon men ho to jatak vyapar men safal hota hai. û jatak ka janm din men ho tatha chandra lagn ya dasham bhav par parashriya yogkari grah ya uchchasth ya svarashisth grah ki drishti ya usse sanbandh ho to jatak vyapari hota hai. û yadi chandra kundli men guru tritiya bhav men tatha shukra labh sthan men hai to jatak svatantra vyavsayi hota hai. û yadi saptamesh dhan bhav men tatha budh vanijya ka karak saptam bhav men ho to jatak vyapari hota hai. û vanijya karak budh ki yuti saptam bhav men dhanesh ke sath ho to jatak vyapari hota hai. uprlikhit yog se spasht gyat hai ki vanijya ke lie saptam bhav tatha dvitiya bhav ka sanbandh budh se jora gaya hai. û budh $ shukra, dvitiya ya saptam bhav men shubh grahon ke sath hon ya shubh grahon se drisht hon to jatak vyapari hota hai. û uchchasth budh par dhanesh ki drishti vyapar men saflta deti hai. û guru ki dvitiyesh par drishti hone se jatak vyapari hota hai. û dashamasth budh jatak ko vyapari banata hai. û dasham bhav par shubh grahon ki drishti vyapar se dhan labh karati hai. atmakarak grah se ajivika vichar evan yuti fal atmakarak grah ka ajivika nirnay men vishesh mahatva hai. jaimini mat men janm lagn se bhi adhik mahatva atmakarak grah ko prapt hai. kundli men sabse adhik ansh v kala vala grah atmakarak grah kahlata hai. atmakarak grah yakad shubh rashi ke navansh men ho to manushya sukhi, dhani evan uchch padadhikari hota hai. yadi pap grahon ke navansh men ho to manushya chote evan nich karm karne vala hota hai. atmakarak grah kis grah ke navansh men hai tatha karkansh kundli men kin grahon ka prabhav hai. in sabse vyakti ki ajivika ya vriti ka pata chalta hai. atmakarak grah janne ke bad dekhen ki yah grah kaun se navansh men hai. atmakarak grah ke vibhinn navansh men sthit hone se nimn fal milte hain. 1. mesh navansh fal: yadi atmakarak grah mangal ke ya mesh ya vrishchik navansh men ho to jatak daektar, nyayik, vritti, sena, pulis ya aisa karya jismen sahas ki avashyakta parti hai. yadi atm karak grah mangal ho to bhi yahi fal milta hai. hamne kai daktaron ki kundli men mangal ko hi atmakarak grah paya hai. yadi mangal ka sanbandh chandra ya surya se hai to jatak sarkari aspatal men daektar hota hai ya nij ka narsing hom ya vahan par naukri karta hai. 2. vrish navansh fal: prayah aisa vyakti vyapar dvara dhan kamata hai. yahi fal tula navansh ka bhi hai. vrish navansh men atmakarak grah hone par jatak bas, kar, transport, pashuon adi ka vyapar karta hai. yahin fal shuru ke atmakarak grah hone par paya jata hai. kai vyapariyon ki kundli men budh ya shukra hi atmakarak grah hota hai. 3. mithun navansh fal: yadi atmakarak grah mithun navansh men ho to vyakti aise karya karta hai jismen buddhi ka prayog kiya jae. is varg men vyapari bhi ate hain. kai charted akauntent, injiniyar tatha bare vyapariyon ki kundliyon men budh atmakarak grah hota hai. atmakarak grah mithun navansh men hone se vyakti vidvan hote hain. 4. kark navansh fal: atmakarak grah kark rashi men ho to jatak ka sarkari naukri ya sarkar se koi n koi sanbandh avashya hota hai. kai vyapariyon ki kundliyon men bhi atmakarak grah kark navansh men paya gaya hai. aise vyakti ko jal se bhay hota hai. 5. sinh navansh fal: yadi atmakarak grah sinh navansh men ho ya atmakarak grah ke sath surya ho to jatak sarkari seva men ya sarkar men hote hain. prayah aise vyakti uchch pad prapt karte hain. baink, pablik sektar adi men karya karte hain. yadi nij kanpniyon men karya karte hain to bahut bari-bari kanpniyon men karyarat hote hain. 6. kanya navansh fal: yadi atmakarak grah kanya navansh men ho to mithun navansh ke saman hi fal milte hain. yah navansh vidvanon ki kundli men paya jata hai. aise vyaktiyon ko khujli, sharir ka motapa evan agni kan se bhay adi fal milte hain. 7. tula navansh fal: atmakarak grah tula ke navansh men hone par vyakti vyapar karne vala hota hai. 8. vrishchik navansh fal: atmakarak grah vrishchik navansh men hone par mesh navansh ke saman hi fal milte hain. aise vyaktiyon ko pani v sanp adi se bhay hota hai. 9. dhanu navansh fal: atmakarak grah dhanu navansh men hone par vyakti uchch pad prapt karte hain. aise vyakti vidvan, dhani hote hain. aise vyakti samaj men sammanit tatha dhani hote hain. 10. makar navansh fal: atmakarak grah ke makar navansh men hone se vyakti ya to choti moti naukri karte hain ya fir vyapari hote hain. pani se prapt vastuon ka vyapar ya eksaport ka vyapar, naya vyapar ya thekedari, patthar, siment, lohe khanij, adi se jure vyavsay faiktri men karyarat ya udyog se jure vyapar men karyarat hote hain. kai sivil injiniyar, artitekt bhi is navansh men paye gaye hain. yahi fal shani ke atmakarak grah hone par dekha gaya hai. 11. kunbh navansh fal: yadi atmakarak grah kunbh ke navansh men ho to manushya dharmik svabhav vala tatha jansuvidhaon ki vastuon ka nirman karne vala hota hai. ismen bhi prayah makar navansh ke saman hi fal milte hain. 12. min navansh fal: min ke navansh men hone se manushya nitant astik, dharmik v moksh pane vala hota hai. ismen dhun navansh ke saman hi fal milte hain. atmakarak grah se yuti fal surya yuti fal: aisa vyakti sarkar se sanbandh rakhta hai. kai mantriyon ki kundli men yah dekha ja sakta hai. aise vyakti ki vritti ka sanbandh janta se avashya hota hai. chandra yuti fal: aise vyakti dhani v sukhi dekhe gae hain. unko sarkar se labh milta hai. shiksha ke kshetra se jure vyakti bhi isi shreni men pae gae hain. mangal yuti fal: prayah aise vyakti vah karya karte hain, yahan par sahas ki avashyakta parti hai. aise vyavsay jahan par ag, chirfar, shastra adi ka sanbandh hai. daektar, tren, injan ke draivar ya hotlon ke rasoiye bhi isi shreni men ate hain. budh yuti fal: aise vyakti vyapar dvara ya fir kala ke dvara shiksha ke kshetra se ya fir apni buddhi dvara dhan kamate hain. budh yadi atmakarak grah ho to vah uchch pad pata hai. kai ai.e.es., injiniyar, daektar ya vyapari, inki kundliyon men prayah budh hi atmakarak grah hota hai. guru yuti fal: aise vyakti dharmik pravritti ke hote hain. inhen ved shastron ka gyan hota hai. kai vakil, jaj, profesar adi ki kundli men yah dekha gaya hai. yadi guru ke sath yuti hoti hai to vyakti uchch pad pata hai. vidya dvara ya fainens dvara dhan kamate hain. kai baink evan charted akautent ki kundli men yah dekha gaya hai. shukra yuti fal: aise vyakti bare afasar, kalakar ya rajnitigya hote hain. in vyaktiyon ka mahilaon se sanbandh hota hai. shani yuti fal: aise vyakti apne kshetra men uchch sthan avashya pate hain. aise vyakti yadi vyapari hote hain to bahut bare udyogpti hote hain, yadi lekhak hote hain to bahut prasiddh lekhak hote hain. kai vaigyanik bhi isi shreni men dekhe gae hain. rahu ketu yuti fal: yah vyakti prayah vyapar karte pae gae hain, aise vyakti bure kamon dvara dhan kamate hain. jhuth bolakar ya chori dvara bhi dhan kamate dekha gaya hai. prayah rasayan, jahrile padarthon, entibaytiks ya dhatuon se inka sanbandh hota hai. karkansh kundli ka dasham bhav v vyavsay û karkansh lagn men dasham bhav men budh sthit ho ya budh ki drishti ho to vyakti apne vyavsay men bahut prasiddhi pata hai. û karkansh lagn se dasven bhav ko yadi budh ke atirikt shubh grah dekhte hon to manushya sthir buddhi vala, drirh nishchiyi v jamakar vyavsay karne vala hota hai. yadi karkansh lagn se dasven bhav ko ashubh grah dekhte hon to manushya asthir mati vala hota hai. û karkansh lagn se dasham bhav men yadi surya sthit ho tatha use akela brihaspati dekhta ho to manushya gay, bhains adi dudharu janvron ka vyavsay karne vala hota hai. û karkansh kundli men lagn par arthat atmakarak par surya v shukra ki drishti ho to manushya sarkari seva men hota hai. û yadi karkansh lagn men athva usse pancham sthan men chandra v brihaspati sthit ho to manushya granthon ki rachna karta hai.
Kya aapko lekh pasand aaya? Subscribe
Kya aapko lekh pasand aaya? Subscribe


  January 2010

Apne vichar vyakt karein

blog comments powered by Disqus
.