गुरु अष्टकवर्ग से सटीक फलकथन

guru ashtakavarg se satik falkthn  

Ank ke aur Lekh | Sambandhit Lekh | Views : 3334 |  
pichle ank men budhashtakavarg par kie gae shodh ki charcha ki gai thi. is ank men prastut hai - guruashtakavarg par kie gae shodh ka vishleshan. bhartiya jyotish men falakathan hetu ashtakavarg vidya ki achukta v satikta ka pratishat sabse adhik hai. ashtakavarg vidya men lagn aur sat grahon (surya, chandrama, mangal, budh, guru, shukra aur shani) ko ganna men sammilit kiya jata hai. guru grah dvara vibhinn bhavon v rashiyon ko die gae shubh bindu tatha guru ka ‘shodhyapind’ - ye ‘guruashtakavarga’ se kie gae falakathan ka adhar hote hain. ashtakavarg vidya men niyam hai ki koi bhi grah chahe vah svarashi ya uchch ka hi kyon n ho, tabhi achcha fal de sakta hai jab vah apne ashtakavarg men 5 ya adhik binduon ke sath ho kyonki tab vah grah bali mana jata hai. atah yadi guru grah guruashtakavarg men 5 ya isse adhik binduon ke sath hai tatha sarvashtak varg men bhi 28 ya adhik binduon ke sath hai to guru se sanbandhit bhavon ke shubh fal prapt hote hain. yadi sarvashtakavarg men 28 se adhik bindu v guru ashtakavarg men 4 se bhi kam bindu hain to fal sam ata hai. yadi donon hi vargon men kam bindu hain to grah ke ashubh fal prapt hote hain. karakatva ke anusar guru se vidya, dhan, santan, pati, vivah, dharm adi ka vichar kiya jata hai. guruashtakavarga: yadi janm kundliyon men guruashtakavarg ka upyog kar falakathan hetu nimn siddhanton ya niyamon ko apnaya jae to adhik satik parinam samne ate hain - 1 guru ke pancham sthan se buddhi, gyan, putra, dharmadi ka vichar kiya jata hai. atah guru ke ashtakavarg men guru se pancham rashi men binduon ki sankhya adhik hogi to vidya, putra, dharm adi ka sukh milta hai. udahrn: indira gandhi (19.11.1917, 23ah11, ilahabad) janmakundli ke anusar guru ke ashtakavarg men ekadasth guru se panchven bhav men 6 shubh bindu hai jo ki samanya se jyada hain. atah jatika ek buddhiman, gyanvan v dharmik mahila rahi hai aur unke do putra bhi hue. 2 guru ke ashtakavarg men guru jis rashi men hai, usse pancham rashi men shodhan se pahle jitne bindu honge, utne hi putra jatak ke honge. kintu yadi kisi ast, shatru ya nich grah ne bindu pradan kiya hai to aise bindu kam karne honge. uchch, vakri v svarashi grah ke bindu jorne honge. larkon ki sankhya purush grahon dvara di gai sankhya par nirbhar karti hai. udahrn: indira gandhi (19.11.1917, 23ah11, ilahabad) jatika ki janm kundli ke anusar guru ke ashtakavarg men ekadasth guru se panchven bhav men 6 shubh bindu hain jo ki 6 grahon surya, chandra, mangal, budh, shukra v shani ke dvara die gae hain parantu agar kundli ko dekhen to ham pate hain ki chandra, budh, shukra v shani grah shatru rashi men baithe hain jis karan inke dvara die gae binduon ko 6 men se ghataya jayega. shesh rah gae 2 bindu. jatika ke bhi do hi putra the. 3. guru ke ashtakavarg men shodhan se purva guru ki rashi se pancham sthan ke binduon ko guru ke shodhya pind se gunakar 27 se bhag dene par jo shesh aye, us tulya nakshatra ya usse trikon nakshatra men shani ke ane par putra, vidya tatha dharm ki hani hoti hai. udahrn: shefali(17.05.1990, 14ah15, dilli), ek chatra jatika ka guru mithun rashi men sthit hai. mithun rashi se pancham rashi tula men guru ke ashtakavarg men keval 1 hi shubh bindu hai. guru ka shoghya pind 201 hai atah 201 ko 1 se guna kar 27 ka bhag dene par shesh 12 ata hai. 12 nanbar nakshatra u.fa. hai v iske trikon nakshatra krittika aur u. sh. hain. mai 2000 men jab gochar ka shani krittika nakshatra men tha to jatika ka panchvin kaksha ka parinam aya to jatika uttirn nahin ho pai, use vidya ki hani hui. 4. guru ke ashtakavarg men shodhan se purva guru ki rashi se pancham sthan ke binduon ko guru ke shodhya pind se gunakar 12 se bhag dene par jo shesh aye, us tulya rashi ya usse trikon rashi men shani ke ane par putra, vidya v dharm ki hani hoti hai. udahrn:shefali (17.05.1990, 14ah15, dilli), ek chatra pichle udaharan ke hi anusar, jatika ka guru mithun rashi men sthit hai. mithun rashi se pancham rashi tula men guru ke ashtakavarg men keval 1 hi shubh bindu hai. guru ka shoghya pind 201 hai atah 201 ko 1 se guna kar 12 ka bhag dene par shesh 9 ata hai. 9 nanbar rashi dhanu hai v iski trikon rashiyan mesh aur sinh hain. mai 2000 men jab gochar ka shani mesh rashi men tha to jatika panchvin kaksha men utirn nahin ho pai thi, use vidya ki hani hui. 5. yadi guru svarashi ka ya uchch rashi ka 6 se 8 bindu ka 6, 8, 12 bhav ka bhi ho to bhi shubh fal deta hai. udahrn: amitabh bachchan (11.10.1942, 16ah00, ilahabad) jatak ka guru uchch ka hokar chathe bhav men 7 shubh binduon ke sath hai. atah is guru ne jatak ko shubh fal diye. jatak ko ekadash bhav ka svami hokar beshumar ay di. dvitiyesh hokar atul dhan-sanpatti ka malik banaya aur prabhavshali avaj bhi di. chathe bhav ke prabhav ke karan jatak ko bimariyan bhi di parantu sath hi unse larne ki shakti bhi di, karjadar to banaya parantu karj utar kar bhi dikhaya. 6. janm kundli men yadi surya aise bhav men ho jismen guru ke ashtakavarg men sabse kam bindu hon to yah ek daridra yog banta hai. udahrn: antra. palki, ek kanya (16 disanbar 1995, 01ah03 baje, aligrh) jatika ki kundli ke anusar, guru ke ashtakavarg men sabse kam bindu vrishchik rashi men keval 1 hai aur surya bhi vrishchik rashi men hi hai. atah yah ek daridra yog banata hai jis karan jatika bhi ek garib ghar ki kanya hai jahan do jun ki roti banani bhi mushkil hoti hai. 7. yadi lagnesh dusre ya naven ghar men ho aur guru 5 ya adhik nibandu ke sath ho to pita apne putra ke madhyam se sammanajanak sthiti prapt karta hai. udahrn: vishanbhar jain, samajsevi (24 farvri 1971, 14.00 baje, merth) jatak ka lagnesh budh naven bhav men hai aur guru chathe bhav men 6 shubh binduon ke sath hai. jatak ek kalej men profesar hai aur sath hi ek kushal samajsevak bhi. jatak ke pita ne apni jindgi men itna nam nahin kamaya tha jitna jatak ne samaj sevi banakar aur apne pita ko lokal ilaikshan men jita kar nam kama kar diya. aj samaj, pita ko jatak ke pita ke rup men jyada janta hai. 8. guru ke ashtakavarg men jo rashiyan sarvadhik shubh binduon ke sath hoti hai un par se yadi guru/surya ka gochar ho to jatak ki patni garbhavati hoti hai. udahrn: rajiv gandhi (20.08.1944, 07ah11, munbai) jatak ke guru ke ashtakavarg men sabse adhik shubh bindu 6 aur 7 mesh, vrish, mithun aur kanya rashiyon men hain. apairal 1971 men jab surya ka gochar mesh rashi par se tha to jatak ki patni shrimti soniya gandhi garbhavati hui aur janvri 1972 men unki beti priyanka gandhi ka janm hua. 9. kendra ya trikon ka guru yadi 6 se 8 bindu ke sath ho to jatak uchch pad, pratishtha v sanpannata pata hai. udaharan ke lie ravindranath taigor ki kundli men uchch ka guru 6 binduon ke sath panchven dhar men hai to unhen jivan men samman, sanpannata, pratishtha adi ki kami nahin rahi. 10. guru se panchmesh jis rashi men baitha ho usmen binduon ki sankhya (shodhan ke bad) jitni hogi utni hi santan hoti hai. santan ka vyavhar v charitra is bat par nirbhar karta hai ki kis grah ne bindu diya hai. udaharan 1: sachin tanedulakar (21.04.1973, 18ah00, mubai) jatak ke guru ke ashtakavarg men donon shodhan ke bad makar ke guru se panchmesh shukra mesh rashi men keval 2 binduon ke sath hai aur jatak ki bhi keval 2 hi santan bhi hain. udaharan 2: rekha suri (01.11.1973, 12ah00, dilli) jatika ka guru makar rashi men hai. atah guru se panchmesh shukra hua aur shukra, guru ke ashtakavarg men shodhan ke pashchat dhanu rashi men 4 bindu lekar baitha hai. jatika ke bhi 4 hi santan hain. 11. santan ke janm samay ko janne ke liye guru ke shodhyapind ko guru se panchven ghar men shodhan se pahle ke binduon ki sankhya se guna karen aur prapt sankhya ko 27 se vibhajit karen to sheshafal ke tulya nakshatra par se jab guru ka gochar hoga to santan prapti ki sanbhavna rahti hai. udahrn: javahar lal nehru (14.11.1889, 23ah06, ilahabad) guru ka shodhyapind tra 162 guru se panchven men bindu tra 2 isliye 162 g 2 tra 324 27 ka bhag dene par sheshafal tra 0 ya 27 27van nakshatra hai revti aur javahar lal nehru ki beti indira ke apni man ke garbh men ane ke samay guru ka gochar ashvini nakshatra par tha yani ki usne abhi abhi revti nakshatra ko par hi kiya tha. 12. santan ke janm ka mah janne ke liye guru ke shodhya pind ko 4 se guna kar 12 ka bhag dene par jo shesh aye us tulya rashi ya usse trikon rashi men surya ka gochar santan ke janm ka mas batayega. udahrn: javahar lal nehru (14.11.1889, 23ah06, ilahabad) guru ke ashtakavarg men guru ka shodhya pind 162 hai. isko 4 se guna kar 648 ata hai aur yadi isko 12 ka bhag den to sheshafal bhi 12 ata hai arthat min rashi. min rashi ki trikon rashiyan kark aur vrishchik hain. jab surya ka gochar vrishchik rashi par se tha to jatak ke ghar unki santan indira ne 19 navanbar 1917 ko janm liya tha.
Kya aapko lekh pasand aaya? Subscribe
Kya aapko lekh pasand aaya? Subscribe


  January 2010

Apne vichar vyakt karein

blog comments powered by Disqus
.