सफलता की गारंटी ‘‘शुभ मुहूर्त’’ पाना मुश्किल नहीं है

saflta ki garanti ‘‘shubh muhurta’’ pana mushkil nahin hai  

Ank ke aur Lekh | Sambandhit Lekh | Views : 45658 |  
saflta ki garanti ''shubh muhurta'' pana mushkil nahin hai do. sanjay buddhiraja grahon ki gati ke anusar vibhinn grahon v nakshatron ke naye naye yog bante bigdte rahte hain. achche yogon ki ganna kar unka uchit samay par jivan men istemal karna hi shubh muhurt par karya sanpann karna kahlata hai. ashubh yogon men kiya gaya karya purnatah siddh nahin hota. muhurt shastra ke kuch saral niyamon ka ullekh yahan kiya gaya hai jo vibhinn karyon men saflta men sahayak ho sakta hai. vaidik jyotish shastra ka pramukh stanbh hai - muhurt vichar. dainik jivan ke vibhinn karyon ke shuru karne ke shubh v ashubh samay ko muhurt ka nam diya gaya hai. yah jyotish men lagn kundli ki tarah hi mahatvapurn hai jo bhagya ka kshanik pal bhi kahlata hai. achcha muhurt karya ki saflta dekar hamare bhagya ko bhi prabhavit karta hai aur yadi achcha muhurt hamara bhagya nahin badal sakta to karya ki saflta ke path ko sugam to bana sakta hai. bhavishya badle ya n badle parantu jivan ke pramukh karya yadi shubh muhurt men kiye jayen to vyakti ka jivan ananddayak aur khushhal ban jata hai. muhurt ki ganna un logon ke liye bhi labhdayak hain jo apna janma-vivaran nahin jante. aise log shubh muhurt ki madad se apne pratyek karya men safal hote dekhe gaye hain. din men 15 v rat ke 15 muhurt milakar kul 30 muhurt hote hain. shubh muhurt nikalne ke liye nimn bato ka dhyan rakha jata hai - navagrah sthiti, nakshatra, var, tithi, mal mas, adhik mas, shaku ra v garuu ast, ashabhu a yog, bhadra, shubh lagn, shubh yog, rahu kal. shubh muhurton men sarvashreshth muhurt hai - guru-pushya. yadi guruvar ko chandrama pushya nakshatra men ho to isse purn siddhidayak yog ban jata hai. jab chaturdashi, somvar ko aur purnima ya amavasya manglvar ko ho to siddhi dayak muhurt hota hai. dainik jivan ke nimn karyon ke liye saral shubh muhurt ka vichar nimn prakar se kiya jana chahiye :- 1 bachche ka namakaran karna :- is karya ke liye 2, 3, 7, 10, 11 v 13vin tithiyan shubh rahti hain. somvar, budh avar, guruvar v shukravar ke din bachche ka namakaran kiya jana chahiye. shubh nakshatra ashvini, rohini, mrigshira, punarvasu, pushya, uttara, hast, chitra, svati, anuradha, shravan, dhanishtha, shatbhisha v revti hain. 2. vidyadhyayan :- bachche ka kisi vidyalay men pravesh devashayan tithiyon men nahin karna chahiye. shubh tithiyan 2, 3, 5, 7, 10, 11, 12, 13 v purnima hain. shubh var somvar, budhvar, guruvar v shukravar hain. shubh nakshatra ashvini, rohini, mrigshira, purnavasu, pushya, utra, hast, chitra, svati, anuradha, shravan, dhanishtha, shatbhisha hain. 3. sarkari naukri shuru karna :- shubh muhurt men sarkari naukri shuru karne se badhayen kam ati hain v atmasantushti adhik rahti hai. iske liye naukri ke pahle din ka nakshatra hast, ashvini, pushya, abhijit, mrigshira, revti, chitra ya anuradha hona chahiye. tithiyon men chaturthi, navmi v chartudshi ko chodakar koi bhi tithi ho sakti hai. somvar, budhvar, guruvar ya shukravar ko sarkari naukri shuru karni chahiye. muhurt kundli men guru satven bhav men ho, shani chate bhav men, surya ya mangal tisre, dasven ya ekadash bhav men ho to shubh rahta hai. janm rashi se 4, 8 ya 12ven bhav ke chandrama se bachna chahiye. 4. naya vyapar arambh karna :- rikta tithi men nahin karna chahiye. egriment kabhi bhi ravivar, manglvar ya shanivar ko nahin karna chahiye. tithi ka kshay bhi nahin hona chahiye. 5. nayi dukan kholna :- safltapurvak dukan chalane ke liye dukan ko shubh muhurt men kholna anivarya hai. shubh muhurt hetu tino utra nakshatra, rohini, mrigshira, chitra, anuradha, revti men hi dukan ka udghatan karna chahiye. chandrama v shukra ke lagn men dukan kholna shubh rahta hai. 2, 10 v 11ven bhav men shubh grah hone chahiyen. rikta tithiyon ke atirikt sabhi tithiyan dukan kholne ke liye shuabh rahti hain. manglvar ke atirikt kisi bhi var ko dukan kholi ja sakti hai. jatak ki janm rashi se 4, 8 ya 12ven bhav men chandrama bhraman nahin kar raha hona chahiye. 6. bachcha god lena :- vivah ke bad har pati-patni ko santan prapt karne ki ichcha hoti hai. yadi kinhin karan aon se danpti ko yah sukh nahin mil pata to ve kisi bachche ko god lene jaise punya karya ki sochte hain. aise bachche bhi danpti ke liye sukh dayak siddh ho to iske liye bachche ko shubh muhurt men hi god lena chahiye. iske liye us samay ka nakshatra, var, tithi aur lagn dekhna chahiye. pushya, anuradha v purvafalguni nakshatra men bachcha god liya jana chahiye. tithiyon men pratipda, dvitiya, tritiya, panchmi, saptami, dashmi, ekadshi v trayodshi tithi honi chahiye. ravivar, manglvar, guruvar v shukravar ke din bachcha god lena shubh mana gaya hai. muhurt kundli ke panchve, naven v dasven bhav men shubh grah hon tatha ye bhav balvan hon to bachcha god lene ka samay shubh hota hai. 7. vahan kharidna :- skutar, karadi kray karne ke liye shubh tithiyan 2, 3, 5, 6, 7, 10, 11, 12, 13 v purni ama hai. shubh var somvar, budhvar, guruvar v shukravar hain. shubh nakshatra ashvini, mrigshira, punarvasu, pushya, tino utra, tino purva, hast, chitra, svati, anuradha, dhanishtha, revti hain. 8. rin lena :- budhvar ko kisi tarah ka rin nahin dena chahiye. manglvar ko kisi se rin nahin lena chahiye. 9. mukdma dayar karna :- nyayalay se apne hak men nyay pane ke liye muhurt ke kuch niyamon ko dhyan men rakhna chahiye. iske liye shubh nakshatra is prakar se hain - svati, bharni, ashlesha, dhanishtha, revti, hast, punarvasu, anuradha, tino uttara. in nakshatron ke dinon men mukdma dayar karna chahiye. tithiyon men pratipda, tritiya, panchmi, saptami, navmi, ekadshi, trayodshi ya purnima honi chahiye. var men somvar, guruvar ya shanivar shubh rahte hain. 10. ninv khodna :- shilanyas karne ke liye shubh tithiyan 2, 3, 5, 6, 7, 10, 11, 12, 13 v purnima hai. shubh var somvar, budhvar, guruvar, shukravar v shanivar hain. shubh nakshatra rohini, mrigshira, pushya, tino utra, hast, chitra, svati, anuradha, dhanishtha, shatbhisha, revti hain. 11. naye grih pravesh :- navnirmit ghar men pravesh ke liye shubh tithiyan 2, 3, 5, 7, 10, 11, 13 v purnima hai. shubh var somvar, budhvar, shukravar v shanivar hain. shubh nakshatra ashvini, rohini, mrigshira, pushya, tino utra, hast, chitra, svati, anuradha, dhanishtha, revti hain. kuch vishesh muhurt :- uprokt likhe karya-vishesh muhurton ke atirikt nimn do prakar ke muhurt kuch adhik hi vishesh kahlate hain jinmen shubh nakshatra, tithi ya var nahin dekha jata. in vishesh muhurton men kiye gaye karya aksar safal hi rahte hain - 1. abhijit muhurt - jyotish men abhijit ko 28van nakshatra mana gaya hai. iske svami bramha v rashi makar hain. din ke ashtam muhurt ko abhijit muhurt kahte hain. iska samay madhyahn se 24 minat purva tatha madhyahn ke 24 minat bad tak mana gaya hai. atah pratyek din sthaniya samay ke lagabhag 11:36 se 12:24 tak ke samay ko vijay ya abhijit muhurt kahte hain. ismen kiye gaye sabhi karya safal siddh hote hain. aise men lagn shuddhi bhi dekhne ki avashyakta nahin hoti. yah vishesh kal sabhi doshon ko nasht kar deta hai. abhijit nakshatra men jis balak ka janm hota hai, uska raja yog hota hai, vyapar men use hamesha labh rahta hai. 2. abujh muhurt - kuch tithiyan aisi hoti hain jo shubh muhurt ki tarah se kam karti hain. is din koi bhi shubh karya bina muhurt niklvaye kiya ja sakta hai. aisi kuch tithiyan hain - akshay tritiya, navin sanvat, fulera duj, dashhra, ram navmi, bhaddali navmi, shitla ashtami, baishakhi. muhurt shastra ke kuch saral niyam jo shubh muhurt ko niklvane jaise chakkaron se bachna chahte hain. aise vyaktiyon ke liye hi niche kuch saral se niyam diye ja rahe hain jo vibhinn karyo men saflta dayak siddh ho sakte hain :- yatra ke liye rikta tithi ko yatra nahin karni chahiye. 4, 9, 14 rikta tithiyan hoti hain. yadi gochar men var svami vakri ho to bhi yatra nishedh hai. yadi vakri grah yatra lagn se kendra men ho to bhi yatra ashubh rahti hai. vidyadhyayan muhurt men dvisvabhav lagn hone par uski prapti, sthir lagn men murkhata v char lagn men bhranti hoti hai. vivah ke liye 1,2,3,8,10,11 rashiyon men surya ka gochar shubh rahta hai. vivah samay ki kundli men saptam sthan men koi grah n ho to shubh rahta hai. vivah muhurt ki kundli men chandrama ka 8van v 12van hona ashubh rahta hai. vakri guru ka 28 din ka samay vivah hetu ashubh hota hai. amavasya ka din vivah ke liye thik nahin hai. jyeshth santan ka jyeshth mas men vivah ashubh hota hai. kanya vivah ke liye guru ka gochar 4,8,12 bhav se ashubh mana gaya hai. janm rashi, janm nakshatra ka muhurt kanya ke vivah hetu shubh mana gaya hai. krishn paksh ki 5vin v 10vin tithiyan tatha shuklapaksh ki 7vin v 13vin tithiyan vivah hetu shubh hain. som, budh v shukravar vivah hetu shubh rahte hain. garbhadhan ke liye budhvar v shanivar shubh nahin mane jate kyonki ye dono din napunsak mane gaye hain. apne janm nakshatra, janm tithi, janm mah, grahan din, shraddh dinon men garbhadhan ka fal ashubh hota hai. griharanbh ke samay surya, chandra, guru v shukra grah nich ke nahin hone chahiyen. grih pravesh mithun, dhanu v min ka surya hone par nahin karna chahiye. shukla paksh men griharanbh manglkari v krishn paksh men ashubh rahta hai. shanivar ko ninv ya griharanbh ati utam rahta hai. mangal v ravivar ko nirman karya shuru nahin karna chahiye tatha navin grih pravesh bhi nahin karna chahiye. nirman karya ka lagn sthir ya dvisvabhav hona chahiye. mukdma manglvar ko dayar nahin karna chahiye. shanivar ko dayar kiya gaya mukdma lanba khianchta hai. dev pratishtha ke liye chaitra, falgun, baishakh, jyeshth v magh mas shubh hote hain. shravan mas men shiv ki, ashvin men devi ki, margashirsh men vishnu ki pratishtha karna shubh hai. pratishtha men som, budh, guru v shukravar shubh mane gaye hain. jis dev ki jo tithi ho, us din us dev ki sthapna shubh rahti hai. yug tithiyan - satyug, tretayug, dvapryug v kaliyug jin tithiyon ka e para rabhn a hayu ,e un tithiya en ka e shabhu a karya nahin karne chahiyen. ye is prakar se hain :- satyug - kartik shuklapaksh ki navmi tretayug - baishakh shuklapaksh ki tritiya dvapryug - magh krishnapaksh ki amavasya kaliyug - shravan krishnapaksh ki trayodshi upay - yadi uchit muhurt ya shubh yog nahin mil raha ho to nimn upay kar ke karya kiya ja sakta hai :- yadi tarikh tay hai to keval us din ki lagn shuddhi karke sab ashubh yogon ka nash kiya ja sakta hai. shubh muhurt n hone par shubh hora/ chaughdiya ka chayan kar shubh fal prapt kiya ja sakta hai. vivah ka uchit muhurt n milne par abhijit muhurt men vivah kiya ja sakta hai. karya ka praranbh usi nakshatra men kiya jaye jiska svami grah uchch, sva ya mitra rashigat ho. aisa samay chunna chahiye jab jatak ki antardasha ka svami grah mahadsha svami se shadashtak ya dvadash n ho. gochriya chandrama yadi vakri grah ke nakshatra se gochar kar rahe hon to vakri grah ka danadi kar lena chahiye. shani-chandra ki yuti hone par shani shanti karva leni chahiye. yadi koi karya chal raha ho aur madhya men rahu kal a jaye to karya rokne ki avashyakta nahin hai.
Kya aapko lekh pasand aaya? Subscribe
Kya aapko lekh pasand aaya? Subscribe


muhurt visheshank  June 2011

jivan ki mahatvapurn karyon jaise-vivah, grih pravesh, naya pad ya nai yojna ke kriyanvayan ke lie shubh muhurt nikalakar karya karne se saflta prapt hoti hai aur jivan sukhamay banta hai v bina muhurt ke karya karne par nishfalata dekhi hai. is visheshank me bataya gaya hai

Subscribe

Apne vichar vyakt karein

blog comments powered by Disqus
.