विवाह मेलापक में प्रमुख दोष

vivah melapak men pramukh dosh  

Ank ke aur Lekh | Sambandhit Lekh | Views : 3408 |  
vivah melapak men pramukh dosh godhuli evan abhijit muhurt ki manyata ke karan pan. ar. ke. sharma shubh muhurt nikalne men anya tatvon ke sath-sath lagn ka sarvopri mahatva hota hai. vivah sanbandhi lagn men kin grah yogon ke kya sanbhavit parinam honte hain tatha vivah men kya-kya varjit aur vihit hai tatha anek doshon ke kya kathin parinam ho sakte hain uske bare men jankari to di hi gayi hai is lekh men, abhijit aur godhuli lagn ki visheshtaon ka mahatva bhi savistar bataya gaya hai. hindu dharma-sanskriti ke char ashramon men grihasthashram hi shreshth hain. usmen bhi jab sushila dharmapatni prapt ho tabhi sukh prapt hota hai. stri ko sushilta ki prapti tabhi hoti hai, jab vivah kalik lagnadi shubh ho. vivah lagn : yadi prashn lagn men pap grah ho ya lagn se saptam bhav men mangal ho (jyotishi ko chahiye ki prashn ke samay lagn aur grah spasht karke dekhen) to jiske lie prashn kiya gaya hai, us kanya aur var ko 8 varsh ke bhitar hi ghatak, arisht bataven. yadi lagn men chandra aur usse saptam men mangal ho to bhi ghatak arisht samjhen. yadi lagn se pancham bhav men pap grah ho aur vah nich rashi men pap grah se dekha jata ho to vah kanya kulta svabhav vali athva mritavatsa hoti hai. yadi prashn lagn se 3-5-7-11 aur 10ven bhav men chandra ho tatha us par guru ki drishti ho to us kanya ko shidhra hi pati ki prapti hogi. yadi prashn lagn men tula, vrish ya kark rashi ho tatha vah shukra aur chandra se yukt ho to varke lie kanya (patni) labh hota hai athva sam rashi lagn ho, usmen sam rashi ka hi dreshkan ho aur sam rashi ka navmansh tatha us par chandra aur shukra ki drishti ho to var ko patni ki prapti hoti hai. isi prakar yadi prashn lagn men purush rashi aur purush rashi ka navmansh ho tatha us par purush grah (ravi, mangal aur guru) ki drishti ho to un kanyaon ko pati ki prapti hoti hai. yadi prashn ke samay krishn paksh ho aur chandra sam rashi men hokar lagn se chathe ya athven bhav men pap grah se dekha jata ho to (nikat bhavishya men) vivah sanbandh nahin ho pata hai. kanya-var ki varsh shuddhi : kanya ke janm samay se sam varshon men aur var ke janm samay se visham varshon men hone vala vivah un donon ke prem aur prasannata ko barhane vala hota hai, aur iske viprit ghatak. vivah vihit mas : magh, falgun, vaishakh aur jyeshth ye char mas vivah ke lie shreshth tatha kartik aur margashirsh (aghn) ye do mas madhyam hain anya mas nindit hain. surya ardra nakshatra se svati nakshatra tak men ho, guru tatha shukra ast hon, bal, briddh ho, guru sinh rashi ya uske navmansh men ho- us samay vivahadi shubh karya nahin karne chahie. vivah men varjya : bhukampadi utpat tatha sarvagras surya ya chandra grahan ho to uske bad sat din tak ka samay shubh nahin hai. yadi khand grahan ho to uske bad tin din ashubh hote hain tatha kisi grahan ke purva ke tin din bhi shubh nahin mane jate hain. mas ke antim din, rikta, ashtami, vyatipat aur vaidhriti yog, sanpurn tatha parigh yog ka purvardh - ye vivah men varjit hain. vihit nakshatra : revti, rohini, tinon uttara, anuradha, svati, mrigshira, hast, magha aur mul- ye gyarah nakshatra vedhrhit hon to inhin men stri ka vivah shubh kaha gaya hai. vivah men var ko surya ka aur kanya ko brihaspati ka bal avashya prapt hona chahiye. inke anisht hone par inki yatnapurvak puja karni chahie. vivah men shubh grah se yukt ya drisht hone par sab rashi prashast hain. chandra, surya, budh, brihaspati tatha shukra adi grah jis rashi ke isht hon, vah lagn shubhaprad hota hai. yadi char grah bhi bali hon to bhi unhen shubh prad samjhna chahie. vivah ke ikkis dosh : 1.panchang shuddhi ka n hona, 2. us din surya ki sankranti hona 3. pap grah ka shadavarg men rahna. 4. lagn se chathe bhav men shukra ki sthiti. 5. ashtam men mangal 6. gandant hona 7. kartari yog, 8. barhven, chathe aur athven chandra ka hona tatha chandra ke kisi anya grah ka hona, 9. var-kanya ki janmarashi se ashtam rashi lagn ho ya chandra rashi ho, 10. vish ghati, 11. durmuhart, 12. var dosh 13. kharjur 14. nakshatraik charan, 15. grahan aur utpat ke nakshatra, 16. pap grah se viddh nakshatra 17. pap se yukt nakshatra 18. pap grah ka navmansh 19. mahapat 20. udyast ki shuddhi n hona tatha 21. vaidhriti -vivah men ye 21 dosh kahe gaye hain. gandantadosh : purna (5-10-15) tithiyon ke ant aur nanda (1-6-11) tithiyon ki adi ki sandhi men do ghari 'tithigandant' dosh kahlata hai. kark lagn ke ant aur sinh lagn ke adi ki sandhi men, brishchik aur dhanu ki sandhi men tatha min aur mesh lagn ki sandhi men adha ghari 'lagn gandant' kahlata hai. yah bhi ghatak hota hai. ashlesha ke ant ka chaturth charan aur magha ka pratham charan tatha jyeshtha ki ant ki 16 ghari aur mul ka pratham charan evan revti nakshatra ke ant ki gyarah ghari aur ashvini ka pratham charan is prakar in do-do nakshatron ki sandhi ka kal 'nakshatragandant' kahlata hai. ye tinon prakar ke gandant mahakrur hote hain. karttari-dosh : lagn se barhven men margi aur dvitiya men vakri donon pap grah hon to lagn men age-piche donon or se jane ke karan yah 'karttaridosh' kahlata hai. ismen vivah hone se yah 'kartari dosh' var-vadhu donon ka anisht karta hai. lagna-dosh : yadi lagn se chathe, athven tatha barhven men chandra ho to yah 'lagna-dosh' kahlata hai. aisa lagn shubh grahon tatha anya sanpurn gunon se yukt hone par bhi dosh yukt hota hai. vah lagn, brihaspati, aur shukra se yukt ho tatha chandra uchch, nich, mitra ya shatru rashi men (kahin bhi) ho to yah dosh var-vadhu ke lie ghatak hai. sagrah dosh : chandra yadi kisi grah se yukt ho to 'sagrah' namak dosh hota hai, yah dosh bhi tyajya hai. chandra ke sath surya ho to daridrata, mangal se yukt ho to ghat athva rog, budh se yukt ho to pati-patni men shatruta, shani se yukt ho to pravajya (grih tyag), rahu se yukt ho to sarvasvahani aur ketu se yukt ho to kasht aur daridrata hoti hai. pap grahon ki ninda aur shubhagrahon ki prashansa : sagrah dosh men chandra yadi pap grahon se yukt ho to var-vadhu donon ke lie ghatak hota hai. yadi vah shubh grahon se yukt ho to us sthiti men yadi uchch ya mitra ki rashi men chandra ho to lagn dosh yukt rahne par bhi var-vadhu ke lie kalyankari hota hai. parantu chandra svochch men ya svarashi men ya mitra ki rashi men rahne par bhi yadi pap grah se yukt ho to var-vadhu donon ke lie ghatak hota hai. ashtam rashi lagn dosh : var ya vadhu ke janm lagn se athva unki janmarashi se ashtam rashi vivah- lagn men pare to yah dosh bhi donon ke lie ghatak hota hai. vah rashi ya vah lagn shubh grah se yukt ho to bhi us lagn ko, us navmansh se yukt lagn ko athva uske svami ko yatnapurvak tyag dena chahiye. dvadash rashi dosh : var- vadhu ke janm lagn ya janm rashi se dvadash rashi yadi vivah lagn men pare to donon ke dhan ki hani hoti hai. atah us lagn, uske navmansh ki or uske svami ko bhi tyag dena chahiye. janm lagn aur janm rashi ki prashansa : janm rashi aur janm lagn ka uday vivah men shubh hota hai tatha donon ke upachay (3-6-10-11) sthan yadi vivah lagn men ho to atyant shubhaprad hote hain. vihit navmansh : vrish, tula, mithun, kanya aur dhanu ka uttararddh tatha in rashiyon men navmansh vivah lagn men shubhaprad hain. kisi bhi lagn men antim navmansh yadi vargottam ho tabhi use shubhaprad samjhna chahiye. anyatha vivah lagn ka antim navmansh (26 ansh 40 kala ke bad) ashubh hota hai. yahan anya navmansh nahin grahan karne chahiye, kyonki ye kunvansh kahlate hain. lagn men kunvansh ho to anya sab gunon se yukt hone par bhi vah tyajya hain. jis din mahapat (surya-chandra ka kranti samy) ho, vah din bhi tyag dena chahiye. lata dosh : surya adi (purn chandra, mangal, budh, guru, shukra, shani, rahu) grah kramshah apne ashrit nakshatra se age aur piche 12-22-3-7-6-5-8 tatha 9 ven se dainik nakshatra ko laton se dushit karte hain, islie iska nam 'latta dosh' hai. (inmen surya apne se age aur purn chandra piche, fir mangal age aur budh piche ke nakshatron ko dushit karte hain. aisa hi kram age bhi samjhna chahiye. pat dosh : surya jis nakshatra men ho usse ashlesha, magha, revti, chitra, anuradha aur shravan tak ki jitni sankhya ho, utni hi sankhya yadi ashvini se din nakshatra tak ginne se ho to vah nakshatra pat dosh se dushit samjha jata hai. abhijit evan godhuli lagn : suryoday kal men jo lagn rahta hai, usse chaturth lagn ka nam abhijit hai aur satvan godhuli lagn kahlata hai. ye donon lagn vivah men putra-pautra ki vriddhi karne vale hote hain. purva tatha kaling (jagannath puri se krishna nadi tak ka bhubhag) deshvasiyon ke lie godhuli lagn pradhan hai aur abhijit lagn to pure bharat ke lie mukhay kaha gaya hai, kyonki vah sab doshon ka nash karne vala hai. anya pramukh dosh : putra ka vivah karne ke bad 6 mas men putri ka vivah nahin karna chahie. ek putra ya putri ka vivah karne ke bad dusre putra ka upanayan (janeu) bhi nahin karna chahie. sahodar kanyaon ka vivah yadi 6 mas ke bhitar ho to nishchit hi tin varsh ke bhitar unmen se ek vidhva ho jati hai. apne putra ke sath jiski putri ka vivah ho, fir uske putra ke sath apni putri ka vivah karna 'pratyudva dosh' kahlata hai. kisi ek hi var ko apni do kanyaen nahin deni chahie. do sahodar varon ko do sahodra kanyaen nahin deni chahie. do sahodron ka ek hi din (ek sath) vivah ya mundan nahin karna chahie.
Kya aapko lekh pasand aaya? Subscribe
Kya aapko lekh pasand aaya? Subscribe


muhurt visheshank  June 2011

jivan ki mahatvapurn karyon jaise-vivah, grih pravesh, naya pad ya nai yojna ke kriyanvayan ke lie shubh muhurt nikalakar karya karne se saflta prapt hoti hai aur jivan sukhamay banta hai v bina muhurt ke karya karne par nishfalata dekhi hai. is visheshank me bataya gaya hai

Subscribe

Apne vichar vyakt karein

blog comments powered by Disqus
.