स्वभाव का दर्पण है हथेली

svabhav ka darpan hai hatheli  

Ank ke aur Lekh | Sambandhit Lekh | Views : 4527 |  
svabhav ka darpan hai hatheli pan. satyanarayan jangir vagyanik adhyayan se yah pata chalta hai ki mastishk ki mul shiraon ka hath ke anguthe se sidha sanbandh hai. spashtatah angushth buddhi ki prishth bhumi aur prakriti ko darshane vala sabse mahatvapurn ang hai. baen hath ke anguthe se virasat men mili mansik vriti ka akalan kiya jata hai aur dayen hath ke anguthe se svaarjit buddhi-chaturya aur nirnay kshamata ka andaja lagana sanbhav hai. anguthe aur hatheli ka mishrit fal vyakti ko apni prakriti ke anusar dhal pane men saksham hai. vyakti ke svabhav aur buddhi ki tikshnata ko angushth ke bad anguliyon ki banavat aur mastishk rekha sabse adhik prabhavit karti hai. ameriki vidvan viliyam jarj vainham ke anusar vyakti ke hav-bhav aur pahnave se uske svabhav ke bare men asani se bataya ja sakta hai. ativ buddhi sanpann logon ka angushth patla aur paryapt lanba hota hai. yah pahli anguli (tarjani) se bahut prithak bhi sthit hota hai. yah vyakti ke lachile svabhav ko vyakt karta hai. is prakar ke log kisi bhi mahaul men svayan ko dhal sakne men kamyab ho sakte hain. ye kafi sahnshil bhi dekhe jate hain. inhen n to saflta ka hi nasha charhta hai aur n hi viflta ki paristhitiyon se hi vichlit hote hain. inki sabse achchi visheshta ya gun inka lakshya ke prati nirantrta hai. lekin yadi angushth ka nakh parva (nakhun vala bhag) yadi bahut adhik patla hai to vyakti anttah divaliya ho jata hai aur yadi yah parva bahut mota gaddanuma hai to aisa vyakti dusron ke adhin rah kar karya karta hai. yadi nakh parva gol ho aur anguliyan choti aur hatheli men shani aur mangal ka prabhav ho to jatak svabhav se apradhi ho sakta hai. anguliyan kul hatheli ke char men se tin bhag ke samaksh honi chahie. isse kam hone se jatak kuen ka medhak hota hai. uske vicharon men sankirnata aur svabhav men ati tak ki mitavyayta hoti hai. simit buddhi sanpann ye jatak bhari aur sthul karyon ko hi kar pate hain. bauddhik karya inke lie dur ki kauri hoti hai. aksar inko svarthi bhi dekha gaya hai. is prakar ki anguliyan yadi viral bhi ho to ayu ka nash karti hain. anguliyan ke agra bhag nukile rahne se kalpanik pulav pakane ki adat hoti hai. jisse vyakti jivan ki vastavikta se anbhigya rahte hue ek asafal jivan jita hai. anguliyan lanbi hone se jatak bauddhik aur sukshmatam karya bari sugmta se purn kar leta hai aur sthul karya bhi iski pahunch se bahar nahin hote hain. bahut bar is prakar ke jatak netritva karte dekhe jate hain. is prakar ki anguliyon ke sath hath yadi bara aur chamsakar ho to jatak apni kshamata ka loha samaj ko manva leta hai. lanbi anguliyon ke sath yadi hatheli men shukra mudrika bhi ho to jatak sarvagun sanpann hote hue bhi bhavuktavash pragti ke marg men pichar jata hai. shani mudrika hone se durbhagya sath nahin chorta hai. is prakar ke jatak apni yogyata aur kshamata ka purn dohan nahin kar pate hain. jiske karan inko jivan men simit upalabdhiyon se hi santosh karna hota hai. chandrama ka bahut prabhav hone se jatak par yathartata ki apeksha kalpana havi rahti hai. anguliyon ke nakhun jab tvacha men andar tak dhanse hon, sath hi ye akar men samanya se chote hon to jatak buddhi kamjor hoti hai. iski manovritti simit aur acharan bachkana hota hai. ye jatak ajivika hetu is prakar ke karya karte pae jate hain, jinmen bauddhik / sharirik mehanat n ke barabar hote hoti hai. kanishtha samanya se adhik choti ho to jatak murkh hota hai. kanishtha ke tedhi rahne se jatak avishvasniya hota hai. terhi kanishtha ko kuch vidvan chori karne ki vritti se bhi jorte hain. lekin ise tabhi prabhavi manna chahie jab hatheli men mangal viprit ho, kyonki grahon men mangal chor hai. anguliyon ka baink bailens se sidha sanbandh hai. keval anguliyon ka nirakshan kar lene bhar se hi is tathya ka andaja lagaya ja sakta hai ki vyakti men dhan sangrah ki pravritti kahan tak hai. tarjani (pahli anguli) aur madhyama (bich ki anguli) yadi biral (madhya men chidra) hon to nishchit rup se jivan ke madhya kal ke bad hi dhan ka sangrah ho pata hai. yadi kanishtha viral ho to vriddhavastha arthabhav men vyatit hoti hai. yadi anguliyon ke mul parva gaddedar aur sthul hon to jivan men vilas ka adhikya rahta hai. sabhi anguliyon ke viral hone se jivan paryant dhan ki kami rahti hai. sidhi, chikni aur gol anguliyan dhan ko barha deti hai. sukhi anguliyan dhan ka nash karti hain. ve anguliyan jinke joron ki ganthen bahut ubhri hui hon, sanvednshil aur kanjus pravritti darshati hain. lekin aisi ungliyon vale jatak kari mehanat kar sakte hain. yahi inki saflta ka rahasya hota hai. anguthe aur anguliyon ke akar-prakar ke alava hath ki banavat se hamen kafi kuch jankari prapt hoti hai. samchauras hatheli ke svami vyavharik hote hain. lekin aise log svarthi bhi honge. sath hi samay ane par kisi ko dhokha bhi de sakte hain. iske viprit lanbavat hatheli ke svami bhavuk aur kalpanalok men vicharan karne vale log honge. amtaur par ye jivan men svatantra rup se safal nahin rahte hain. tathapi ye naukri men jyada safal rahte hain. aise log yadi svayan ka vyavsay sthapit karen to prayah lanba nuksan uthate hain. atah aise logon ko hamesha naukri ko tarjih deni chahie. hatheli ka prishthabhag samatal ya kuch ubhar lete hue hona chahie. aisi hatheli ka jatak vyavharik hota hai. yadi hatheli ka karprishth bahut adhik ubhar lie hue ho to prayah vyakti karkash svabhav aur jhagralu hota hai. hatheli men jab gahra garha ho to prayah jatak apni bat par kayam nahin rah pata hai. aise log jivan me atyant sangharsh ke uprant hi kuch hasil kar pate hain. hatheli ka prishth bhag aur kalai hamesha samatal honi chahie. yadi donon men jyada antar hai to yah jatak ko samaj men sthapit hone se rokti hai. aise log apne parijnon se virodh karte hain. samaj men inki pratishtha kam hoti hai. jin hathon men shani-mangal ka prabhav ho ve log kanuni samasyaon ka samna karte hain. kuch mamlon men aise log apradhi bhi ho sakte hain. hatheli men rahu ka prabhav hone par jatak buri adton ka shikar hota hai. vah dharmabhrasht bhi ho sakta hai. madirapan kar sakta hai ya abhakshan ka bhi bhakshan kar sakta hai.
Kya aapko lekh pasand aaya? Subscribe
Kya aapko lekh pasand aaya? Subscribe


ank visheshank  July 2010

ank shastra ki vistrit jankari ke lie parhe ank visheshank ki avaran katha ke rochak lekh.iske vichar goshthi kolam men parhen- kairiyar ka chunav namak jyotishagyanavarddhak lekh.falit vichar stanbh ke antargat acharya kishor ka surya ka nich bhang rajyog namak lekh vishesh gyanavarddhak hai.pavan sthal men man tara ke prachin siddh pith ka varnan hai.

Subscribe

Apne vichar vyakt karein

blog comments powered by Disqus
.