कुछ उपयोगी टोटके

kuch upyogi totke  

Ank ke aur Lekh | Sambandhit Lekh | Views : 24101 |  

kuch upyogi totke chote-chote upay har ghar men log jante hain, par unki vidhivat jankari ke abhav men ve unke labh se vanchit rah jate hain. is lokapriya stanbh men upyogi totkon ki vidhivat jankari di ja rahi hai.

ghar men shanti ke lie :

ek mutthi gur, ek mutthi namak daliya vala, ek mutthi gehun, do tanbe ke sikke dal kar safed kapde men bandh kar, ghar men rakhen, to ghar men shanti rahegi. ise somvar, budhvar, brihaspativar, shukravar ya ravivar ko karen. agar tanbe ke sikke ki jagah chandi ke sikke rakhen, to pati-patni men larai jhagre nahin hote.

ghar men barakat ke lie :

aksar sunne men ata hai, ki ghar men kamai to bahut hai, magar paisa tikta nahin. to yah prayog karen. jab ap gehun pisvane jate hain, to usmen pahle gyarah patte tulsi ke dal kar, do kesar dal kar, thore se gehun ko mandir men rat ko rakh kar, subah us gehun ko sare gehun men mila den tatha pisva len. fir ghar men barakat rahegi.

sajhedari tatha vyapar men unnati ke lie :

agar sajhedari ho aur larai-jhagde hon, to aisa karen : kisi divali ki rat ko kachcha sut le kar usko roli se rang len. usko lakshmi mata ke age rakh kar prarthana karen, ki hamara kam-kaj thik chale tatha larai-jhagre n hon. hamari sajhedari bani rahe tatha vyapar men unnati ho.

gharelu jhagde hone par :

ghar men prayah klesh rahta hai, ya choti-choti baton par jhagra hone se is upay ko karen. ghar men gehun ka ata keval, somvar ya shanivar ko hi pisvaen. pisvane se pahle usmen sau gram kale chane dal den. is prakar ka ata khane se dhire-dhire larai-jhagda tatha ghar se klesh khatm ho jaega.

grah shanti tatha kashto ko dur karne ke lie :

ek patang le kar us par apne kasht tatha pareshaniyan likhen. usko hava men ura kar chod den. aisa sat din tak lagatar karen. sab kasht tatha pareshaniyan dur ho jaengi tatha ghar men sukh-shanti hogi.

larai-jhagra dur karne ke lie :

rat ko sote samay pati apne sirhane sindur rakhe tatha patni kapur rakhe. subah uth kar patni kapur ko jala de tatha pati sindur ko ghar men kahin bhi gira dai to ghar men larai-jhagra khatm ho jaega tatha sukh-shanti rahegi.

sukh-shanti ke lie :

sat ashok vriksh ke patte le kar, unhen mandir men rakh kar, puja karen. jab murjhane lagen to naye patte rakh den. purane patton ko pipal ke niche rakh aen, to ghar men sada sukh-shanti rahegi.

bikri ki vriddhi hetu :

hamara vyapari varg am taur par bikri ghatne, ya bikri par rok lagne se adhik chintit rahta hai, to iske lie is upay ko karen. ravivar ko ganga jal le kar, us par funk mar kar, 21 bar gayatri mantra ka path karen. fir is jal ko vyapar sthal par aur sabhi divaron par bhi chirak den. aise lagatar sat ravivar karen. vyapar men vriddhi hogi. somvar ko safed chandan le kar aen. use ek saptah tak ghar ke mandir men rakhen, dhup batti dikhaen tatha ek saptah ke bad usko ghar men paison ke sath rakhen, to bikri men vriddhi aur ghar men khushhali hogi. agar ho sake, to somvar ko isse apne mathe par tilak bhi kiya karen.

Kya aapko lekh pasand aaya? Subscribe
Kya aapko lekh pasand aaya? Subscribe


ank visheshank  July 2010

ank shastra ki vistrit jankari ke lie parhe ank visheshank ki avaran katha ke rochak lekh.iske vichar goshthi kolam men parhen- kairiyar ka chunav namak jyotishagyanavarddhak lekh.falit vichar stanbh ke antargat acharya kishor ka surya ka nich bhang rajyog namak lekh vishesh gyanavarddhak hai.pavan sthal men man tara ke prachin siddh pith ka varnan hai.

Subscribe

Apne vichar vyakt karein

blog comments powered by Disqus
.