kuch upyogi totke chote-chote upay har ghar men log jante hain, par unki vidhivat jankari ke abhav men ve unke labh se vanchit rah jate hain. is lokapriya stanbh men upyogi totkon ki vidhivat jankari di ja rahi hai.
sukh samriddhi hetu totka
grih vivad dur karne hetu
yadi ghar men pratidin kisi n kisi bat ko lekar vivad rahta hai, apas men larai jhagre rahte hain, to in sab kleshon ko mitane ke lie ghar men kadanb vriksh ki dali purnima ke din gangajal men dhokar dhupabatti lagakar puja sthal par rakh den. kintu is bat ka dhyan rakhen ki dali men sat ankhdit patte hone chahie. agli purnima ko purani dali ko kadanb vriksh ke niche jar men rakh den tatha nai dali usi vidhi se sthapit kar den. yah upay karte rahen.
makan khali karane hetu
yadi kirayedar apke makan ko khali nahin karta, n hi kiraya hi deta hai to shanivar ki sayan bhoj patra par lal chandan se uska nam likhakar ek shahad ki shishi men dubo den. yadi us din shanaishchari amavasya ho to aur achcha hai. is kriya se uske man-mastishk men badlav hone lagega tatha vah makan khali karke anyatra chala jayega. dhan labh hetu dhan-labh ke lie purnima ke din subah hi subah pipal ke ek ankhdit patte par roli se ''ram'' likhen aur us patte par besan ka laddu rakhakar hanuman ji ke charnon men arpan kar den. aisa sat bar karen to avashya labh hoga.
bikri barhane hetu
vyapar men bikri barhane ke lie gyarah gomti chakron aur tin chote nariyalon ki yathavidhi puja kar unhen pile vastra men bandhakar budhvar ya shukravar ko mukhay darvaje par latka den. iske latkane se yadi apke pratishthan men kisi ne bandish athva najar badha kar rakhi hai to vah turant dur ho jayegi. pratyek purnamasai ko apne vyaparik pratishthan men gangajal v dhupabatti lagayen.
arthik tangi dur karne ke lie
yadi ghar men paise ka atyant abhav hai to sankalp lekar 21 shukravar panch choti-choti kanyaon ko khir ka prasad khilayen. khir men chini ke sthan par mishri pisakar dalen. yah kisi ko batayen nahin.
karj utarne ke lie
yadi ap karjadar hain tatha karja sir se utar nahin raha hai to shukla paksh ke pratham guruvar ko suhagin stri ko uske suhag ki samagri dan kar den. aisa lagatar panch guruvar karen. suhag samagri men bindi ka paikat, nail palish, sindur, churi, lal riban adi den. dhire-dhire apki samasya ka samadhan hone lagega.