chote-chote upay har ghar men log jante hain, par unki vidhivat jankari ke abhav men ve unke labh se vanchit rah jate hain. is lokapriya stanbh men upyogi totkon ki vidhivat jankari di ja rahi hai.
vivah men vilanb hone par
gauri shankar rudraksh shubh muhurt men somvar ko dharan karen. shiv parvati vivah ki tasvir puja men rakhen, dhup dip jalaen. naivaidya rakhen. ''un janki vallabhay svaha'' ki tin mala roj rudraksh se chalis dinon tak jap karen, . manobhav se prarthana karen. achche sanpann parivaron se rishte ane lagte hain aur vivah pakke ho jane ki sanbhavnaen prabal ho jati hain.
dhan vriddhi karak prayog :
un namo bhagvti padmavti, un hrin un dakshinay, pashchimay, uttaray an puray sarvajan vashyan kuru-kuru svaha.
jis prasuta ko prasav vedna aranbh ho, us samay ek gilas men thora garm ya gunguna pani len, us jal par mantra ko 108 bar parh kar prasuta ko pila den, aisa karne se prasav turant ho jata hai.
mantra :
un manmath, un manmath, un manmath vahini lambodar munch munch svaha.
vyapar men kisi ne tona kiya ho :
vyapar achcha n chal raha ho to holi ke din lakshmi evan vishnu ki upasna ek sath karen. iske lie nagashayya par lete shri vishnu tatha pair dabati lakshmi ji ka chitra puja ghar men lakri ki chauki par pila reshmi kapra bicha kar sthapit karen. nimn mantra ka gyarah mala jap karke ek mala se havan karen. fir pratidin mantra ka ek mala jap karte rahen. mala kamalagatte ki honi chahie. dukan kholte samay ya pratishthan men pravesh karte samay is mantra ko man hi man gyarah bar bolen aur kamna karen, nishchay hi apki ichcha puri hogi. shraddha ka hona param avashyak hai.
mantra :
lakshmi charu kuchandvadvankunkmakitayaksh se.
namo lakshmipte tubhyan sarvabhisht pradiyane॥
naukri men unnati aur bhagyoday ke lie :
nilam, panna aur lahsuniya in tin ratnon ka loket banakar shubh muhurt men gale men dharan karna chahie. sath hi pratyek manglvar ko vrat rakhen, sundrkand ka path karen aur hanuman ji ko chola charhaen.
naukri pane ya intaravyu men chayan ke lie :
barah ful gulab ke len. shukla paksh ke pratham ravivar se prayog karen. safed kapre par yah barah gulab ke ful rakh len. ek safed kagaj par roli se mantra likhen : un hrin dhrini surya aditya shri. dhup, dip jala len. ab ek bar mantra bolen, ful hath men hon. mantra bolte vakt aur mantra parh kar safed rumal se ful utha kar mantra likhen aur safed kagaj par rakh den. isi prakar pratyek ful rumal se uthana hai, mantra padhna hai aur mantra likhit kagaj par rakhte jana hai. barhon ful is prakar pujit karte jaen. barah din tak karen. in fulon ko bahte pani men bahaen ya mitti khod kar dabaen. yadi yahi prayog chalis dinon tak kar liya jae to intaravyu men chayan ho jata hai