मस्तिष्क रक्तस्राव

mastishk raktasrav  

Ank ke aur Lekh | Sambandhit Lekh | Views : 10376 |  
mastishk raktasrav janleva rog ka barhta prakop acharya avinash sinh aj manav apne sukhon ko barhane men itna vyast hai ki uske pas apne sharir ki dekhbhal karne ke lie bhi samay nahin hai. parinamtah, kam ke bojh, tanav, bhag-daur ke karan manav sharir men kai prakar ke rog utpann ho jate hain, jinmen ek mastishk raktasrav (bren hemrej) hai. sharir evan mansik viklangta, lakva tatha dardanak maut ka karan banne vale 'bren hemrej' ke prakop men ajakal teji se vriddhi ho rahi hai. kabhi iska shikar adhik umra ke log hua karte the, lekin adhunik yug men yah kam umra ke logon ko bhi maut ka shikar bana raha hai. mastishk raktasrav ke mukhay karan to uchch raktachap, enyurijm aur artiriyovinas malfarmeshan hai. lekin madhumeh, motapa, sharab, bhag-daur, dimagi tanav aur dhumrapan adi bren hemrej ki ashanka ko barhate hain. madhumeh rogiyon tatha uchch raktachap se pirit log, jo raktachap ko niyantran men nahi rakhte hain, unmen dimag ki nas ka fatna am bat hai. lekin kabhi-kabhi aisa bhi dekhne men aya hai ki samanya raktachap valon ki bhi dimagi nas fat jati hai, jise spanteniyas hemrej kahte hain. aisa mastishk ke andar enyurijm, ya artiriyovinas malfarmeshan ke karan hota hai. mastishk visheshagyaon (nyuro sarjana) ka manna hai ki enyurijm men dimag men khun ki naliyon ke andar ek prakar ka gubbara, rog ke karan, fat jata hai, to rogi ko bren hemrej ho jata hai aur marij behosh ho jata hai, jabki artiriyovinas malfarmeshan men dimag men khun ki nason ka ek asamanya guchcha ban jata hai. aisa mana jata hai ki yah guchcha paidaishi hota hai aur vyakti ki umra barhne ke sath-sath yah bhi barhta rahta hai aur ek samay aisa ata hai ki mastishk ka adhik se adhik rakt is artiriyovinas malfarmeshan se ho kar jane lagta hai, jis karan mastishk ke dusre bhag men, rakt ki apurti kam kar ke, adhikansh rakt ko apne andar ikttha kar leta hai. dusre bhag ko rakt ki apurti nahin mil pati. is sthiti ko stri ling fenomena kahte hain aur ismen artiriyovinas malfarmeshan mastishk ke dusre bhag men, rakt ki apurti kam kar ke, adhikansh rakt ko apne andar ikttha kar leta hai, jiski vajah se vah fat jata hai. enyurijm ke rogi ka ilaj yadi gubbara fatne ke char ghante ke andar shuru ho jae, to rog ka pata lagaya ja sakta hai aur turant shalya chikitsa dvara fate hue gubbare ko sil kar diya jata hai. enyurijm ka ilaj jald n hone par iske dobara fatne ki ashanka bahut jyada hoti hai. agar pahle bren hemrej se rogi bach bhi jae, to dusri ya tisri bar nas fatne par rogi ka jivit rahna mushkil ho jata hai. isi prakar artiriyovinas malfarmeshan men bhi rogi ka jald ilaj hona ashyak hai. enyurijm, ya artiriyovinas malfarmeshan ke karan hone vala bren hemrej yuva aur madhya varg ke logon men jyada paya jata hai, jabki raktachap aur madhumeh ke karan hone vala bren hemrej bujurg logon men adhik hota hai. islie jis parivar men kisi vyakti ko madhumeh, ya uchch raktachap ki samasya nahin rahi ho aur us parivar ke kisi vyakti ko bren hemrej ho jata hai, to uska karan madhumeh aur raktachap nahin, balki 75 pratishat enyurijm, ya artiriyovinas malfarmeshan hota hai. enyurijm aur artiriyovinas malfanrmeshan jyadatar 20 se 40 varsh ke logon ko hi hota hai aur inhin logon par parivarik aur samajik jimmedariyan hoti hain. islie aise mamlon men jara bhi der nahin karni chahie tatha, jitni jaldi ho sake, janch karva kar ilaj karvana chahie. kuch visheshagyaon ka manna hai ki enyurijm aur artiriyovinas malfarmeshan ka rog purushon aur mahilaon men samanya rup se paya jata hai. lekin uchch raktachap ke karan hone vala bren hemrej jyadatar purushon men hi adhik hota hai, kyonki un par samajik aur vyavsayik tanav adhik hote hain, jabki enyurijmm tatha artiriyovinas malarfoshan ka tanav se koi sanbandh nahi hota. yah to khuni nason aur nariyon ki kamjori hai. nas fatne ke bad rogi ke sir men achanak bahut tej dard hota hai aur rogi behosh ho jata hai, ya rogi ko mirgi ka daura ata hai, ya uska ek hath, ya pair kam karna band kar dete hain. yah rog 10 sal ke bachche ko bhi ho sakta hai. rog ke lakshan : jab kisi vyakti ko lagatar sir aur gardan men tej dard ho aur ankhon ke age andhera cha jata ho, jo am davaon se thik nahin ho raha ho, to ise mamuli nahin samjhna chahie. iska ilaj fauran nyuro sarjan se karvana chahie. bren hemrej ke yahi lakshan hain. upay : ben hemrej ka ek matra upay shalya chikitsa hi hai. davaiyon se yah thik nahin hota. islie jab bhi sir aur gardan men dard ho aur davaiyon se thik nahin ho raha ho, to shalya chikitsa dvara bren hemrej se bacha ja sakta hai. bren hemrej hone ke bad shalya chikitsa ke alava aur koi chara nahin rahta. jyotishiya drishtikon : jyotish ke anusar bren hemrej pratham bhav, lagnesh, surya, budh aur mangal ke dushprabhavon men rahne se hota hai. kal purush ki kundli men pratham bhav sir, mastishk ka netritva karta hai. islie pratham bhav aur lagenash (prathmesh) agar dushprabhavon se rahit ho, to jatak ko mastishk se sanbandhit rog nahin hota aur iske viprit hone par rog ki sanbhavnaen barh jati hain. isi tarah grahon men surya bhi sir, mastishk ka netritva karta hai aur sharir men urja ke prabhav ka karak hai. mangal bhi urja ka karak hai, lekin vah rakt kanon ka bhi netritva karta hai. budh tvacha aur nason ka netritva karta hai. rakt nason men bahta hai. bren hemrej men, nas ki kamjori se, rakt ke bahav men kahin rukavat ke karan, gubbara ban kar fat jata hai. karan sir ki nason men kamjori tatha usmen bahne vale raktachap ka uchch hona hai. islie surya, mangal, budh, lagnesh aur lagn agar dushprabhavon se rahit ho kar balvan hon, to bren hemrej nahin hota aur isi ki viprit sthiti men bren hemrej hone ki sanbhavna barh jati hai. jab in grahon ki dasha-antardasha hoti hai aur gochar men inhin grahon ki sthiti kamjor hoti hai, tab bren hemrej hota hai. vibhinn lagnon men bren hemrej mesh lagn : lagnesh ashtam bhav men, shani shashth bhav men, budh lagn men, surya dvitiya bhav men rahu-ketu se drisht, ya/ yukt ho, to jatak ko bren hemrej hota hai. vrish lagn : guru lagn men, mangal dasham men, shukra shashth bhav men budh se yukt ho aur surya saptam bhav men ho tatha chandra chaturth, ya ashtam bhav men rahu se yukt, ya drisht ho, to sanbandhit dashantardasha men rog ho sakta hai. mithun lagn : mangal lagn men ho, ya lagn par drishti rakhe, budh shashth bhav men, ashtam bhav men ho, ya kisi bhi bhav men ast ho, guru trikon bhav men ho aur chandra par mangal ki drishti, ya yuti ho, to mangal ya guru ki dashantardasha men bren hemrej hone ki sanbhavna hoti hai. kark lagn : mangal aur lagnesh chandra kundli men is prakar sthit hon ki rahu, ya ketu kisi ek se yukt ho aur dusre par drishti laga rahe hon, arthat agar rahu-mangal se yukt hai, to uski drishti chandra par avashya pare aur budh lagn men sthit ho tatha is par shani ki drishti ho, to jatak bren hemrej ka rogi hota hai. sinh lagn : lagnesh surya, rahu, ketu se yukt ho aur budh ast n ho kar lagn men rahe aur shani se drisht ho, mangal in sthanon men rahe, to jatak men, surya ya mangal ki dashantardasha men, mastishk sanbandhit rog utpann hota hai, ja e atan tah banre hame raje ban jata hai. kanya lagn : lagnesh ast ho, lagn men guru-mangal ki yuti, ya drishti, surya rahu-ketu se drisht, ya yukt ho, chandra bhi ast ho, to jatak ko mangal ki dashantardasha men bren hemrej hota hai. tula lagn : surya-budh lagn men aur budh ast ho, mangal saptam, ya dasham bhav men ho, shukra-chandra tritiya bhav men rahu-ketu se drisht hon, guru lagn par drishti lagae, to surya, ya guru ki dashantardasha men bren hemrej hota hai. vrishchik lagn : lagnesh nich ka aur chandra se yukt tatha rahu se drisht ho, lagn men budh, dvadash bhav men surya-shani se drisht, ya yukt ho, to jatak ko budh, ya shani ki dashantardasha men bren hemrej hone ki sanbhavna hoti hai. dhanu lagn : shukra aur shani lagn bhav men yukt hon aur mangl-shani ek dusre par drishti rakhen, lagnesh guru jin bhavon men aur budh tritiya bhav men surya ke sath ast nahin ho, to bren hemrej ka yog banta hai. makar lagn : mangal lagn men guru se drisht ho, budh pancham bhav men guru se drisht, ya yukt ho, lagnesh ashtam bhav men, surya-shani chaturth bhav men hon aur shani ast ho, to mastishk sanbandhit rog ka yog banate hain. kunbh lagn : shani guru se yukt ho kar pancham bhav men ho, mangal lagn par drishti rakhe, surya lagn men ho aur budh ast ho, rahu-ketu par mangal ki drishti ho aur rahu-ketu lagn par drishti rakhen, to bren hemrej jaise rog dete hain. min lagn : shukra lagn men budh se yukt ho aur budh ast nahin ho, surya dvadash bhav men rahu-ketu ke prabhav men ho, lagnesh shani se yukt saptam bhav ho aur trik bhavon men rahne se bren hemrej ka yog banate hain. shani, ya budh ki dashantardasha men rog ki sanbhavna prabal hoti hai.
Kya aapko lekh pasand aaya? Subscribe
Kya aapko lekh pasand aaya? Subscribe


ank visheshank  July 2010

ank shastra ki vistrit jankari ke lie parhe ank visheshank ki avaran katha ke rochak lekh.iske vichar goshthi kolam men parhen- kairiyar ka chunav namak jyotishagyanavarddhak lekh.falit vichar stanbh ke antargat acharya kishor ka surya ka nich bhang rajyog namak lekh vishesh gyanavarddhak hai.pavan sthal men man tara ke prachin siddh pith ka varnan hai.

Subscribe

Apne vichar vyakt karein

blog comments powered by Disqus
.