संवत्सर का क्रोध जून तक सहना पड़ेगा

sanvatsar ka krodh jun tak sahna padega  

Ank ke aur Lekh | Sambandhit Lekh | Views : 2445 |  
sanvatsar ka ''krodh ''junatak sahna padegha pan. sunil joshi junnarakar krodhi namak sanvatsar men kendra tatha anek rajyon men atankvadi hinsa, rajnitik uthl-puthal , svarth ke karan deshon ke bich shanti samjhauton aur sandhiyon ka ullanghan, desh men khadya padarthon v khadyanon ki upalabdhata men kami hogi. mahilaon ke vikas ki yojnaen banengi. kashmir samasya ka hal tatha suraksha parishad ki sadasyata prapt hogi. chin aur pak apne napak iradon men safal n honge. aktubar men ashvani nakshatra men guru bhraman se log svasth v prasann honge. san 2011 men dinank 03 aprail ko shobhan namak sanvatsar ki samapti aur vikram sanvat 2068 ka praranbh ravivar ki ratri men 08.02 baje se tula lagn men hoga. udykalin chaitra shukla pratipda 04 aprail somvar ko hone se is din nav varsharanbh mana jaega. krodhi sanvatsar ka fal : vishamasthan jagat sarva vyakulan darunad ranat. deshe gyatau kutumbe ch krodhi krodhprah param॥ arthat medniya sanhita ki varshafal shruti ke anusar ''is varsh pura sansar yuddhadi hinsa se dukhit aur vyakul rahega. parivar men desh ke andar paraspar tatha do deshon ke madhya krodh, vivad aur vidroh ka sanchar apni charam sima par hoga.'' kendra tatha desh ke anek rajyon men rajnitik uthl-puthal hogi. kashmir v munbai adi men atankvadi hinsa, chattisagarh, urisa v pashchim bangal adi men nakslvadi gatividhiyon men tivrata ayegi. chin tatha pakistan ki or se bharat ki bhumi ko harpne ke kutnitik prayas honge tatha dushman desh hinsa bal ka sahara lene se parhej nahin karega. niji svarth aur abhiman ke karan shanti samjhauton/sandhiyon ka ullanghan hoga. varsh lagn fal : varsh lagn tula udit hua hai, jiska svami shukra hai. saumya grah lagnesh shukra ka pancham bhav men baithna gyan-vigyan, vyapar-vyavsay v saundarya vikas ki drishti se achcha hai. bharat vishva manch par apna glaimar dikhane ke lie dhan ka vyay karega. guru-shani ke samasaptak yog ka fal- varsh kundli men saumya grah guru aur krur grah shani ek-dusre se saptam sthan men sthit hone ke karan ek-dusre ko purn drishti se dekh rahe hain. sanhita shastra men is yog ka fal anavrishti (barsat ka n hona) kaha gaya hai. jiske falasvarup uttar pradesh, madhyapradesh adi rajyon men khadyann ke kami ki samasya utpann hogi. khadya padarthon ke mahange hone se ve garib janta ki pahunch se dur ho jaenge. atah garib janta ke lie akal, durbhiksh aur bhukhe marne ki sthiti nirmit hogi. isse praja ka vinash aur lokpira hogi. panch grahon ki yuti ka fal : varsh lagn kundli ke shashth bhav-min rashi men guru, budh, surya, chandra, mangal panch grahon ki yuti hai. ek rashauyada yanti chatvar panch khechraah. plavyantimhin sarvanrudhiren jalen va॥ arthat ek hi rashi men panch grahon ke gochar se prithvi rakt aur pani se bhar jati hai. iske falasvarup desh ke anek hisson men andhi, tufan ola vrishti v ativrishti se janadhan ki hani hogi. atank, dvand, agnikand, bhukrandan adi se praja ka vinash hoga. mai-jun men bhayankar garmi paregi, jisse prithvi ke tapman men apratyashit vriddhi hogi. varshesh raja chandra falam : savant 2068 men raja ka pad surya ko prapt hua hai. jiske prabhav se dhanya, fal-ful, shak-sabji ke utpadan men nyunta rahegi. prithvi ke tapman men vriddhi hogi. lut-pat, bhrishtachar v chori, ghuskhori adi anaitik karyon men vriddhi hogi. tap-jvar, atisar, netravikar, asthirog, hriday rog adi se janta ko kasht hoga. agnikand v shasan ke adeshon se janta bhaybhit hogi. varshadhipti varshesh ka up pad chandrama ko prapt hua hai is karan is varsh achchi varsha hogi tatha jal ki samasya bahut sima tak dur hogi. dugdh utpadan paryapt matra men hoga. samudra tatiya kshetron men tatha nichle bhagon men olon aur varsha ke jal v barh adi se janjivan ast vyast hoga. mahilaon ke vikas evan suraksha ki anek yojnaen banegi evan kriyanvit hongi. kashmir samasya ka hal, suraksha parishad ki sadasyata prapt hogi. navavarsh men shani kanya rashi men vakra gatishil hai, dinank 13-06-2011 tak vakragti ka fal bangal, kashmir, kaling, gaur, saurashtra ke lie ashubhaprad bataya gaya hai. inhin sthanon par anavrishti, durbhiksh, mahamari, hinsa adi se janta duahkhit rahegi. rajnetaon men paraspar rajnitik yuddh hoga tatha is yuddh men loktantra ke samarthakon ki jit hogi. kashmir men atankvadi hinsa to hogi, kintu chin ya pak apne napak iradon men safal nahin honge. malechch rajaon ki din pratidin hani hogi. kashmir men vahi hoga jo bhartiya sansad chahegi arthat manviyata, rashtriyata v loktantra ki jit hogi. kashmir ki vartaman sanvaidhanik v rajnitik sthit men badlav aega. kintu shanidev yah karya 13.06.2011 ke bad margi hone par hi kar paenge. kanya rashi se vida hote margi shani bharat ko sanyuktarashtra ki suraksha parishad ka sthayi sadasya aur vito ka adhikar dila denge. surgururmeshe sukhan sarvajneshu : tarikh 25.12.2011 se guru mesh rashi men margi hokar gochar karenge. isse purva 13.10. 2011 se ashvini nakshatra men guru ka bhraman hoga. atah guru brihaspati 13 aktubar se subhiksh pradan karega jiske falasvarup sabhi log svasth aur sukhi rahenge. haldi, chandan, gur svarn, pital, ghi adi ke mulya men kami aegi. varsh ke praranbh se madhya tak guru se sanbandhit vastuon ki kimton men vriddhi tatha unke bhav asthir rahenge. jisse vyapariyon ko labh hoga. mai-jun men chatra bhang ke yog : dinank 08.05.2011 se guru mesh rashi men asvabhavik gati karega. ise atichar kahte hain, atichar sangyak guru ka fal achcha nahin hai kyonki is avastha men guru apne naisargik shubh falon ko nahin deta hai. udhar guru se shashth sthan men 13.06.2011 tak kanya rashi men shani vakri rahegi. atah 08 mai se 13 jun tak ka samay bhi desh-videsh ke lie ashubh rahega. ise dauran prakritik apda, atanki hinsa tatha rajnitik vidro ke yog banenge. neta v mantriyon ke lie bhi yah samay anukul nahin hai. sharirik pira ya rajnitik vidvesh ke karan chatrabhang ke yog ban rahe hain. khagras chandra grahan 15 jun ke aspas ka samay bhi shasak varg ke lie khatron bhara ho sakta hai. medniya sanhita ke anusar surya-chandra grahan ka kuprabhav rajo par parta hai. is prakar se vividh kuyog krodhi namak sanvatsar ke ashubh fal ko bal pradan karenge. kintu jun 2011 ke bad bharat men punah khushiyan lautengi.
Kya aapko lekh pasand aaya? Subscribe
Kya aapko lekh pasand aaya? Subscribe


navavarsh visheshank  January 2011

varsh 2011 ke navavarsh visheshank men rajnitik dalon v netaon ke bhavishya ke sath-sath bharatavarsh ka navavarsh kaisa rahega adi vishyon par vistrit charcha ki gai hai. soniya gandhi ki janmapatri ka jyotishiya vishleshan kiya gaya hai sath hi 12 mahinon ka vistrit rashifal bhi diya gaya hai.

Subscribe

Apne vichar vyakt karein

blog comments powered by Disqus
.