भारत विश्‍व और आप

bharat vish‍v aur ap  

Ank ke aur Lekh | Sambandhit Lekh | Views : 2820 |  
bharat, vishva aur ap nav varsh ke jyotishiya aine men acharya kishor navavarsh aranbh ke samay kanya lagn men shani guru se drisht hai jis karan raja v rashtra ki pratishtha men vriddhi hogi. navavarsh men arthik sthiti v sanchar shakti ka nishchit rup se sudrirhikaran hoga. antarrashtriya vyapar se hone vali ay men nirantar vriddhi hogi. 4janvri ko bharat ki janm kundli ke ashtam bhav men grahan ke prabhav se pahle do mahinon men prakritik apdaon, durghatanaon v atankvad ki sanbhavna ko bhi nahin nakara ja sakta. yah yog satta ya netritva parivartan sthiti utpann karne ka bhi sanket deta hai. is varsh jal achcha barsega, vayu veg se faslon ki hani ki sanbhavna kam hai. krishak varg santusht rahega. desh nai yojnaon se pragti karega. jun 2011 tak samay mila-jula rahega aur jab guru mesh rashi men pravesh karenge tab sthiti men kafi sudhar hoga, bharat ki arthik sthiti majbut hogi aur manhgai kam hogi parantu fir bhi ashanti bani rahegi kyonki shani bharat ki janm rashi se tritiya (parakram bhav) men balvan hokar sarkar ke paksh men sahayta karne lagenge kyonki guru ka prabhav shani ke upar nahin rahega aur guru se chathe bhav men yani mesh rashi se kanya rashi par guru ki drishti nahin hone ki bajah se sarkar ka akrosh barh jayega aur sarkar virodhi dal ki baton ko dar kinar karke apni manmani karti rahegi. aprail 2011 ke bad jab rahu evan ketu ka parivartan hoga tab desh men aur ashanti barhegi parantu hamare parosi desh hamse satark ho jaenge, kyonki bharat ke janmang men rahu, ketu aur shani ka gochriya prabhav mesh rashi ke guru se dusre, chathe aur athven bhavon men hone se shatru barhenge parantu parast honge. bharat ki janmarashi kark se tisre bhav men shani, panchven men rahu, ekadash men ketu aur dasham men guru ka gochar bharat ki sahayta karega. shani evan rahu videshi hone ke karan videsh se amerika, frans, rus jaise bare desh bharat ko sahayta denge. jiske karan bharat ko suraksha parishad men sthayi rup se sadasya banne ka mauka milega fir bhi hamare parosi desh bangladesh, chin, pakistan shadyantra karte hi rahenge. parantu hamara kuch bigar nahin sakte. 2011 men hamare bharat ki arthik sthiti majbut hogi fir bhi manhgai kam nahin hogi. jab guru aur shani ek-dusre ko dekhenge, yani mesh rashi men guru v tula rashi men shani rahenge tabhi desh men manhgai par niyantran kiya ja sakta hai kyonki dhan karak grah brihaspati v bharat ke lagn se navmesh-dashmesh yogkarak shani ki ek-dusre par drishti arthik sthiti ko majbut karaega aur manhgai ko bhi kam karayega. shani kanya rashi men disanbar 2011 tak rahenge aur guru jun 2011 se mesh rashi men pravesh karenge islie jun 2011 se disanbar 2011 tak ek-dusre par drishti nahin hogi. isse pahle 06 disanbar 2010 se jun 2011 tak shani evan guru ka sanbandh ek-dusre ko milta rahega. islie kangres sarkar tab tak majbut rahegi. jo kuch bhi ashanti chal rahi hai usse sarkar ke upar koi kharab prabhav nahin parega. 2015 tak bharat ki kundli men surya ki mahadsha chalti rahegi. tab tak bharat ko amerika jaise aur bhi dusre deshon ki bhi sahayta milegi aur hamare dushman ko parast karte rahenge 2011 men manmohan sinh ji ke svasthya men kuch giravat ayegi. vartaman samay men pradhanmantri manmohan sinh ji ki rahu ki mahadsha men shukra ki antardasha 27 farvri 2011 tak rahegi aur shukra tula rashi men jab tak rahenge tab tak unke lie samay anukul nahin rahega. ane vale chunav ke bad kangres sarkar ki desh ko chalane ki sanbhavna kshin hai. 2011 naye sal men mesh rashi ke lie samay jun 2011 tak madhyam rahega kahin dur ki yatra hogi (videsh yatra) aur adhik kharcha hoga. vrish rashi valon ka vidyarthiyon ke lie ati uttam samay sabit hoga. garbhavati mahilaon ke lie kuch savdhani bartni paregi. mithun rashi valon ke lie samay atyadhik kharab rahega kyonki shani rahu, ketu viprit sthiti men chal rahe hain fir bhi jun 2011 tak kuch anukul sthiti banegi julai se disanbar tak satark rahen. kark rashi valon ke lie yah varsh uttam rahega avivahit vyaktiyon ka vivah hoga. vyapar men bhi vriddhi hogi. sinh rashi valon ke lie utar-charhav ka samay rahega parantu jun se disanbar tak har taraf se shubh samachar milta rahega. kanya rashi valon ka naya sal mila-jula rahega fir bhi arthik sthiti achchi rahegi ay vyay saman rahega. tula rashi valon ki sharirik, mansik, arthik sthiti achchi rahegi. koi naya kam banega. vrishchik rashi valon ka samay kharab rahega, mansik ashanti barhegi. jun 2011 tak koi naya karya nahin karna chahie. dhanu rashi valon ka samay 2011 ke madhya tak thik nahin rahega parantu fir bhi arthik sthiti shreshth rahegi. makar rashi valon ka samay anukul rahega jun 2011 tak uske bad pura varsh viprit fal milega. kunbh rashi valon ke lie ashtam ka shani achcha nahin rahega kisi se dhokha mil sakta hai. islie satark rahe. min rashi valon ka 2011 bahut shubh rahega ruka hua kam banega. achanak dhan ka labh hoga fir bhi kahin dur ki yatra hogi jisse dhan ki hani hogi.
Kya aapko lekh pasand aaya? Subscribe
Kya aapko lekh pasand aaya? Subscribe


navavarsh visheshank  January 2011

varsh 2011 ke navavarsh visheshank men rajnitik dalon v netaon ke bhavishya ke sath-sath bharatavarsh ka navavarsh kaisa rahega adi vishyon par vistrit charcha ki gai hai. soniya gandhi ki janmapatri ka jyotishiya vishleshan kiya gaya hai sath hi 12 mahinon ka vistrit rashifal bhi diya gaya hai.

Subscribe

Apne vichar vyakt karein

blog comments powered by Disqus
.