अमर सिंह का त्यागपत्र: एक ज्योतिषीय विश्लेषण

amar sinh ka tyagapatra: ek jyotishiya vishleshn  

Ank ke aur Lekh | Sambandhit Lekh | Views : 622 |  
amar sinh ka janm 27 janvri 1956 ko pratah 06 baj kar 40 minat par uttar pradesh ke aligarh men ek rajput parivar men hua tha. achche parivar men janm hone ke bavjud unka bachapan vishesh achcha nahin bita, arthik sthiti kamjor rahi, fir bhi unhonne samanya shiksha 1972 tak prapt ki. fir dhanoparjan shuru kiya aur sath-sath uchch shiksha bhi jari rakhi kyonki shani ki mahadsha janm ke samay se navanbar 1972 tak thik rahi. fir budh ki mahadsha men vidya ke sath-sath vyapar men navanbar 1989 tak unnati karte rahe. kintu 1989 ke bad un par ketu ki mahadsha aranbh hui, jo navanbar 1996 tak chali. yah samay unke lie atyant sangharsh ka samay raha. is bich vah rajniti men pravesh ki koshish bhi karte rahe aur anttah 1996 men rajyasbha ke sadasya manonit hue. abhi un par shukra ki mahadsha chal rahi hai jo navanbar 1996 men aranbh hui aur navanbar 2016 tak chalegi. bhagya ka svami budh vyapar ka karak bhi hai, islie amar sinh birla gharane ke sath vyapar men jure rahe. parantu inki kundli men budh ke ashtamesh surya ke sath hone ke falasvarup unhen rajyog ka labh nahin mil paya. fir jab panchmesh evan dashmesh shukra ki mahadsha ai, tab unhen rajyog ka labh mila. kintu koi grah kitna bhi achcha kyon n ho ashtamesh ke sath hone par rajyog ko bhang kar deta hai. unki kundli men prakritik pap grah mangal, shani evan rahu labh sthan men sthit hain, islie shukra ki mahadsha men dhanoparjan ka paryapt avasar mila. 1996 men jab shukra ki mahadsha shuru hui, tab unhonne rajniti men pravesh kiya aur halachal machate rahe. is dauran unhen rajyog ka labh milta raha. kintu jab shukra ki mahadsha men guru ki antardasha ai, tab unka svasthya kuch pratikul hua aur vah shugar ki bimari se grast ho gae aur kidni men taklif hone lagi, kyonki ukt donon grah is bimari ke karak hain. chandra lagn se shukra ashtam bhav aur lagn se guru ashtam bhav men pirit hai. islie in donon grahon ki dasha-antardasha men kidni ko badlna para aur jab shukra ki mahadsha men shani ki antardasha ai, to rajniti par unki pakar bhi dhili hone lagi. kalidas ke granth uttar kalamrit men saf taur se likha hai ki kundli men yadi shukra evan shani balvan hane to ek dusre ki dasha evan antardasha men raja ko bhi gaddi se utar dete hain. shri sinh ke sath aisa hi hua. isi yog ke falasvarup mulayam sinh ka dahina hath samjhe jane vale shri sinh ka unse matbhed hua aur is nae varsh ke mah janvri ke pratham saptah men unhonne apni parti ke sabhi padon se istifa de diya. jab bura samay ata hai, to patan ke bahane nikal hi ate hain. shri sinh ke sir se parti ka saya chin gaya aur anttah vah apne padon se istifa dene ko vivash ho gae. aj tak unhen jo bhi pratishtha mili thi, nam mila tha aur rajya sabha men yash mila tha, vah sab kuch palak jhapkte chin gaya. apne rajnitik jivan men vah kangres parti ki musibat ke samay sahayta karte rahe. vah pradhanmantri ke ati nikat ho jate the, islie shatru bhi unke samne kuch nahin kar pate the. aksar dekhne men ata hai ki jiska bhi shukra aur shani balvan hon, uske sath isi tarah ghatna ghatti hai. kintu, shukra aur shani ke bad jab budh aur ketu ki antardasha aegi, tab shri sinh ke din fir se firenge aur vah fir apni purva ki usi sthiti men a jaenge. kintu, shukra ki mahadsha ke bad surya ki mahadsha ashtamesh ki dasha hai, islie vah 2016 se 2022 tak sharirik rup se svasth nahin rahenge. uske bad chandra ki mahadsha aegi jo unke lie shubh rahegi kyonki chandra purn chandra hai, surya ke samne hai aur us par kisi pap grah ki drishti nahin hai. rahu ki drishti islie prabhavi nahin hogi kyonki rahu shani evan mangal ke sath ekadash bhav men aur guru se kendra men hai. shri sinh ki kundli men chaya grah rahu mangal evan shani ki madad kar raha hai. navmansh men rahu shani ke ghar aur chandra ke nakshatra men hai. rahu jiske sath rahta hai, usi ke jaisa ho jata hai aur chandra lagn se shani, mangal aur rahu pancham bhav arthat mangal ke ghar men hi sthit hain. lagn se pancham bhav mane pap grah ketu par mangal, shani aur rahu ki drishti hai. in sare yogon ke falasvarup santan ka vanchit sukh nahin mila aur unke ghar testatyub bebi ka janm hua. is kundli men guru ashtam bhav men vakri hokar sinh rashi men ashtam surya se ashtam bhav men hai. is yog ke karan shri sinh udar rog se grast rahe aur unhen kidni bhi badlvani pari. lagn se pancham bhav men sthit ketu bhi iska dyotak hai. kintu lagnesh shani ekadash bhav men hai aur panchmesh tatha dashmesh rajyog karak shukra dhan sthan men dhan karak grah guru se drisht hai. islie shukra ki mahadsha ke dauran unhonne apar sanpatti arjit ki. janm ke samay ke dhan ka abhav raha kintu aj arbpti hain. fir bhi usi shukra ki mahadsha aur shani ki antardasha men janvri 2010 men pad se istifa diya. vakt bura ho, to raja ko bhi nahin chorta.
Kya aapko lekh pasand aaya? Subscribe
Kya aapko lekh pasand aaya? Subscribe


vidya badha mukti visheshank  February 2010

is visheshank men jyotish men vidya prapti v uchch shiksha ke yog, vidya prapti men badha, gyan pradayini tara mahavidya sadhna, vidya v gyan prapti ke jyotishiya upay ityadi vishyon ka samavesh kiya gaya hai. is visheshank men vikrami sanvat? 2067 jyotish ke aine men lekh ke antargat bharat ke samajik, arthik v samajik bhavishya par charcha ki gai hai. sanpadkiya lekh men shri arun kumar bansal ji ne vidyarthiyon ke lie vidya badha mukti ke kuch saral v satik upay prastut kie hain.

Subscribe

Apne vichar vyakt karein

blog comments powered by Disqus
.