भारत और विश्व आज और कल

bharat aur vishva aj aur kal  

Ank ke aur Lekh | Sambandhit Lekh | Views : 1551 |  
bharat aur vishva ke maujuda aur agami samay par mangal aur shani ke sanyukt prakop ka prabhutva vartaman samay men pura sansar kisi n kisi rup men kuch n kuch sankat se gujar raha hai. kuch samay pahle shani evan mangal agni tatva rashi men ane ke parinam svarup utpat machate rahe. kitne hi havai jahaz dhvast hue, bharat men paitrol-dijal men ag lagi, kai din tak jaypur men hahakar macha raha, kashmir men pakistan ki madad se bharat ke virodh men kai din tak hartal hui jismen goliyan bhi chalin aur kai logon ki janane gai. jab-jab mangal aur shani donon ka prithvi tatva rashi kanya men sanbandh bana to prithvi par pani se pralay jaisa manzar ho gaya, amrika, yurop, visheshakar chin men bhuskhalan hua. saikron logon ki janen gai. bharat men leh men badal fatne se bhari tabahi machi. kuch din pahle rel durghatana men janmal ka nuksan hua. mahangai ko lekar bharat ki sansad men kai din tak hangama hota raha fir bhi mahangai par koi asar nahin hua, jativad ko lekar hangama hota raha. sath hi sath gyan vigyan men matbhed hote rahe aur jativad tatha sanpradayikta ki rajniti se avsrvadi log svarthapurti men lage rahe. bharat ki janmapatrika men vartaman samay men surya ki mahadsha men mangal ki antardasha chal rahi hai. surya gochar men agnitatva rashi (sinh) men hai aur mangal shani ke sath kanya rashi men sthit hokar jalatatva rashi (min) ko dekh rahe hain. min rashi men sthit guru prithvi tatva rashi (kanya) ko dekh rahe hain islie jitni bhi jalvrishti hui use niyantrit kar rahe hain. bharat men kaemnvailth gems 2010 ke lie sansad men arth ke durupyog ko lekar hangama chal raha hai jiske karan kai karmachariyon ne istifa de diya. mere vichar men jab surya 15 sitanbar 2010 ko kanya rashi men pravesh karenge usse pahle kai mantriyon ko pad se hataya ja sakta hai aur kai nae logon ko mantri pad mil sakta hai. pradhan mantri ke sath bhi koi ghatna ghat sakti hai ya sadma lag sakta hai. mantri mandal men bare star ka parivartan dekha ja sakta hai jiske karan kangeras parti men antrik matbhed ubhar sakte hain. netaon men kashmir ko lekar vad-vivad, paraspar ek-dusre ko nicha dikhane ki jaddojahat chalti rahegi. naksalavadi ghatnaon men janmal ki hani ho sakti hai jis par sarkar dvara niyantran karna mushkil ho jaega. iske karan virodhi dal sansad par havi rahega. vartaman men pradhan mantri manmohan sinh ji ka samay kharab chal raha hai kyonki unka lagn dhanu, rashi kark aur rahu ki mahadsha men shukra ki antardasha chal rahi hai aur shukra ashtam bhav men baithe hain. shukra ka kark lagn ke lie akarak aur markesh hokar ashtam bhav men sthit hona unki sehat kharab kar sakta hai. sharirik rup se thik n hone ke karan unko desh chalane men pareshani ho sakti hai islie unhen apne svasthya ke prati dhyan dena chahie. apni hi sarkar men unke sahyogi shadyantra kar sakte hain jiske karan unko istifa dene ke lie majbur kiya ja sakta hai. chinta ka vishay yah hai ki apas men larai se desh ka nuksan hoga kyonki desh ki janmakundli men surya, mangal aur shani gochar men kharab sthiti men hone se aur pradhan mantri ji ka samay kharab hone se visheshakar kashmir, naksalavad evan mahangai ke chalte arajkta ki sthiti ban sakti hai. islie mantri mandal men parivartan avashya hoga. bharat evan pakistan ke bich amrika hastakshep karega jisse donon deshon men ashanti ho sakti hai, afganistan/taliban men bhayankar sthiti utpann hogi aur pakistan men bhi arajkta ki sthiti rahegi. 2010 se 2013 men eshiya mahadvip men bhayankar sthiti utpann hogi. 2012 men shani apni uchcharashi tula men rahenge. jab mangal aur shani ek-dusre ko dekhenge, agni evan vayu ka sanbandh yuddh jaisi sthiti banaega jisse chin, pakistan, bharat v afganistan men adhik nuksan hoga. pakistan v taliban men tabahi ki sthiti banegi. tab bharat ka pradhan mantri koi aur hoga jo bharat ko is musibat se bacha lega. bharat ki kundli men julai 2012 se jun 2013 ke madhya surya ki mahadsha men shani ki antardasha chalegi. bharat ke lie shani yogkarak hone ke karan achcha fal dega kyonki jab-jab shani tula men uchch ke rahe hain, tab-tab desh ke lie achcha hua hai. parantu mangal shani ke vidhvanskari paraspar drishtiyog ki sthiti men vibhinn desh mizail ka prayog ek-dusre ke viruddh karenge. agni evan vayu ke prabhav se vayuyan ka adhik nuksan hoga, mizail ke prayog ki bajah se prithvi par hahakar machega. tab aisi vikat paristhitiyon men kuch mitra deshon ka netritva karte hue bharat ka sar uncha hoga aur vishva ke manchitra par bharat mahashakti ke rup men ubhrega.
Kya aapko lekh pasand aaya? Subscribe
Kya aapko lekh pasand aaya? Subscribe


grah shanti evan upay visheshank  September 2010

jyotish men vibhinn upayon ka fal, lal kitab ke upay, vyavharik upay, upayon ka uddeshya, aushdhi snan v ratnon ka prayog ityadi sabhi vishyon ki sangopang jankari dene vala yah visheshank pratyek ghar ki avashyakta hai. upayon men mantra v upasna ke mahatva ke atirikt yantra dharn/pujan dvara grah dosh nivaran ki vidhi bhi spasht ki gai hai.jyotish dvara bhavishyakathan men sahayta milti hai parantu iska mul uddeshya samasyaon ke satik samadhan jutana hai. is uddeshya ki pratipurti karne ke uddeshya ko pura karne ke lie yah ank vishesh upyogi hai.

Subscribe

Apne vichar vyakt karein

blog comments powered by Disqus
.