सूर्य का नीच भंग राजयोग

surya ka nich bhang rajyog  

Ank ke aur Lekh | Sambandhit Lekh | Views : 19551 |  
surya ka nich bhang rajyog acharya kishor vayu tatva rashi mithun, tula v kunbh hain. mithun rashi ka svami budh surya ka sam, tula ka svami shukra surya ka shatru v kunbh rashi ka svami shani bhi surya ka shatru hai. tula rashi men nich ka surya lagn men hone par manushya samajik gun sanpann hote hain. surya is sthan men vishesh rup se apna kuch gun dene men asamarth rahte hain. tula rashi char rashi hone ke karan jatak ghumne ka shauk rakhte hain parantu unki chinta barhti rahti hai. bade-chote sabko saman najar se dekhte hain. lokapriya bhi hote hain. apni buddhi, vivek aur gyan se logon ko barabar akarshit karte hain. achcha rasta dikhate hain. taki unhen koi badnam n kare. striyon se purn samarthan prapt nahin kar pate. tula lagn men budh shukra, surya par guru ki drishti hai v navansh men uchch ka surya hai. yahan par surya nich ka fal nahin deta isilie unhonne samaj men apni pratishtha banakar rakhi. ve logon ko disha dikhate rahe. kundli-1 desh bandhu chitranjan das ki hai. jinke nam se bangal men rel banti hai. apne bal kaushal se bina jhuke aur milke har prakar ka kam karva lete the. budh, shukra ko naisargik shubh grah guru ki drishti ke karan udar neta bhi rahe aur logon ke hit ke karya karte rahe. anyay karne ki pravritti kabhi nahin dikhai di. chandrama ko chorakar samast grah purush rashi men baithe hain islie purush shakti, balvan neta jaise ubhrte rahe. shani evan guru paraspar ek-dusre ko dekh rahe hain islie guru, shani ka prabhav bhi raha. guru uchchabhilashi v uchch ka rahu dharm se nahin bhatkaega. kundli-2 ek arbpti ki hai. lagn men surya nich rashisth hai. inka janm surya uday ke samay, nich surya ko guru ki drishti ke karan nich bhang ho raha hai. charon kendron men char grah hain. janm ke samay budh ki mahadsha chali. 1986-1992 tak jatak ki surya ki mahadsha chali. dekhte-dekhte jatak arbpti-kharbpti ban gaya kyonki dhan karak guru ekadshesh surya ko drishti de rahe hain. dvitiya dhan bhav men shukra, budh ko yogkarak shani ki drishti v dhanesh mangal ko guru ki drishti. chandra lagn se dhanesh surya ko guru ki drishti. panchmesh, dashmesh mangal ko guru ki drishti yani dhan labh. guru ka sanbandh nirantar bana hua hai. tatparya yah hai ki nich rashi men vayu tatva rashi men surya rahne se bhi nich ka fal kabhi-kabhi nahin milta. is prakar ka sanbandh jaise nich bhang rajyog, dhanadi yog aur kai prakar ke rajyog bane hue hain. islie nich ka surya kahakar use tuchch samjhna uchit nahin. kundli-3 men nich ka surya ekadash bhav men bhagyesh hokar baitha hai. panchmesh mangal ekadash bhav ko dekh rahe hain. nich ka guru nich bhang karke dhan sthan men sthit hai. kyonki guru kark rashi men uchch hote hain, uska svami lagn se, chandra lagn se kendra men aur guru ki drishti men aur guru shani ki drishti men sthit hai aur shani lagn se, chandra lagn se kendra men aur chandra lagn se dhan sthan men surya nich ka hone ke bavjud surya jahan uchch hota hai uska svami mangal surya ka nich bhang kar raha hai. isi prakar kai tarah se guru surya ka nich bhang hua tabhi jatak ko kai rajyog mile hain. nich ka grah nich men hone se hi jatak kamjor nahin ho jata. yah jatak astreliya jaise kai deshon men apna dabdba banae hue hai. arbon rupyon ka malik hai. kai prakar ke karyon men vyast hain aur unke adhin hajaron log karyarat hain. kundli-4 men nich ke surya ko shani ki drishti, parantu stri jatak ke mutabik yadi saptam bhav ka lagn kiya jae to uske pati ka bhagya ati balvan hai. kyonki surya jahan uchch hota hai uske svami mangal par guru ki drishti hai. surya lagn men nich ka hone se bhi rashi ka svami shukra surya ke sath hai islie bhi surya ka nich bhang hua. pati ki kundli ka vichar jatak ke saptam bhav ko lagn manakar karne se hota hai. surya lagn men budh, shukra, dasham men guru, ekadash men shani, dvadash men chandra rahu hai. chandra lagn se dhan bhav men surya budh, shukra. apar rupya pati ke pas hai kyonki isse pahle kundli nan. 3 jatak ke pati ki kundli hai. atah nich ka surya hamesha bura fal nahin dete. kundli-5 men nich ka surya shukra ke sath nich bhang yog bana raha hai kyonki surya shukra ke sath shukra ke ghar men aur kendra men hai. surya mesh men uchch hota hai uska svami mangal bhi sath hi kendra men hai. panchmesh surya saptam bhav men nich bhang rajyog kiya hai. is jatak ki kundli men rajyog anek hain. islie shani ki mahadsha 1979-1998 tak 19 varsh tak em.el.e. se lekar em.pi. evan mantri tak ban chuke the. bhale hi parivarik jivan men vah santusht nahin the. parantu dhan bhav samman purn rup se mila tha. jatak garib parivar men janm lekar kendra sarkar men mantri tak bane. is tarah nich rashi ka surya aksar uchch fal de deta hai parantu dhyan rakhna chahie ki nich bhang hua hai ya nahin. kundli-6 arjun sinh ki hai jo kendriya mantri mandal men the. nich ke surya ne nich bhang kiya hai kyonki surya purn chandrama se saptam kendra men aur surya ki uchch rashi ke svami mangal ki drishti ke karan nich bhang hua hai. surya ko guru ki drishti vishesh rup se arthik labh ka bhi karan hai. kyonki dhan karak guru surya ko dekh rahe hain, dhanesh chandrama surya ko dekh rahe hain aur dhan sthan men ekadshesh mangal aur ekadash bhav men dhanesh chandrama men parivartan yog hai. surya tula rashi men svati nakshatra men, svami rahu dasham bhav men v bhav chalit men chandra rahu ekadash bhav men hai. islie jatak rahu ki mahadsha 1993 tak pradhanmantri bante-bante rah gae. is jatak men visheshakar surya nich ka aur lagnesh budh surya ke sath pancham bhav men guru ki drishti men, pancham bhav atyadhik balvan hai. islie unka putra bhi mantri pad par hai aur unki anrtagyan shakti ati prabal hai. nich ke surya ka nich bhang hone ke karan dhan, santan sukh ki prapti hui.
Kya aapko lekh pasand aaya? Subscribe
Kya aapko lekh pasand aaya? Subscribe


ank visheshank  July 2010

ank shastra ki vistrit jankari ke lie parhe ank visheshank ki avaran katha ke rochak lekh.iske vichar goshthi kolam men parhen- kairiyar ka chunav namak jyotishagyanavarddhak lekh.falit vichar stanbh ke antargat acharya kishor ka surya ka nich bhang rajyog namak lekh vishesh gyanavarddhak hai.pavan sthal men man tara ke prachin siddh pith ka varnan hai.

Subscribe

Apne vichar vyakt karein

blog comments powered by Disqus
.