chote-chote upay har ghar men log jante hain, par unki vidhivat jankari ke abhav men ve unke labh se vanchit rah jate hain. is lokapriya stanbh men upyogi totkon ki vidhivat jankari di ja rahi hai.
durbhagya se chutkara pana
shanivar ko sarson ke tel men bane, gehun ke ate ke gud ke sat pue v ak ke ful tatha sindur evan ate se taiyar kiya gaya dipak jalakar arandi ke patte par rakhakar ratri men kisi chairahe par rakh den tatha yah kahen ki he ! mere durbhagya main tumhen yahin par chodakar ja raha hun. ab mere pas mat rahna, n mujhe kasht pahunchana. piche ko mud kar mat dekhen.
jis sthan par kide, makode adhik matra men niklte hon us sthan par apne baen pair ka juta ulta karke rakh den. is kriya se jo kide makode hain vah punah bil men ghus jayenge.
kisan ashlesha nakshatra men kahin se baragad ka patta lakar apne anaj ke bhandar men rakh de to anaj ka bhandar sada bhara rahega v vriddhi hogi.
sudarshan ki jad aur apamarg ki jad ya fir safed ghughni ki jad ko yadi koi tabij men rakh kar apni puja sthal men bandhakar rakhta hai to uski shastraghat se sadaiv raksha rahegi.
kisanon ke lie totka
safed sarson aur balu ek sath milakar khet ke charon or dalne bharni nakshatra men deshi pan ka patta lakar use supari v katthe se bida banakar jahan se vastu chori hui hai vahan par rakhne se chori ka rahasya khul jata hai. sat din tak pratiksha karen.
1- jiske sharir men kisi bhut-pret ki atma ka vas hai, yadi lahsun ke ras men hing ko gholakar uski ankh men kajal ki moti laga di jay athva nak men use sungha diya jay to upri badha turant sharir se nikal jati hai.
2- purva falguni nakshatra men bahede ka pacha lakar use ghar men puja ke sthan par rakhne se uske upar ghatak trantrik kriyayen nahin chalti hain athva muth adi athva jo bhut pishachni adi ko chedte hain vah dekhte hi bhag jati hai.
3- punarvasu nakshatra men mehandi ki jad ko lakar usko dhup dip se pujan kar apne pas men rakhne se akarshan hota hai evan sharir svasth rahta hai.
4- magha nakshatra men pipal ki jad ko lakar usko pavitra kar dhup dip dekar yah mantra bolen ‘‘durge durge rakshini svaha.. ratri men koi bura svapn v bhayanak svapn kabhi nahin dikhai dega.