बच्चों को सफल बनाने के सूत्र

bachchon ko safal banane ke sutra  

Ank ke aur Lekh | Sambandhit Lekh | Views : 8088 |  
kisi bhi vyakti ki yah utkat abhilasha hoti hai ki vah apne bachchon ko achchi se achchi shiksha pradan kare taki bachche jivan men chahunmukhi vikas kar saken tatha desh ke sabhya evan ganmanya nagrikon men unki ginti ho sake aur yah tabhi sanbhav hai jab mata-pita apni is abhisht ki prapti ke lie vishesh rup se bachchon par dhyan den. iske lie bachchon ke vyavhar, sanskar, acharan in sabhi sutron ke madhyam se ham inka aisa margadarshan karen jisse unki shiksha, unka svasthya, unki soch unke jivan ko gyanavardhak aur bhavishya men samaj men, parivar men jis bhi kshetra men ki jaye ek adarsh ke rup men apna jivan vyatit karen. in sabhi chijon ko pane ke lie ek marg aisa bhi hai jise ham bhartiya puratan vidyaon men jyotish tatha vastu ke dvara bhi apne bachchon ke bhavishya ko ujjvalta ki or le jane ke sath-sath prernadayak bhi bana sakte hain. aisi hi kuch savdhaniyon par charcha karenge. vyavharikta se dekha jaye to bachchon ka kamra uttar tatha purva ki or hona chahie. hamen apne bachchon ko unki kitaben rakhne ki jagah, kitabon ko salike se rakhna, padhne ki tebal par kayde se rakhe hona, kamre ka vatavaran apko ek tajgi de, iske lie uske rangon ka sahi chayan ho is par bhi vishesh dhyan dena chahie. khasakar aise rangon ka chayan karen jo tej na ho. bachchon ke kamre ke lie halke gulabi, pile rangon ka prayog karen ya fir safed rang, uttar ki divar par halka pila rang, purva ki divar par halka gulabi rang pashchim ki divar par halka asmani rang tatha dakshin ki divar par safed rang ka prayog karen. kamre men aise chitra hi lagayen jo bachchon ko jivan men age badhne ki prerna den jaise purva ki taraf surya dev tatha mata sarasvati ka chitra lagayen athva vedmata, gayatri ka chitra bhi laga sakte hain. uttar ki taraf brahmadev ka chitra lagayen, yah chitra gyan tatha shiksha ko sarlta se grahan karne men labh dega. in sabhi baton ke sath padhte samay bachchon ka mukh purva disha ki or hona chahie kyonki sansar men samast prakar ke andhkar ko dur karna, athva gyan ki drishti se sahi disha men prerna pane ki urja surya dev se hi prapt hoti hai. padhne vale kamre men is bat ka bhi dhyan rakhen ki us kamre men prakash ki vyavastha kaisi hai. roshni aisi n ho jo ankhon ko chubhe, mukhya rup se bachchon ko purva disha men dekh kar hi padhai karni chahie. kabhi bhi darvaje ki taraf pith karke na padhen. agar adhik bachche ek sath padhte hon to us kamre men samuhik rup se padhte hue bachchon ka chitra bhi laga sakte hain. subah uthte hi bachchon ko surya aghrya aur 10 bar gayatri jap ka niyam sikhayen. mata-pita ke charan chukar hi vidyalay jayen, is bat ki adat dalen. bachchon ko dudh men shahad ka prayog karke pila kar hi skul ke lie bhejen, chahen to mitha gehun ka daliya khilakar bhejen. in sabhi baton ko jivan men apnayan aur apne bachchon ka bhavishya ujjval banayen.
Kya aapko lekh pasand aaya? Subscribe
Kya aapko lekh pasand aaya? Subscribe


nakshatra visheshank  February 2013

fyuchar samachar patrika ke nakshatra visheshank men nakshatra, nakshatra ka jyotishiya vivaran, nakshatra rashiyan aur grahon ka paraspar sanbandh, nakshatron ka mahatva, yogon men nakshatron ki bhumika, nakshatra ke dvara janmafal, nakshatron se ajivika chayan aur bimari ka anuman, gandmul sangyak nakshatra adi gyanavardhak alekh sammilit kie gae hain. iske atirikt hindu manyataon ka vaigyanik adhar, vastu paramarsh, vastu prashnotri, yantra samiksha/mantra gyan, gun jenetik kod ki tarah hai, damini ka bharat, tarapith, mahakunbh ka mahatmya, lalkitab ke totke, laghu kathaen, jaspal bhatti ki jivnktha, bachchon ko safal banane ke sutra, ank jyotish ke rahasya, man ka kainsar aur upchar v hastarekha adi vishyon par gahan charcha ki gai hai. vichargoshthi men vastu evan jyotish namak vishay par charcha atyant rochak hai.

Subscribe

Apne vichar vyakt karein

blog comments powered by Disqus
.