लाल किताब के टोटके

lal kitab ke totke  

Ank ke aur Lekh | Sambandhit Lekh | Views : 8104 |  

lal kitab ke niyamanusar shukra khana nan. 9 men shadi ke sukh ke lie achcha nahin mana jata balki halachal bhari shadi ka karan banta hai. yah sthiti aur bhi kharab ho jati hai jab shukra khana nan. 9 vale jatak ke ghar men ane ka dvar dakshin ki or hota hai. udaharan ke lie bhagvan ram ke teve men shukra khana nan. 9 men uchch ka hokar pada hai. jis kutiya se sita ka apaharan hua uska dvar dakshin disha ki or tha.

  • agar teve men surya v shukra ikatthe hon to vyakti ki shadi surya ki ayu (22 sal) ya fir shukra ki ayu (25ven sal) men hoti hai to talak ya alag hone ka yog banta hai.
  • agar teve men chandrama khana nan. 1 men ho to chandrama ki ayu (25ven varsha) men shadi nahin karni chahie, kyonki chandrama khana nan. 7 ko dekhta hai jo ki shukra hai aur shukra v chandrama men shatruta hai.
  • agar rahu teve ke khana nan. 7 men ho to 21ven sal men ki gai shadi durbhagyapurn sabit hogi.
  • shani teve ke khana nan. 6 men ho tatha shukra khana nan. 2 ya 12 men hon to patni/pti ki ayu ko khatra bana rahta hai.
  • shukra teve men jis khane men ho, usse agle (dusre) ya pichle (barhven) khane men ashubh grah hon to talak ki sanbhvna rahti hai. budh ko lal kitab men ashubh grah mana gaya hai.
  • jis vyakti ke teve men budh khana nan. 6 men ho use apni kanya uttar disha men rahne vale vyakti ko nahin byahni chahie, varna ladki shadi ke bad duahkhi rahegi.
  • jis vyakti ke teve men chandrama khana nan. 11 men ho use apni ladki ka kanyadan suryoday ke samay nahin karna chahie varna bap-beti donon duahkhi rahte hain kyonki yah samay ketu se prabhavit hota hai.
  • surya, rahu v budh ki yuti teve men ho to jatak ki ek se adhik shadiyan hongi aur sabhi duahkhpurn rahengi.
  • agar surya khana nan. 6 men aur shani khana nan. 12 men ho tab bhi ek se adhik shadiyon ki sanbhavna rahti hai.

upay

grahon ki shanti v khushhal shadi ke lie niche likhe upay, grahon ke anusar hain. upay kanya dvara kiye jane chahie.

  • yadi teve men brihaspati kharab ho to shadi ke vakt kanya ko apne mata pita se sone ke do chaikor tukde lene chahie. ek apne pas rakhen aur dusra pani men bahaen. vajan kitna bhi ho sakta hai. kisi karan pas rakha tukda yadi kho jae to ek aur tukda apne man-bap se lena chahie parantu dusri bar pani men bahane ki avashyakta nahin.
  • yadi teve men surya kharab ho to surya ki dhatu yani tanbe ke do tukde uparyukt vidhi se istemal karne chahie.
  • yadi teve men chandrama kharab ho to uparyukt vidhi dvara sachche (2) motiyon ka istemal karna chahie. kisi karanavash moti n mil sake to sasural se ladki ke vajan ke barabar chaval ya fir chandi ke bartan men gangajal lekar sasural men rakhna chahie.
  • shukra ke teve men kharab hone ki avastha men safed rang ke do motiyon ka uparyukt vidhi se istemal karen.
  • kharab mangal ke lie lal rang ke do patthar ke tukdon ka istemal karna chahie lekin un pattharon men chamak nahin honi chahie.
  • yadi teve men budh kharab ho to do sipiyon ka uparyukt dhang se istemal karen.
  • kharab shani ke lie stenlais stil ke do chaikor tukdon ka ya fir surme ki daliyon ka upyog karen.
  • yadi teve men rahu kharab ho to chandrama ki madad len ya fir chandi ke do tukdon vala upay karen. dulhe ko apne sasural valon se nilam kisi bhi shakla men lena mana hai.
  • ketu ke kharab hone par brihaspati ki vastu yani sone ke tukdon ka upay karna chahie.
  • Kya aapko lekh pasand aaya? Subscribe
    Kya aapko lekh pasand aaya? Subscribe


    nakshatra visheshank  February 2013

    fyuchar samachar patrika ke nakshatra visheshank men nakshatra, nakshatra ka jyotishiya vivaran, nakshatra rashiyan aur grahon ka paraspar sanbandh, nakshatron ka mahatva, yogon men nakshatron ki bhumika, nakshatra ke dvara janmafal, nakshatron se ajivika chayan aur bimari ka anuman, gandmul sangyak nakshatra adi gyanavardhak alekh sammilit kie gae hain. iske atirikt hindu manyataon ka vaigyanik adhar, vastu paramarsh, vastu prashnotri, yantra samiksha/mantra gyan, gun jenetik kod ki tarah hai, damini ka bharat, tarapith, mahakunbh ka mahatmya, lalkitab ke totke, laghu kathaen, jaspal bhatti ki jivnktha, bachchon ko safal banane ke sutra, ank jyotish ke rahasya, man ka kainsar aur upchar v hastarekha adi vishyon par gahan charcha ki gai hai. vichargoshthi men vastu evan jyotish namak vishay par charcha atyant rochak hai.

    Subscribe

    Apne vichar vyakt karein

    blog comments powered by Disqus
    .